Skip to main content

MIPUITE TAN DAMDAWI MANTLAWM

MIPUITE TAN DAMDAWI MANTLAWM : Mipuiten man tlawm zawka Damdawi an lei atheihna tura Sorkar laipuiin ruahmanna a siam, Pradhan Mantri Bhartiya Jan Aushadhi Kendra (PMBJAK) hmanga Champhai District tana Champhai Town Multipurpose Cooperative Society (CTM-PACS)-in Generic Drugs Store a siam chu nimin zing khan Champhai District Senior Medical Officer Dr. R. Lallianmawia'n a hawng. Champhai Vengthlang Pu Chalbawia Building-a CTM-PACS Variety Store sira he Generic Drugs Store hawnna hun hi PACS Chairman HS Vanlalfakzuala'n kaihruaiin, Senior Medical Officer Dr R. Lallianmawia chuan, Sorkar laipui ruahmanna anga Champhai District mipuiten man tlawm zawka Damdawi an lei theihna tura Generic Drugs Store hawn a ni ta chu lawmawm a tih thu a sawi a. 'Nang malsawmna ni ang che' tih thupui a hmangtu Champhai Town Multipurpose Co-operative Society-in hetiang Dawr a hawng hi thil inhmeh tak leh mipui tana vanneihna rahbi thar a ni, a ti. SMO Dr. R.Lallianmawia chuan Generic Drugs S…
ni 11.10.2017 (nilaini)

CHAMPHAI VENGTHLANG BRANCH KTP TE CHE CHHUAK :
Vengthlang Branch KTP te chuan nimin khan Diamond Jubilee pualin Vengthlang Dawr dunga an railling siam rawng an hnawih.
Vengthlang KTP te chuan an Branch din champhaphak vawi 60 na Iawmna kal zelah nimin khan Vengthlang dawr dunga an railling siamte rawng an hnawih thar a Nizan hmasa khan Diamond Jubilee pualin Sports an neih pawh tanin Group hrang hrangte'n intihsiakna an nei a ni.
Vengthlang KTP te hian Diamond Jubilee pual hian ni 60 chhung midang tana malsawmna ni turin an thawk chhuak mek zel a, Home hrang hrang leh Hospital hrang hrangah te tanpuina te pein
Champhai zawl Tuipuiah Sangha chite an lo chhuah tawh bawk a. Tunah hian Mizoram huap Beat Contest buatsaih turin hma an la mek a ni.

PANDAL KHAWR PUM TA :
Zotlang a YMA General Conference Pandal sak hna chu ngawrh taka thawh chhunzawm chhoh zel a ni. Nimin khan Pandal chung khuh hna chu zawhfel a ni a, pandal hi khawr pum niin a chhung lam erawh khawih tur hmabak a la awm nual thung a. Ceiling khawih a nih rualin nimin vek khan thutthleng rem hna chu thawh nghal ani a; thutthleng hi puana tuam leh vek tur niin hei hi hnatlangpui neiin nikhat thil thua zawhfel tum a ni. Pandal sak hna hi contract-a thawktuten chhun Ieh zana an thawh reng bakah Zotlang Branch YMA chu nitin an hnatlang a. Nimin khan Kahrawt Branch YMA Ieh school thenkhat chuan hnatlangin Pandal sak hna hi an thawk bawk.
INSIAMTHAT NGAIHNAAH INSIAM THAT TUM :
Champhai District Football Association chuan nimin khan Football House-ah meeting an nei.
He meeting C. Huarikhuma, CDFA President kaihhruaiah hian Vanbawia Memorial 2nd Division Football Tournament neih zawh tak chu thlir let niin tluang taka tournament neih zawh a ni chu lawmawm an tih thu tarlangin insiamthat ngaihna laiah insiamthat ni se, an ti a. CDFA Football Academy din tura thu dah tawh hmalak zel dan tur sawiho niin a rangthei ang bera din ni se, an ti a, lo zir chianga bawhzui tur ruat an ni bawk. lnter District Sub Junior Football Tournament Champhai in a thlen turah October ni 19 khian Champhai District aiawh tur thlan tur a ni a, Kum 2003 leh a hnu lama piangte tan trial theih a ni ang. Hei bakah hian Baby  League Champhai in a thlen tur chungchang sawiho a ni bawk.

TLANGSAM YMA TE THLANMUALAH :
Tlangsam Branch YMA te chuan faina beihpui thlakna kal zelah nimin khan Thlanmual ram sam faiin hnatlang an nei a. Thlanmual Sub Committee kaihhruaina hnuaian Mitthi chhungte' n an chhungte thlan theuh an tih fai bakah thlan enkawltu nei tawh Io te an sam fai sak bawk a; hnatlang hian thawkchhuak an thahnem hle.

CHINI LEH BAWNGHNUTE PE :
MZP hqrs Champhai te chuan kum danga an lo tih thin angin nizan hmasa khan Champhai khawpui chhunga Study Camp hrang hrang awm te an tlawh a, zirlai te fuihna thu an sawi bakah career awareness an nei. Zirlai te hnenah hian chini leh bawnghnute an pe a, hun rem chang hmasa berah camp an tlawh hmantaklohte antlawh Ieh dawn niin MZP hruaitute chuan an sawi. 

ASIA RAM AH BER NIH TUM :
Mizoram khawpui fai ber intihsiaka lawmman pakhatna dawngtu Biate chuan Faina kawngah hma la chhunzawm zelin, India ram mai ni lo Asia khawmualpuia  small town zinga fai ber nih tumin theihtawp chhuahin tan an la chho mek.
Biate khawtlang hian tunah hian cleanliness week an hmang mek a, kum danga an lo tih thin angin Biate khuaa Veng hrang hrang 14 te chuan Veng fai ber nih tumin inélna an buatsaih leh mek a, Veng fai lawmman te hi UD&PA Department, Champhai ten an tumsak leh dawn a ni.


 BUHFAI PHURLUT TA :
Hnahlan to Selam khua a kawng chhiat vanga buhfai phurhluh theih loh chu ni 7.10.2017 atang khan PWD in theih tawp an chhuah avangin buhfai phur motor te an lut leh thei ta.

Comments