Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…
ni 18.10.2017 (nilaini)

YMA GENERAL CONFERENCE VAWI 71-NA TAN TA :
Nizan khan YMA Genenral Conference Vawi 71-na chu Champhai Zotlang Zokhawpui runah tan a ni ta.
Nimin khan Palai tam zawk chuan Conference thlenna tur Champhai Zotlang hi an thleng a, nimin 11:00 pm thleng khan Counter-a palai in report hi mi 3512 an tling tawh a, kawng laka rawn thang mek engngemaw zat an awm bawk. Conference thleng tu Champhai Zotlang Branch YMA chuan khawmpui hmang tura kal zawng zawngte Champhai Zotlanga thleng vek turin an ngen a ni.
Nizan khan Palai lawm inkhawm neih a ni a, Pu Vanlalruata, Vice President, Central YMA. in inkhawm kaihruaiin Pastor H. Lalnunmawia, Ruantlang Bialtu Pastor in hunserh a hmang a, Pu H. Darhmingliana,Vice Chairman, Organising Committee. hnen atangin Palai lawmna thusawi ngaithlak ni in, Tv. Lalhmachhuana, General Secretary, Central YMA hnen atangin Annual report ngaihthlak ani bawk.
Pu J.H. Rothuama, Bialtu MLA hnen atangin thusawi ngaithlak niin, YMA Chanchinbu la tha. Branch YMA Chanchinbu tha bakah Branch Fai lawmman sem a ni ang a, Hruaitu hlun chawimawina hun hman ani bawk ang. Pu Lalrochuanga Pachuau, Finance Secretary, Central YMA hnen atangin Finance Report ngaihthlak ani ang a, Zaipawl leh mimal zai ngaithlak a ni bawk.
Champhai Zotlanga neih tur YMA General Conference vawi 71-na hmanpui turin nimin chawhnu dar 1 khan Mizoram Chief Minister Pu Lal Thanhawla chu  New Champhai Helipad-ah a lo tum a. CM hi a thiannu Pi Lal Riliani leh Champhai North bialtu MLA Pu TT Zothansanga ten an rawn tawiawm a, Helipad-ah hian Champhai DC Pu Vanlalngaihsaka, IAS leh a thawhpui ten CM hi an lo hmuak a ni.
Ruahman dan chuan CM hian vawiin October ni 18 zan lama Vantlang Inkhawm chu Khuallian niin hun a hmanpui ang a. Ningani hian Aizawl lam panin a let leh dawn a ni

MIT NAUTE THLALAK CHHUNZAWM ZEL :
Bio Metric Enrolment chu vawiin atangin Champhai hmun hrang hrangah kalpui tan a ni leh dawn
Bio Metric Enrolment, Champhai a kalpui mek chu vawiin hian Champhai hmun hrang hrang ah chhunzawm leh a ni dawn a, Champhai Kahrawt, Govt Champhai College, Kanan, DC Office, Hliappui, Ngopa leh Hnamte Institute of Technology Champhai Venglai, Khawbung leh Khawzawlah neih ani ang a, Heng hmunah te hian ni 18 atanga October ni 21 thlengin neih a ni ang.

SCHOOL ENKAWLTU LUTE INHMUKHAWM:
Nimin khan Directorate of School Education leh DEO office bul tumin Govt. School tin Headmaster leh Principal te hnenah Training on Service Matter & Accounts neih a ni.

He hun hi Kahrawt Community Hall ah neih niin Pu C. Lalbiakzaua DEO & DPC RMSA chuan a kaihruai a, zirtirtu kal khawmte chu vawiina an zirlai te hi sawtpui ngei turin a sawm a, Office in a koh vanga kal ve ringawt ni lova, hmasawn ngei tum a thusawi te ngaithla chiang turin a sawm bawk a ni. Inhmelhriattirna a neih hnuah Resource Person Pu Lalmuankima, Superintendent, Directorate of School Education leh Pu Lalzamliana, Elementary Dept. te hnen atangin thusawi ngaihthlak a ni a, Pu Lalmuankima chuan Service Bu enkawl dan chungchang a sawi a, Service Bu hi sawrkar hnathawk te hnathawhnaa an nundan leh an chanchin chhinchhiahna bu a nih thu a tarlang a ni.
Pianni leh thla chiang taka service bu a ziahluh a pawimawh thu a tarlang a, ziahluh a nih tawh hnuah pianni leh thla hi thlak theih tawh loh tluk a nih avangin fimkhur a tul thu a tarlang a,
Pension chungchang pawh sawi langin Pension Case chinfel lawk theih lohna chhan tam ber chu Service bu a thil ziah luh dik tawk lo leh felfai tawk loh vang a ni thin a ni a ti a, a hun taka pension dawng thei tur chuan Service bu a fel tawk lo awm te chu Pension Rules, General Financial Rules leh Supplementary Rules te'n an sawi anga siam that vat tum tur a nih thu a tarkang tel bawk.
Heng bakah hian Resource Person te hnen atang hian Leave Rules chungchang te pawh ngaihthlak a ni a, sawrkar hnathawk te chawlh pe thei tu te tarlan a nih bakah Chawlh lak theihna kawng hrang hrang te tarlan a ni bawk.
Training ah hian High School atangin mi 14, Higher Secondary School atangin 3, Middle School atangin 40, Primary School atangin 18 leh DEO staff 5 te an kal thei a ni.

LIRTHEI PUN BELH :
September thla chhung khan District Transport Office ah lirthei 69 ziahluh a ni
Lirthei ziahluh te hi 2 wheeler 28, Car 9, Bolero 2, Truck 29 leh JCB 1 a ni a, lirthei ziahluh hnuhnung ber hi MZ 04 A 0608 a ni.
September thla chhung vek khan lirthei mihring phur chi atangin chhiah cheng 39,917 hmuh a ni a, bungraw phur lirthei atangin cheng 1,73,483 hmuh a ni a, Road tax atangin cheng 5,26,790 hmuh a ni a, MV Fee atangin cheng 4,92,830 hmuh niin September thla chhungin lirthei hrang hrang atangin chhiah cheng 12,33,020 hmuh a ni.

HMASAWNNA THAR :
Ni 14.10.2017 atang khan Champhai Mizofed POL ah Diesel Fleet Card hmangin a lak theih ta.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…