Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 26.10.2017 (ningani)

DC HOVIN HIV/AIDS CHUNGCHANG SAWIHO :
Nimin chawhnu dar 1 khan DC Conference Hall, Keifangtlangah District AIDS Prevention and Control Committee (DAPCC) chu Chairman Champhai DC Pu Vanlalngaihsaka IAS hovin an thu khawm. He hunah hian Champhai District chhunga HIV/AIDS dinhmun tlangpui thlirhona leh hmalak zel dan tur sawihona neih a ni a. Line Department hrang hrangte hnathawh, hmalakna leh mawhphurhnate sawihona leh enzuina neih nghal a ni bawk a ni.
Meeting chuan a tam thei ang ber HIV/AIDS chungchangah inhrilhhriatna neih nise a ti a. Hemi tur hian line department hrang hrang, Media, NGO leh khawtlang hruaitute thawkho zel tura hmalak nise a ti a. Meeting pawh thla thum dan zelah neih thin tawh nise tih a ni bawk.
District AIDS Prevention and Control Unit (DAPCU) Champhai District-in a tarlan dan chuan Champhai District chhungah kum 2011  atanga September 2017 chhungin thisen test 41,513 atangin za zela 3.23 chu HIV positive niin Nu naupai test 23,182 zinga za zela 0.71 chu HIV Positive an ni tih hmuhchhuah a ni. Kum 2013 atanga September 2017 thlenga HIV inkaichhawnna tlanglawn ber chu Mipat hmeichhiatna hman (51.40%)  niin hei hi State average 71% aiin a hniam zawk a ni. Tunhnaia inkaichhawnna darh chak ber chu inchiuna hriau leh syringe thianghlimlo hmanpawlh (42.9%) atangin a ni a, hei hi Mizoram pum average (30%) ai pawhin a sang zawk a ni. Thisen dawn (Blood Transfusion) hmangin kaichhawn a awm lo thung a ni. Heng bakah hian Nu atanga nautein a kaichhawn za zela 4 leh a chhan hriat mai loh za zela 1.80 te an awm bawk a ni.
Kum bithliah bikah HIV positive tam ber chu kum 25 atanga 34 ( 46.40%) an ni a. Hei hi kum 15-24 (22.15%); kum 35-49 ( 18.46%) ; kum 14 hnuai lam ( 4.5%) leh kum 50 chung lam ( 0.32%) ten an dawt a ni. Kumin January-September chhunga kai tam ber chu Kum 25-34 (43.82%) an ni.
HIV natna hrik hi khawvelah kum 1981 khan Los Angeles (USA) ah hmuhchhuah a ni a. India ramah chuan kum 1986 khan Chennai-ah hmuhchhah a ni a. Mizoram bikah chuan he natna hi kum 1990 ah hmuhchhuah a ni.  Kum 27 chhungin HIV/AIDS positive 14,632 (March 2017) an awm a, ART Inenkawlna centre a in register 10,835 an awm laiin in register ve lem lo/bibo 2,076 an awm anga chhut a ni bawk. HIV/AIDS vanga thi hi mi 1,568 an awm tawh a ni. Mizoram mihring za zela 0.81 ( ANC HSS 2014-15) hi HIV/AIDS vei an ni.
Meeting-ah hian Champhai khawpui chhunga sawrkar department hrang hrang aiawh, Dropping centre-a thawktute leh VC te an tel a ni.

POCSO DAN ZIRHO :
Nimin khan Champhai District Child Protection Unit (DCPU) bultumin Block BNRGSK Building, Khawzawlah Khawzawl RD Black Level Child Protection Committee an thukhawm a, Khawzawl BDO Lalremruata Sailo, MCS chuan Meeting hi a kaihruai a ni.
Chawhma lamah Khawzawl RD Block huamchhung khaw hrang hranga Village Level Protection Committee dinhmun leh kalphung te sawiho niin, Khawzawl Block huam chhunga khaw tam zawkah Village Level Protection Committee hi din ni mahse Committee ding tawh sa te pawh mumal taka kalpui an nih loh avangin khaw tinah Committee hi din thar leh nise an ti a. Committee hian an hmalak dante Monthly & Quarterly a Report pe turin ruahmanna an siam nghal a. Committee Member te tan POCSO Act leh Juvenile Justice Act chungchangah te Training leh Awareness Campaign buatsaih nise an tih bakah zirlai naupangte hnenah Awareness Campaign buatsaih nise an ti.
Chawhnu lamah Juvenile Justice Act, 2015 leh PDCSO Act 2012 te chu Lalsiammawii Legal cum Probation Officer leh R .Vanlalsawmi, Social Worker ten kalkhawmte zirtirna an pe a. Nimin Training-ah hian Khawzawl RD Block huamchhung khaw 36 atangin VCP te bakah MHlP President leh YMA President theuh te, Khawzawl Group YMA leh Khawzawl Joint YMA President te an tel a. Vawiin hian Khawzawl RD Block huam chhunga zirna in hrang hranga Nodal Teacher te tan Training an pe Ieh dawn a ni.
NUNGCHATE TAN RIAHBUK SUAL :
Tuipui leh Tiau luidung tlawhchhan YMA Branch hrang hrang chuan him taka sangha a fuan theih nan luidung duty insiamin kar hmasa chhung khan YMA Branch thenkhat chuan riahbuk sualin an veng a, YMA Branch thenkhat duty-na hmunah sangha a fuan mek.
Thawhlehni zan khan Tuipui lui pawhtu Arsi lui chhuahah nghalim fuanin, he fuan sum hi Leng Branch YMA te'n kar hmasa lam atangin an riah chilh a. Bungzung Branch YMA duty-na lamah erawh fuan suma fuan Iovin tuibakthlaah a fuan nia hriat a ni. Biate leh Khawbung Branch YMA duty-na Hmunte leh Tlaikuang hi chhuahah Thawhlehni zan thleng khan a la fuan lo a. Khawbung ram chhung Vawmkhum luiah niminpiah tlai atang khan a fuan a, niminah YMA duty te'n an vil chhunzawm a ni.
Thawhlehni zan vek khan Farkawn Branch YMA te Duty-na hmun, Tiau luia Harhva lui chhuah thlang, Libial bul kawrte chhuahah zan 4 an duty hnuin nghalim ho khat 30kg vel thim hlimah a fuan a, he fuansumah hian nimin thleng khan an fuan a ni. Tiau lui Libial bula sangha fuan hi quintal khat vel a tling nia hriat a ni.
Kuminah ruahtui a tam avangin Tuipui leh Tiau Iuidunga fuan-sum hrang hrangah sangha a fuan mumal lo a, tam tak chu tuibakthlaah a fuan nia rin a ni. Heng luidung tlawh chhan Jt YMA chuan November ni 15 ral hma chuan eng hmanraw hmang maha lui kal Io turin an inhriattir nawn a ni.

SELF HELP GROUP TE HNATLANG :
Nimin khan UD&PA hnuaia Elizabeth ALF te chuan Circuit House Compound tifaiin hnatlang an nei. UD&PA hnuaia Self Help Group te chu Group hrang hrangah thenin ALF pali (4) ah then an ni a, Group tinah Self Help Group tha zual thlan chhuah 10 zel awm in, heng group te hian hnatlangin sawrkar hmun pawimawh leh Vantlang hmun pawimawh lai te an tifai thin a, nimin pawh khan Eizabeth ALF te chuan Circuit House Compound a hnim leh bawlhhlawh awm te thlo faiin an hnatlang a, hnatlang hian mi 45 an thawk chhuak thei a ni. Elizabeth ALF hnuaia Self Help Group te chu : Zonu te SHG Jail Veng, Estheri SHG Kahrawt Vang, CPKZ SHG Banzar Veng, Hani SHG Kanan Vang, Pisgah SHG Kahrawt Veng, CRJL SHG Kahrawt Vang, Senhri SHG Venglai, NVL SHG Electric Vang, Chuai lo SHG Vengthlang N leh Ezra SHG Vengsang te an ni. 

NLUP SEM :
Nimin chawhnu khan 22 - Tuichang Bialtu MLA Lalrinliana Sailo chuan NLUP 3rd & 4th Phase a Vawk vulh thlangtu, Khawzawl khaw chhung a chhungkaw 56 te hnenah an vawk vulh tur vawk 3 theuhin a sem. Nimin piah khan Commerce and industries Department buatsaihin Community Hall, Khuangleng-ah NLUP 3rd Phase (Final lnstalment), 4th Phase (2nd lnstalment) leh NLUP-NEDP Convergenee ( lst lnstalment) East Tuipui Cluster huama beneficiary te hnenah tanpuina sem a ni bawk.

MI 232 TE INTIHSIAKNA :
Khawzawl Badminton Club buatsaih, Champhai District Badminton Championship, 2017 chu nimin khan. Khawzawl Vengthar YMA Hall-ah tan a ni a, Tournament hi Tuichang Bialtu MLA Lalrinliana Sailo chuan a hawng a ni. Champhai District Badminton Championship-ah hian Category 13 awmin lnrinni-ah khelh zawh a ni dawn a, Tournament-ah hian Junior 3 khel naupang 16 awmin hmeichhe team 8 leh Mixed Doubles-ah Team 10 an tel a, lawmmanah hian Trophy leh Certificate bakah pawisafai Rs. 45,000 sem ral a ni dawn a. Khawzawl, Champhai, Tualte, Chawngtlai leh Kawlkulh atangte in Player 232 he Tournament-ah hian an tel a ni. 

FINAL AITECHHINNA ZAN :
Champhai Vengthlang Branch KTP ten an Branch din champhaphak Vawi 60 na Diamond Jubilee lawmna pakhat atana an buatsaih Inter Branch KTP Beat Contest 1st Round chu nizan khan zawh fel a ni ta.
Nizanah Band 6 ten intihsiakna neiin Top 5 Result hi puan nghal a ni.
Top 5 a tlingte leh zanin an zai dan tur indawt :
1. Heavenly Immortalz
2. SoS
3. Theophilus
4. Former Glory
5. Immer Band
6. Lutchhuak
Zaninah hian hla Pathum hmangin intihsiakna hi an bei dawn a. Thawhkhatnaah hla 2 an sa nghal ang a, a thawh hnihnaah Kristian Hlabu a mi an sa leh dawn a ni. Zanin intihsiak a zawh hnuah Top 3 Result puan nghal a ni ang.
Zan dang ang bawkin a hmuna kal theilo te tan CCN 1 emaw Zonet Bawhbel LIVE a pekchhuah leh tur a ni.
Tin, Facebook-ah E͙b͙e͙n͙e͙z͙e͙r͙ ͙B͙e͙a͙t͙ ͙C͙o͙n͙t͙e͙s͙t͙ ͙ tih page leh Instagram ah E͙b͙e͙n͙e͙z͙e͙r͙b͙e͙a͙t͙c͙o͙n͙t͙e͙s͙t͙ ͙ tih hi min lo like sak ula.
Page a thlalak kan rawn upload te hi LIKE tu ngah ber hnenah Peoples' Choice Award Rs. 5000 + Citation hlan tur a nih avangin kan BAND tante tan theihtawp i chhuah ang u.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…