Skip to main content

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …
ni 31.10.2017 (thawhlehni)

RAN CHAW BAKA HMAN TLAKLOH BUHFAI SEM :
Tunhnaia Retailer-a buhfai thleng a chhiat em avangin Champhai khawpuia mimal buhfai zuarte'n an hralh chhuak tam hle.
Tunhnaia buhfai rawn thleng chu mihring tana ei tlak loh khawpa chhia a nih avangin retailer atanga buhfai Ia te pawhin an ei tur atan ni lovin an ran vulh, vawk leh ar ei atan an Ia tlangpui a. Thudawnna sawi danin Retailerah buhfai a tam hle a, buhfai awm te hi a chhiat em avangin dawrtu erawh an nei hleithei lo a, Retailer te pawh an mangang hle niin thu dawn a ni. Hetihlai hian buhfai ei tur khawlsa nei tawh Io te chuan Retailer dawr lovin mimal dawra buhfai zuartute chu ah pan nasa hle a. Tun hma zawng aiin dawr neitute chuan an buhfai hi a letin an hralh chakin an hralh tam tih an sawi a, dawrtu pawh a hma aiin an thahnem hle a ni tih an sawi bawk a ni. 

DC OFFICE TEN ZIRTIR :
Nimin khan DC Office Champhai buatsaihin Govt Champhai College zirlaite hnenah digital payment chungchang zirtir an ni.
He hun hi Champhai District Bawrhsap Vanlalngaihsaka IAS chuan kaihruaiin kan khawvel changkang zelah thil thar a lo chhuak ve zel a, tunlaiah chuan pawisa fai tel lo pawhin kan Bank hmangin kan duh duh kan lei thei tawh a ni, a ti. Vanlalhriatrenga chuan zirlai kalkhawmte hnenah Digital payment pawimawhna leh tangkaina chi hrang hrang a zirtir a, Bank Account leh Addhaar Card te, Mobile Number thlunzawm tangkaina sawilangin kan thlunzawm a nih chuan awlsam takin kan duh duh kan lei thei a ni, a ti. Kan chhungte pawisa kan thawn duh a nih pawhin Bank kal kher ngai lovin Digital payment hmang hian kan thawn zung zung thei a ni, a ti a. Application hrang hrang te awmin mahni phone atanga download mai tur a nih thu sawiin, zirlaite leh zirtirtute atanga zawhna awm te chu a chhang nghal a ni.
Hetihlai hian nimin vek khan Sorkar thuchhuak angin Vigilance week hman nghal niin zirlaite leh zirtirtute chuan rinawmna thutiam an la a, kan ram hmasawnna tithuanawptu leh Politics titawptu chu eirukna hi a nih avangin dam chhungin ka do ang a, eiru tu pawh ka do tlat ang, tiin thutiam an la a ni.

HNATLANG :
Nimin khan UD&PA hnuaia Gilgal ALF te chuan IIDC tifaiin hnatlang an nei.
UD&PA hnuaia Self Help Group te chu Group hrang hrangah thenin ALF paii (4) ah then an ni a, Group tinah Self Help Group tha zual thlan chhuah 10 zel awm in, heng group te hian hnatlangin sorkar hmun pawimawh leh Vantlang hmun pawimawh lai te an tifai thin a. Nimin pawh khan Gilgal ALF te chuan IIDC Compound a hnim leh bawlhhlawh te tifaiin an hnatlang a, hnatlang ah hian SHG atangin mi 3 zel thawk chhuakin mi 30 hnatlang in an thawkchhuak thei a ni.
UD&PA hnuaia ALF pali, Self Help Group hrang hrangte hian November thla chhung chu vantlang Ieh Sorkar hmun pawimawh lai te tifaiin hnatlang an nei thin dawn a ni.

THUNEITUTEN HMA LASE DUH :
lnrinni khan Jail Veng Branch YMA bultumin an area enfiah hnatlang neiin hmun thumah zu sak lai hmuchhuakin Zu bilhlai Barrel 7 leh Zem 6 an tichhia. Zu sakna bungrua eng emaw zat an senghawi sak bakah a mawhphurtu nia an hriatte Warning an pe nghal. Thudawnna sawi danin heng factory te hi Kanan Vang Nikang leh a bul hnaia zu zuarte nena inkungkaih ni ngeia rin a nih bakah Nikang leh a bulhnaia langsar taka phalna neilo zu zuar leh anmahni dawrtu nunphung mit tikham tak, khualzin veivak Ieh helai paltlangtute hmuh tur awm reng chu Champhai District hmel tibaltu a nih avangin a veng neitute leh thuneituten thianfai se a duhawm tak zet tih thudawnna chuan a sawi bawk. 

LUTCHHUAK BAND MEMBER TE TNT CHHUAK ROPUI :
Mizoram pum huap Ebenezer Gospel Beat Contest Champhai Vengthlang Branch KTP  buatsaih kar kalta Zirtawpni zana zawh taka pakhatna 'Lutchhuak‘ Chaltlang Branch KTP atanga telte chuan mimal lawmman an lak Best Guitarist - Vanlalchhana; Best Drummer - Samuel Vanlalruata leh Best Bassist - Albert Lalduhsaka ten an pawisa dawn chu a zan la la in TNT MZ Home, Champhaia chhanchhuah ngaite tan an hlan nghal tih thu kan dawng.

ZPM VC HMASA BER DING :
 Champhai Zion Veng chuan Zoram People's Movement VC an din thar a. VCP-ah PB. Lalchenpuia, ZNP; Vice President ah B. Zohmangaiha, ZPM Ieh Treasurer ah Biakhmingliani, ZPM te niin Mizorama ZPM VC hmasa ber a ding ta tih thu kan dawng. 

TUIALHTHEI DINHMUN :
Petrol : Service Tanky (65.98)
Diesel : Sen rual (55.87)

Comments