Skip to main content

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …
ni 5.10.2017 (ningani)

ZU MAN HNEM :
Champhai Excise & Narcotics Department te chuan tunhnai thla thum chhungin MLPC Act hnuaiah thubuai 41 ziak lutin mi 28 an man.
Champhai District Excise & Narcotics Department te chuan tun hnai thla thum chhung July, August leh September thla chhung khan Rakzu litre 1104 an man a. July thla khan litre 819 an man 3, August thlaah litre litre 49 manin September thla khan litre 164 an man hawk. Zu bilh lai Tin 76 manin July thla khan Tin 32 an man a, August thla khan Tin 20 manin Spetemher thla khan Tin 24 an man bawk. lMFL bottle hnih leh Beer can 12, July thla khan an man a, August leh September thlaah erawh man an nei lo thung a. September thla khan Ram dang Beer can 534 leh Zu bilhna dawidim Gram 200 an man a, July leh August thlaah erawh man an nei lo thung a. Pot 14 man hawkin July thlaah 9 manin August thlaah 2 leh September thlaah 3 an man hawk. MLPC Act hnuaia thubuai an ziah luh 41 zinga thuhuai 14 te hi July thlaa ziahluh niin, mi 11 an man a. August thla chhungin thubuai 9 ziah luh niin mi 7 an man a, September thla chhungin 18 ziah luh niin mi 10 man a ni bawk. Champhai District Excise & Narcotics Department te hian thla thum chhung khan Heroin, No.4 Gram 126.460 an man a. July thla khan Gram 80.860 an man a, August thlaah Gram 33.600 leh Septemher thlaah Gram 12 an man bawk. Ganja kung 4127 ti chhe bawkin July thlaah kung 955 an tichhia a. August thlaah kung 3172 an ti chhe bawk a. ND&PS Act hnuaiah thubuai 34 ziak lutin mi 29 an man a. July thla khan thubuai 12 ziak lutin mi 12 bawk an man a. August thlaah thubuai 14 ziak lutin mi 9 an man a, September thlah thubuai 8 ziak lutin mi 8 man an ni bawk.

RALNA HUN HMANG DAWN :
District AH & Vety Office, Champhai chuan vawiin hian Kahrawt Veng Community Hall ah kum 2016 PRRS hrileng vanga vawk thi ralna leh zangnadawmna an sem dawn. Thu dawn danin PRRS hri lengvangin nikum khan Mizoram District 6-ah vawk a thi nasa hle a, NLUP dawngtu chhungkua 1839 te vawk 5812 lai a thi a Champhai ditrict bikah chuan NLUP dawngtu chhungkaw 1071 atangin an vawk 3512 thi te hnenah ralna sum hi vawiin hian hlan a ni dawn a. Vawk note leh a thanglai Rs. 500 leh a puitling Rs. 1000 zela ral a ni ang. PRRS natna hri hian Champhai district hi a man nasa ber a, vawk thi ralna sum sem chhuah tur hi avaiin Rs. Nuai 21,90,500 a ni ang. 

OFFICE ENDIK :
District Cleanliness Committee, Champhai in Faina Hapta hman meka Sorkar Pisa fai endik tura a ruat angin MJA Champhai District chuan nimin khan pisa fai an endik. Hetihlai hian sorkar pisa thenkhat office hour chhunga fai endik tura thawktu awm lo hmun thenkhata an awm chu thalo an tih thu an sawi.

PANDAL SAK HNA A CHANVE PAWH LA ZO LO :
October 17-19, 2017 a Champhai Zotlang Branch YMA in YMA General Conference vawi 71 na a thlen tura Pandal sak hna chu kalpui mek a ni. Fur ruahtui tla-in hnathawh a tih khaihlak thin avangin Pandal satu Chakeshawari Tent House Silchar chuan Pandal bik, sak hna hi 30% vel an thawk tawh a. Tunhnai a ruahsur Ieh thliin a nuai vangin Pandal chung Silpaulin engemawzat a hawk bawk. Pandal hi mi 10000 leng thei tura duan niin, a dung feet 190 leh a vang feet 160 a zauva sak a ni a. Pandal hi Chhimlam atanga luh tura sak a niin, PHE Department chuan mipui inthiarna (Zun in, Ek in leh Tuisik thianghlim in tur) Tui an siam tawh bakah hmun sang zawk atanga Thingpui pekna tur pipe an fit fel tawh a. Variety Programme neihna tut 'Mangkhaia Hall' chu chei mek a ni bawk. Pandal satu Chakeshawari Tent House Silchar hian Rs 16,00,000 (Cheng Nuai 16) velin an thawk a, hna an tan tlai bakah thawktu an tlemin, Pandal chung chanve pawh khuhhul kim ala ni lova. Fur ruahtui in a tihbuai bakah hnathawhna hun Ni 10 veI chauh a awm tawh vangin chhun zan zawm a an thawh loh chuan duh thusam a zawhfel hman Ioh palh a awm theih thu dawn a ni. YMA General Conference panna kawngpui, a bikin Seling Ieh Champhai inkar kawngpui chhe zual chu PWD Highway leh Contractor-ten chei that hna thawk mekin, niminpiah atang khan Keifang Quarry-ah Iunglakna khawl a bun bakah kawngpui kama lung chhawpsa hmangin kawngpui chhuat khuar Iaite hnawh that mek a ni a. Rokhawlhna dang a awm loh chuan tunkar chhung hian kawngchhe zual chu zawhfel hman an inbeisei thu dawn a ni a. Chak zawk a hna thawh anih theih nan Champhai leh Aizawl inkara ritphur Iirthei lian chite tlan dan tur pawh duan a niin, Champhai Ieh Aizawl inkar Maxicab service tam ber pawh Serchhip Iamah an tlan mek a ni.

LUIAH SANGHA MAN KHAP :
Joint YMA Ngopa chuan an huamchhung Iuiah Sangha man an khap thu an sawi. Kum danga kan lo tih thin angin Sangha fuan hunlai leh a no thanlen hunlai October hi 1 atanga April ni 30, 2018 thleng Ngopa khaw ram lui reng rengah leh a fintu kawrah Ieh khawdang nen a kan Iui intawm Tuiphal lui ah hmanrau eng chi pawh hmang mah phal a ni lo. Sangha man phal a ni lo tih thuchhuah siamin an tarlang a tumah Sangha hi man phal Ioh hun chhunga manlo turin mipuite ngenin Man phal Ioh hun chhunga thu awihlo manlui an awm a nih chuan an chungah engpawh thleng se an mahni mawh a nih tur thu an sawi bawk. 

Comments