Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 9.10.2017 (thawhtanni)

YMA GENERAL CONFERENCE THLENNA ATAN SUM THAWH TLINGKHAWM NUAI 163 :
Champhai Zotlang Branch YMA in YMA General Conference vawi 71-na,  October 17-19 inkar chhunga a thlen tur Pandal sak hna kal mek chu Inrinni khan Chamnphai DIPRO leh Champhai District MJA ten an tlawh a. Inrinni thleng khan inkhawmpui thleng tura inbuatsaihna 75% chu zawhfel anih tawh thu leh karleh tawp lam hian Pandal hlanna neih tum anih thu Organising Chairman hnen atangin dawn a ni.
YMA General Conference Organising Chairman Pu H.Laltuliana chuan DIPRO leh MJA te hi lo dawngsawngin, YMA General Conference thlenna tura pandal sak mek chu harsatna dang a awm loh chuan karleh Nilaini hian zawhfel tum anih thu leh mi 10000 thut theihna tura duan Pandal,  a dung feet 190 leh a vang feet 160 chu cheng nuai 16 sengin Chakeshawari Tent House Silcha an thawh thu a sawi.
Amah kawmtute zawhna chhangin Organising Chairman chuan Champhai Zotlang huamchhung kawngpui siamthatna atan Mizoram Chief Minister-in NEDP atangin Cheng nuai 100 a pe a, hemi hmang hian PWD te chuan Black Top hna an thawh thu te,  Pandal hmunhma cheibawlna leh Conference thleng tura inbuatsaihna atan Champhai South MLA fund Cheng nuai 10, Mizoram MP (LS) leh MP (RS) ten MP Fund Cheng Nuai 10 ve ve, Champhai North bialtu MLA in MLA Fund Cheng Nuai 5,  Home Minister in BADP Fund Cheng Nuai 18 leh Sports Minister-in Cheng Nuai 10 an pek thu sawiin,  a vaia sum an dawn tur hi Cheng Nuai 163 anih thu leh fund thenkhat erawh anla dawnkim loh thu a tarlang.  
Champhai leh Aizawl inkar kawng thawm that hna chu karleh atang hian beihpui thlak chhunzawm a ni dawn tih sorkar atanga thu an dawn tawh bakah, New Champhai leh Zotlang inkar kawng siam mek pawh karleh chhungin a chhe zual lai zawhfel hman a beisei tawh thu Organising Chairman chuan a sawi tel bawk.  Pandal-ah hian vantlang inkhawm, rorel leh inthlan neih a ni ang a, Variety Programme chu Mangkhaia Hall-ah neih tur a ni thung a,  Hall hi chei mek anih bakah Pandal satute hian Sunday pawh chawl lovin chhun leh zan zawmin an thawk a ni.

HOSPITAL BUL ENG ZUAL ZEL :
Ni 7.10.2017 tlai dar 5:00 khan Champhai District Hopitak kianga Eng thami chu Champhai District MJA president Pu C.Lalhnunpuia'n a hmehkhep hmet engin a hawng ta.
He Eng   hawnna inkhawm hi Er.Lalthanglura Sailo, EE, Champhai Power Division in kaihruaiin Hospital a damlo, Hnathawktu, damlo kantu leh damlo  awmpuituten zan lamah Eng tha an mamawh vangin sum tam tak sengin Power Dept. chuan a dah tih a sawi.
He street Light ruangam atan hian thir tha chi (galvanised Angle Iron) hman a niin metre 18.50 (feet 60 vel) a sang a niin a ler/chhip ah Eng LED 90W hlir pariat (8) vuah a ni a. Power a hman zawng hi 720W a niin Hospital tual vel a en hneh hle.
Champhai Dist.  hospital in rikrum leh hmanhmawh thila a mamawh em em Hospital kawta ENG THA CHI dah ani an lawm em em tih Dr J.Lalramchhuanga'n sawiin Power Dept.chungah  lawmthu a sawi.
He hunah hian SE POWER, Er.F.Lalrinpuia, Med.Supt.Dr Lalnuntluangi te bakah MJA Member leh dept.pahniha a thawktute an tel tha hle

CHAMPHAIAH SYNOD HOSPITAL DIN NIRAWHSE:
Mizoram Presbyterian Kohhran Inkhawmpui lian ber dawttu Presbytery chu hmun hrang hrangah neih niin nizan khan a tiak ta.
Champhai North Presbytery : Nakkum ah Presbytery Inkhawmpui hi Venglai Presbytery Kohhran ah nghah tur a ni a. Moderator atan Pastor R. Vanlalruata, Vengthlang Bialtu niin Secretary  (Sr) Upa Ralkapzauva leh Secretary  (Jr) Upa F. Lalhunruata; Finance Officer ah Upa V. Lalthlamuana leh Statistician atan Upa PB Lalzinga te ruat an ni a. Kohhran 9 ten Kohhran Upa thlan an dil angin phalsak niin Pro. Pastor Lalremliana Colney chu Kum 2018 Synod a nemngheh dilpui nise, Synod in Secular College din rawtna te, Puitling Sunday School ah zir kum tarlan te, Synod in Kohhran Pavalai Pawl kaihhruaina mumal siam rawt thu te. MSSU Committee a thlen turin MSSU Inkaihhruaina 2015 siam that te, Upa thite chanchin ziahna form siam leh bawlhhlawh paih leh sawngbawl dan tha zawk Presbytery huapa inzirtir te an rel.
Champhai South Presbytery: Kum 2018 ah Kelkang Kohhran ah neih turah Puipate : Moderator : Upa Rochungnunga; Secretary  (sr) Upa Lalrinawma; Secretary  (Jr) Upa PC Vanlalliana; Finance Officer Upa Dr R. Lianmawia leh Statistician Upa Zokhuma te an ruat. Upa thlan dil Kohhran 4 te phalsak an ni a. Champhaiah Synod Hospital din te, Synod Minute Bu hi Upa inkim siam nise, Upa thi sunte Presbytery Minute Bu ah ziah lan ni se tih te an rel.

NUNGCHA HUMHALH :
Tlangsam Branch YMA ta chuan luidung nungcha humhalh bawhzuiin Zirtawpni khan Tiau Luiah Sangha chi thahnem tak an chhuah a. Central YMA atanga luidung nungcha humhalh poster tarna tur pawisa an dawn atangin Poster an tar bawk. Tlangsam Branch YMA ta hian tun hmaa Tiau luia sangha man tur awm mumal tawh lo chu Tlau lui an humhalh atangin len leh nghakuai hmang pawhin chhungtlai man tur a awm tawh tih an sawi a. Tiau Iuiah hian Len leh Nghakuai bak hmanraw dang hmanga nungchate man leh tihhlum an khap tlat a, October thla chhung hian hmanrua eng chi pawh-hmanga Lui dunga nungcha man an khap tlat thu sawiin nghafuan veng hian YMA Section hrang hrangte a inchhawkin an‘ duty dawn bawk a ni.

CHAMPHAIAH AH & VETY DEPARTMENT-IN NLUP TANPUINA SEM CHHUAK :
Inrinni chawhma khan AH &Vety Department buatsaihin District AH &Vety Office tualah   NLUP hnuaia Vawk vulh thlangtute hnenah 3rd & 4th Phase atana dawn tur Vawk te sem a ni.
Semna pual Programme tawi buatsaihah District AH&Vety Officer Dr.M.Zohmingthangi chuan thusawiin sawrkar flagship programme NLUP hnuaia Vawk te semte chu hrisel tha Doctor-te endik vek a ni a ti a. Vawk te dawngtute chu ti riral mai lova tha taka enkawl turin a fuih a. Vety Department leh ran vulhtute chu inngheng tlat an ni tiin harsatna leh buaina an tawh chuan  mithiamte rawn nghal vat thin turin a chah a. Vawk vulh chu eizawnna tlak anih theih nan mumal taka chaw pek leh hri danna te ngaipawimawh a tul thu sawiin vawk sa hrisel leh vawknote tam zawk tharchhuah kawnga kan lo intodelh theih nan theihtawp chhuaha tan la zel turin a kalkhawmte chu a chah bawk a ni.
District AH&Vety Department Champhai hnuaiah hian NLUP 3rd&4th Phase-ah Piggery Trade (Vawk Vulh) thlangtu Beneficiary 1,023 an awm a. Inrinniah hian Dinthar, Electric, Bethel, Venglai, Chhungte, Vengthar, New Champhai leh Zion Veng atangte a kalkhawm beneficiary mi 129 te hnenah Vawk te 570 sem chhuah a ni.
Mi 61 te hnenah Vawk te paruk (6) theuha sem niin Mi 68 te hnenah Vawk te pathum (3) theuha sem a ni bawk. Inrinni thlengin Beneficiary 354 te hnenah Vawk te 1,686 sem chhuah tawh a ni a; heng bakah hian Beneficiary 669 te hnenah Vawk te 3,576 la sem chhuah leh tura ruahman a ni.


 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…