Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 6.10.2017 (zirtawpni)

RUIHHLO AN MANSAK AVANGIN INAWKHLUM :
Mizoram Police leh 10 Assam Rifles tangkawp-ten niminpiah tlai thim dawn khan Zokhawthar daifem a in pakhatah Heroin Hawng 19 leh Meth Mum 5800  an man a. Heng ruihhlo neitu a puh zinga mipa zawk chu nimin zing dar 5 vel khan Champhai Police Station Lock up-ah inawkhlum a hmuh a ni.
Champhai Police hotute hnen atanga thu dawn danin, J. Lalnunmawii, 38 d/o Nobilthanga, Zokhawthar inah hian heng ruihhlo te hi man a niin, ruihhlo man tak kaihhnawih hian J. Lalnunmawii, 38 d/o Nobilthanga, Zokhawthar leh Rohungliana, kum 37 s/o Nokulha, Khawmawi (Myanmar) te chu man an ni a. Nizan hmasa  dar 8 khan Champhai Police Station-ah ND&PS Act tlawhchhan thubuai ziahluh a nih bakah Rohungliana hi 14 Foreigner Act hmanga thubuai awrhtir tel a ni bawk.
Rohungliana hian Lock up chhunga Blanket tlang chu pawtthler-in, Lock up kawngka thirah a hling a, Police duty-te hmuh loh Iai takin nimin zing dar 5 vel khan a in awkhlum a. Rohungliana hian a nupui leh fa pahnih a thihsan a ni. Champhai Police bakah Judicial Magistrate leh District Magistrate ten tih tur tul leh pawimawhte an tihfel hnuah Rohungliana ruang hi nimin chawhnu khan Champhai District Hospital-ah Postmortem niin, a ruang hi Khawmawi panpui nghal a ni.
Ruihhlo man tak hlut zawng hi a vaiin Cheng Nuai 21.18 man a ni a. Heroin hawng 19 man hi Cheng Nuai 9 leh Sing 5 niin, Methamphetamine mum 5800 hlut zawng hi Cheng Nuai 11 leh Sing 6 man 3 hi thung.

NLUP DAWNGTUTE HNENAH TANPUINA SEM :
Nimin chawhma khan Kahrawt  Community  Hall, Champhaiah Agriculture Department chuan  NLUP 3rd & 4th Phase beneficiary-te hnenah tanpuina an dawn tur 2nd  installment a sem a, he hunah hian bialtu MLA Pu TT Zothansanga chu khuallian a ni. 
Pu TT Zothansanga chuan Agriculture Department  hmalaknaa NLUP hnuaia  3rd  & 4th Phase Second  Installment sem a ni chu lawmawm a ti a. NLUP chu sawrkar flagship programme anih thu leh a dawngturte pawh fimkhur taka NGO-te nena baseline survey neia thlanchhuah an ni a, tumah duhsak bik an awm lo, a ti a. A hlawhtlin leh tlin loh enzuina monitoring pawh mumal taka kalpui anih thu sawiin a titha duh lo mi engemawzat chu hrem an ni tawh a ni, a ti a. NLUP chu kalpui zel tur anih thu sawiin tih tak zeta hnathawkte , rahbi tleu leh tangte chhawmdawl zel nan NEDP (New Economic Development Policy) siam a ni, a ti bawk. Champhai North bialtu MLA chuan Aizawl- Champhai kawngpui chu kumin March ni 31 atang khan BRTF hnen atangin Mizoram PWD kutah  hlan a ni, a ti a; kumin ruahtui tla nasa avanga siamna hun a awm loh mai bakah lirthei lian engemaw zatin an zawh ve reng vangin a chhiat phah thu a sawi a. Siamtha turin sawrkarin theihtawp a chhuah thu sawiin Keifang Quarry atanga lung lain kawng tluanin siam tha tur camp-te siam a ni a, YMA Conference hma ngeia thawmthat tura chak taka hmalak mek a ni a ti. Aizawl- Champhai kawngpui Double lane-a siamna tur pawh DPR peihfel vek tawh chu sawrkar laipuiah thehluh a ni a, an pawm ve leh hna tan nghal anih tur thu a sawi bawk. Sawrkar hnalak chungchangah dik taka kalpui anih thu tarlangin a tling leh chhawrtlakte chauh lak anih theih nan advertisement felfai taka siam a ni tiin MPSC kaihhruaina hnuaiah hnalak dik taka kalpui thin a ni a ti bawk. NLUP dawngtute chu tanpuina andawn hmang tangkaia hlawhtlinna chang theuh thei tura tan la zel turin a fuih nghal a ni.
NLUP semna inkhawm hi Pi Zosangzuali Pachuau, Project Director, DRDA Champhai in a kaihruai a. Pu James Vanlalluaia, District Agriculture Officer (DAO), Champhaiin report a pe a, Pu B. Lalhmuchhuaka, SDAO-in lawmthu sawina hun a hmang bawk a ni.
Nimin NLUP tanpuina sem chhuah zat hi a hnuaia table ah hian tarlan a ni.
1. Third Phase
No of Village
 No of Beneficiaries
WRC-I (Leilet)
WRC-II (Terrace)
SUGARCANE (Fu)  
Total
86
450
295
9
754
2. Fourth Phase
No of Village
No of Beneficiaries
WRC-I
WRC-II
SUGARCANE
TOTAL
83
196
148
5
349
Nimin  tanpuina semchhuahte hi Trade chi hrang hrang 3 atanga beneficiary thlanchhuahte an ni a, 3rd & 4th  Phase second installment pekchhuah an nih dan hetiang hi a ni :
1.    WRC-I  thlangtu mi 646 hnenah Rs 64,000/- theuhin sem a ni.
2.    WRC-II thlangtu mi 443 hnenah Rs 52,000/- theuhin sem a ni.
3.    Sugarcane  thlangtu mi 14 hnenah Rs 36,000/- theuhin sem a ni.
 3.    NLUP-NEDP Convergence
No of Village
No of Beneficiaries
WRC-I
WRC-II
SUGARCANE
TOTAL
17
19
11
      -
30
NLUP-NEDP Convergence  tanpuina semchhuah te hi Trade chi hrang hrang 3 atanga beneficiary thlanchhuahte an ni a, Sugarcane thlangtu pahnih (2) in sumfai dawng lovin khawl an dawng thung dawn a ni. Sum pekchhuah an nih dan hetiang hi a ni :
1.    WRC-I thlangtu mi 19 hnenah Rs 60,050/- theuhin sem a ni.
2.    WRC-II thlangtu mi 11 hnenah Rs 63,000/- theuhin sem a ni.
4.Tanpuina sum semchhuah zawng zawng:
a) WRC-I   - Rs 424.84 lakhs
b) WRC-II  - Rs 237.84 lakhs
c) Sugarcane - Rs 5.04 lakhs
Grand Total-  Rs 667.23 lakhs
5.Beneficiary zat
a) WRC-I 665
b)WRC-II 454
c) Sugarcane – 14
Grand Total  - 1133
NLUP dawngtu kohkhawmte hi Champhai, Ngur, Zotlang, Tlangsam, Zote leh Hmunhmeltha a mi te an ni a. Hemi rual hian Khawzawl, Khawhai, Kawlkulh, Ngopa, Vaphai, Khuangleng leh Hnahlan-ah te pawh NLUP tanpuina hi sem chhuah ani ve bawk. Tanpuina sum hi NLUP dawngtute Bank Account theuhah Direct Benefit Transfer hmanga thun a ni. Dawngtute chuan payment slip nimina sem hmangin an la chhuak thei dawn a ni.

RALNA HUN HMANG :
Nimin chawhnu khan AH & Vety Department buatsaihin vawk natna chi khat Porcine Reproductive and Respiratory Syndrome (PRRS) vanga Champhai District-a kum 2016 chhunga NLUP vawk thi 3,512-te ralna Kahrawt Community Hall, Champhaiah neih a ni a. He hunah hian Champhai North bialtu MLA TT Zothansanga chu khuallian niin ralna sum hi a dawngtu turte hnenah a hlan a ni. Khuailian TT Zothansanga chuan Vawk thi ralna hun hman a ni chu thil dangdai tak, tun hmaa ta awm ngailo a ni, a ti a. PRRS natna vanga Vawk chante chu thinlung taka a tawrhpui thu sawiin an tawrhnate chu sorkarin a hriatpuia, tanpui an ngaihna Ieh an kal zelna turah a tawiawm zel dawn a ni, a ti.
Dr M. Zohmingthangi, District AH & Vety Officer pawhin thu sawiin PRRS vanga Vawk thite zangnadawmna atan hian sorkar laipuiah pawisa dil a ni a; mahse an pek theih tawh loh avangin hmuh a ni lo a ni, a ti a. C.Ngunlianchunga, Minister AH&Vety. hmalaknain Mizoram sorkar chuan vawk thite ral nan hian cheng nuai sawmthum a pek thu a sawi a. He sum hi zangnadawmna anga, ran thi hlutna anga chhutchhuah a ni pha Io va, amaherawhchu Mizo te’n chhiat tawkte kan in ngaihsaka kan inral thin anga daih zau zawk tura sem a ni, a ti bawk.
AH & Vety department chhinchhiah dan chuan Champhaiah hian NLUP dawngtu chhungkaw 1,071 atangin vawk thi 3,512 a awm a. Vawk thite hi a note leh thanglaiah Rs 500 theuh leh a puitlingah Rs 1000 theuha ral an ni a. Mizoram District parukah PRRS natna hi nikum khan a Ienga, heng zingah hian Champhai hi PRRS tuar nasa ber a ni a. Chhungkua 1,839-in an Vawk 5,812 lai an chan a ni. Vawiina vawk thi ralna sum sem chhuah zawng zawng hi a vaiin cheng Nuai Sawmhnih pakhat Singkua leh Zanga a ni. Nimin programme hi Dr M. Zohmingthangi, District A.H &Vety. 0ificer, Champhaiin a kaihruai a. Dr C.Lalsawithuama, Chief Veterinary Officer in lawmthu sawiin hun a khar a hi.

FAINA HNATLANG NEI :
Hmunhmeltha Branch YMA kumthar thlirna meeting-in a lo rel tawh angin nimin khan an Branch dinchamphaphak vawi 54-na pualin vengchhung thenfaihna an thawh bakah YMA Park sam faiin hnatlang an nei a. Hnatlang hian YMA Member 126 an thawk chhuak a, Hmunhmeltha Branch YMA hi Kum 1963 October ni 5 khan din tanniin tunah hian member mipa 501 leh hmeichhia 119, YMA Member 620 an awm mek a. Kum 1998 khan Ruihhlo laka fihlim ber lawmman dawng tawhin Kum 2000 khan vengfai ber lawmman an lo dawng tawh bawk. 

HIGH SIKUL INFIAMNA TUR NGAIHTUAH :
Niminpiah tlai khan khan Dy.DPC RMSA Office District H/S Sports Committee an thukhawm a. 35th Mizoram Secondary School Games, 2017 October 31 atanga 3rd Nov.2017 a neih tur chungchang an ngaihtuah a. He huna Champhai District aiawh tur School naupangte leh hruaitu tur Discipline hrang hrang incharge te nena inhmuhkhawm dan tur leh inbuatsaih dan turte an rel nghal bawk. RMSA buatsaih hian Govt Champhai High School-ah vawiin hian Kala Utsav 2017 neih a ni bawk ang. 

KAWNGCHHIA NEIHDAWN MIPUITEN TUAR :
Kawng chhia avangin Neihdawn khuaa pick up neitute chuan nawrh an huaihawt.  Niminpiah atang khan Pick up Owners' Assn hian nawrh huaihawtin Khawzawl leh Neidawn inkar kawng, PMGSY hmanga siam chu a chhiat avangin lirthei tan a him lo hle a, sim that a nih hma chuan tlan tawh rih loh an tum tih lirthei neitu pawlte hian an tarlang a. Kawng in black top a la ni lo va, ruah surah chuan a nal hle a ni. He kawng hi Neihdawn khua-in chak a lakna ber a ni a, lirthei neitute nawrh avang hian Neihdawn khuaah hian mipui nunphunga khaihlak nghal hle a. Hetihlai hian nimin khan VC hmalaknain he kawng hi tlawmngaiin a chhe zual lai siam that ni tih thu kan dawng bawk.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…