Skip to main content

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…
ni 14.11.2017 (thawhlehni)

TRACTOR 6 LONEITUTE HNENAH SEM :
LONEITUTE HNENAH TRACTOR SEM CHHUAH A NI
Nimin chawhnu khan Champhai DAO office ah Loneitute tana hman tur tractor 6, Custom hiring centre thlan thar 6 te hnenah DAO James Vanlalluaia'n a sem chhuak.
Champhai District ah hian Custom hiring centre 14 hnenah tractor pek tawh a niin tractor pakhat manah sorkarin cheng Nuai 9 leh sing 5 a tum sak a.A bak za a panga vel loneituten an tum ve a. Nimin a tractor 6 pek chhuah nen Champhai dist.ah zau hrang hrang 20 ah tractor an pechhuak ta a. Mizorama Zau leh tractor pekchhuah tam berna dist.ani tih DAO chuan a tarlang.
Heng tractor te hi Loneituten in hmantawmin a senso, siamthatna  leh driver hlawh te chu loneituten an tum a. Man tlawm zawkin leilet siam hna an thawk thei ta a ni.
Agriculture department a thawktuten an sawi danin Champhai district Sq.km 3085 a zau ah hian Leilet atana siam theih ram hectare 8697 a awm mek a.Heta tang hian s zahve vel chauh leilet a siam a niin siam hmabak ala tam hle.
Nimin a tractor semchhuah hma hian DAO Conference hall ah Loneitute tan thil kalphung inhrilhhriatna hun hman a ni a.Sum enkawl dan leh Zau inenkawl dan te in hrilhhriat ani a. Zau khatah member 20 aia tam lo awm tura ruahman a nih laiin member 50 awmna te pawh an awm a. Loneitu tam takin he hamthatna hi an la dawng phak lo ani.

TANPUITUIN MIPUITE TANPUI THA :
Nimin khan Champhai District chhunga Police-ten Champhai Police Station Conference Hall-ah Third Quarter Crime Review Meeting an nei a. SP Charge lamektu Addl. SP Pu VL Lura chuan he thutkhawm hi kaihruaiin, Champhai District chhunga Police Officer-te an kal tha hle.
Kumin Jan-Oct. thla chhungin Champhai District-ah dan bawhchhiatna (IPC &Non IPC) thu buai 181 ziahluh ni tawhin, nikum a thubuai ziahluh 218 aiin case 37 a a tlem zawk thu he thutkhawmah hian tarlan a ni.
Hun inangah nikum khan IPC Case 160 ziahluh anih laiin kumin hian 81 chauh a awmrih thung a.Rukruk Case bikah nikumah thubuai 86 ziahluh anih laiin kuminah Case 39 chauh ziahluh niin,  case 47 laiin in a tlem zawk a. Champhai khawpui chhunga Darkar 24 chhung TANPUITU Bike Service hian sualna do-kawngah nasa taka a thawh thu he hunah hian tarlan a ni.
Hetih rualin thubuai dang POCSO leh ND&PS Case bikah erawh nikum lam aiin a thubuai ziahluh a sang zawk thung a. Naupang chunga hleilenna leh Ruihhlo kaihhnawih-ah (Jan-Oct) thla chhungin nikum khan Case 58 ziahluh anih laiin kuminah case 100 ziahluh a ni thunga, a punnna hi 42 lai a ni thung.
POCSO Case bikah nikuma case 17 a awm laiin kumin hian case 30 ziahluh a ni thung a. District dangte nen khaikhin chuan a sang fal hle a ni.  ND&PS hnuaiah nikum khan thubuai ziah 25 awmin, kumin hian case 44 a awm thung a. Nikum aia a sanna hi 19 a ni chungin, ruihhlo do kawngah Police leh khawtual mite tanhona that vanga thubuai hi sang zawkah a ngaih theih a. Naupang chunga hleilenna thubuai sang zawk pawh hi dan bawhchhiatna punlun zel ni lovin, hetiang thilthleng rorelna dan hnuaia putluh zel anih tak vang zawk a sang anih theih thu tarlan a ni.
Nimin thutkhawmah han Kristiante hunpui Krismas leh Kumthar lo thleng turah mipiiten hlim tak leh thlamuang taka an hman theih nan Champhai District chhunga dan leh thupek kenkawh dan tur pawh duan anih bakah sual dona kawngah mipuiten tha taka Police te thawhpui turin an ngen bawk a ni.

ZIRTIRTUTE ZIRTIRNA HUN HMANG :
Nimin khan RMSA-in ni 5 chhung awh tur High School-a Mizo leh English Subject zirtirtute tan Inservice Teachers' Training a buatsaih hawnna hun hman a ni.
Training hi I&PR Auditorium Chanem-ah neih niin C.Huairikhuma, Dy DPC RMSA chuan a kaihruai a. C.Lalbiakzauva, DEO chuan thu sawiin, Zirtirtu ni satliah Io va, zirtirtu tha kan ni em tih hi kan inzawh fo a ngai a. Zirtuin a thiam phah theih khawp a zirtirna petu chu zirtirtu tha tak a ni, a ti a. Zirtirtute'n Bazar Note kan hman hian naupangah eng hmasawnna mah a awm ngai lo ang, kan zirtirtu pui te aiin kan hniam zawk tihna a ni a, zirlai naupang te pawhin min ngaihsan ka ring to a ni, a ti. Zirtirtu ta'm taktraining nei tawh zinga thil thar chin chhuah tur hre Io chu a mangan thlak a ni, a ti a. Nimina kalkhawm English leh Mizo zirtirtute chu an training neih chu ngaihtuahna hman thiam zawkna atan hmang a, an zirtir naupang te'n an thiam chak zawk theih na atan, tih an danglam, hriatthiam awlsam zawka zirtir thei tura tihdan thar chin chhuahna atan hmang turin a chah a. Kumtin zirtir dan pangngai a zirtir tluk tluk hi thlak danglam ve a hun tawh a. School kal a, zirlai va zirtir tawp ni lovin kan theih ang tawka nasa in kan inbuatsaih thin tur a ni, a ti bawk.
Tunlai thalai leh zirlai naupangte‘n tawng an hmang dik lo nasa hle tih sawiin, Mizo tawng zirtir kawngah pawh nasa zawka tan kan lak a ngai a ni, a ti a. English subject-ah pawh mizote hi kan hnufual in thin a, grammar pawh naupang te'n chiang zawka an hriat theihna tura kan zirtir a pawimawh a ni, a ti.
Training chhung hian Resource Person Lalrammawia SE PHED; C. Hualrikhuma Dy DPC, RMSA; C. Lalbiaka, DFO Ieh Dr. Lalsangliani, DPO, RMSA ten faina chungchang te, taksa hriselna chungchang te, ramngaw humhalh Ieh a pawimawhna te bakah naupangte dikna Ieh humhim an ngaih dan te an zirtir dawn a, training hian Zirtawpni thleng a awh ang.

HIGH SCHOOL NAUPANG TAN INHRIATSIAKNA CHHUNZAWM ZEL :
RMSA leh CCN tangkawp buatsaih Champhai District Inter High School Quiz 2017 chu nizan khan second round tan a ni.
Second round-ah hianteam 19 anin hlangkai a, nizan khan a chanve a inlan a. An zirlai atangin zawhna pangngai 4 theuh bakah buzzer round-ah zawhna pahnih leh GK zawhna pakhat, visual zawhna pakhat hmangin inelna an nei a; point hmu sang zawk hian quarter final an lut zel dawn a ni. Zanin hian 2nd round hi chhunzawm a ni ang a. 2nd round atang hian team 8 ten quater final an lut ang a, quarter final hi ni 16 zana neih tur niin, heta tang hian team 4-ah an inthli fim leh dawn a; team 4-te hian final round khelin a sang pahnihin lawmman an dawng ang.

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…