Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 17.11.2017 (zirtawpni) 

QUATA CHANVE SEM :
Greater Chanphai Water Supply Scheme a Tuipui tuilak pump-tu khawl a chhiat vangin PHE chuan Champhai mipui tui intur thla thum chhung chu Quata chanve in an sem tawh a,  Tui pump khawl thar hi niminpiah khan Kolkatta atanga rawn thawh chhoh a niin, khawlthar vuah anih hma chuan mitinte tui renchem turin Champhai PHED WATSAN Division chuan a ngen.
Champhai khawpui chawmtu Tuipui tuilakna atan hian Tuipui luikam Tui Pump No. 1-ah hian khawl pahnih Electric Khawl (200 KW)  leh Diesel khawl (310 HP) te dah a niin,  2016 atang khan chawl lova hman a ni a.  Heng khawl pahnih te hian Tuipui luitui thlitfim loh (Raw Water) chu Tui thlitfimna (Treatment Plan) hmun feet 700 zet asangah darkar-tin tui Litre 180000 pump chho-in,  nitin darkar 15 chhung hnathawh tir a ni.
Kumin August 2 khan Electric pump khawl (200 KW) hi a chhiat vangin Diesel Pump khawl (310HP),  kum 10 chuanga upa tawh chu rim taka hman mek a niin,  a chhiat palh chuan Champhai mipui tan PHED in tui pe thei dawn lo a ni. 
Tui thlitfimna (Treatment Plan) hmun Pump No. 2 atang hian Electric khawl (700 KW) leh Diesel khawl (1041 HP) te hian Feet 2800 zet a sang, Champhai tlang chhip (Darthlalang Tlang)ah Darkar-tin tui Litre 160000 an pump chhoh tir a ni a.  Nitin Darkar 15 vel pump chhoh thin a niin,  Champhai khawpui chhunga chhungkua (Private Connection) 4451,  Public Point (vantlang tuisemna) 42 leh Hmun pawimawh (Bulk Consumer) 16 tan nitin tui Litre Nuai 25 semral thin a ni a.  Tuipump-na khawl pakhat a chhiat chinah thla thum chhung chu nitin tui Litre Nuai 18 vel sem thin a ni thung.
Champhai PHED WATSAN Division chuan tui pump-na khawl chhe ta hi an siamthat tir hnuah a chhiat nawn leh vangin phailamah an thawn mek a. Khawl thar hi tunthla chhung chuan vuah hman an inbeisei thu dawn a niin,  Tuisem dan phungah an semna tur vengte SMS Blast hmanga hriattir lawk anih thu leh SMS Blast dawnglo veng chu sem anih dawn loh vangin Office lama zawt buai lo turin mitinte an chah bakah mahni tui dahluhna theuh herhhawng sa turin an ngen a.   Tui Quata chanve a sem anih chhung hian a rualkhai thei ang bera mipui hnenah sem tum anih thu leh tui Litre nuai 5 vel zet chu (Zotlang, Tlangsam, Zote leh Hmunhmeltha) line Tui pipe a thamral a awm thin thu PHED hotute hnen atangin dawn a ni.

SUM SEM AVANGIN MIZOTE HRISELNAIN TUAR:
Niminkh an ZPM tangrual pawlte chuan Champhai ah Press Conference neiin an hmalak dan tur leh an hmachhawpte an puangzar.
Champhai Press Club-a press conference neihah hian Chanchinbu mite zawhna chhangin Sorkar thar siam chauh ni lovin Sorkar kalphung thlak hi kan tum a ni a, party sorkar ni lovin mipui sorkar siam kan tum a ni, an ti a. Sorkar atanga hamthatna dawng turin rulling party nih a ngai thin a, keini ah chuan mipui zawng zawng huap kan duh a. Party mi nihna-in awmzia a nei dawn lo va, taimak leh thawhrim a tawk a, mipuiin ka sorkar kan tih theuh theihna tur din kan duh a ni, an ti. VIP Culture hmeh mih an duh thu leh hnam nunzia chawisana nunpui chu an duh dan a nih thu an sawi bawk.
ZPM in kalphung thar a duan Val-upa Council chu hamthatna beisei lo, sorkar ruangam dintu leh khalh ngil tu, thurawn petu, zilhhau ngaite zilhhautu tur an ni a, Steering committee in emaw, sawrkarin emaw thuharsa an neihte an thlenna hmun tur niin Val-Upa Council thutlukna chu thutawp anihtur thu leh Sorkarah nihna engmah an chelh dawn lo tih an tarlang bawk. He Press Conference ah hian Quota System anga candidate an siam loh tur thu leh pawl hrang hrang inzawmkhawm ni mahse pawl an inphuar beh tir dawn lo tih an tarlang a, Chief Minister tur pawh tih fel ala nih loh thu leh a hunin a rawn hril chhuahturthu an sawi ani.
Press Conference neih hmain Champhai DK Traiiic Point ah vantlang inkhawm an huaihawta he hunah hian Lalduhawma, K.Sapdanga leh Lalthansanga ten thu an sawi a. Common Programme duan mek a ni a, kawngpui hmangin sum kan siam ve dawn lo va, sum hmangin kawngpui kan siam dawn a ni, an ti a. Hydel Project tenau te te din avanga Anticipatory bail lak sup sup hi kan hrethiam lo va, Ukil ruai kher lovin kawlphetha Mizote hnianghnar thama siam chhuah kan tum a. Sum thianghlim lo siam tuma phe zeuh apiang lo sik hlawk turin Val upa Council an thu khup tawh a, kan val upate hi sorkar chhungah na na na chuan thlim ngam chi rual a ni lo va sorkar thar a pian hunah pawh chanvo leh hamthatna engmah an chelh dawn lo va, thu tawp siam erawh an kutah a awm ang. Kawng siamna tur sum pawt penga vote zawn nana sem hi chung lam remtih zawng a nih kan ring lo va, mamawh khawp doctor rawihna tur sum nei lo khawpa sem tur sum pawhkhawm hi Mizote hriselna hian a tuar a, hlamzuih a tipung a; cancer vei tam ber hnam, HIV tam berna hnam kan nih phah a. Siamtu duhdan a nih kan ring lo bawk. Chuvangin Tangrual Pawl chuan sem lam a tum lo. Kan chakna chu Lalpa a ni a, kan ram damna pawh Lalpa kutah a awm a. Keini hi hnam damna hmanrua atan Pathianin min hmang duh mial ang tih ringin kan lo pen chhuak a ni, an ti. 

PES SCHOOL FAIR 2017 HAWNG :
Nimin khan Presbyterian English School Fair hawn tan a ni. Vanlalrelpuia Sailo kaihhruai Fair hawnna hun hi Lalremruata Kullai, MCS chuan khuallian niin a hmanpui.
Khuallian chuan thu sawiin, zirlai naupangte chu an zirna mai bakah tunlai thil thleng te an hriat tel a pawimawh a ni, a ti a. Chu chu an nun kal zel turah nasa taka puitu a ni thin a ni, a ti. Zirlai pui te aia thiam lo zawka inngai an awm thin a, chung mite chuan zirna hi-an hlauh phah thin tih sawiin, thiante aia hniam zawka inngai lo turin a chah a. Ka thiam Ioh pawh ka ti ve thei a ni tih rilru khauh tak put tlat turin a chah a ni. Khuallian chuan khawvel mi lar tak tak te hi mi hlawhchham an Io ni fo tawh a, an beidawn Ioh vanga hlawhtlinna chang ta an ni a, zirlaite pawh hian hlawhtlinna tak tak kan chan theihna tur chuan hlawhchham Chang a awm a nih pawha beidawng Io va beih that leh thinnaah a ni dawn a ni, a ti a. Zirlaite chu zirna kawngah hlawhtling ngei turin duhsakna a hlan in Fair hi a hawng a ni.
PES Class V zirlaiten Cherawkan an entir hnuah Rev. R.Vanlalruata chuan malsawmna in Fair hawn inkhawm hi a khar a. Fair-ah hian zirlai naupangte thilsiam chi hrang hrang phochhuah a ni a, heng phochhuah te hi a duh apiang lei theih tura ruahhman niin dawrtu pawh an thahnem nghal hle a. Fair hian vawiin thleng a awh ang a, zaninah Fair kharna hun PES tualah ah hman leh a ni ang. Fair hawnna hun hi C. Hualrikhuma, Dy DPC RMSA; Lalengkima, UD&PA leh Vengthlang Kohhran Upa te'n an telpui a ni.
KAWNG LAKA INBUAIPUI DAN THA LA TU:
chan dan a zirin hma lak ni rawh se tih te; Champhai leh Aizawl inkar chuan man Rs 500 hman mek chu ala tha tawkin Ia hman chhunzawm zel ni se tih te; Kawng laka motor chhiate an in buaipui dan chungchang ngun taka an sawi ho hnu in tuna an in buaipui dan hi a thain Champhai kan mawina a nih avangin chhawm nun zel ni se tih te Ieh Annual fee kum khat a tan Rs 200 lak ni se tih te an pass.
Chawhnu lamah Pachhunga, SDO (S) & DTO in khuallian niin a hmanpui a, zawhna leh chhanna hun hman niin zawhnate hi Lalrinsanga, MVI in a chhang a. Lalmuanpuia, Fin. Secretary chuan lawmthu sawiin khara, chawhlui an kilho nghal a ni.

KOHHRAN SIKUL MEET:
 Thawhlehni atanga neih tan Farkawna Tuipuiral Presbyterian English School Sports Meet 2017 chu nizan khan kharna hun hman a ni. Kharna hun hi Farkawn Kohhran Hall-ah neih a ni a, Farkawn PES Principal-in a kaihruai a. He hun hi Champhai atangin DCPO in a hman pui a, result puan leh lawmman sem a ni bawk. Tuipuiral Presbytery huam chhungah hian PES 12 awmin he Sports Meet-ah hian School 6 atangin zirlai naupang 487 an tel a, outdoor leh Indoor item hmangin intihsiakna chi hrang hrang neih a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…