Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 2.11.2017 (ningani)

BAWRHSAP HOIN RS. VBC 2351.38 SCHEME SAWIHO :
Nimin chawhma dar 11 khan DC Conference Hall, Keifangtlangah Champhai District Level Committee on PMGDISHA chu an Chairman Champhai DC Pu Vanlalngaihsaka, IAS hovin an thukhawm. 
Thutkhawmah hian Champhai District hnuaia block hrang hrang aiawha lokalte hnen atangin an hmalak tawhna leh kal zel dan turte ngaihthlakna leh hrilhhriatna neih a ni a. Chairman chuan PMGDISHA chu chak zawka hmalak aniha target-te tlin ngei a nih theih nana tan la zel turin member-te chu a chah a. Hemi tur hian Block lama mawhphurtute chu inpuahchahna tha tak neia agency-te nena thawkho zel turin a chah nghal bawk a ni.
Meeting-in a tarlan dan chuan tun dinhmunah Champhai District chhungah hemi Programme kalpuina tur hian Training Centre pali - Farkawn, N. Khawbung, Kawlkulh leh Dulte-ah te din a ni tawh a. Zirlai inziaklut zawng zawng hi 661 niin Course zir zo tawh mi 661 an awm a, heng zinga mi 204-te chuan Certificate an dawng tawh a ni. Training Course zirna tur hmun hma thlan kawngah Darwin Society-in hma an la mek zela, anni hi Training partner an ni bawk a. Champhai District-ah hian March ni 31, 2019 ral hma ngeia mi 4,500 te hnena digital khawl hmang thiam thei tura zirtirna pek hman tuma ruahmanna siam a ni.  
Khawvela Digital Literacy Programme lian ber ni tura ruahman PMGDISHA hi Digital India Programme, Ministry of Electronics & Information Technology hnuaia mi niin February, 2017 khan Union Cabinet Meeting-in a pawm a. Hemi Project atan hian sum cheng vaibelchhe 2,351.38 dah a ni a. India ram puma thingtlang hmun kilkhawra awm te tana nitin nun alo zangkhai zawk theih nana  internet, computer leh smart phone te hmang thiam thei tura zirtirna (Digital Literacy)  a ni a. District chhung hmun hrang hrangah Training Centre dina zirtirna pek tur a ni a. Zir man a awm lova, zir thei turte chu thingtlang/zokhua (Rural area) a cheng kum 14-60 inkar internet, computer leh smart phone kaihhnawiha thiamna neilo, chhungkaw 1 atangin mi 1 zel tan a ni a. He programme hnuaia zir tur hian  SC,ST,BPL, hmeithai, vohbik (rualbanlo), college drop out leh hetiang lama thiamna neilo zirlai naupang pawl 9-12 te chu duhsak bik an ni. 
PMGDISHA-in a tum ber chu Technology khawvela nitin nun alo awlsam zawk nana a thiamlote zirtirna pek a ni a. Entirnan: Smart phone leh internet kaltlanga tui, electric bill pek, pawisa inthawn, topup thun, thil lei (online payment), email thawn leh adangte a ni a. Hetianga pawisa fai telloa mamawh chi hrang hrang lei/lakluh/bill pek etc (Cashless Transaction) thiamna hi chhungtin atangin mi pakhat talin an thiam chuan chhungkaw nun awlsam zawk nan kawngro a su thui dawn hle a ni. Sawrkar laipui chuan he hmalakna hnuaiah hian thingtlanga cheng mi  vaibelchhe 6 (6 Crore) chu March 31, 2019 hma in zirtirna pek hman a tuma; hei hi thingtlanga cheng mi za zela 40 vel a ni a. Mizoram bikah chuan mi 38,000 hnenah zirtirna pek tur niin, Champhai District-ah chuan mi 4,500 hnena ziritrna hi pek tura duan a ni. 

KHAPNA THUPEK CHHUAH :
Champhai District Magistrate chuan hetiang hian khapna thupek a chhuah:
Kristiante hunpui Krismas 2017 leh Kum thar 2018 a lo thleng leh dawn ta a. Hemi chungchanga meeting Home Minister hova October ni 26, 2017-a neih chuan mihring hriselna atana thalo leh mi hliam palh thei, mi tamtak nun tiraltitu- halpuah, halmawi leh naupang silai lem mu nei te chu kawl, zawrh, lakluh leh hman khap tha a ti a. Mipuite him tlan zawk nan Section 144 CrPc, 1973 ( Act –II of 1974) in thuneihna a pek angin Champhai District Magistrate Pu Vanlalngaihsaka, IAS chuan Champhai District huam chhungah halpuah, halmawi chi hrang hrang leh naupang silai lem mu nei kawl, zawrh, hman leh lakluh a khap tlat a ni. Khapna thupek hi October ni 31, 2017-a chhuah a ni a, hei hian chhuah anih atanga thla 2 (hnih) chhung a huam ang. Khapna thupek zawm lote chu Section 188 IPC hmanga hrem an ni ang.

 GODOWN ENDIK :
Nimin khan Champhai tIawmngai pawl pakhat, NGO Coordination Committee chuan supply kudam an tlawh.
NGO hruaitute hian tunhnaia buhfai rawn thleng chhe lutuk leh mi harsa tak tak ten harsatna an tawh belh nasat avangin Godown an tlawh a, buhfai thleng thar te chu buh tha pangngai tak a ni tih an sawi a, buhfai chhia a thlen tawh Iohna turin theih tawp a hmalak an tum thu an tarlang a. Buhfai chhia ei thei si lo, harsa ve tak tak ten mi pawisa puk a, dawra a man to a an lei thin te chu a thanat thlak takzet a ni, an ti. NGO hruaitute chuan Mizofed atanga dawn, LPG, AOC leh Buhfai, Champhai mipui dawn thin chu an duhthu a sam lo thin tih sawiin, AOC ah pawh XP Petrol dah turin an nawr nasa tawh tih an sawi a. Tun thleng hian tihhlawhtlin a la ni lo thu an sawi a ni. Tunah hian godown ah buhfai 1830 qtl. a awm mek a, kawng Iaka 250 qtl vel phur a rawn kal mek bawk.

RUIHHLO MAN :
Champhai Police duty-te chuan nimin khan Champhai Ruantlang daiah Heroin Hawng thum (3) an man bakah nizan hmasa khan Champhai Khankawn Police Check Gateah Heroin Can thum (3) an man bawk.
Champhai Police hotute sawi danin Myanmar atanga lakluh nimina man tak Heroin Hawng 3 hi Zokhawthar atanga Champhai Service, Maxicab a chuangte ta niin Rodingliani kum 47, .Lianvula Khawmawi (Myanmar) nupui ni a insawi kut atangin Heroin Hawng 2 man a ni a. Heroin Hawng khat hi Malsawmsanga kum 19 Lalhlimpuia Thenzawl bul Zote khua fapa, tuna Aizawl Chanmari West a cheng mek ni a insawi hnen atanga man a ni thung. Nizan hmasa khan Champhai Khankawn Police Check Gate a duty-te chuan Thangtinkhuma kum 31, J. Lalhluna Vanzau khua fapa, tuna Aizawl Chanmari a cheng mek ni a insawi hnen atangin Heroin Can 3 an man bawk a. Police hotute sawi danin, Thangtinkhuma hian Police te hnenah a fanu ICU-ah a awm mek vanga rang taka Aizan thlen thlakna tur motor ngaihtuah sak turin a ngen a. Thu an zawh chian zelnaah dawt a sawi tih hmuhchhuah a nih bakah amah hi ruihhlo ngai niin, a kut atang hian Heroin Can 3 hi an man ta zawk a ni. Ruihhlo neitu a puh mi pathum te hi Champhai Police Station-ah ND&PS Act tlawh chhana thubuai siamsak an ni a. Nimin khan District Court a hruai an nih hnu-ah Champhai District Jail-ah dahluh nghal an ni. Police ten Ruihhlo an man hlut zawng hi tualchhung hralhna ang a chhutin Rs. 1,54,000 man a ni.

MOTOR CHESUAL :
Nimin khan Upa Vanmawia Truck a chesual a, Tipper a su. Vengthlang North Biak In chhak lawka awm, Upa Vanmawia mortor, MN 02 A 3726 RM Store Truck, an kawta an dah chu amahin a lir thut a, Vengthlang North Biak In chhak mai a ding, Pu Thangseia motor, Tripper MZ 04 A 0475, thlakhat leh achanve vel leka upa chu a su a, Tipper hi a hmalam chu a chhe hneh viau a, a sutnaah kawng kham zawngin a su her bawih bawk a, Vengthlang North Kohhran Kudam pawh Truck lir hian a suchhia a, vanneihthlak takin mihring thi Ieh hliam erawh an awm lo hlauh ani. 

TUIALHTHEI DINHMUN 
Petrol : Sem rual (66.30)
Diesel : Service Tanky  (56.18)

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…