Skip to main content

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…
ni 20.11.2017 (thawhṭanni) 

KHUA A TLAI HMAA SIM TURIN TI :
MZP Hqrs Champhai chuan Inrinni Zing khan Mizoram hmundang rualin Inner Line Permit enfiah runpui chu MZP Pisa Pui, CHANEM Building-ah an huai hawt. He hunah hian hnam dang mi 130 enfiah anni a. Heng zingah hian Police station a chinfel ngai mi 17 tirh chhoh niin, push back ngai an awm lo a. Vai, Pathian thu sawi nia inchhal ILP nei thlap si 2 an awm bawk. Inner Line Perfmit hnuaiah hian hnamdang te hi Sponsor tu neiin an hnuaia hnathawk tur atan chauha lakluh theih an ni a, hna an thawh zawhah an rama haw leh tur an ni. He Dan hi Mizo hnam ten chhawr tangkai a, tangrual turin MZP chuan Champhai mipui a ngen a ni. MZP chuan tuna hnamdang mi 130 bak hi a vilzui zel dawn a, in report lo, lo biru an awm a nih chuan MZP Headquarters Champhai chuan na takin hmaa la dawn a, hnamdang chhan tura Mizo ke pen hi a zahthlak in hnam tan a mualphothlak avangin mahni Vai sponsor ten ngaihven tha tur leh hna an thawh zawha haw tir nghal turin mitinte an ngen bawk. Hei bakah hian MZP chuan Champhai kaltlanga kuhva tawlh zingah hnamdang thurualpui leh hnamdang motor Mizo hminga register sak an awm tih hriat a ni a, khua a tlai hma a sim hmak tur leh, heng hnamdang motor Mizo hminga register te leh hnamdang thurualpui tute hi an ngen a. Champhaiah ram leilung fate luah lana sumdawn kan phal ngai dawn lo a ni, an ti a. Mizo sumdawngte pawh thil man ti to lo turin an ngen nghal bawk. 

BIALTU PASTOR HOIN THISEN PE:
Champhai Vengsang Presbyterian Pastor Bial Kristian Thalai Pawl (KTP) chuan Champhai District Hsopital a damlo mamawhte tan Inrinni  khan a thlawnin thisen an pe.
Thisen petute hian Champhai District Hospital pan chilhin,  thisen hi an pe a.  Thisen pek anih hma hian hunserh hman anih bakah Champhai District Hospital Blood Bank Officer Dr. Zatluanga'n thisen pek pawimawhna leh thisen peturte hriat tur pawimawh zual tarlanna a nei.
Champhai Vengsang Presbyterian Pastor Bial KTP hruaitute chuan kumin kumtir a Bial KTP intawh khawm tuma alo rel tawh anga thisen pe an nih thu dawn a ni a.  Thisen petute zingah hian Champhai Vengsang Bialtu Pastor Rev. Laltanpuia Kawlni leh District Hospital Medicine Doctor J. Lalramchhuanga te chuan thisen hi pe in,  thisen petute hi mipa 39 leh hmeichhia 13 an ni a,  Thisen unit 52 an pe a ni.

PANGANG KHAWI CHI QUINTAL 90 HRALH :
Kar kalta Zirtawpni khan Khawzawl Hermon, Electric Ieh Vengthar huam chhunga Intensive Bivoltine Sericulture Development Project Northeast Regionai Textile Promotion Scheme (IBSDP NERTPS) hnuaia Maimaw Pangang khawitute tan Khawzawl Vengthar YMA Hall-ah nikhat awh training buatsaih a ni a, training-ah hian Maimaw Pangang khawitu mi 50 zet an tel a ni.
Training hi B. Lalchhuana, DSO in kaihruaiin, Lalremsiama, Project Coordinator/Dy Director of Sericuiture chuan IBSDP NERTPS chungchang sawifiahin, hemi Scheme hnuaia Maimaw Pangang khawitute chu kumkhat chhungin a lo bereh Cocoon Kg 100 thar ngei ngei tura beisei an ni, a ti a. Maimaw Pangang khawitute chu hlawhtlinna an neih theihna turin eizawnna tura kawng an thlanah inthlur bing a, thil chi hrang hrang tikual duah lo turin a chah a ni. Training-ah hian K. Lallawmzuali, SEO; Dr.LaIthlamuana, Scientist C, REC leh HD. Thandanga, SPO ten Pangang khawitute hi hlawhtling taka Pangang khawi tura hriat tur tul pawimawhte an zirtir a ni. HD Thandanga’n a sawi danin Khawzawl Sericulture Extension Office hnuaia khaw 14 atanga Maimaw Pangang khawitu mi 340 chuan kumin chhung hian Cocoon Qtls. 43 an hralh tawh a, Champhai District pumpuiah Maimaw Pangang khawi hi mi 600 awmin, Cocoon Qtls. 90 an hralh tawh a ni.

ZIRLAI TEN ANMAHNI ZIRTIRTU RAWIHNA TUR SUM THAWHKHAWM :
Inrinni khan Khuangthing Self Help Group te chuan General Body Meeting an nei. Khuangthing Community Hall-a hun hmanah hian kum kaltaa an hmalak tawhna te an ennawn a, self help group te chuan ṭhan lam an pan tih an sawi a. Nakkuma an kal leh dan tur action plan an siam nghal a ni. General body meeting chuan Khuangthing khaw chhung Sorkar sikula zirtirtu in daihlo lutuk chu Mizoram sorkarin zirtirtu an dah belh ngei theihna turin theih tawpin Sorkar-ah nawr ni rawh se, an ti a. Tun dinhmunah hian Khuangthing Govt. Middle School ah hian zirlai naupang 153 an awm mek a, zirtirtu pangngai hi 2 chiah an awm a, zirtirtu an indaih loh em avangin zirlai naupang te leh zirtirtu ten sum thawhkhawm-in zirtirtu pahnih an chhawr belh mek a ni. Khuangthing Primary School I Ieh II ah pawh zirtirtu hi an indaih lo hle a, zirtirtu pawh hi sorkar hian rawn dah belh thuai se, an ti bawk.
Khuangthing khaw chhungah hian mihring 2000 dawn lai an awm tawh a, Health worker hi tun dinhmun ah 1 chiah an neih avangin Mizoram sorkarin a dang a dah belh vat theihna turin theihtawpin nawr ni rawh se tih an pass bawk. Khuangthing ah hian self help group 22 ah Member 150 vel an awm a ni.
BUH THAR HLAWK:
Tuipuiral tlangdunga tlangram Ioneitute chuan kumin thawhrah sengin pawl a tla tawh a, buh phurh hmabakin sumchang thlai chingtute'n an lo an enkawl chhunzawm mek bawk. Hman lai anga chhip-a buh chhek ngai an tam tawh Io va, Mizoram khaw, chhak lam Tuipuiral Tlangdungah te chuan motor-a phurh theih Ioh hmuna Loneitute pawhin Myanmar lam atanga lak luh, buh phur sakawr an chhawr nasa hle. Khawbung lamah chuan Buh a thar hlawkin, Tin 1 hmunah Tin 80 - 120 vel an thar tlangpui. 

CHAWL RIH DAWN :
lnrinni khan CDBA leh 8 one foundation tangkawpin an buatsaih naupang kum 12 hnuailam tan a siam Baby League chu khelh chhunzawm a ni.
Inrinni inkhelah hian Match 18 awmin U-8, U-10 leh U-12 Team 12 Bears, Tigers, Bulls, Stallions, Dolphins, Sharks, Eagles, Rhinos, Lions, Dragons, Hogs, Wolfs chu an inkhel kim vek a, match tin inkhel atang hian team tin atangin Best Player thlan zel an ni a, heng Best Player atana thlan te hi C.Hualrikhuma, President CDFA chuan Iawmman Rs 50 Ieh Citation a hlan a ni. Sub-Junior Inter District Tournament U-14 chu naktuk atang hian tan tur a nih avangin Baby League hi chawlh lailawk tur a ni a, U-14 ah hian Mizoram District hrang hrang aiawhte an rawn tel kim vek dawn a, Baby Leaque hi December ni 2 ah chhunzawm a ni ang.

KAWNGZAWH :
Inrinni khan Champhai District Legal Services Authority buatsaihin kawngzawh a ni a. He hunah hian dan leh hrai lama harsatna nei te, sum leh pai seng Io va thubuai ngaihtuahtu Lok Adalat-a chinfel theih a nih thu te, court-a thubuai thehlut duh Ieh thu buai kal lai nei te tan a thlawna Ukil pek theih a nih thu te an tarchhuak a ni. Legal Services Authority hian BPL chhungkuaa pawngsual, tualthihna emaw ramtuileilo a awm hIiam tuarte hnenah zangnadawmna an pe thei bawk. 

JUBILEE PUALIN :
lnrinni khan Adventist Youth Federation, Champhai Branch chuan an silver jubilee lawmna atan Khankawn-a police check gate-ah zin veivakte tan Pathian thu ziahna lehkhabu leh pamphlet an sem. 

INHRIATSIAK HMAWR BAWK ZAN :
Champhai District lnter High School Quiz 2017 neih mek chu zanin hian Final neiin zawhfel a ni dawn ta.
Zanin Final-ah hian BC Academy l; PES Khawzawl Vengthar-l; PES Khawzawl-l leh St. Joseph School Khawzawl-l te an inel dawn a session khatnaah Mathematics leh Science subject bakah logic reasoning hmangin inelna an nei dawn a, zawhna pangngai bakah zawhna harsa chi te, buzzer round leh visual hmangin an in-el ang. A thawh hnihnaah language, SS leh GK hmangin intihsiakna an nei leh ang a, zawhna inhlan chhawn chi, rapid fire round leh audio hmang tein an inel leh dawn a. He intihsiaknaa a titha ber hian Cheng 20,000 leh pahnihna hian Cheng 10,000 an dawng dawn a ni.

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…