Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 18.12.2017 (thawhṭanni) 

HUNPUI HMANG TURIN INBUATSAIH :
Krismas leh Kumthar hmang turin Champhai chu a inbuatsaih chho mek.
Kar kalta khan zirna inte chu khar niin Krismas bazar pawh a Iun chho tan mek a, Champhaia khawpui Iun Iaiah te chuan kawngdunga inpho an thahnem tawh hle a ni. Tunkar hian Krismas bazar hian a vanglai a thlen chhoh beisei a ni a, Champhai chhehvel khaw hrang hrangte chuan kum dang ang bawkin Krismas chakkhai chu Champhaiah hian an dapkhawm leh dawn a. Krismas bazar-a mipui veivak him zawkna atan Vengthlang dawr dung thla chu lirthei dah phal lohna hmuna puan niin vawiin atangin ni 23 thleng hman tur a ni.
Hetihlai hian Kohhran hrang hrangte chuan Biak in leh a vél chu Krismas lam hawiin an chei chho mek a, Kohhran thenkhat chuan Biak in chei hna hi thla hmasa atang khan an Io thawk tan tawh a ni. Zirtawpni zan khan Presbyterian Kohhran hrang hrangte chuan Sunday School zirlaite tan Carol service emaw Advance Christmas hun an hmang bawk. Hei bakah hian kum danga veng hrang hrang in kawn an chei thin erawh kuminah hmuh tur a la awm meuh lo thung a, kumin hian veng tam zawk chuan kawn chei an tum Io tih thu kan dawng.
POLICE NUPUI CHE CHHUAK:
Mizoram Police Nupui intel-khawm Pawl, Mizoram Police Wife Welfare Association, Champhai Unit chuan Inrinni khan Champhai khawpui chhunga chhungkhaw khawsak harsa zualte leh Home a miten Krismas leh Kumthar hlim tlang taka an hman theihna turin tanpuina thilpek an hlan.
MPWWA Champhai Unit hian tanpui leh chhawmdawi ngaite puala kumin chhunga an pawisa tuak khawm leh mimal thahnem ngaiten an thawh tlingkhawm atangin Champhai Zote, Ngur Venga khawsak harsa zual chhungkaw pahnih, Champhai Vengsanga khawsak harsa zual ni a an hriat chhungkaw pahnih te bakah New Champhai a Genesareth Gospel leh Thutak Nunpuitu Team (TNT) Champhai hnenah tanpuina thil pek an hian a. Thilpek an hlan hi pawisa fai cheng Singkhat sangruk, Silhpuan Ium leh thawmhnaw lum inbei chi bakah eitur an hlan tel bawk.
Champhai Police Nupui Intelkhawm pawl hi kum hnih kalta mai a din a ni chungin chhawmdawl leh tanpui ngaite chungah an bengvar hle a. Nikum lam pawh khan hunpui Io thleng tura mitin-ten hlim tlang taka an hman theih nan tanpuina hi an Io hlan tawh a. Inrinni a thiipek hlanna ah hian Champhai Addl. SP VL Lura Hauzel bakah Police hotu thenkhatten an nupuite hi an tawiawm a ni.
NAUPANG IN TUAL PHIATFAI :
Hunpui pahnih Krismas leh kumthar khawtlangin hlim taka an hman theihna turin Khawbung Branch YMAte chuan lnrinni zing khan Central YMA thuchhuah angin Khawbung khawchhung dawr hrang hrangah khap thil zuar an awm leh awm loh an dap. Khawbung Branch YMA Executive ,Committee-te chuan Central YMA thuchhuak angin an khaw chhunga dawr hrang hrang fang kualin Sawrkar phal loh halpuah, halmawi leh naupang silai Iem a mu kap chhuak thei leh khap thil dangte zuar an awm leh awm loh an enfiah a.
Chanchinbu hmanga YMA-te'n ngenna an Io siam tawh chu dawrkaite’n an zawm tha hle a. Hunpui inbuatsaihna Ia awm chhung pawh hian heng phal loh thil zuar lo tur hian Khawbung Branch YMA Exe. Committee chuan an ngen chhunzawm a ni.
Inrinni zing vek khan Section YMA huam chhunga YMA Chhang Inrinni tina tual phiat thinte tual phiat tlawhin faina chungchang ngaipawimawh thar zel turin an infuih a, Committee member thenkhatte'n miharsate Krismas thilpek an pe nghal bawk a ni.
FAKNA HLA SATUTE PENCHHUAK:
Gospel Singer Ministry Champhai chuan Inrinni khan khawlaiah Charity Concert an nei a. Concert hi Bethel kawn, DK Traffic point leh Darthangvunga Pointah te neih a ni a. Concert neihna hmunah hian GSM speaker te hnen atangin Pathian thuchah ngaihthlak thin a nih bakah Gospel singer eng emaw zat leh Gospel Idol Kids te an zai. 

TUIAH TLAHLUM :
Nimin Chawhnu lam dar 1:30 vel khan Lalruathlua, kum 2, Pu K.Lalbiakmawia, Hmunhmeltha fapa chu an pu te Tuizem (Tank)-ah tla palh-in chhan hman ani ta lo tih thu kan dawng. He naupang ruang hi nizan khan lumen anih hnuah vawiin chawhma dar 11 :00 ah vuiliam a ni. 

MOTOR NEITE  INHMUKHAWM :
Inrinni khan Champhai Dist. Tipper Owners' Association ten Zotlang a Mangkhaia Hall ah Assembly neiin Champhai Dist. Addl SP VL Lura Hauzel chu khuallian niin he hun hi a hmanpui. Lirthei neitute tana hriattur Dan chi hrang hrangte hrilhin chetsualna laka an him theih nan Driver Ieh lirthei neitute fimkhura Dan zawmtu ni turin a sawm a.
Lirthei neitu Ieh driver ten an hriat thiam Ioh thilte zawtin zawhna Ieh chhanna hun an hmang bawk. Kum 2018 atana hruaitute hi an thlang
President: K.Lalrinmawia
V/President: J. Lalbiakthanga
Secretary: F. Vanlalenga
Asst.Secretary: Vanlalpeka
Treasurer: F. Zosangzuala 
Fin.Secy: Vanlalhmingsanga

PAKHATNA NI :
Mizoram Bal Bhavan (Social Welfare Department) In a Talent  Hunt a buatsaihah Champhai aiawh a tel an che tha hle. Champhai district aiawha Talent Hunt-a tel tur hi November thla tir lam khan thlan niin, Dec. ni 13 khan Aizawlah heta lawmman pakhatna dawngte hi Champhai aiawhin Mizoram pum huap inelna neihah an tel a. Champhai atanga kal te hian Iawmman an rawn hawn thei vek a, a pumpui ah, pakhatna an nibawk.
Creative Performance: 1na C. Lalrinkimi (13) d/o  C. Lalthazuala, Eastern Flower Academy Champhai District
Creative Scientific Innovation: 1-na Kaplamsuma (15), Eastern Flower Academy, Champhai District
Creative Art: 2n-a Vanlalpektluangi (16) d/o R. Kawlzika, Govt. GM High School Champhai District
Creative Writing (Poem): 2-na V. LaIawmpuii (16) d/o Lalhmachhuana, Govt. GM High School, Champhai District.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai - Tualchhung Chanchinthar ni 7.5.2018 (thawhtanni)

KHAWTLANG ENSAN LEH MOTOR TIHCHHIAT SAKAH VAU - CHAIRMAN CZMCW :
Champhai to Zokhawthar Maxi Cab Welfare te chu Zirtawpni atang khan Zonunsanga Huan hnai zawk bulah an duty tan.
Kum khat chhung vel chu Champhai to Zokhawthar hi Rs. 150 in an tlan hnuah Zokhawthar khuaa Consumer, YMA leh VC te chuan an Rate san hi an duh lova, rate hlui  Rs. 100 a tlan leh turin Sumo neitute chu an ti a. Mahse Sumo neitute chuan Rs. 100 chuan an tan awmzia a awm loh avangin an tlan thei lova. Zokhawthar Sonsumer, VC leh YMA te chuan Zokhawthar khua luh phal lovin RIhdil kal tura Sumo Hire pawh kal tlang an phal lo va, an motor halsak leh vuakchhiat sakah hial vau in, Mualrawt ah Thawhtanni atang khan an Duty niin R. Kapthanga, Chairman Champhai to Zokhawthar Maxi Cab Welfare chuan a sawi.
Hetih lai hian khualzinte erawh chuan Sumo rate Rs. 150 chu awm an ti niin an sawi a. Zokhawthar Sumo Counter atanga km chanve pawh tlinglo Tiau Lei thlengin Taxi leh Bike hmangin Rs. 100 leh Rs. 50 a hran a Passenger te…