Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 19.12.2017 (thawhlehni) 

AUTO RICKSHAW WELFARE IN TANPUINA PE:
Kum danga an tih thin angin Champhai Bethel Kawn Stand-a Auto Rickshaw Welfare chuan hunpui Io thleng tura chhungtin ten hlim tlang taka Krismas Ieh Kumthar an hman theih nan Champhai khawpui chhung Veng thenkhata khawsak harsa ni a an hriatte hnenah tanpuina thilpek an hlan. Champhai Bethel Kawn Auto Rickshaw Stand a ding thin Auto Rickshaw 80 chuang Driver-te chuan tanpui ngaite pek atan pawisa an thawh khawm thin a. Kum nga kalta atang khan Champhai khawpui chhung Veng hrang hranga tanpui ngai chhungkua-te hnenah tanpuina thilpek hi lo hlan tawh-in, niminpiah zing khan khawsak harsa deuh chhungkaw 10 Bethel Veng ah chhungkaw 4, Zion Veng ah chhungkaw 2, Vengthara chhungkaw 2 leh Zote a chhungkaw 2 an thlan chhuahte hnenah pawisa fai Cheng sangkhat theuh an hlan leh a. A vai a an sum pek chhuah hi Rs 10, 000 niin, thilpek hlannaah hian Bethel Kawn Stand a ding Driver eng emaw zatten tlawmngaiin an Auto Rickshaw an thawh chhuahpui a ni.

TOPPER HMUAH DAN TUR REL :
Mizoram Civil Service Exam 2017-a Topper Hmingmawizuala s/o C.Thanglura, Khawbung Dinthar Veng chawimawina leh hmuah dan tur Khawbung VC leh NGO Joint Committee te chuan lnrinni zan khan Khawbung Zawlbuk-ah anrel.  Hmingmawizuala hi Aizawl atangin tunkar tawp lamah Khawbungah haw tura inbuatsaihin Joint Committee chuan hemi ni hian Khawbung Zawlbuk TuaI-ah khawtlang huapa lo hmuah turin ruahmanna an siam a.
C.Thanglura fapa Hmingmawizuala, Khawbung Dinthar Veng hian Gov't Khawbung HIS atangin pawl 10, 2nd Division-ah zovin, Auxillium HSS-ah pawl 12 Science, 2nd Division-ah bawk a zo leh a. Pachhunga University College atangin BSc (Maths) zovin University Gold medalist a ni a. MZU atangin MSc (Maths) zovin, University Gold Medalist a ni leh bawk a ni. Delhi lam-a Coaching a kal hnuah MCS Exam 2015 leh 2016 ah Main inziak tling tawhin lnterview vawi 2 a hmachhawn tawh a. Hetih chhung hian Synod HSS-ah Mathematics lecturer hna contract-in a thawk pah bawk a ni.

MOTOR TLAN DAN :
Champhai Vengthlang dawr dung thlaa Iirthei dah phal loh chu nimin khan kalpui tan a ni.
He thupek hi Champhai SP charge la mektu Addl SP VL Lura Hauzel chuan chhuahin, tun thla ni 23 thleng Upa Darthangvunga traffic Point atanga Selluaia Traffic Point thleng Iirthei dah phal a ni dawn lo va. Police te chu thupek kengkawh hian an duty bawk a ni.
Hetihlai hian nimin khan Champhai SP chuan thupek thar tichhuah lehin, Dec. ni 19-23 chhung hian Dawrkaikawn atanga Bazar panna kawngpui chhuk thla, Charnphai Town Hall kawng peng chin thlang lam, Bazar lamah motor tlan luh khapna thupek a chhuah a. IB Veng, CHANEM lam atanga Bazar panna kawngpui Catholic Biak In peng atanga Bazar inkar kawng dungah motur tlanluh leh dah a khap hawk a. Awmpui phei, Vengthlang atanga kawngpui phei CCN Office Taxation Office atanga Bazar lamah eng motor mah tlan Iuh khapin; Kahrawt Thlerpui hmar lam atanga Pu Rohnaa Sailo In atanga Bazar Iamah motor tlanluh leh dah khap a ni Awmpui phei Vengthlang kawngpui atanga Vengthlang North panna kawngpui dungah lirthei dah phal a lo bawk.
CASE 15 ZIAKLUT :
November thla chhung khan Champhai Police Station-ah Case 15 ziahluh a ni. ND&PS Act hnuaiah Case 6 ziah luh ani a, Rukru case 4 ziahluh a mi bawk. Nupui khawih mi 1 case siamsak a mi a, MLPC Act hnuaiah case 2 Siam niin Case tenau 1 leh POCSO case 1 ziahluh a ni bawk. 

KRISMAS CHIBAI BUK:
Pathianni tlai khan Khawbung Brunch  YMA chuan hmeithai harsa leh damlote hnenah Krismas chibai bukna an hlan. YMA leh tlawmngaih pawl hrang hrangte hian hunpui a lo thlen nikhua a khawtlangin hlim leh lawm taka hun an hman theih nana sawrkar phal loh thil, ruihtheihthil leh nunkawng tha lo hrang hrang lakah mahni khawtlang venhim tumin hma an Ia thin a. Chutiang khap thila hma an lak piah lamah tanpui ngaite tanpuiin Krismas thil pek an hlan mek zel bawk a ni.

HLIRHO PAHIN ADVANCE KRISMAS:
 PHED Champhai WATSAN Division chuan nimin khan EE J. Kapkima Office-ah , kumtawp rorel leh an hmalakna hrang hrangte thlir hovin, hunpui lo thleng tur inbuatsaihna turte an thlirho a, Advance Christmas hmang nghalin thilpek inhlan tawnna hun an hmang bawk a tlai-ah zanriah an kilho nghal bawk.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…