Skip to main content

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …
ni 23.12.2017 (zirtawpni) 

MIPUI HIMNA TUR NGAIHTUAH :
    Hunpui lo thleng tur vuakvet a boruak muan-awm tak a mitinten an hman theih nan venhimna hna thawh dan dan tur thlirin nimin khan Champhai SDPO Pisa-ah thutkhawm a ni a. He hun hi Champhai District Additional SP Pu VL. Lura Hauzel-in kaihruain,  Champhai District a Police hotute,  SDO (Sadar), Sub-Hqrs. YMA Champhai hruaitute leh MJA Champhai District hruaitute an tel.

    He thutkhawmah hian kum 5 kalta chhung hunpui vuakvet a Champhai District a hmalak tawh dan thlirlet a niin,  venhimna lo kalpui tawh dan atanga kumina hmalak dan tur ruahman anih bakah he hunpui vuakveta dan leh thupek kalpui dan tur sawiho anih bakah kumin December thla atanga hmalak tawhna te tarlan a ni a.      

           Champhai SDO (Sadar) Pu Pachunga chuan hunpui lo thleng tura venhimna kalpui lawk anih vanga kum dang aia boruak a nawm zawk thu leh khauh taka dan lek kawh a pawimawh thu a sawi a. Champhai DSPO Pi Lalbiaksiami Pachuau pawhin Police hmalak tawh dan tlangpui a tarlan bakah Police thawktu lam indaih tawk lohna pui turin YMA leh VDP te thawhpui turin a sawm bawk.

     He hunpui vuatvet a hmalakna tarlan zingah Dan bawhchhia a lirthei khalhtu mi 3 te chu an Driving License cancel a niin,  Champhai District tana zurui enfiahna (Breath Analizer) khawl 8 zinga hmantlak 3 te chu tangkai taka hman a ni a.  Venhimna uluk leh khauh taka kalpui anih vangin lirthei a chetsualna lian tham leh thil duhawmlo thleng a awmrih loh thu leh Halpuah leh halmawi hal thawm a awmrih loh thu sawilan a ni a.  Home Department in CYMA a sum a pek atangin Sub-Hqrs. YMA Chanphai-in Rs 40000/-sum dawn chu Group hrang hrang a semdarh anih dan tarlan anih bakah  Home Department in Champhai District Police tana sum Rs 90000/- a pek-ah Champhai Sub-Hqrs. YMA hnena Rs 30000/- chu hlan nise ti a he thutkhawmah hian rel anih angin vawiin khan hlan nghal a ni.

     Nimin thutkhawm thuchhuak angin Venhimna kalpui dan turah Champhai khawpui chhunga Branch hrang hrangten an huamchhungah Information Centre an hawng vek dawn a,  Police-ten khawpui chhung veng hrang hrangte chu a khat tawk a an fankual dawn bakah Veng lunlai thlanchhuah bikah chhun zan zawma duty-na tur hmun thlanfel a ni a.  Lirthei dan bawhchhia-te,  Halpuah & Halmawi hal leh hmangtute,  zurui leh buaina siam te chungah ngaih-hna thiamna awm lova hrem turin he thutkhawmah hian rel a ni bawk.

SAWN DAWN :
         Pu VL Lura Hauzel, Addl. SP Champhai chu Addl. SP Lawngtlai a awm turin Mizoram Sawrkarin in a sawn a. A hmunah hian Dy. CO 1st IR Bn hna chelh mek Pu Lalbiakkila a rawn awm dawn a ni.

ZAWM THALO:
         Mipui him nan leh nuam sa taka kan Bazar theihna a nih beisei a Vengthlang kawngpui a motor dah phal loh chu mipui ten kan zawm thalo hle tih thu dawn a ni. Hetiang ang ruahmanna kan hotuten an siam leh a nih chuan keimahni tan a ni tih hriain dan zawm hram i tum ang u. 
        Tin, Mizoram Sawrkarin Halpuah hal lo tura min ngen na pawh mi thenkhatten zawm loin hla an awm leh thin thu dawn a ni bawk. 

TUIALHTHEI DINHMUN :
Petrol : Tanky Full (66.61)
Diesel : Tanky Full (57.32)
*Naktuk ni 24.12.2017 (Pathianni) chhun dar 12 atanga tlai dar 3 thleng an in hawng dawn.

Comments

Popular posts from this blog

Champhai - Tualchhung Chanchinthar ni 15.5.2018 (thawhlehni)

CHAMPHAI LEILET ZAWLA KUDAM LEH IN SA THIAH LOH CHHAN ZAWT :
Champhai Task Force te hmalakna kal zelah phaizawla kudam sa te chu thiahsak an nih lohna tur chhan leh vang sawifiah tura hriattir an ni.
Champhai leilet zawl hi Sawrkar dan dinglai angin loneih leh a kaihhnawih atan chauhva hman theih a ni a. Hetiang tur hian LSC leh ram pass pawh pek chhuah a ni a, hei vang hian Kudam sa lo tur leh a sa tawhte pawh thiat tura thupek chhuah a ni a, sa lai te pawh a hmuna kal chilh a tihtawp tir an ni tawh a. APril thla chhung a hriat vek tura tih an ni a, tun dinhmunah thiat emaw thiahsak engmah ala awm lova, thudawn danin heng kudam neitute hnenah hian hriattirna tawp ber pek a ni tawh a. Thiahsak an la nih loh chhan chu Kudam neitute hi COurt lam thu ngaihchan vang leh ni 8 khan Kudam neitute chu Dan ang thlapa thiahsak lo a nih chuan anmahni a thiat tura tih an ni a. Lehkha hi an dawng vek tih finfiah a ni a, lehkha an pek atanga ni 15 hmaa sawi tur nei silova, kudam thiat lo te chu thiah…

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…