Skip to main content

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…
ni 30.12.2017 (inrinni) 

MJA SIKTUI THIANG
          MJA Champhai District-in (31.12.2017) a kum 30 anih lawmna chi khat atan a vantlang tana tui thianghlim in tur  Darthangvunga Traffic Point, Champhai Vengthlang Presbyterian Biak In tuala Rs 1, 81,500.00 (Cheng Nuai khat singriat leh sangnga) chuang seng a siam,  "MJA SIKTUI THIANG" chu ni 29.12.2017 chawhnu dar 1 khan Champhai District Bawrhsap  Pu Vanlalngaihsaka IAS chuan vantlang tana hman theih turin a hawng.
          DC Pu Vanlalngaihsaka chuan faina leh thianghlimna lam a ke penna ni pahfawma MJA in vantlang tana rawngbawlna ropui tak a siam chu fakawm atih thu leh hmasawnna rahbi pawimawh tak anih thu a sawi a. Hetiang rotling siam anih theihna tura Champhai DRDA, BDO, PHED leh P&E Department leh Vengthlang VC te puihbawmna chu fakawm a tih thu a sawi bakah Mipuiten mahni ta anga enkawl zui tur leh tangkai taka hmang turin duhsakna a hlan nghal a ni.
         He hun MJA Champhai District President Pu C. Lalhnunpuia kaihhruaiah hian Champhai PHED WATSAN Circle SE Er. Lalrammawia pawhin thu sawiin MJA Siktuithiang chu Champhai Darthlalang anih thu sawiin, a hmangtu mipuite a zirin hman tangkai anih tur thu a sawi a. Vengthlang Presbyterian Kohhran Committee, Champhai Vengthlang Branch YMA leh PWD-ten he hmalakna kawnga an tha thawhna avangin an chungah lawmthu a sawi bawk a ni.
         MJA Siktui Thiang siamna tur hian Convergent sum hmangin Champhai BDO atangin Rs 100000.00 (Cheng nuaikhat) ruahman a ni a. Hemi bak zawng senso ngai hi MJA Champhai District chuan a tum thung a ni.

KRISMAS SPECIAL
Kohhran hrang hrang hman dan tlangpui:
          Khawvel chhandam tura Isua Krista leia pian ni, Krismas chu hlim leh lawm taka hman zawh a ni.
        Kohhran hrang hrangte chuan urlawk ni, December ni 24 atang khan Krismas lam hawi programme siamin Krismas inkhawm hi neih a ni a, Krismas ni pawh hian thupui hrang hrang hmangin Pathian thuchah ngaihthlak a ni a, Kohhran tam zawkin lengkhawm an kalpui bawk a ni. Krismas ni hian Kohhran tam zawk chuan ruai theh lovin thingpui ruai nen hun an hmang a, Kohhran thenkhatin Krismas ni atang atang hian ruai thehin, ruaitheh runpui, ni 26 lamah Kohhran tam zawk chuan ruai an theh thung a. Nimin thlenga ruai nawn an la awm bawk a ni.
          Kohhran len dan azir zelin mahni phak ang tawka tuihnai leh hnianghnarin Kohhran hrang hrangte chuan ruai hi an buatsaih a, zing khawvar hlim atang khan Biak In hrang hrangah fatute thawm hriat tur a awm tan a, Kohhran hrang hrangah pavalai, thalai rual leh naupang thlengin mahni theih ang tawk tawk thawkin ruai buatsaih hna hi an thawk a ni.

Khawbungah chibai bukna nei :
          Hun rei tawh tak atanga an lo tih thin “Nausen Chibai buk” chu Khawbung Pathian Veng Biak In bul kawnah neih a ni.
          Khawbung kohhrante chuan hun engmaw chen Biak In tuala ‘nausen chibai bukna’ an neih thin chu an Biak In sak that avangin tun hmaa nausen chibai bukna atana an lo hman thin Pathian Veng Biak In kawn-ah hun an hmang. Nausen Chibai buk inkhawm hi Upa R. Limbu chuan kaihruaiin, nausen chibai bukna thilpek lâk khawm chhung hian Krismas hla “Leiah a lo piang van Lal-bera chu” tih lengkhawm zaia sak a ni a.
          Kawna hun hman zawhah hian Biak In chhungah lûtin Bialtu Pastor Rev.
Lalhunliana Royte hnen atangin “Lal thar a piang ta” tih Krismas thupui hmanga Pathian thuchah ngaihthlak a ni. Inkhawmzawh hian Krismas thingpui ruai an chang chhunzawm nghal a ni. NAUSEN CHIBAI BUK-na thil pek hlantu hi an vain mi 676, Mipa=328, Hmeichhia=348 niin Nausen Chibai Bûk-naa thilpek tlingkhawm chu Cheng sing 25,179 a ni.
          Nausen Chibai Buk tur hian Naupang Sunday School pawl hrang hrangte chu intlarin, puitlingin an zui thin a. Nausen Chibai Bûkna chhehvelah kum upa, chaklo leh derdêp deuhte chu thu kualin, a laiah lâm tual zuah a ni a. Nausen chibai buk tura intlarte’n thilpek an pek zawhah thutnaa thute hian thilpek an pek chhunzawm thin a ni.
          Kum 1932 vêl atanga Khawbung Kohhran te'n an lo chin thin Nausen Chibai Bûk chu chhunzawm zêlin, hmun danga hnathawk leh zirlaite pawhin Nausen Chibai bûk hi an lung tilêngtu leh Krismas huna hâwn tichâk zual thintu a ni a. Hmun hrang hrang atangin Nausen Chibai Buk chhim tura Khawbunga Krismas hmang an awm thin bawk a ni.
          Khawbungah hian Krismas mumal taka hman a nih atangin Krismas ruai chu a niah theh lovin a tukah zel an theh a. 1932-1945 chho vel-ah chuan mihring an la tlemin Kristiana inpe an la tam lova. Zupâwl sa hmangte'n ruai an theh thin a. Hun engmaw chen chu Krismas ni chhun bikah Serthlum Ruai buatsaih a ni bawk. Kum 1960 hnu lamah chuan Chhangban ruai hmanga thlâk niin kumin 2017-ah hi chuan chhangur
hmanga chhun thingpui ruai buatsaih a ni thung.

Khaw pakhat Kohhran pakhat-ah Krismas  :
          Chhungkaw 105 awmna Zawlsei Presbyterian Kohhrante chuan kohhran pumin Zawlsei khel mual phulah ruai an theh a. Krismas lenkhawm thlen dil mimal inah fakna hlaa inpawl ngainate’n nilengin Krismas hla leh lengkhawm hla an sa a ni. Zawlseiah hian Presbyterian tih loh kohhran dang pawl pakhat mah an awm lova. Kohhran chhungkaw 105 awmin kohhran member 569, danzawh kim 426 an awm a, hei hi tun dinhmuna an khaw population a ni nghal bawk a ni. Kumin hi kum dang zawng zawng aia zirlai leh hmun danga hnathawk haw that kum a ni.
        Krismas ruai thehah hian fatute’n zan lama kohhran programme an hman theih nan mipui ruai theh hmain Centenary Hall-ah an theh a, tlai dar 3:00 atangin mipuiin Selesih hmun hlui bul Zawlsei khelmual phulah changel hnah phahin Krismas ruai hi an theh chhunzawm a ni.

Khawzawl-ah Krismas :
          Khawzawl-ah pawh mipuite’n hlim takin Krismas an lawm a, Khawzawlah hian Krismas puala midangte tana luanchhuah chu kum dang aiin mipuiin an uar nia hriat a ni a. Kristmas urlawk ni leh Kristmas ni te khan Damdawi in-a damlo harsate tanpuina tur Poor Fund Cheng 13,250 hmuh a ni a, Kristmas vuakveta Hospital Poor Fund-a sum tlingkhawm chu a vaiin Rs. 50000 chuang a ni. Heng bakah hian sorkar Deptt thenkhat, tlawmngai pawl leh mimal thahnemngaite pawhin kumin hian Krismas thilpek an uar hle nia thudawn a ni.

DAN ZAWMLO MAN:
     An thu dawn bawhzuiin Champhai Police te chuan tukin khan Champhai Electric Veng in pakhat atangin Halpuah,  Halmawi leh Silai lem munei chi thahnem tak an man a.  Heng dan phalloh thil kawltu ni a puh hmeichhe pakhat man tel a ni.
           Champhai Police hotute sawi danin,  mi rintlak tak hnen atanga an thu dawn bawhzuiin,  Champhai Electric Veng a mi in luah Ngurthangpuii D/o  Khiangthuama in chu dan (Section 165 Cr PC tlawhchhanin) hmang a dapin,  Halpuah,  Halmawi leh Silai lem munei chi Rs 30000.00 (Cheng singthum) man vel a,  zawrh chhawn leh tura a chenna in a a kawl chu (Section 144 Cr. PC) an man sak.
          An thil man sak te hi : 1).  Halpuah 100,  2). Halmawi Bawm 10,  3). Hal Dawrawn  7,  4).  Rocket  8,  5).  Halvir 6,  6). Halpuah lian (bomb) 33,  7).  Silai lem munei chi (Toy Gun- Pallet gun) 45 a ni.
          Heng dan phalloh thil lo kawltu leh zuar chhawngtu Ngurthangpuii hi Champhai Police Station-ah Section 188 IPC hmangin thubuai siam sak a ni a.  Vawiin khan (Medical a niin,) District Court-ah hruai anih hnuah Champhai District Jail-ah dahluh a ni.

MIZORAM AIAWH:
National Children’s Science Congress vawi 25na chu Science City, Ahmedabad, Gujarat-ah tan a ni a, Mizoram atangin zirlai 8 leh anmahni hruaitute an tel. Mizoram aiawh zingah hian Presbyterian English School, Vengthlang-a pawl 7 zirlai H. Lalfakawmi pawh a tel a, zirtawpni khan presentation an nei fel a ni.

RUIHHLO MAN : 
Champhai Excise & Narcotics Squad duty-te chuan nizan thimhlim khan Zokhawthar kawng, Ruantlang leh Mualkawi inkar Farm Road bulah Heroin Hawng 3 an man a. Heroin neitu a puh Lalremsanga (alias Apheih) kum 27 s/o Lalnunzira (alias Santirai), Damparengpui khua ni a insawi chu man tel a ni.
          Champhai Excise & Narcotics hotute hnen atanga thu dawn danin, Heroin man tak neitu a puh hi Zokhawthar atanga Champhai pan lirthei a chuang a ni a. Ruihhlo man tak Hawng 3 (40.1 gms) hlut zawng hi Tualchhung hralhna a chhutin Rs 1,50,000.00 (Cheng Nuai khat leh Singnga) man a ni.
          Ruihhlo leh a neitu a puh Lalremsanga hi nizan khan Champhai Excise Lock-up a tantir anih hnuin, vawiinah District Court ah hruai a ni a. Vawiin vek khan Champhai District Jail-ah dah luh a ni.

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…