Skip to main content

Posts

Showing posts from March 8, 2017
ni 8.3.2017 (nilaini)
VC TE HNENAH COMPUTER HMAN DAN ZIRTIR :
Nimin khan State Institute of Rural Development and Panchayati Raj, SIRD&PR Mizoram buatsaihin Champhai District chhunga VC thlanbik mi 90 te tan Office Information ah Desktop Publishing Training neih tan a ni.
He training hi Hnamte Institute of Technology, Champhai Venglai ah neih a ni a, nimin a hawnna inkhawm hi V. Lalmuanpuii, DLAO Champhai chuan a hmanpui a. Thusawiin DLAO chuan hnathawhna hrang hrangah Computer hriatna tel lo chuan tunlai khawvelah thil tih hleihtheih a ni tawh lova. Awlsam zawk leh tha zawka hna kan thawh a, kan document pawimawh te tha zawk akan chinfel theihna turin Computer kan hman tangkai a tul a ni, tiin, VC te chu thahnem ngai taka an zirlai te zir turin a chah a. Khawtlang tan kan tha leh tui sengin kan inpe a, khawtlang in hma a sawn ngei theih nan tunlai thiamna sang zela hmasawn ve zel tura in zir thar zel tur a ni, tih sawiin he training hi a hawng a ni.