Skip to main content

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…
ni 12.1.2018 (zirtawpni) 

CTU TEN DISTRICT RILRU PU TURIN NGEN:
Champhai leh Zokhawthar inkara sumdawnna khawihtu pawl hrang hrangte chuan nimin khan MJA Press Club-ah press mite kawmin tunhnaia harsatna chungchang an sawifiah.
         Press conference-ah hian Champhai District Border Trade Transport Union, Champhai Pickup Owners' Assn, Champhai to Zokhawthar Bazar Assn leh Champhai Good Carrier Union te an tel a. He hunah hian Champhai District Border Trade Transport Union, CTU chungchang sawifiahin kum 1987 khan din a ni a, tunah hian member 192 an awm a, National Trade Union of Mizoram hnuaia inziaklut a nih thu te tarlan a ni. He pawl din chhan leh thil tum chu Champhai leh a chhehvel khuaa lirthei neituten Myanmar atanga foreign bungrua lo lut te Zokhawthar leh Champhai inkara tuikang nghaka a indawta phurh te, rate mumal tak siama sumdawng bungrua him taka phurh thlensak te, ramri sumdawnnain Champhai khua a thlawh khum loh nan champhai khawchhunga bungraw unload leh load te, foreign bungrua man man zawka mipuiin an lei theihna tur leh mi tam ber ten rualkhai taka rami sumdawnna zar an zo theihna tura hmalak te a nih thu te tarlan a ni.
        CTU hian a din tirh atanga vawiin thlengin pawl hmalakna tithuanawp thei leh dodalna chu chhunglam leh pawn lam atangin a lo tawh thin thu an tarlang a. Sumdawng pawl thenkhat leh khawbil, mahni hlawkna um avangin buaina neuh neuh pawh vawi duai lo an lo tawh thin an sawi rualin ramri sumdawnna rualkhai leh mumal zawka lirthei neituten a zar theihna turin CTU chuan sumdawng leh lirthei neitu pawl hrang hrangte chu thawhpui an duh reng thu an tarlang tel bawk. Tun hnaia CTU ten Zokhawthar atanga lirthei an dan chungchang sawi lang bawkin, Zokhawthar lirthei neitu mi thenkhat ten pawl thar, Zokhawthar to Champhai Transport and Workers' Union dinin Zokhawthar leh Champhai sumdawng bungraw phurh chungchanga thuneihna leh mawhphurhna, CTU in kum 30 chhung a lo kalpui tawh chu thikin thuneihna insiam chawpa hma an la chu tha an tih loh thu an sawi a. A tawp thlenga dawn an tum. CTU in kum tam tak a lo kalpui tawh ang leh Champhai district-a lirthei neitute rualkhai leh seniority dik taka a kal zel theih nan hemi chungchangah hian a tawp thlengin CTU leh a thawhpuite chu an tang dawn tih nimin a Joint Press Conference-ah hian tarlan a ni.
         CTU hruaitute chuan an kaihhruaina kawngah tih dik tawh loh emaw, tihsual emaw pawh an neih an rin thu sawiin, member thenkhatte rilru pawh an hliam a nih chuan ngaihdam a dil a. CTU hmalak zelna turah chu district that tlanna tur a nih anga khawbil leh pawl bil tan ni lovin district pum tan a nih avangin mipui, tlawmngai pawl leh khawtlang hruaitute chu thlawp turin an sawm a ni.
          Hei bakah hian Press mite zawhna chhangin CTU hruaitute chuan Zokhawthar leh Champhai inkar lirthei dan chu pawl hrang hrangte nena thutkhawm neiin hmalak zel dan tur rel an tum thu an sawi a. Border trade-a sumdawnna khawihtu pawl hrang hrangte inrem lohna avang hian he sumdawnna hian Champhai a thlawh khum mai ang tih an hlauh thu te, thukhat vuaa sumdawnna kalpui chu an duh ber a nih thu te an sawi bawk a ni.

60-58 :
        Nimin khan Champhai Vengthlang Presbyterian Kohhran Kristian Thalai Pawlte chuan ni 60 chhung midangte tanpui hna an chhunzawm.
         Vengthlang Presbyterian Kohhran Kristian Thalai Pawlte chuan Diamond Jubilee puala ni 60 chhung midang te tanpui hna chu vawiin khan chhunzawm lehin Vengthlang Primary School II a naupangte thutna tha tawh lo te thlak sakin a thar an siam sak bakah School bang leh thlak ngai awm ang ang te an siamthat sak a, hnatlang hian member te an thawk chhuak tha hle a ni.
          Ni 60 chhung midangte tanpui hna hi vawi 58 an kalpuina a ni a, vawihnih midangte tanpui an la hmabak a ni.

MISSIONARY DAY :
          Nimin kha Missionary Day a ni a, Mizoram hmundang rualin Champhaiah pawh Baptist Kohhran te chuan hun an hmang.
          Baptist Kohhran te chuan Missionary Day hi Pathian Biak inkhawmna neiin hun an hmang a, thupui pakhat 'I puan in zauh rawh' tih hmangin thusawi ngaithlak a ni a, inkhawmah hian Kohhran zaipawl, mimal zai leh group zai te ngaihthlak bakah Tawngtai hona an nei bawk.
          Pathian biak inkhawm neih zawhah Kohhran zaikhawm neih chhunzawm a ni a, tlaiah ruai an theh ho nghal a ni. Missionary day hi Champhai a Baptist Kohhran hrang hrang te chuan an mahni Biak In theuhah hun an hmang a, zanin hian I Puan in zauh rawh tih thupui bawk hmangin Pathian thu an ngaithla leh dawn a ni.

KUM 46 CHHUNG MEI MIT LOIN:
          Champhai District chhunga awm, Lungphunlian khua chuan Mizoram buailai a an khaw thenawm Hnahlan a India Sawrkarin an khua a khawm hnua mahni khaw buzawl an luah leh tan, Kum 1972 atanga mei mit lova an khaw din champhaphak kum 46-na pualin Ni 8-9, January 2018 khan Lungphunlian Community Hall-ah ropui takin Lungphunlian Day an hmang a, Bialtu MLA Pu crying emoticon. Zothansanga' khuallian niin a hmanpui a ni.
          Lungphunlian Day hmanpuitu Pu TT Zothansanga MLA chuan mei mit lova kum 46 lai Pathian hruainaa Lungphunlian a kal thei chu lawmawm a tih thu sawiin hmasawnnna chi hrang hrang, zirna sikul a zirtirtu indaihlohna awm thin pawh sutkian a nih theihnan Mizoram Sawrkarin theihpatawp a chhuah zel tur thu a sawi a. Hmanlai pipute sulhnu tam tak awmna leh Mizo pipute luah hma a 'Mirawng' ho sulhnu, 'Lungphun' lian tak tak awmna Lungphunlian hi awlsam zawk zinmiten a kalpawh theih nan kawngpui lian tha tak laihna leh cheibawlna tur ruahmanna reilote ah Mizoram PWD ten an tihchhuah thuai tur thu a sawi a ni.
           Khualzahawm Pu H. Lalrammawia Branch Manager MRB Khawzawl Branch pawhin thu sawiin Lungphunlian khua a tanga seilian a nih angin Lungphunlian Day hun hlimawm tak hmang thei a a awm chu vannei a intihthu a sawi a. Faina leh thianghlimna a Lungphunlian mipuite tan la tur leh lungrual taka Lungphunlian hmasawnnan a tangrual turin kalkhawm mipuite a sawm a ni.
           Lungphunlian Day-ah hian an khaw thenawm, Hnahlan leh Tualcheng atang leh Mizoram khaw hrang hrang atangin Lungphunlian khaw chhuak mi thahnem tak an tel a, Lungphunlian History inhrilhhriatna leh sawihona hunte buatsaihin zaithiamte an zai bakah an khaw din tirh atanga vawiin ni thlenga chhungkawpa ber la dam mi 3 te leh an khuaa tlawmngai pawl hruaitu hmasa berte chawimawina te an nei a. Drama leh zaite ngaihthlak anih bakah Thawhlehni chawhnu khan Lungphunlian Day pual hian khawtlang huapin ruai an kilho a ni.

INKHEL CHHUNZAWM ZEL E:
        Nimin khan CDFA buatsaih Republic Day Football Tournament chu khelh chhunzawm leh a ni.
         Champhai District Football Association in 2nd Div Club te tana a buatsaih Republic Day Football Tournament chu Chhangphut Field-ah khelh chhunzawm a ni a,vawiin khan Match 4 awmin Match khatnaah Venglai FC leh Dinthar FC te inkhelin Venglai FC te chuan si 5 faiin Dinthar FC an hneh a, Match hnihnaah Kahrawt FC leh Ngaizawl FC te inkhel ve leh in Kahrawt FC te chuan si 4 faiin Ngaizawl FC an hneh ve bawk. Match thumnaah N. Champhai FC leh Zotlang FC te inkhelin New Champhai hian si khat faiin hnehna an chang a. Match li naah Kanan FC leh LKS Hnahlan FC te an inkhel bawk.
          Vawiin dar 10 ah khelh chhunzawm tur niin match 2 a awm ang a, match hmasa zawkah Bethel FC leh Tlangsam FC te an inkhel ang a, match hnihnaah Ruantlang FC leh Hmunhmeltha FC te an inkhel bawk ang. Naktuk vek hian 1st Division Leaque match khelh chhunzawm ve leh a ni ang a, tlai dar 2 ah FC Vengthlang N leh Champhai United te an inkhel ve bawk dawn a ni.

TUIPUIRAL AH MLA :
           MHIP Branch 21 awmna Tuipuiral Block MHIP Conference vawi 22-na Khawbung Community Hall-a neih chu niminpiah khan Bialtu MLA Pu T Sangkunga’n khuallian niin a hmanpui.
          Thuchah sawiin khuallian Pu T Sangkunga chuan Tuipuiral chu RD Block pakhat, Constituency pakhat, Kohhran leh NGO pawl hrang hrangte hlawm khata awm an nih avangin mihring an inpawhin chhungkhat ang maiin an khawsaho a, he inpumkhatna hi chhawm nun zel atana thil tha tak a nih thu a sawi a. Tuipuiral chu hun engemaw chen atang khan zirna lamah a hnu fual hriat thu leh, a chhan zingah English Medium awm lo leh zirlaite’n English—a harsatna an neih chu nia a ngaih thu sawiin khawtlang thawhhona nena English Medium din mek a nih dan leh School building pawh MLA fund leh sawrkar tanpuina dang dang dapa hmalak mek a nih dante sawiin, heng English medium-ahte hian zirtirtu tha zawk an hmuh theih nan zirtirtu pakhat zel rawihna tur ngaihtuah a tum thu a sawi. Zirna lama hmasawn tur chuan chhungkaw nu ber an pawimawh hle nia sawiin Block MHIP member kal khawmte pawh an fate nun hloh leh hloh loh chungchangah mawhphurhna sang tak an nei a ni’ a ti bawk.
           MHIP General Hqrts President Pi Saipuiin Bialtu MLA-in Tuipuirala MHIP Branch hrang hrang run sakna tur a pek thin avangin MHIP Gen Hqrts hmingin lawm thu a sawi a, kum puan thupui “Hmeichhia leh naupangte hmasawnna leh himna atana nasa taka tan lak” tih hmangin thuchah a sawi a. Kum puan kaihhnawi - Advocate Sylvie Z. Ralte te, Pi V.Vanlalruati leh Pi Laldinpuii te thuziak sem nghal a ni bawk.

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…