Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…
ni 16.1.2018 (thawhlehni) 

CHAMPHAI DISTRICT AH VOTERS 82851 AWM:
          Nimin khan Champhai District Electoral Roll 2018 chu Pu Vanlalngaihsaka, Champhai DC leh District Election Officer ni bawk chuan a tlangzarh.
          Pu Vanlalngaihsaka, DEO chuan thu sawiin nikum September thlaa Draft Roll tlangzarh a nih hnuah Final Roll tlangzarh a ni thei chu a lawmawm hle a ni, a ti a, electoral roll peihfel a nih theihna tura thawktute inpekna te, political party leh tlawmngai pawlte tawiawmna leh thlawpnaah lawmthu a sawi. DEO chuan political party te chu election kaihhnawih thil hrang hrangah a pawimawh ber te an nih angin sorkarin hetiang lam thil tih a neihte ngai pawimawh thin turin a chah bawk a ni.
          He hunah hian Pu Lalremruata Kullai, EO chuan nikum chhunga Electoral roll ennawn dan tlangpui report a pe a. Kum danga tih thin angin khaw hrang hrangah hearing neih a ni a. Hemi bakah hian Election Commission of India ruahman angin BLO te chu in tinah lutin electoral roll-a la chuang lo leh siamthat ngaite an dap thu a sawi a, February thla atang hian siamthat ngaite siamthat a nih tur thu a sawi ve bawk.
         Electoral roll tlangzarh taka a lan danin Champhai District-ah hian voter nei mi 82851 an awm a. Heng zinga 41128 chu mipa niin 41723 chu hmeichhia an ni a, vote nei thar hi mi 2054 awmin nikum aiin vote nei hi Champhai district-ah 1596 in an tam zawk a, an punna hi 1.9% a ni.
          Assembly Constituency 5 zingah 23 Champhai North AC chu vote nei tamna ber niin 18228 an awm a, 25 East Tuipui chu a tlemna ber niin vote nei 14696 an awm a ni. Nikum chhunga electoral roll-a lut thar tamna ber chu 24 Champhai South niin lut thar hi 404 an awm a, vote nei sa atanga chhutin hei hi za zela 2.3 a ni. Champhai district-ah hian vote nei zingah mipa aiin hmeichhia an tam zawk a, sex ratio hi 1017 niin Champhai North leh South-ah te hian mipa aiin hmeichhe voters an tam zawk a ni. Polling station-a voters tamna ber chu Champhai South AC-a 24/22 Zokhawthar a ni a, voters 1268 an awm a. Polling station-a voters tlemna ber chu Lengteng A/C-a 21.24 Taitawkawn niin voters 53 an awm a ni. Electoral roll tihchhuah tharah hian kum 2000 hnu lama piang mi 11 te chu thun luh an ni bawk.
          Electoral roll-a thun tharte voters ID hi tun thla ni 25-a hman tur National Voters' Day hian sem chhuah a ni ang. Electoral roll tlangzarh tak hi vawiin khan political party te hnenah sem chhuah nghal a ni bawk.

ZUALKO BUATSAIH DAN TUR:
          Thuthmun branch ten zualko tihchhuah dan turah Sub-Hqrs chuan inkaihhruaina a siam.
          Thuthmun branch huam chhunga chhiat tawk an awma social media leh local TV-a zualko tihchhuah thin danah Branch hruaitute chu mawhphurhna laa, mitthi chhungte nena fel tak leh uluk taka inrawnin pek chhuah tura tih a ni a. Zualko-ah hian mitthi hming leh kum zat, veng emaw khua, thihni leh thih hun, thihna chhan, vui hun leh mitthi chhungte chanchin: nupui, pasal, nu, pa, nunaute leh fate hming ziakin Branch hruaitute hming ziahhnah ngeia puanchhuah tur a ni. Cable TV neitute awmnaa report pe tura kalchilh thei lote tan CCN Contact: 9862920903 leh LCN contact: 9615162145 ah te whatsapp emaw pdf emawin thehlut thin tura tih a ni. 

VANGCHHIAAH BIKE CHESUAL:
           Inrinni khan Vangchhe kawngah Bike chesualin a khalhtu leh a phurha te chuan hliam an tuar.
          Inrinni khan Rodinpuia leh C.Lalrindika Leithum khua te chu Vangchhia leh Sazep inkarah chesualin an bike tanky a leak a, meizial an tan avangin Rodinpuia s/o T. Lalrodenga Leithum kawra petrol kai chu man kaiin a mah hi a kang ta a, Rodinpuia taksa thenkhat chu a kang hman a ni. Hliam tuar hi Sazep an thlenpui a nih hnuah Khawbung Damdawi In panpui nghal a ni a, Bike khalhtu zawk C.Lalrindika hian an chetsualnaah hliam a tuar a, Damdawi In a dah a ngai lo thung. Tun dinhmunah chuan Rodinpuia hi ngaihtuah awm lutuk a ni tawh lo nia thudawn a ni.

NEDP HNUAIAH ZIN :
        Nimin khan Champhai District MJA te chu NEDP hnuaiah Press Tour neiin Lawngtlai lamah an kal a. MJA member 8 te chu DIPRO, Pu Lallawmthanga Thanglurh leh a staff te chuan an hruai a ni. MJA te zin chhung hian tualchhung chanchinbu chu chhuah a ni lovang. Hetihlai hian NEDP Press Tour hian Lunglei leh Kolasib MJA te chuan Champhai an rawn tlawh ve thung ang.

KAWNGCHHE KAWNG ZAWH :
        MNF Champhai North Block I chuan Champhai khawpui chhunga gas harsa tihziaawm tura nawr nan leh Champhai leh Aizawl inkar kawng chhe lutuk siamthat thuai nawr nan Zirtawpni hian kawngzawh an tum.
          Nimin khan Champhai North Block I MNF Executive committee te chuan Kahrawt YMA hall-ah thutkhawm an nei a. He commitee, Block President Pu PC Zohlira kaihhruaiah hian Champhai khawpui chhunga eirawngbawlna gas harsa lutuk a ziaawm theihna tura nawr nan leh, Champhai leh Aizawl inkar kawng chhe lutuk siamthat thuai a nih theihna tura nawr nan Zirtawpni hian kawngzawh nise an ti a. Hei bakah hian kumina an party hmalakna tur leh campaign dan tur hrang hrang an ngaituah bawk.
         Nimin thutkhawmah hian Champhai North biala MLA candidate atan party president Pu Zoramthanga la beisei zel nise tiin, harsatna a awm a, amah a rawn thei lo a nih pawhin Hqrs in a rawn dah apiang lungrual taka pawmtlan nise an tiin an rel bawk a ni.

BALL PET :
       Nimin khan Republic Day football tournament chu khelh chhunzawm a ni.
       Second division inkhelah Bethel chu si thum faiin Hmunhmeltha lakah an tlawm a, Ruantlang leh Tlangsam te chu 1-1 in an inhnehtawk bawk. First Division league match khat khelhah Vengsang FC chuan 5-1 in Zotlang FC an hneh a ni.
        Vawiin hian match thum bawk a awm dawn a, second division-ah Kahrawt leh Dinthar, Venglai leh Ngaizawl te intumin 1st division-ah Vengthlang FC leh Bethel FC an an inkhel bawk ang.

TUIALHTHEI DINHMUN :
Petrol : Tanky Full 
Diesel : Tanky Full

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…