Skip to main content

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…
ni 25.1.2018 (ningani) 

PIANNI LEH THIHNI CHHINCHHIAH ZIRNA:
          Nimin khan Champhai DRO Office Conference Hall Keifangtlangah Annual training of the registrars of Births & Deaths neih a ni.
          He training Champhai DRO Office Conference Hall Keifangtlanga neih hi Pu F Lalbuaia, Asst District Registrar of Births & Deaths Champhai District-in kaihruaiin  Champhai DC Pu Vanlalngaihsaka leh Champhai District Election Officer Pu Lalremruata Kullai MCS ten an hmanpui a, Registration of Births & Deaths pawimawh zia te sawiin, Directorate of economics & Statistics Aizawl atangin Pi Biakchungnungi Dy Director lo kalin a hoin training hi neih a ni a, civil registration chungchunga dan leh dun awmte leh registrar ten harsatna an neih tawhte sawi hoa ngaihthlak a ni bawk. He training ah hian Champhai District chhunga  registrars of Births & Deaths te kohkhawm niin a thar te a hran training pek an ni bawk a. Training hi nimin atanga neih tan niin vawiin khan zawhfel nghal a ni.
         Registration of Births & Deaths hi the registration of Birhts & Deaths Act 1969 hnuaia hnathawh niin Mizoramah chuan State rules - The Mizoram registration of Birhts & Deaths Rules 2007 leh The Mizoram registration of Birhts & Deaths ( Ammenment) act 2015 hnuaiah piang leh thi registration hi kalpui mek a ni.
          Mizoramah chuan a nodal dept chu Economics & statistics dept niin kum 1985 July ni khat atanga kalpui tan a ni a, tunah hian Mizoram pumah Registration unit 843 awmin District tinah Economics & Statistics Dept hnuaia Asst District registrar/District research officer ten an enkawl a, Champhai district ah hian registration of Births  & Deaths Unit 110 awmin Champhai District a khawtin chu tuam chhuak tawha ngaih a ni.
           Annual training of the registrars of births & Deaths hi kum tinin district tinah training hi neih ziah a ni thin a, Mi zawng zawngin pian leh thih a thlawna in register theih hun chhung sawrkarin a siam hi ngaihpawimawh theuh nise tih hi dept duh dan a ni a. Pian emaw thih emaw atanga ni 21 chhunga in report-in Pian leh thih Certificate a thlawnin a lak theih a, hemi hnu lamah hi chuan late fee/delay fee te chawi a ngaih bakah Judicial Magistrate Ist Class phalna a ngaih tawh a ni. Pian emaw thih emaw atanga ni 21 chhunga in register hman hram hi a pawiawmawh tak zet a ni.
          Pianni emaw thihni te  hi vawi khat in-register-a certificate lak chhuah tawh a nih chuan clerical mistake a nih loh chuan thlak danglam hi danin a phal tawh lo a ni.

GRAPE TUI LEI CHHAWNSAK:
          Hnahlan Grape Growers' Society in Hnahlan Winery a Grape tui sawrsa (Litre Nuai 1.7 vel) hralh lova kum hnih zet Tanky 17 a dah tawh chu Champhai Grape Growers' Society chuan Rs Nuai 15 in a leisak dawn a.  Tunkar chhung hian engkim tihfel anih tur thu Champhai Grape Growers' Sociiety hruaitute chuan an sawi.
          Grape tui hralh theih loh vang leh harsatna dang an tawh vangin Hnahlan Grape Growers' Society hian kum hnih chhung chu an member te Grape thar chhuah pawh leisak hlei thei lovin a awm a.  Kum kalta leh nikum lam a Grape tui,  Hnahlan Winery a dah khawlte chu khawih chet lova hun reitak a awm tawh avang leh chhe vek thei anih vangin Champhai Grape Growers' Society chuan Rs 1500000.00 (Cheng Nuai 15) in a leisak dawn ta a.  Grape tui Litre Nuai 17 velah hian a zatve vel chu la tha tura ngaih anih thu Champhai Grape Growers' Society hruaitute chuan an sawi a.  Champhai Winery a thiar phei turin Champhai Grape Growers' Society hruaitute chu niminpiah khan Hnahlan riahchilh turin an kal.
         Champhai leh Hnahlan Winery a Grape tui siamchhuah Zawlaidi,  Zo-wine leh Champ Wine te hi hralh a hnawn vangin a siamchhuaktuten harsatna nasa tak an tawh phah ve ve a.  Champhai Grape Growers' Society-ten Guwahati a Radiant Distillery Pvt. Ltd. hnenah Grape tui Litre khat Rs 50/- zela an hralh tak avangin kum hnih chhungin Grape tui Litre Nuai 2.65 (265000 Litres) man (Rs 1698500) an hralh hman a.  Hetih rualin Hnahlan Grape Growers' Society-te erawhin dehralna an neih ve loh vangin an memberte hnen atanga Grape rah an leisak,  Winery a sawrsa tui chu khawih chet lova dah khawl a ni ta a ni.

INKAWMNA HUN HMANG :
         NEDP Press Study Tour a KMMTTP tlawh a kal Champhai DIPRO leh MJA Champhai District te Champhai DC Pu Vanlalngaihsaka, IAS chuan nimin khan a Pisa-ah a kawm a.  Press Study Tour a kalte hun hman dan tlangpui DIPRO Dr. Lallawmkima Thangluah chuan tarlanna a nei a. Press miten an thil hmun dan tlangpui sawilanna an neih bakah rawtna an neihte an tarlang bawk.
        NEDP Press Study Tour a kal MJA Champhai District memberten January 15-28, 2018 chhunga Multi-Modal Transport Transit Project an tlawhna-ah kum 10 zet he kawngpui sial mek a 70% vel chuah hnathawh ala nih kawngah helai hna kal mek Compensation vanga hnathawh kal chak thei lo chu vei-awm antih thu sawilangin,   he kawngpui laihin ram Hectare 42 chuang a tih chhiat a ram neitu mi 160 chuang hnena zangnadawmna pekfel anih tawh hnu a mi 300 chuang te hnena Compensation pek leh tura  ruahmanna awm mek leh ram leilung nghet tawk lo vanga hna-in a thuanawp phah chu pawi an tih thu an swilang a. 
          He kawngpui in a paltlang Mizoram chhim tawp Zochachhuah leh a chheh vel a raltlan mi 1555 awm mekte khawsa-zia an hmuh danin tuna an khawsak dan thlirin mihring hriselna tan pawh him lo thei ni a an hriat bakah raltlante sahim zawkna turin Mizoram sorkar-in uluk zawk a vil tur leh enkawlna awlsam leh tha zawk sorkar atanga an dawn theih nan Mizoram hmun laili zawkah sawn theih nise an duh thu an sawilang tel bawk.
          Tour a kalten LADC leh MADC huamchhunga kawngpui kam thing an vawn leh enkawl that dan chu entawn tlak an tih thu tarlangin,  Champhai khawpui chhung VC huamchhunga mimal huan vat-in kawngpui kam   an vat chhuak chu ngaimawh-awm an tih thu sawilangin,  dan bawhchhetute chungah hremna lek ngei tha a an hriat thu an tarlang tel bawk.
         He inkawmhona-ah hian Champhai DC chuan Champhai District chhunga Silai leh Licence nei, DC Office-a la in report lo sang chuang an la awm tih sawiin, heng mite hian kumin March ni 31 thleng in report-na hun Sawrkarin a rawn pawtsei tih a sawi a. Hemi hun chhung hian in report ngei tura a duh thu a sawi bawk. Hun tiam chhunga in report lo tan chuan an silai Licence neih mek pawhin awmzia a nei dawn lo tih a sawi bawk a ni.
         Inkawmhona hunah hian Seling leh Champhai inkar kawng siam tur chungchang te; Champhai khawpuiin eirawngbawlna Gas harsatna a tawh mek chungchang te sawiho a ni a. Hun remchang hmasa berah DC ho hian Champhai District chhunga sawrkar hmalakna hrang hrang fan leh tlawh chungchang te sawiho a ni bawk. Champhai DC Pu Vanlalngaihsaka, IAS hi Lalremruata Kullai, Election Officer, Helena Laldinmawii, SDC leh Remlalliana Hnamte, SDC ten an tawiawm a ni.

NGENNA SIAM:
         Pi C. Lalbiaksiami, MPS/ SDPO Champhai Police Station chuan kum 2018 chhunga khawtlang a him zawk theihna atan ngenna a ti chhuak
         Kum 2018 chhunga khawtlangah rukruk, in rawk leh dawr rawk te tihkiam a nih theihna turin Zokhaw lama haw leh kal tur ten Sumo Stand ah Phone, Gas bur, Puan leh thil dangte man tlawm zawka zuar an awmin lo leisak lo turin mipuite a chah a, chutianga thil zuar an awm a nih chuan a rang thei ang bera Police te hriattir thin turin SDPO chuan mipuite a ngen a ni.
          Pi C. Lalbiaksiami SDPO chuan mi thil ruksa, Phone, bungrua, Gas bur, Puan leh thildangte man tlawm zawka kan lo leisak thin avangin kan khawtlangah rukrukna a hluar phah a ni a ti a, ruk a ni tih hre chung a lo leisak an awm a, hriatchhuah an nih chuan IPC Sec 411 hmangin case siamsak zel an nih tur thu a tarlang a ni. Hei bakah hian In leh dawr a lut chhuak te chu in neitu emaw, dawr neitu emaw chuan a chik ngun tur a ni a ti a, rukrukna thleng thin a tam zawk hi chu a neitute fimkhur loh vang a nih thu tarlangin mipuite chu fimkhur zual turin a chah a, hetiang tih ching an awm a nih chuan a rang thei ang bera Police te hriattir thin turin mipuite a ngen a ni.

HRUAITU TUR THLANG:
        Nimin zing khan Mizoram Environment & Forest Consultative Forum, Sub-Hqrs Champhai te chuan hruaitu thar thlanna hun an hmang.
        Pu VL Bela, President MEFCOF Gen. Hqrs chuan kaihruaiin Pu Bela chuan MEFCOF hmalakna avang hian Ramsa an pun zel thu a tarlang a, Awithangpa Zotheihuan, Kanghmunah chuan khaw daiah Hahuk chhungkua an tla ngam tawh niin a tarlang tel bawk. Sa kah leh sairawkher hmanga sava veh te tih tawp a nih theihna atan a campaign an neih thin te chuan nasa taka hna a thawh thu a tarlang a, silai leh sairawkherh engemaw zat an dahthat tawh thu a tarlang tel bawk.
          He hunah hian Sub Hqrs YMA, MUP, MHIP leh VC te telin hruaitu thar thlan a ni a, heng mite hi thlan chhuah an ni a,
President : Pu F. Lalrinmuana
Vice President : Pu H. Lalzova
Secretary : Pu PC Lalrawnliana
Asst. Secretary : Pu C. Huansanga
Treasurer : Pu C. Lalrizapa
Fin. Secretary : Pi Laldinngheti
te thlan an ni a, heng hruaitu thlan thar te hian kumin 2018 atanga 2020 thleng Mizoram Enveronment & Forest Consultative Forum, Sub-Hqrs Champhai hi an hruai dawn a ni.
           MEFCOF hian hmalakna hrang hrang a nei tawh thin a, Ramngaw leh nungcha humhawlh tur leh Tuihna tihpun na'n ram humhalh hi an lo kal pui tawh thin a, chumi atan chuan ZOTHEIHUAN tih chu MEFCOF kaihhruainain khaw hrang hrangah din a ni rawh a, sawrkar leh MEFCOF duh dan angin Mizorama khua zawng zawngah ZOTHEIHUAN hi din tumin hma an la mek a ni.

BALL PET :
        Nimin khan Republic day Football Tournament chu Semifinal khelh zawh a ni.
        Nimin Semifinal hmasa zawkah Kanan FC leh FC Tlangsam inkhelin Kanan FC in 4-1 in hnehna an chang a, Semifinal hnuhnung zawkah Venglai FC leh Mualkawi FC inkhelin Venglai FC in si 1 faiin hnehna an chang bawk.
          Ist Div League pawh final khel tur chiang tawhin Point 15 hmua hma hmruaitu Bethel FC leh Point 10 hmutu FC Vengthlang North ten final an khel bawk ang. Point hlawh chhuak lo Champhai United FC chu 2nd Div ah an tla  a, Point 5 hmutu Vengthlang FC in Play Off an khel thung ang.

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…