Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 9.1.2018 (thawhlehni) 

DY SP THLAHNA HUN HMANG:
Nimin chawhnu khan Champhai Police Station ah H. Vanlalzawni, MPS Dy. SP (hqrs) thlahna hun hman a ni.
       Thlahna hun hi VL Lura Hauzel, MPS Addl. SP Champhai chuan kaihruaiin kalkhawmte inhmel hriattirna a neih hnuah Rev. TBC Lalfamkima chuan hunserh hmangin Pathian hnenah inhlanna hun a hmang a ni. H.Vanlalzawni MPS Dy. SP chuan thu sawiin Champhai District-a kum 6 leh a chanve zet a awm chhunga thawhpui nuam tak tak Police leh Dept. hrang hnangte a nei chu lawmawm a tih thu a sawi a. Champhai a mihring dikna rah beh a awm thin te tih reh hi a tum ber a nih thu sawiin, thiltithei deuh ten thiltithei ve lote an rap bet thin te chu a vei thin thu a tarlang a, chumi tihreh tura hma an lakna kawngah a thawhpui ten phur leh thatho tak a an pui thin te chu lawmawm a-tih thu a sawi bawk.
       H.Vanlalzawni chuan Police nupui pawlah tel duh lo awm lo turin a chah a, Police nupui te chu intelkhawm zel a, thawkho zel turin a duh thu a tarlang a. Champhai Police chu Civil mite thlamuanna leh himna a nih avangin, hun lo kal zel turah an tana thlamuanpui tlaka awm turin a chah a. Complain ziak tura PS bel thin tam takte chu Dan leh hrai hre-lo te an nih thin avangin zaidam leh zawldawh taka lo dawngsawng thin turin a chah bakah mipuite'n Police te an hlauhna tur leh a dik Io zawnga an ngaih Iohna tura tanla zel turin a sawm bawk.
         H.Vanlalzawni, MPS Dy. SP (hqrs) Champhai hi Mizo zinga Hmeichhe DIC hmasa ber niin, Lunglei District ah OC hna a lo chelh tawh bakah SI hmeichhe Iak hmasa ber niin an exam-in topper a lo ni tawh bawk. Champhai District Police Station-ah kum 2011 ah Io awm tanin SDPO in kum 3 a awm hnuah SP Office-ah Dy. SP kum thum leh a chanve chhung awm leh in Champhaiah hian kum 6 leh a chanve a awm hnuah Dec 15, 2017 khan Kolasib District-ah sawn a nih tur thu tih chhuah a ni a, Kolasib ah hian tun thla ni 15 ral hmain a hna a zawm dawn a ni. He hun hi MJA Champhai District, MHIP Sub Hqrs Champhai, Police Nupui Association leh Champhai Officers' Club te chuan an telpui a, tlaiah ruaian kilho nghal a ni.
FOOTBALL INELNA NEIH MEK A NI:
Nimin atang khan CDFA buatsaih Republic Day Football Tournament chu khelh tan a ni. Champhai District Football Association-in 2nd Division Club te tana buatsaih Republic Day Football Tournament chu Chhangphut Field-ah khelh tan a ni a. He Tournament hi 2nd Div Club te bakah Zone Champion te tana buatsaih niin, Team 18 te an in Ian thei dawn a. Pool A ah Bethel FC, Ruantlang FC, FC Tlangsam, Mualkawi FC leh Hmunhmeltha FC te an awm a. Pool B ah Vengsang FC, Vengthar FC, Zote FC leh Zote FC, Zokhawthar te an awm a. Pool C ah Zotlang FC, Kanan FC, New Champhai FC leh LKS Hnahlan te an awm a. Pool D ah Venglai FC, Kahrawt FC, Dinthar FC, TMFC Melbuk leh Ngaizawl FC te an awm bawk. Pool tina point hmusang ber leh a dawttu hian Quarterfinal an lut dawn a ni. Nimin khan Match 4 awm in , match hmasa berah Bethel FC leh Ruantlang FC te an inkhel a, Bethel FC chuan 1-0 in hnehna an chang a. Match hnihnaah Mualkawi FC Ieh Hmunhmeltha FC te ah inkhel a, Hmunhmeltha FC te chuan 3-2 in hnehna an chang ve bawk. Match thumnaah Vengsang FC Ieh Vengthar FC te inkhelin, Vengthar FC chuan 4-0 in hnehna an chang a. Match 4-naah Zote FC leh Zokhawthar FC te inkhelin, siphur awm Iovin an inhneh tawk a ni.
      Vawiin hian Match 4 khelh a ni ang a. Dar 10:00 ah Venglai FC leh Kahrawt FC, Dar 11:30 ah TMFC Mebuk leh Ngaizawl FC, Dar 1:00 ah Zotlang FC Ieh Kanan FC, Dar 2:3O ah New Champhai FC Ieh LKS Hnahlan te an inkhel bawk ang. Hetihlai hian 1st Division Team 6 te chuan nimin atang khan League an khel zui ve bawk a Republic Day ah Final an khel dawn a ni.
 VUR A TLA:
Nizan hmasa tangthawm avangin Mizoram pumpuiah a hma aiin khua a vawt zual a, abikin khaw chhak tlangdung, hmunzo leh ruam, dam leh phul hmunah vur tla hmuh tur a awm nual. Niminpiah tlai thimhlim atang khan boruak vawtin Mizoram a tuam a, zan rei lamah thlifima thawt heuh heuh avangin daitla leh vur insiam erawh a tam lo thung. Tuipuiral tlang dunga phul hmun leh ruam tha lai Samthang phul leh Leisenzo sangha dil ruamah te a tla hnem a, Khawbung leh Vaphai dai phul velah pawh vur tla hmuh tur a awm nual bawk. 

MIPUI THLAWPNA DAWN AVANGIN LAWM:
Nimin khan Champhai District Police hotuten Champhai Police Station-a; SDPO Pisa-ah Kristian te hunpui Krismas leh Kumthar hman liam tak, Champhai District chhunga hman dan an thlirlet.
       Hunpui vuakveta dan leh thupek kenkawh kawngah thawk tha thawkhat ni a an hriat thu tarlangin, he hun chhunga thil duhawm lo liantham thleng awm lo va mipuiten boruak nuam tak hnuaia hlim taka an hmang liam ta chu lawmawm an tih thu he thutkhawmah hian tarlan ani. District Police hotuten he thlirletna hun an hmanah hian District Addl SP VL Lura Hauzel-in kaihruaiin, District chhunga Police hotute bakah Police Station tin OC-te an kal kim a. He hunpui vuakveta hman tur Home Department in Champhai District Police tana Rs. 90,000/a pek chuan dan leh thupek ken kawh kawngah duty-ten an fankual zau zawk theih phah vanga lawmawm an tih thu te, Khawtlang hruaitu te, Tlawmngai pawl YMA leh VDP te nen thawh hona tha tak an neih vanga lawmawm an tih thu te sawilan a ni a. Halpuah leh Halmawi kawl leh zawrh khap chungchangah mipui thlawona tha tak an dawn vanga lawmawm an tih thu tarlan a nih rualin, Kumhlui thlah zana Halpuah hal thawm hriat tur tlem a awm erawh an ngaimawh thu an tarlang. 

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…