Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung Chanchinthar ni 21.2.2018 (nilaini)

DOCTOR NEIHLOH AVANGA MIPUI HARSATNA KHA A PAWI :
Nimin khan MZP Hqrs. Champhai chuan Chhung Inkhawm leh kum 208-2020 hruaitu thlanna an nei. He hun hi I&PR Auditorium CHANEM Building ah hmangin Chawhma lamah MZP Chhung Inkhawmneih a ni a, he hun hi H.Lalramhluna, Secretary MZP Hqrs Champhai in a kaihruaia, President C.Lalthlenglianan thu a sawi bawk.
He hunah hian MZP hqrs Champhai Bakah a hnuaia Sub Hqrs hrang hrang- Farkawn, South Khawbung, Dungtlang, Khuangleng leh Hnahlan Bakah Hqrs Thuthmun Branch hrang hrang Hmunhmeltha, N.Khawbung, Zote, New Champhai, Tlangsam, Ruantlang leh Mualkawi atang te in Inthlang tur Palai kalkhawm in an hmalakna Report theuh an pe a, inpawh zawk leh nasa zawka zirlaite leh ram leh hnam tana ke pen Turin infuih thar ani bawk ani.
Chawhnu lamah hian Zirsangliana Paite Returning Officer leh HT Lalrokhuma Recording secy kaihhruai na in 2018-2020 hruaitu thlanna neih ani a, Heng mi te hi an thlangchhuak ani.
President: Remnalalnghaka, Vengthlang North
Vice President: H.Lalramhluna, Electric Veng
Secretary: Lalthanfela, Vengthlang North
Jt Secy: Lalramnghetzuala, Vengthlang
Treasurer: Thangdeihmanga, Bethel Veng.
Fin. Secy: Lalrammawia Tlau, Tlangsam.

President thar Remnalalnghaka chuan thusawiin Zirlaite ram leh hnam tan theihtawp chhuah Tura inring Turin a fuih a, sawrkarin Zir na in min saksak te hi a function ngei theihnana hmalak an tum thu leh zirlai tupawh, eng kawngah pawh harsatna nei chuan MZP hruaitite hnen thlen hrehlo tur leh Mizo hnam him nana theihtawp chhuah Turin tlang hrang hranga hruaitute a chah bawk ani.
He hunah hian zero hour ah Kalkhawmte hian resolution lungrual takin hetiang hian an pass ani.
'Doctor indaihlohna avanga Sawrkar bungraw tihchhiat a awm hi a pawi kan ti a, Chutihrual erawh chuan Doctor indaihlohna avanga Mipui tawrhna lo awm tawh thin zawng zawng kha min hriatsaka Circuit House Chhelai thawmtha vat Turin Sawrkar kan phut tlat ani'

ZOMI NAM NI HMANG :
Zomi Cultural Society, Mizoram buatsaihin Zomite ni pawimawh tak Zomi Nam Ni, tum 70-na chu nimin chawhma dar 11 khan Champhai Vengthar Community Hall-ah lawm a ni a. He hun hi Education Minister Pu H.Rohluna chuan khuallian niin a hmanpui a ni.
Khuallian chuan Zomi Hnam Ni hmang tura lo kalkhawm mipuite chu chibai  bukin, Zomi Nam Ni chu zohnahthlak Zomi hmun hrang hranga awmte’n kum tin ropui taka an hman thin thu a sawi a. Zohnahthlakte chu  tawng leh tih dan phungte dang deuh thin mahse lak hran tak tak theih kan ni lo a ni, a ti a. Tupawh hi inlahrang thei kan ni lova,  inpumkhatna hi kan ngaipawimawh tur a ni, a ti a. Mizoram sawrkawrin zohnahthlak hmun danga awmte hmakhua a ngaihpawimawh thu sawiin, Chief Minister ngei pawhin Myanmar ram chhunga zohnahthlakte a hmun ngeia kalin a tlawh tawh thu a sawi a. An harsatna leh mamawhte Central sawrkar hnenah pawh a  thlen tawh bawk a ni, a ti a. Education Minister chuan pipute atanga kan tihdante chu  awi nung zel a pawimawh thu leh Kristianna nena inkalh lova kal a tul thu a sawi a. Sawrkar hmalakna Act East Policy hnuaiah  Border Trade, Land Custom Station-te kalpui a nih thu sawiin a mihring lam kan in unaua, kan inlungrual phawt chuan hlawhtlinna a awm ngei ang, a ti a. Inkalpawhna leh insumdawntawnna tha zawk awm theih nan Border area khuaah te Border Hat din tura Central swrkarte dawr niin bawhzui zel anih tur thu a sawi a. Tunlai khawvel hmasawnna thang zelah inlungrualna tha awm thei zel se a duh thu a sawi a. Tunhma atanga lo hman thin anga Zomi Nam Ni hman a ni thei chu lawmawm a tiin hemi buatsaihtute chu fakawm a tih thu a sawi a. Kalkhawm mipuite chu Mizo hnahthlak zinga mi, Mizo leh Mizoram neitu an nih in hre thar leh a, hun nuam tak hmang theuh turin duhsakna a hlan nghal bawk a ni.
He hunah hian Pu Nangsianmung, President, Zomi Cultural Society (ZCS), Mizoram pawhin thu sawiin Zomi Nam tih hnam hming chu Rev ST Haugo-in Zomi Baptist Church Convention, Halcha, Chin State-ah Kum 1953-ah a phuah thu a sawi a. He hunah hian kan thlahtu chu ‘Zo’ a ni a, keini hi ‘Zomi’ te kan ni ti a a sawi chu palai kal zawng zawngin lungrual takin an pawm vek a ni, a ti a. He Zomi tih hnam hming hi Zomi Labour Corps palai pakua te chuan kum 1914 velah khan King George V bulah pawh Zomi hnam kan ni tiin an lo thlen daih tawh thu a sawi a. Tunah hian Zomi Tribe Recognition ngenna memorandum chu Zomi Cultural Society hmingin Mizoram Sawrkarah thlen anih tawh thu a sawi bawk a ni.
He hun hmanpuitu Pu C.Lalbiakzauva, President, Sub-Headquarters YMA Champhai pawhin YMA leh Zomi Cultural Society (ZCS) ten thawhhona tha tak an nei thin chu lawmawm a tih thu a sawi a. Zohnahthlak hnam hrang hrangte chu Zoram neitu vek kan ni a, Culture leh tih dan phung inang nei kan ni, a ti a. Hun kal tawha chibil inthliarna, indona leh innghirghona lo awm thin tawhte chu hnualsuata, tan rual angaih tawh zawk thu a sawi a. Hnam ziarang leh tawngte vawngnun tlat a pawimawh thu a sawi a.  “Chhinlung chhuak Zofate tih hian min phuarkhawm zel se, unau kan nih i vawng nung zel angu”, tiin kalkhawmte chu a sawm a ni.
Nimin chawhma programme-ah hian Pu T.Thang, President ZCS Champhai Hqtrs. chuan kalkhawmte lawmna thu a sawi a. Zomi hnam zirna, infiamna leh hnathawhna lama mihmingthate hnenah khuallianin chawimawina a hlan a. Mal zai leh hnam lam hrang hrangte ngaihthlaka entir niin Rev Thang Do Cin-an lawmthu sawina neiin hun a khar a ni.
Zomi Nam Ni hmanna programme hi nizan lam atang khan neih tan a niin tukin zing lamah ‘Zolai gelhdan’ (Zomite ziahdan) tih thupuia hmangin Seminar neih a ni a. Vawiin chawhnu lamah kum 2018-2020 chhunga ZCS Mizoram hruaitu thar thlanna an nei a. Zan lamah a kharna hun an hmang leh dawn a ni.
Nimin Zomi Nam Ni lawmna hunah hian Education Department lama hotute, Zomi hnam Champhai leh a chhehvela mite leh Aizawl lam atanga lokalte an tel tha hle a ni.

TRIPPER CHESUAL :
Nizan hmasa khan Tripper chesualin Zote Thuampui venga khawsa Pi Lalduhi inbualna a su chhia.
Tripper MZ04 A- 0170 Pu Jerry Rosangzuala s/o Upa Rochunga, Zotlang Motor Vanlalrawna khlah chu Darkhai atanga thingzai phurin Champhai lam a rawn pan chuan Zote Thuampui Venga khawsa Pi Lalduhi inbualna chu su chhia in kawng thlangah a tlan liam zui a. Kawngpui atanga ft 40 vel tlan liam thla in Pi Lalduhi vawk in chu a hnawl thla a. Ek in khur hlui ah a hma tla lutin hei hian a aia thui a liam tur a lo dang a ni. Tripper ah hian Motor khalhtu Vanlalrawna leh a unaupa chiah an chuang a. Vannei thlak takin thi leh hliam erawh an awm lo hlauh thung a ni. Thudawnnain a sawi danin Driver Vanlalrawna hi a hma zankhuaa tlan tawh a nih avangin Zote khua an rawn luh hian a lo mithlu nia sawi a ni.
Zotlang lamah Pu Jerry a thenrual tha tlawmngai te leh Zote khawchhung mite chuan nimin khan motor leh a thingphurh la chhuakin an thawkchhuak a, heng tlawmngai rual thawkchhuakte hian Pi Lalduhi in chhe lai te an thawm that sak nghal a ni.

MINISTER IN DIET TLAWH :
District Institute of Education and Training (DIET), Champhai chu Education Minister Pu H. Rohluna'n nimin zing dar 9 khan a tlawh.
Minister hi DIET Principal Pu RLThianghlima leh DIET a thawktu ten an lo dawng sawng a. DIET Building thar tha tak Official a la hawn loh chu chipchiar takin a tlawh kual a. Building sak tha a tih thu te, Champhai DIET in ram zau tak an lo nei chu Sawrkar ang pawh a lawmawm a tih thute leh Sawrkar chuan renchem  tak si a Office Building tha tak mai bakah Conference Hall tha leh changtlung tak an nei thei chu lawmawm a tih thu a sawi.
Minister hi Party hruaitu thenkhat te leh a private secretary ten an rawn tawiawm a. Tuk thuan hlimawm tak DIET Champhai Staff te nen an kilho nghal bawk. Minister in an harsatna te a hmun ngeia a rawn hmuhpui avangin Principal leh Staff te an lawm hle.

SERCHHIP MJA TE CHAMPHAI AH:
New Economic Development Policy Press TOur a chhuak Serchhip District MJA ten nimin khan Champhai District chhim lama hmun pawimawh an tlawh.
Serchhip District MJA Member 8 te hi Pu K. Saitluanga, Serchhip DIPRO hovin an kal a, Khawbung khaw daia Hlaphuah thiam leh thuziak mite chawimawina hmun 'Mizo Hlakungpui Mual' an tlawh a. Hlakingpui Robawma chawimawite sulhnu an vawn that leh Khawbung Branch YMA Museum an tlawh bawk a ni. Hei bakah hian Lamsial Puk, Fiara Tui, Kungawrhi hnuhluhna, Chhura Chirawt lung, Lungkeiphaw te tlawhin vawiin hian Vangchhiaa Kawtchhuah ropui an tlawh bawk ang.

SEMI FINAL VAWIINAH KHEL DAWN :
MFA Cup 2018, Mamita khelh mek chu vawiin hian Semifinal khelh a ni dawn. Semifinal hmasa zawk chawhma dar 11:30 hian Champhai District aiawha kal CDFA Academy te chuan Kolasib District an tum ang. CDFA Academy te hian an match hmasa berah Lunglei 2-1 in an hneh a, a thlengtu Mamit si 3 faia hneh lehin an match hnuhnung berah Siaha hneh zo lo mahse Group Leader ni chungin Semifinal hi an inhlangkai a ni.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…