Skip to main content

Champhai Tualchhung Chanchinthar ni 23.3.2019

PRISM MP CANDIDATE IN RAM LEH KHAWTLANG TANA HMALAK TUM :            Nimin khan PRISM Party MP Official Candidate TBC Lalvenchhunga chuan Champhai MJA Press Club ah Press Conference neiin, kumin MP inthlan lo awm tura ram leh khawtlang tana hmalak a tum dan tlangpui thuthar thehdarhtute hmaah a sawi lang.             TBC Lalvenchhunga chuan Mizoram aiawha MP a thlantlin a nih chuan CAB dodal nan Mizoten kan chanvo dik tak kan neih theihna turin theihtawp a chhuah tur thu leh India ram rorelna sang ber Parliament ah RIght to Succession Bill a thehluh tur thu a sawi. MP a thlantlin a nih chuan CAB in Zo hnathlakte laka nekchepna leh a thalo zawnga nghawng a neih dan tur kawng hrang hrang a tarlang a. TBC Lalvenchhunga chuan Zo hnahthlakte ram, hnam tobul leh nihdan phung dik tak hmuchhuak turin Sawrkar in ziaka chhinchhiahna a neihte fawmkhawm a tum thu a sawi a.             MP LAD sum hmanga chhawrnahawm thilsiam chhuahna din a tum thu te, thenawm ram Bangladesh leh Myanmar sawrkar nena …

Champhai Tualchhung Chanchinthar ni 23.2.2018 (zirtawpni)

SYMA CONFERENCE ATAN INBUATSAIH :
SYMA Champhai Conference Vawi 6-na thlengtu tur Mimbung Branch YMA te chuan Pansal sak hna an thawk mek.
SYMA Champhai Confernence Vawi 6-na hi Mimbung ah neih tur niin COnference neihna tur Pandal Ralkapa Run chu sak mek ani a, Ralkapa Run hi a dung feet 125 leh a vang feet 64 a zauva(www.champhai.net) sakniin mipui a tlem berah 1500-2000 inkar vel leng zo tura ruahman ani. Nimin thlen gkhan a bang bel zawh tawh niin a chung hi chih leh tura ruahman mek ani a. Ralkapa Run hi Mimbung Branch YMA chuan Conference kal tur hian SYMA Champhai huamchhung a YMA Member zawng zawngte an sawm a. Hetih lai hian Conference kal tur te chu zu leh ruihtheih thil bakah mipat/hmeichhiana lama mualpho tur chu kalo mai turin (www.champhai.net) min ngen a. Motor keng tur ten Motor ah Counter No leh Driver/a neitu Phone No. tarlang vek turin an ngen bawka. YMA chu tanpui ngaite tanpuitu kannih ang hian mutbu leh hmanraw intawm chi lohte palai ten mahni intodelh vek leh Conference palaite mikhual thlen kimni 20 March 2018 ah thleng vek turin an ngen a. Engemaw harsatna avanga thleng hmanlo kan awm a nih chuan a hma lam in Reception & Information (www.champhai.net)Sub-Committee hnen ah inhriattir turin an ngen bawk.
Branch  tinin Conference Palai kalte hming list fel tak neih nise. Mikhual thlenna chungchang ah duhdan hrang deuh nei kan awm chuan ni 15.March 2018 aia tlai lovah Reception & Information Sub-Committee ah in hriattir tur a ni bawk ang.
Mikhual thlen dan tur pawh siam fel tawhin.
Counter No 1 (YMA Section A) -ah Khawzawl Group leh Tuiphal Group leh Vengsang Branch, Electric Veng Branch, Vengthar Branch, Tlangsam Branch te an thleng ang.
Counter No 2 (YMA Section B)-ah Kawlkulh Group, Kahrawt Branch, Vengthlang N Branch, N. Khawbung Branch, Zion Veng Branch leh Kanan Veng Branch
Counter No 3 (YMA Section C)-ah Vanapa Group, Vengthlang Branch, Ruantlang Branch, Neihdawn Branch, Tuipui Branch leh Hrianghmun Branch
Counter No 4 (YMA Section D)-ah Tuipuiral Group, Venglai Branch, Zote Branch, Hmunhmeltha leh Teikhang Branch
Counter No 5 (YMA Section E)-ah Vanhnuailiana Group, Bethel Branch, Ngur Vengsang Branch, New Champhai Branch, Mualveng Branch leh Kawlbem Branch
Counter No 6 (YMA Section F) -ah Tuichangral North Group, Zotlang Branch, Chhungte Branch, Dinthar Branch, Jail Veng Branch leh Selam Branch.

HEROIN HAWNG 43 MAN :
Champhai Police Khankawn Check Gate a dutyte chuan nimin chawhnu khan Bawng phur lirthei pakhat atangin Heroin Hawng 38 an man a.  Heroin phurtu Driver Vanlaltawka kum 19 S/o Thangtinsuma(www.champhai.net) Champhai Vengthar chu man anih bakah ruihhlo phurhna lirthei pawh Police-ten an hreng zui nghal. 
      Champhai Police hotute hnen atanga thu dawn danin,  Sahbawn Bawm a dah Heroin Hawng 38 hi Gram 450.8 a ni a,  Tualchhung hralhna a chhutin Rs 1900000.00 (Cheng Nuai 19) man a ni.  Champhai atanga Aizawl kalpui tur Ran (Bawng) phurtu lirthei Driver thutna hnungah heng ruihhlo man takte hi hmuh a ni a.  Driver Vanlaltawka hian ruihhlo neitu leh a phur tura chahtu a a puh (www.champhai.net)C. Lallawmsanga S/o C. Sangvela Champhai Vengsang,  Zuangtui Leitlahniam a cheng chu nizan khan Police ten an man nghal a.  C. Lallawmsanga leh Vanlaltawka-te hi ND & PS Act tlawh chhana thubuai siam sak annih bakah ruihhlo phurhna lirthei pawh thubuai siam niin,  hren a ni bawk. 
       Vanlaltawka hi vawiin District Court a hruai anih hnuah Champhai District Jail-ah dahluh a ni.  
Nizan hmasa vek khan Champhai Khankawn Police Check Gate a duty-te chuan Heroin Hawng 5 Tualchhung hralhna a chhut a Rs 250000.00 (Cheng Nuai 2.5) man an man leh a.  Heroin neitu a puh(www.champhai.net) Lalremsangi D/o Lalnuntluanga Zohmun khua,  Aizawl Zemabawk a cheng mek ni a insawi chu manin,  Champhai Police Station-ah ND & PS Act tlawhchhanin thubuai siamsak a ni a.  Nimin khan District Court a hruai anih hnuah Champhai District Jail-ah dahluh a ni bawk.

KUM 6 CHHUNGA RAM KAN TLEM BER 2017 :
Kum 2017 chhung khan Champhai ah Ram Hectare 63.4 a kang.
Kum 996 atang khan Sawrkar in lo hal hun hi a tuk tan a. Champhai ah pawh bi tuk tan a nih ang hian lo hal hun bi tukah Lo neitute chuan an hal thin a ni a. Kum 6 kal ta chhung khan Champhai ah ram (www.champhai.net)Ha 2510.25 a kang a. Kum 2012 khan ram Ha 295 a kang a, kum 203 ah Ha 563 a kang a, kum 2014 ah Ha 349.5 a kang a, kum 2016 ah Ha 506 kangin kum 207 ah Ha 63.4 akang a ni. Za zela chhutin kum 6 chhung hian kumtin Ram Ha 418.375 kang ziah ang a ni.
Kum 2012 khan ram kang venna atan Rs. nuai 4,28,600 hman ral a ni a, kum 203 ah Rs. nuai 17,74,200, kum 2014 (www.champhai.net)khan Rs. 10,98,000, kum 2015 ah Rs. 6,87,020, kum 2016 ah Rs. 10,46,640 sen niin kum 5 kal ta chhung khan ram kang venna atan Champhai Forest Division chuan Rs. 50,35,160 a seng a ni. Hetih lai hian kum 2018 hian Champhai ah Ram Ha. 5 a kang tawh bawk a ni.

CHAMPHAI DISTRICT FANG MJA TE LEH ADDL DC :
New Economic Development Policy bultuma buatsaih Press Study tour hmanga Champhai District chhunga sawrkar hmalakna leh pipu sulhnu fang mek Serchhip District MJA leh Lunglei District MJA member-te chuan (www.champhai.net)  Champhai District Bawrhsap charge la mektu Pi Lalsangpuii Hmar hovin DC Conference Hall, Keifangtlangah inkawmhona an nei.
Pi Lalsangpuii Hmar chuan Serchhip District leh Lunglei District MJA ten Champhai District chhunga sawrkar hmalakna leh(www.champhai.net) pipu sulhnute en tura an lokal chu lawmawm a tih thu a sawi a. An zirchianna atanga thil tha zawk an hmuh leh hriatte chu District hmasawn zel nana sawi chhuak turin MJA member-te chu a sawm a ni.
Inkawmna hunah hian Pu K. Saitluanga, DIPRO Serchhip chuan NEDP hnuaia Press study tour, India ram leh Mizoram hmun hrang hranga neih a nih dan tlangpui a sawi a. MJA member ten an tour report leh(www.champhai.net) Champhai District an hmuh dan hrang hrangte an tarlanga. Faina lama Champhai District-a hmasawnna nasa tak chu District dangte tana entawn tlak anih thu an sawi a. Hmalakna thenkhat duhkhawplo deuh leh tan lak ngaihna angte chu District thuneitu ten a tul anga lo enzui an tum bawk a ni. He inkawmna hun tawi buatsaih hi a bengvar thlakin a hlawkthlak hle a ni.
Serchhip District Press Study Team-te hi Pu K.Saitluanga DIPRO Serchhipin rawn hovin, Pi C.Lalremruati, DIPRO Lunglei hovin Lunglei Districti Press Study Team-te hi an rawn thawk chhuak a ni. Champhai Bawrhsap(www.champhai.net) chuan Press Study Tour team-te tan hian zanriah tuihnai tak a buatsaih sak a, a chungah tour member-te an lawm hle a ni. Naktuk lamah Serchhip Team-te hian Chawngtlai leh Biate tlawhin Serchhip an pan leh anga, Lunglei Team-te erawhin Champhai leh a chhehvela sawrkar hmalakna leh pipu sulhnu an la tlawh kual dawn a ni.
He hunah hian Pu Pachhunga SDO (S); Pu K.Lalhmuakliana,DUDO Champhai;  Pu Remlalliana Hnamte SDC leh Pi Laldinfeli SDC ten DC hi an tawiawm a ni.

HUN VAWNG DIK TURIN NGEN :
Nimina MZP Hqrs. Champhai hruaitute thukhawm chuan Champhaia Sawrkar Office hrang hrangte sawrkarin Office kai hun leh khar huna siamte vawng dik a ngaipawimawh turin a ngen a. Champhai a Sawrkar(www.champhai.net) Office thenkhat hi khawchhung atanga hla tak tak te a ni a, a thawktu te an lo awm lohin, a dawrtu mipui tan harsatna lian tak a nih thin avangin mipuite tan Office kai hun leh khar hun hi vawng dik hram hram turin MZP chuan thawktute a ngen a ni. Hemi chungchangah hian District thuneitute pawh a rang thei ang bera la kawm an tum a ni.

HRISELNA ENDIK SAK :
Genesaret Gospel HOme, IDU Project, Champhai te chuan ni 19.2.2018 leh ni 21.2.2018 khan Champhai Home Pathum TNT, Matakhen leh Emmanuel After Care Centre te tlawhin Dr. Lalhlupuii Khiangte leh Dr Lalrinmawia hovin Health Camp an nei. Hetah hian TNT ah mi 66, Metakhen ah mi 20 leh (www.champhai.net)Emanuel After Care ah mi 14 te hriselna an en a, a mamawh zual tanah Damdawi a thlawnin an pe bawk. Genesaret Gospel HOme, IDU Project a thawktute hian kumtin Health Camp hi vawi 2 an nei thin.

SIPAI A TAN DUH TAN :
Sipaia tang duh tan Training buatsaih a ni daw. BDO Office atangin sipaia tang duh te tan 26th Feb. atanga 7th march (www.champhai.net) thleng hian Lersia Field, Ruantlang ah training buatsaih a ni dawn a, Training a tel duh te chuan BDO Office ah vawiin February ni 23 thleng hming thehluh theih a ni ang.

Comments

Popular posts from this blog

Champhai Tualchhung Chanchinthar ni 23.3.2019

PRISM MP CANDIDATE IN RAM LEH KHAWTLANG TANA HMALAK TUM :            Nimin khan PRISM Party MP Official Candidate TBC Lalvenchhunga chuan Champhai MJA Press Club ah Press Conference neiin, kumin MP inthlan lo awm tura ram leh khawtlang tana hmalak a tum dan tlangpui thuthar thehdarhtute hmaah a sawi lang.             TBC Lalvenchhunga chuan Mizoram aiawha MP a thlantlin a nih chuan CAB dodal nan Mizoten kan chanvo dik tak kan neih theihna turin theihtawp a chhuah tur thu leh India ram rorelna sang ber Parliament ah RIght to Succession Bill a thehluh tur thu a sawi. MP a thlantlin a nih chuan CAB in Zo hnathlakte laka nekchepna leh a thalo zawnga nghawng a neih dan tur kawng hrang hrang a tarlang a. TBC Lalvenchhunga chuan Zo hnahthlakte ram, hnam tobul leh nihdan phung dik tak hmuchhuak turin Sawrkar in ziaka chhinchhiahna a neihte fawmkhawm a tum thu a sawi a.             MP LAD sum hmanga chhawrnahawm thilsiam chhuahna din a tum thu te, thenawm ram Bangladesh leh Myanmar sawrkar nena …

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…