Skip to main content

Champhai - Tualchhung Chanchinthar ni 24.5.2018 (ningani)

POLITICAL TRAINING NEI :
Nizan hmasa khan Zoram People Movement, Tangrual Pawl chuan Champhai Venglai Community Hall ah Lalduhawma, Chief Ministerial Candidate hovin Political Training an nei.
Thusawiin Lalduhawma chuan Mizoramah kum 30 chhung Party pahnihin min hruai tawh a, heng Party pahnih hlirin kan ram ah ro an rel chhan chu mipuiten an mahni thlak tur kan hriat loh vang ani a ti. Tunah chuan mipuite hian hmelthar hmuh an chak tawh a, chuvang chuan pawl hrang hrangte chu intelkhawmin hma kan la ho a, Zoram People Movement hi a lo ding ta a ni a ti. He pawl hi chu Party dang ang lo takin Kohhran Upa ten hma min hruai sak a ni a ti a, telna tlakah an ngai hi thil ropui tak ani a ti.
Lalduhawma chuan kalphung thar an neih tur mipui sawrkar ti a an kalpui tur thu sawiin an sawrkar a nih chuan sawrkar mekin a hmachhawp awmte tihpuitlin tlak a nih chuan an chhunzawm tur thu a sawi a, harsatna a awm loh tur thu sawiin Party inlak hran lutuk hi kan ti ve ngai dawn lo a ni a ti. Mihring ten…

Champhai Tualchhung Chanchinthar ni 24.2.2018 (inrinni)

ZOFATE ANG A MIKHUAL IN THLENG HI KHAWVELAH AN AWM LO :
Nimin khan Champhai MJA Press Club ah Zoram Thar pawlte chuan Press Conference an nei. Upa Zosangliana, Fin. Secy kaihhruai Press Conference ah hian Rev. Dr Zaichhawna, President chuan kum 2018 atang hian Lalpan thil thar, Politics thar min pe dawn a ni a ti.
Kan ram harsatna lian ber chu Politics diklo a ni a ti a. party Politics hian kan ram a  eichhe nasa a. Party POlitics chu Lapan titawp a duh a, ama Lal ram Politics rawn din a tum a ni a ti. Zoram Thar Pawlte hian Zoramthar siam kan tum lo, Pathianin a siam dawn a, a chhiahhlawh ni turin kan inpe ani a ti.
Zoramthar chu Zofate hmanga khawvel zawng zawnga chanchintha hril hi a tum ber a ni a ti. Pathianin a mite hnena Lal a duh tawh avangin Pathian Lalram din a ni dawn a, kan ramah hian Lal Isua Krista hi thlan tlin ni ve tawh rawh se tih hi kan tum ber a ni a ti. Chief Minister nih hi kan tum ber a ni lova, Pathian hi kan ram Lalber ni tawh se tih hi kan duh ber a ni a ti a. Zoramthar in a manifesto chu Bible  ani dawn a. Pathianin engtinnge a tih tih hi kan thupui ber a ni dawn a ni a ti.
Zoramthar pawlte chuan kan ram kalphung dik tawh lote hi kan ram polotics dik tawh loh vang a ni an ti a. Eirukna te, Sawrkar hnathawkte dik tawh lohna zawng zawng te hi kan Politics dik tawh loh vang a ni an ti a. Pathian ram Politics ah chuan dik lohna a leng ve tawh dawn lo ani an ti. Lalpan sawrkar thar a siam turah hian Opposition a awm tawh dawn lo an ti a, Pathian tih mi lo an tling tawh dawn lo a nian ti.
Ram leh hnam hmangaih in ti te hi mahni pum hmangaih te vek an ni an ti a. Pathian Lalram ah chuan  Zoram thar pawl te hi fatu ang an ni ang a, zoram mipuiten ei tur an ei ang a, an ei ban a awm a nih chuan fatu ten an eive chauh ang an ti a. Hnam inthliarna awm tawh lovin rilru hmunkhat in kan awm vek tawh dawn a ni an ti.
Press mite zawhna chhangin MLA bial 40 ah Lalpa tan bawm 40 an dawh tur thu an tarlang a ni. Pathianin a duh ber chu inlungrualna a nih laiin Politician tha tak tak te pawh thawhpui dawn ila, an inlungrual thei tlat lo niin an tarlang a. Lal Isua Lalram din lo chu tum kan neih ve loh vangin chutiang an ti thei a nih loh chuan kan inlungrual thei lo a ni an ti. Party Politics bawlhhlawh pu miah lo Politician te chu he pawlah hian an len vek thu an tarlang a ni.
Zoramthar Pawl hian Lalna an chang a nih chuan Opposition an awm tawh dawn lova, party dang  zawng zawng pawh an tel vek dawn a ni an ti a. Mipuite kan tha lutuk hi zoram hian a chhiatpui mek a ni an ti a, thiltha lo kan hmu a, engmah kan ti ngam chuang lo, heng zawng zawng hi kan politics dik lovin mipuite a a nghawng a ni a, kan ram politics hi a dik hunah kan ram a fel vek ang a, mipuite sukthlek pawh hi mi nkaiher vek tawh ang an ti.
Zoram thar pawl hian ziakin member an nei lova, zoram mipui zawng zawng hi an memberah an pawm thu an tarlang a. Ram changkang Politician te chuan dawt vawikhat an sawi chuan an hmalam hun zawng zawng a chhe vek thin a, kan ram ve thungah chuan kan Politician te dawt sawi hre mah ila kan nuih liam pui mai mai a ni an ti. Khawvelah hian ZOfa te tih loh hnam dang mikhual kan inthlen ang a inthleng hi an awm ve a an hriat loh thu te an sawi lang bawk.
Zoram Thar Pawl hian Mizote rilru puthmang diklo te chu siam that a tum thu an tarlang a, mizo nunze mawi- sem sem dam dam, ei bil thi thi tihna nunah kir leh te, ZOram Politics hi Lalpa duhzawng Politics a thlak te,ZOramah Pathian Lalram thar din leh Zofa hnam hrang hrang te pumkhata siam te hi an thil tum ber te zing a mi a nih thu an tarlang a ni.

LIRTHEI LUT LEH CHHUAK PHURH RIH ZAWNG BITHLIAH :
Champhai a lut leh chhuak bungraw phur lirthei-ten tlan velten Champhai panna kawngpui an rahchhiat nasat lutuk vang leh Champhai leilet zawl,  buhbal chinna hmun a chenna in leh bungraw dahna Kudam sak mekte chu dan phalloh anih ang a khuah khirh anih theihna turin nimin khan DC Conference Hall-ah Additional DC Pi Lalsangpuii Hmar kaihhruaiin District Level Meeting neih a ni.
Lirthei lut leh chhuak phurh rih dan turah nimin a thukhawm hian bithliah siamin, Lirthei ke 6 nei tan Kg 9450, chu chu motor body feet 4.5 a sang,  Lirthei ke 10 nei tan Kg 12600, chu chu motor body feet 4.5 a sang,  Lirthei ke 12 nei tan Kg 17100 (motor body feet 5.5 a sang) nise a ti a.  Hemi chungchanga hmala zui tur leh lirthei phurh rih dan lo enfiah tur hian Mizoram Police leh District Legal Metrology te ruat an ni a. District chhung kawngpui kam khawtin a VC leh YMA-te chu a tul anga lo puibawm tura ruat an ni a.  Lirthei phurh tawk tura ruat aia tam bungrua phurh anih chuan bituk aia tam bungraw chin zawng chu hlan thlak nghal tur a ni. Kawngpui chhia te chak zawka cheithat anih theih nan leh kawngpui tihchhiat a nep theih nan Sumdawngtute, bungraw neitute leh lirthei neitute hnenah pawh ngenna siam nise ti a rel a ni a.  Hetih rualin Champhai khawpui chhung National Highway-in a huam chin bak inkalpawhna kawngpui (Internal Road) humhalh turin khawpui chhung Village Council leh YMA Branch tinte ruat an ni bawk. 
Sorkar thuchhuak Notification No. 1RR-80/73 (A) Date 14th April, 1989 in Champhai Town (khawpui) a a puan ang a,  Champhai zawl leilet hmun chu Town huam chhungah telh ve anih lohna leh Town huamchhunga sorkar-in a puan ve loh avangin Champhai Leilet zawlah chenna tur in sak leh Godown emaw atan a in sak te phal a ni lova.  Mizoram Revenue dan (The Mizoram Revenue Laws) 10(6) leh 11(1)-na in a  sawi leh tarlan,  Agricultural LSC,  Periodic Patta and Gaden Pass te chu pass pek anihna ang taka Agriculture (Huan thlai siamna) atan ni lova,  thil dan atan hman khapna Champhai District Magistrate-in a chhuah a.
He khapna thupek-ah hian Champhai leilet zawl, Agriculture kaihhnawih atana ram neiten pek an nih chhan ang taka hmang tur leh Godown sak leh chenna atana Insak te a khap tlat a. Godown sak mek leh sak tawhte endikin,  ram pek an nih chhan anga hmang lo chu Mizoram Revenue dan (The Mizoram Revenue Laws) 11(8 tlawhchhanin;  thiat tura hriattir vek an ni a.  Sa mekte pawh an hnathawh chawlhsan tura hriattir nghal an nih bakah he khapna thupek zawm lova,  tiluite chu chawitir emaw an pass cancel sak thlenga hrem theih tur annih thu meeting-ah hian tarlan a ni.
District Magistrate in dan dinglai tlawhchhan a khapna thupek chhuah hi chak taka kenkawh anih theihna tur leh tih hlawhtlin anih ngei theih nan Dan leh thupek kengkawhtute puibawm turin Task Force a din nghal bawk a ni

NITHUM AWH HRUAITUTE TAN TRAINING :
Ni thum awh tur Leadership Training chu nimin chawhma dar 10 khan Sub-Hqrs. YMA Hall, Tlangrawtah neih a ni.
He Leadership Training hi Sub-Hqrs. YMA leh NYK Champhai te tangkawpin an buatsaih niin he hunah hian Sub-Hqrs. YMA hruaitute leh thuthmun Branch hruaitute an tel tha hle a ni. Pu PC Lalrawnliana, Secretary SYMA chuan kaihruaiin Pu C. Lalbiakzauva DEO Champhai chu Resource Person niin a hmanpui a. THusawiin Pu C. Lalbiakzauva chuan hruaitu chu tum leh duh mamawh leh beisei thuhmun neite an tum ram thlenpui tura hma latu, enkawl tu leh kawhhmuh tu an nih thu a tarlang a, hruaitu han chu a hmasaa kal, kawng kawhhmuh, a bul tumtu nih, bul tanpui leh rilru leh ngaihtuahna buatsaih a ni a ti. Pawl thil tum tihlawhtling tura midangte hneh theihna leh hruai theihna hi hruaitu hna chu a nih thu a tarlang a, mi thenkhat chuan hruaitu nihna hi an pianpui laiin mi tam zawk chuan a zira kan zir a ngai a ni a ti.
He hunah hian pawl hruaitute mizia kentel tur nihna leh tih tur hrang hrang te, Paper Present sawihona neih a ni a, kalkhawm te hian he hun hi hlawkthlak an ti hle a ni. He leadership training hian karleh Thawhtanni thleng hian a awh dawn a ni.

KAWNG ZAUH DAN TUR ENHO :
Nimin chawhnu khan Champhai MJA Press CLub bul kawngpui zauh hnathawh dan tur enfiah a ni. Champhai MJA Press Clun bul kawngpui zauh hnathawh dan tur hi Addl. DC Pi Lalsangpuii Hmar in a hmunah kalin a enfiah a, MJA kawt kawngpui hi a zim avangin thlang lampang ah retaining wall rem hmasak a kawngpui zauh nise an ti a. Chhak lam lei a min mai loh nan lungrem ni bawk se an ti a, hemi hnu hian hnathawh dan tur chungchangte an sawiho nghal bawk a ni. Addl. DC hi Remlalliana Hnamte SDC Revenue, Laldinfeli SDC leh MJA Member te bakah Bethel VC ten an tawiawm a ni.

SOLAR WATER PUMP TLAWH :
Niminpiah khan RMSA buatsaihin State chhunga Student Excursion Programme hnuaiah Champhai a High School zirlai thlan chhuahte chu Kelkang a Solar Water Pump tlawhpui an ni. Excursion ah hian High School hrang hrang 10 atangin zirlai pathum theuh an kal the i a. A kal turte hriat tur tul inhrilhhriatna chu CHANEM tualah neih a ni. He hunah hian Excursion a zirlaite hruaitu Pu C. Hualrikhuma Dy DPC RMSA chuan zirlaite chu tlawh tur Solar Water Pump chu an zirlai puitu atan hmang turin a chah a. An thil tlawh atang hian report ziakin chu chu RMSA hnena thehluh tur a ni a. Heta tang hian a tithate chu lawman pek an ni dawn a ni, a ti a. Excursion a kalte chu inthianthatna hawn tel turin a chah bawk a ni.
Zirlai hi PHE SDO chuan a hmunah lo dawngsawngin ni zung chakna hmanga tui pump dan hi chipchiar takin niminpiah khan an fang a ni.

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …