Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung Chanchinthar ni 26.2.2018 (thawhtanni)

MLA HOIN GROUP CONFERENCE HMANG :
YMA in ram leh hnam tana tangkai taka hna a lo thawh tawh thinna chu chhawm nung zel turin Tuipuiral Group YMA Rorel Inkhawm hmangtu Palai kalte chu Bialtu MLA Pu T. Sangkunga`n a chah.
Bialtu MLA chuan kar hmas Zirtawpni khan Sesih Community Hall-a Tuipuiral Group YMA Rorel Inkhawm vawi hnihna hmanpuiin kumpuan 'Ram leh Hnam Humhalh' hawnna hun a hmang a. YMA chu pawl ropui, tlawmngai pawl, Mizo hnam inhumhimna atana pawimawh a nih thu sawiin mi tam takin sawisel mah se, YMA ziding chu hnam tana tha turin akal ngut ngut a, a thil thlir dan pawh a lai a ni a ti. YMA  khawvela a tal tam laia a thil thlir dan leh politics khawvela a zuanluh hnua a thil thlir dan tam tak danglam dan a ngaihtuahin YMA lo ropuizia a hmuchiang hle nia a hriat thu a sawi a. YMA huang  chhung atanga hmalak chu hnam damna atana pawimawh zual bik niin a sawi.
Rorel Inkhawm tan hma hian PHE Khawbung WATSAN Sub-Division Officer Er C. Lalchawimawia, khualzahawm chuan tuihna humhalh pawimawhzia leh faina kawnga bial mipute hmalak dan tur hrang hrang a zirtir bawk. ROrel inkhawm hi Tuipuiral Group YMA President H. Lalnilianan kaihruaiin Branch hrang hrang report ngaihthlak a  ni a, Secretary MC Lalramengan Conference leh Rorel Inkhawm inkara Group YMA hmalakna leh Group huamchhunga Branch hrang hrangte dinhmun report a pe bawk.
Tuipuiral Group huamchhungah hian YMA Branch 21 awmin kum kal ta chhunga an sum hmuh belhkhawm hi Rs. nuai 35.24 a ni a, member 1598 awmin member tamna ber Farkawn ah member 185 an awm a, member tlemna ber Zawngtetui Branch ah Member 94 an awm thung ani. Branch malkhaia sum hmu hnem ber chu Vanzau Branch niin Rs. 6,20,000 chuang an lalut a ni. Tuipuiral Group YMA Rorel Inkhawmah hian Member boral an sun 76 zingah hruaitu hlui 6 an sun tel a. Rorel Agenda 6 awmin heng Agenda te hi siamrem ngai siamremin pawm a ni.

MZP IN TLAWH :
Kar hmasa Zirtawpni khan MZP Hqrs. Champhai hruaitute chuan Zote a ITI leh Tlangsam a Ploytechnic hmunte an tlawh a, Building dinhmunte uluk takin an zirchiang. Heng building te hi luahlum loh a nih avangin a tlabal nasa tawh hle a, a bik takin Nursing School, Polytechnic leh ITI Buiding  te hi sawrkarin a rawn sak chhan ang ngeia a function theihna turin MZP Hqrs. Champhai chuan Sawrkar hnenah na zawka nawr an tum a ni. MZP chuan hemi kawngah hian tlawmngai pawl hrang hrang thlawpna an ngen a, Political Party te pawh Polotics Champhai hmasawnna tur khel zel turin an ngen bawk a ni.

KUM 30 CHUANG DOCTOR LA NEI LO :
Kum 1986 a din Sesih Primary Health Centre, khatih hun laia Health Minister Vaivenga hawnah kum 30 liam hnu thlengin DOctor pakhatmah dah an la ni lo tih khawtlang hruaituten an sawi. Sesih PHC hi Lianpui, Leisenzo leh Khuangleng khaw mipuiten damdawi an kalna leh pan ber a ni a. Tun dinhmunah Sesih PHC ah hian Nurse 2, Health Worker 1 leh Grade IV 3 an thawk mek a ni.

CM LANGIN RAWN ZIN DAWN :
Chief Minister Lalthanhawla chu naktuk Thawhlehni hian langin Champhai a rawn tlawh dawn a. Govt. Champhai College Building sak thar a hawng ang. Chief Minister hi naktip Ningani ah Kolkata panin a chhuak leh ang a, Nilaini tlai dar 6 a Magnetic Miziram Roadshow, Hotel Hyatt Regency, Salt Lake a neih  a hmanpui ang. Chief Minister in GCC building a hawnnaah hian Champhai North bialtu MLA TT Zothansanga pawh a tel ang.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung

ni 22.12.2014 (thawhtanni)
PISTOL MAN :
    Ni 19.12.2014 (Zirtawpni) dar 8 vel khan Assam Rifles, Excise & Narcotics Deptt leh SIB Champhai te tangkawp chuan Zokhawthar leh Melbuk inkarah 9mm pistol an man a, a neitu nia puh Gintungmung kum 38, Tualdopau fapa Mualkawi, Myanmar leh Gintheihthanga kum 42 Khupnanga fapa te pawh an man nghal bawk. Pistol te hi Champhaiah cheng nuai khat leh sing ngaa ve ve a hralh an tum niin an sawi.

TANPUINA LUT ZEL :
    Ni 18.12.2014 (Ningani) zan a Pi Lalbiakthangi in, Venglaia mi kang sak that hna chu Inrinni khan thawh chhunzawm leh a ni a, in sakna atan hian tha 650 vel sen a ni tawh a ni. In hi a dung feet 24, a vang feet 18, Assam type chhawng hniha sak tur a ni a, Thawhtanni hi chuan pum fel hman tawh beisei a ni. In kang tuarte tanpui nan hian vawiin thleng khan cheng 127796 a lut tawh a, buhfai, thawmhnaw leh in chhung mamawh tur chi hrang hrang pawh Champhaia mi tlawmngai ten chhiat tawkte tanpuina atan hian thahnem tak an pe khawm tawh baw…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…