Skip to main content

Champhai - Tualchhung Chanchinthar ni 24.5.2018 (ningani)

POLITICAL TRAINING NEI :
Nizan hmasa khan Zoram People Movement, Tangrual Pawl chuan Champhai Venglai Community Hall ah Lalduhawma, Chief Ministerial Candidate hovin Political Training an nei.
Thusawiin Lalduhawma chuan Mizoramah kum 30 chhung Party pahnihin min hruai tawh a, heng Party pahnih hlirin kan ram ah ro an rel chhan chu mipuiten an mahni thlak tur kan hriat loh vang ani a ti. Tunah chuan mipuite hian hmelthar hmuh an chak tawh a, chuvang chuan pawl hrang hrangte chu intelkhawmin hma kan la ho a, Zoram People Movement hi a lo ding ta a ni a ti. He pawl hi chu Party dang ang lo takin Kohhran Upa ten hma min hruai sak a ni a ti a, telna tlakah an ngai hi thil ropui tak ani a ti.
Lalduhawma chuan kalphung thar an neih tur mipui sawrkar ti a an kalpui tur thu sawiin an sawrkar a nih chuan sawrkar mekin a hmachhawp awmte tihpuitlin tlak a nih chuan an chhunzawm tur thu a sawi a, harsatna a awm loh tur thu sawiin Party inlak hran lutuk hi kan ti ve ngai dawn lo a ni a ti. Mihring ten…

Champhai Tualchhung Chanchinthar ni 22.2.2018 (ningani)

CHANVO DIK TAK HMUH THEIHNA TUR INHRILHHRIA :
Nimin khan Mizoram Legal Services Authority (MLSA) bultumin Champhai Kahrawt YMA Community Hall-ah Legal Services Camp buatsaih a ni a.   He hunah hian India khua leh tuiten an chanvo dik tak an hmuh theihna tura kaihhruaina dan inhrilhhriatnna na neih niin  Sorkar Department hrang hrangten mipuite dawr theih tur leh thu zawhfiah theih turin Stall an hawng a ni. He hun hi Pu C.Lalhnunpuia, President, MJA Champhai District chuan khuallian niin a hmanpui a ni.
Pu C. Lalhnunpuia chuan Khawvel a Democracy ram ropui ber, State 29 leh UT 7 te infin khawm, mipui tluklehdingawn 1.34 awmna India ram mipuite tana Sorkar laipui leh State sorkar-ten hmasawnna rahbi hrang hrang a siamte mipui kut (www.champhai.net)a a thlen ngei theihna tur leh mahni chanvo dik tak an dawn theuh theihna tura mipuite zirtir leh hrilhhriat tir chu tihmakmawh a ni, a ti a.   Hetiang ruahmanna tha tak, mipui ban phak a awm theihna tur leh mipuiten an chhawr tangkai ngei theihna tura Sorkar laipui ruahmanna zulzui a mipuite dan leh hrai zirtirtu leh hrilhhretu bik Legal Services Authority-ten Champhai District a Legal Awareness Campaign an nei thei chu thil lawmawm tak anih thu sawiin,  he Legal Awarness Camp hi tangkai taka hman anih ngei theih nan duhsakna a hlan a ni.
He hun MSLSA Member Secretary Pu Vanlalenmawia MJS kaihhruaiah hian SBI Champhai Branch, Mizoram Rural Bank leh Mizoram Co-operative Apex Bank Champhai Barnch-te atangin mipuiten tangkai lehzuala Bank an hman tangkai theihna tura ruahmanna thar chi hrang hrang tarlanna an neih bakah District Health & Medical Department,(www.champhai.net) District Child Protection Unit (CDPU), District Sericulture Department, District AH & Vety Department, District Fisheries Department, Police Department,  Horticulture Department,  District Agriculture Department, Social Welfare Department-ten sorkar laipui leh State sorkar-in hmasawnna rahbi a kalpui mek dan Power Point hmangin sawifiahna an nei hlawm a ni.
He hun hmanpuitu Mizoram Motor Accident Claims Tribunal (MACT) Presiding Officer, Pu KL Liana MJS leh Senior Advocate Pu KV Tlangmawia ten Court-a thubuai ngaihtuah anih dan leh hremna pek anih dan phung tlangpui tarlanna an neih bakah mipuite Court (Lok Adalat) chungchang sawifiahna an nei a.  Champhai Kahrawt Field-ah Sorkar Department hrang hrangten dawr hawngin,   sorkar in hmasawnna rahbi hrang hrang a duante mipui hnena tlangzarhna leh mipuiten an thu hriat duh leh zawhna an neihte an zawt nghal a.  Sorkar Department hotute hian mipuite hnenah hrilhfiah sakin, an hmalakna kawng hrang hrangte an puangchhuak nghal bawk a ni.

WUA MEET HMANG :
Irrigation & Water Resources Department bultumin Champhai leh a chhhehvel Irrigation Project hnuaia Water Users’ Association (WUA) meet vawi -1 na chu  nimin chhun dar 12 khan Dam Dam Hall, Champhai Zotlangah neih a ni a. (www.champhai.net)He hunah hian Finance Minister Pu Lalsawta chu khuallian niin Pu KS Thanga, Irrigation & Water Resources Minister chu khualzahawm a ni.
Pu H.Lalengmawia IAS, Secretary, Irrigation & Water Resources Department kaihhruai programme-ah hian Pu Lalsawta chuan loneitu chu kan ram neih chhun enkawl tura tan la turin a fuih a. Ram tha tak nei chunga tharchhuah a hlawk theilo chu in enfiah a ngai a ni, a ti a.  Kham khawp buh leh bal tharchhuak tura tan lak angaih thu leh loneitute pawhin an kova tla tihturte chu rinawm leh taima taka an thawh angai a; (www.champhai.net)an theih bakah chuan sawrkar pawhin a tih tur chu a ti ve mai dawn a ni, a ti a.  Finance Minister chuan tunlai harsatna lian tak chu pawisa awlsam leh hnathawk lova awm theihna  anih thu a sawi a, hei hian kan nunah thil pawi tak a thlen a ni ,a ti a. Kan nitin nunah  eizawnna leh hnathawh chungchangte hian hun tam zawk luah thin se, chu chuan rah  duhawm a chhuah a rin thu a sawi a,. Mi duham tlemte avanga mi tam zawkin harsatna an tawk thin chu thil thalo tak anih thu a sawi a. Kuthnathawktu hnathawh chak tak takte chuan sawrkar a ti hlima, phurna nasa tak a pek thu leh sawrkar flagship programme NEDP hmangin ti tak takte hnenah tangte puihna pek zel anih tur thu a sawi bawk a. Sawrkar hnathawkten kuthnathawktute tana boruak tha tak hnuaia hna an thawk thin chu fakawm a tih thu a sawi a. Khuallian chuan taima leh rinawm taka ram leh hnam tana thawk zel turin WUA Member-te chu a chah nghal bawk a ni.
Khualzahawm Pu KS Thanga, Irrigation & Water Resources Minister pawhin thu sawiin Agriculture department tihhmasawn nan sawrkarin  nasa takin hna a thawka, Irrigation chu Agriculture dinchhan leh innghahna pawimawh tak a ni, a ti a. Finance Minister-in hun chep tak kara Irrigation department leh kuthnathawktute hnathawh leh harsatnate a hmun ngeia a enfiah sak chu fakawm a tiin a chungah lawmthu a sawi a. Kum 30 chhunga Mizoram Buh  mamawh chanve tharchhuak thei turin JAICA (Japan International Cooperation Agency)  nena thawkhoin project buaipui mek a ni, a ti a. Heng bakah hian Agriculture tihhmasawn nan UNO peng pakhat IFAD (International Fund for Agriculture Development) hmalaknain cheng vaibelchhe 500 vel bawr hmangin District pali: Champhai, Serchhip, Kolasib leh Mamitah hnathawh anih tur thu a sawi a. Kuthnathawktute chawikan chu sawrkar tum ber anih thu a sawi a. Tui hnianghnar zawka hman tur a awm theih nan Irrigation project-te kalpui niin a enkawl zuina lama hmalak zel(www.champhai.net) chu thil tul tak a ni, a  ti a. Leihnuaia tui awmte zirchian tum anih thu leh a theih chin chinah Solar pump hmangte a lakchhuah tum a nih thu a sawi a. Phaizau tuikhuah chu a hmangtu tur loneituten an mamawhna ang zela an hman theih zelna tura hma la zel turin a chah a. Leitha subsidy pek a ni chunga a la to viau chu lo enzui a tum thu leh  awlsam zawka loneituten an neih theihna tura hmalak a tum thu a sawi a.  A huntaka thlai chi an hmuh theihna tura tan lak pui a tum thu a sawi bawk a ni. WUA member-te chu Mizoram Agriculture tun dinna tura an hnathawh chhunzawm zel tura chahin  duhsakna a hlan a ni.
Nimin programme hi Pu H. Lalengmawia IAS, Secretary, I&WRD-in kaihruaiin kalkhawmte lawmna thu a sawiin. vawiin ni hi Champhai mipuite tana ni lawmawm leh chhinchhiah tlak tak a ni, a ti a. Kuthnathawktute chu sawrkara (www.champhai.net)innghat vek loin an tih theih tawk theuhah taima tak a thawk turin a fuih a. He hunah hian Er Lalrotluanga, Chief Engineer, I&WRD-in technical report a pe a. WUA lam atangin zautin aiawh hnen atangin an hmalak dan, Project an chhawr tangkai dante, tuihna tha tak nei thei tura an hnathawh dante bakah sawrkar lam atanga an mamawhte  thlenna hun an nei nghal bawk a ni.
Irrigation & Water Resources Department hnuaia Minor Irrigation Project zawh tawh zawng zawngah hian tuikawng a tanga tui hmang tangkaitu zawng zawngte tan Water Users Association (WUA) hi din zel a ni a. A tum ber chu tuikawngte uluk taka enkawl, tui insem chungchang relfel leh tangkai leh daihzai taka tui hmante a ni.
Nimin chawhma lam khan Finance Minister leh Irrigation & Water Resources Minister leh Secretary, I&WRD-te chuan Champhai leh a chhehvela Minor Irrigation Project; Keilungliah, Phaizau leh Saitluangte a hmunah (www.champhai.net)kalin an tlawh a. Heng hmunahte hian loneitute nena inkawmna an neihpui zel a, loneituten project an hman tangkai dan leh an harsatna tawhte an hnenah hian an lo thlen a ni. WUA chuan Minister pahnih uapna hnuaia meet hlawhtling tak buatsaih a ni chu lawmawm a tih thu a sawi a ni.
Water Users Association (WUA) Meet-ah hian I&WR Department official- SE,EE bakah Aizawl leh Kolasib Division EE-te; Sawrkar Official-te leh WUA member-te an tel a ni.

CHAMPHAI NULA CHAK :
Inter District Volleyball Tournament Lawngtlaia khelh mekah nimin khan CHamphai nula ten hnehna changin Semifinal an lut.(www.champhai.net) Lawngtlai District Volleyvall Assn. Volleyball Court, AOC Venga Inter DIstrict Volleyball TOurnament khelh mekah nimin khan Champhai Hmeichhe Team te chuan a thlengtu Lawngtlai 2-0 a hnehin semifinal an lut a. (www.champhai.net)Champhai Hmeichhiate hian Pool B ah hneh loh nei lo leh Ser hloh nei miah loin Pool Leader ni chhungin Semifinal an inhlangkai a. mipa Team te erawh chuan a thlengtu Lawngtlai 2-0 in an hneh zo lo thung a, vawiin match tawp berah Serchhip nen an inkhel a, an chak dan a zir leh midang inkhel a zirin semifinal lut thei dinhmunah an la ding mek a ni.

MZP LEH ADDL SP :
Nimin khan MZP Hruaitu thar te chuan Addl. SP Lalbiakkila hmuin CHamphai tan MZP hmalak thinna hrang hrangte an tarlang a. Addl. SP pawhin MZP hmalak tawh thinna te thaa a hriat thu leh zirna kawnga hmasawn zel Champhai in a mamawhzia te pawh a sawi a. Mizo zirlaite Mizo ram leh hnam himna atana ke pen zel turin a fuih a ni. Tin,(www.champhai.net) MZP hmalaknaah Police lam nen pawh a theihna apiangah thawhho an inhuam thu a tarlang a, zirlaite hmasawn na ntheihtawp chhuahho zel nise an ti a.

MI PROJECT TLAWH :
Nimin chawhm lam khan FInance Minister Lalsawta leh Irrigation & Water Resources Minister KS Thanga bakah Secret(www.champhai.net)ary I&WRD te chuan Champhai leh a chhehvela Minor Irrigation Project, Keilungliah, Phaizau leh Saitluangte a hmunah kalin an tlawh a. Heng hmunah te hian loneitute nena inkhawmna an neihpui zel a, loneituten project an hman tangkai dan leh an harsatna tawhte anni hnenah hian an lo thlen  ani. MUA chuan(www.champhai.net) Minister pahnih uapna hnuaia Meet hlawhtling tak buatsaih a ni chu lawmawm a tih thu a sawi a ni. Water Users Association (WUA) Meet ah hian I&WR Dept. Official - CE, Se, EE bakah AIzawl leh Kolasib Division EE te Sawrkar Officialte leh MUA Member te an tel a ni.

CHAK ZO LO:
MFA CUp 2018 khelh mekah Champhai aiawha khel CDFA Academy te chuan Semifinal ah hnehna an chang zo lo.
Nimin khan Champhai Distrct aiawha kal CDFA Academy te hian Semifinal hmasa zawkah Kolasib nen inkhelin 2-1 in hnehna an chang zo lo va. Kolasin tam inkhel tan atanga min 3 na lekah Laldinmawian goa(www.champhai.net)l a khung nghal a. CDFA Academy tan Lallawmsangan min 12 naah sut nghal mahse min 47 naah Kolasib tan Lalremruatan foal a khung ve leh a, Kolasib hian hnehna changin FInal an inhlangkai ta a ni. Kolasib hian semifinal vawihnihnaa Aizawl FC Junior leh Mamit District a chak zawk zawk an tum ang.

KHAWZAWL AH TYPHOID VEI TAM :
Khawzawl leh a chhehvel a Typhoid vei an tamna chhan tui tlan thianghlim tawk loh vang nia sawi awm chungchangah Khawzawl Group YMA Conference Rorel Palaite chuan PHE Dept. tui sem chhuah chu tun aia a lo thianghlim zawk theihnan YMA in hma la turin an rel.
Nimin chawhma dar 10:30 atang khan Nikuala Hall, Chawngtlaia   a Khawzawl Group YMA Conferenc Rorel Inkhaw,. Pu PC Rosiama, President, Khawzawl Group YMA kaihhruaiin neih a ni a. AN thurel zingah Khawzawl Group YMA in tuihna humhalh zel rawh se tih leh luidung humhalh dante ennawn ni rawh se tih te,(www.champhai.net) National Highway No 6 (Seling - Champhai) Double Lane a laih tura ruahman mek hi Grade tha zawk leh thawl zawk a laih a nih theih nan Sub-Hqrs YMA in hmala rawh se tih te. Group huamchhungah ramdangmi leh hnamdangte dawnsawn dan chungchang hi rualkhai zawka kalpui nise, Group Executive Comt. in inkaihhruaina ruahman rawh se tih te, Khawzawl Police Station a hman tur Motor a awm theihnan Khawzawl Group YMA in hmala rawh se tihte a tel a ni.


HMANLAI HMUN HLUI TIFAIIN HNATLANG :
Hmalai hmun hlui Lianchhiari bialpa Chawngfianga te khua - Chhingzawl hmun tifaiin nimin khan Khawbung mUP Unit te an hnatlang. Khawbung MUP Unite te hian Khawbung leh Dungtlang inkarah Chawngdianga khaw thlirna(www.champhai.net) hulhliap an siam zo tawh a. Chawngfianfa te khaw hmun hlui, Khawbung rama Chhingzawl hmun an thian faiin thlan hlui, lungthu leh sulhnu hlui awm ang angte humhalh hna an thawk a ni.

LUNGLEI MJA CHAMPHAI AH:
Inforamation & Public Relation Dept. buatsaih NEDP hnuaia MJA te District dang tlawh prog chu MJA Lunglei District ten hmangin Champhai tlawh turin nimin khan an chhuak. Lunglei MJA zinturte hi an President H. Lalthansanga hovin mi 9 an ni a. Lunglei DIPRO C. Lalremruatin a hruai a ni.
Tun tuma Lunglei MJA zinte hi nimin zing khan Lunglei SP OFfice kawt atangin an chhuak a, an kalpah hian Biate khuaah khawtlang hruaitute nen inkawmna hun tawi an nei a. Biakte khuaa Thingpuife siamna hmun an tlawh bawk a ni.(www.champhai.net) MJA Lunglei Dist. te hian Khawbungah riakin vawiin hian Khawbung leh a chhehvel a hmun pawimawh an tlawh kual dawn a. Vawiin tlai vek hian Champhaiah riak lutin a tuk naktuk zirtawpniah Rihdil leh Champhai leh a chhehvela hmun pawimawh leh sawrkar hmalakna hrang hrang an tlawh leh dawn a, Inrinniah Lunglei panin an let leh dawn a ni. (www.champhai.net)

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …