Skip to main content

Champhai - Tualchhung Chanchinthar ni 26.5.2018 (inrinni)

TRACTOR THAR LAWM :
Agriculture Mnister KS Thanga`n Vaphai Community Hall ah WRC Farming Society te Tracktor thar lawmna leh Buhthar lawmna hun a hmanpui.
Vaphai khuaa leilet neitute “WRC Farming Society” te chuan an tractor thar leh buh thar lawmna hun nimin khan Vaphai Community Hall ah an buatsaih. Lawmna inkhawm hi an Vice President Rothangpuia`n  (www.champhai.net) kaihruaiin khuallian KS Thanga chuan Vaphai khuain zau hrang hrang 5 awmna Saikhumphai zawl zau tak an nei chu Vaphai khawtlang tan thlamuanpui tham a nih thu sawiin, Ruahmanna fel tak nen Vaphai lo neitute chu hna thawk uar tur leh thalaite pawh leilung hausakna hai chhuak kawnga tan la turin a fuih a. Naupangte pawh nu leh paten an thawh awm tawk chhungkaw hna thawh tur ruahman sak a, an thawhawm tawk hna an thawh hian taimakna an than lenpui thin niin a sawi. Secretary Ngursawithangan report pe in, leileta siam theih 190 hectares awmin, siam tawh 94.80 hectares a awm bawk a ni. Kum kalta khan buh 1870  qntls. an thar …

Champhai - Tualchhung Chanchinthar ni 28.2.2018 (nilaini)

KUDAM SAK DUH LOHNA LANTIR :
     Thawhtanni tuk khan Champhai Nature Conservancy chuan Champhai leilet zawla In, Kudam leh a dang sak an duh lohna an lantir.  
     Champhai Nature Conservancy te hian Champhai leilet zawk chu loneih leh a kaihhnawih atana hman tura tih angin, hetiang atan (www.champhai.net) chauhva hman nise an duh thu an sawi a. Sumdawng ten Kudam leh in an sa chu an duh loh thu leh, Champhai leilet zawk chu Champhai mawina ber pakhat a nih angin lo neih na atan chauhva hman nise an duh thu an sawi tel bawk a ni. An thuziak tar  hrang hrangte : Agriculture land a Kudam sak hi dan bawhchhiatna (www.champhai.net) a ni tih te, Champhai rohlu kan leilet ti chhe lo zawngin hmasawnna I kalpui ang u, tih te, Champhai zawl hi kan tui no kan hriselna nena in zawm tlat a ni tih te an tar chhuak a ni.
     The Mizoram Revenue Laws 10(6) leh 11(1) na in a sawi leh tarlan, Agriculture LSC, Periodic Patta and Garden Pass te chu pass pek a nihna ang taka huan tlai siamna atan ni lova, thil dang atan Champhai leilet zawk hi hman khap a ni a. Champhai(www.champhai.net)  District Magistrate chuan he dan tlawhchhan hian khapna thupek lo ti chhuak tawhin, ka hmasa khan dan leh thupek kengkawhtute pui bawm turin Task Force a lo din tawh bawk ani. 
     Champhai Nature Conservancy ten kan palai an hrilh danin District Magistrate in khapna leh thiat tura thupek a chhuah chu an thlawp(www.champhai.net)  tlat a, chu tih laiin thupek chhuah a nih hnuah pawh Kudam thiat an la awm lo leh sak hna la thawk chhunzawm zel an awm chu pawi an tiin, dan lova in dingte chu thiah a, khapna thupek chu zawm a nih ngei theihna atana hmalak nise tih chu Champhai mipuite duh a ni an ti. 

IN UNAUNA THA NEIH NAN INKHEL :
     Nimin khan Zohnahthlak unaute inunauna tha zawk kan neih theihna tura hmalakna atan Tedim XI, Myanmar leh Champhai XI te chuan Football Friendly Match an nei. 
     Nimin chawhma dar 10:15 khan Zohnahthlak unaute in pum khatna tha zawk kan neihni turin Tedim XI leh Champhai XI te chuan Chhangphut(www.champhai.net)  Field ah Football Friendly Match an nei a. Inkhel tan hma hian inkhawm tawi neih niin he hun hi Pu Lalramngheta, Champhai District Football Association  Vice President chuan kaihruaiin Pu C. Lalbiakzauva SYMA Champhai President hnenah atangin thusawiin ngaihthlak a ni a. Mizote hi ram hrang hrang ah kan awm a, rami avangin kan in unauna hi a nihna tur angin lang (www.champhai.net) chhuak theilo a, kan in unauna erawh ramri min kham sak thei lo a ni tih kan hriat thar a, chhul khat chhuak kan nihna hi hei aia nasa a kan chawm nun a ngai ani a ti a. 
     Khua rel chhiat na kan tawh avangin kan in tanpui tawnna in kan in unauna a ti tha hle a. Infiamna hmangin kan in unauna tih nghet leh zual  a ni dawn hi thil lawmawm tak a ni a ti bawk.
     Thil hote avanga inhmuh thiam (www.champhai.net) lohna a awm a nih pawhin a chibai zawngah ngaihtuah lova Zan khat tualthu chhiat ah ngaiin in theihnghilha in ngaihdam tawn in Mizo te inunauna leh in pum khatna ngaihtuah zawk ila. Kan theihna zawn apiang ah tan la ila kan in pum khatna pawh a tha zawk ang a ti bawk. 
     Pu Lalnunpuia, Tedim hnenah atang pawhin thusawiin ngaihthlak a ni a, SYMA 
te nen chhiat tawhna avangin Kut kan (www.champhai.net) lo in vuan dun tawh a. Kan in unauna a that zawk theihna tur leh a nghet telh telh theihna turin infiamna kawnga hma kan la hian a tha zawngah nghawng a neih kan beisei na a sang hle a ni a ti a. Tedim lamah Mizo inkhel thiam te hmuh an in beisei thu a sawi bawk.
IC Hranglura, CDFA Sr. Vice President hnena atang pawhin thusawi ngaihthlak a ni a. SYMA Champhai Cultural Troupe leh Zomi Cultural Society Champhai ten hnam lam an entir bawk. He Football Fiendly Match ah hian Champhai XI leh(www.champhai.net)  Tedim XI te hi goal 3 ve ve in pein an in hneh tawk a. Champhai tan Lalremruatan goal thum khungin Tedim XI tan Kapliana San Ongar, M David leh S. Muanthang ten Goal khat theuh an khungin bawk. Inkhel entute hnenah tanpuingaite pualin bawm dawh a ni a Rs. 15393 hmuh a ni bawk.

MCS SAWN :
     Nimin a Mizoram sawrkar thuchhuak chuan MCS Officer thahnem tak kaisang leh awm hmun sawn an awm a. Champhai a MCS Officer engemawzat pawh an awm hmun sawn leh kaisang an awm. Addl. DC Lalsangpuii Hmar chu Jt. Director, Land(www.champhai.net)  Revenue & Settlement ah awmin a aiawh hian N. Vanlaiphai SDO (C) ni mek Liansangzuala a rawn awm ang a. Pachhunga SDO (C) DTO chu SDO (C), N. Vanlaiphai ah a awm thung ang. Champhai BDO PC Zonuntluangi chu DUDO, Kolasib ah a awm ang a, Rebecca Laldinmawii Hrahsel, SDO, DC Office chu BDO Champhai ah a awm ang. Election Officer Lalremruata Kullai chu SDO (C) DTO in a awm ang a, Serchhip EO Abraham Beinazi Khithie chu Champhai EO ah a rawn awm ang. Lalrinsanga Hnamte, SDO DC Office chu SMDC Mamit ah awm tura tih a ni. SMDC DC Office a awm mek Lalremruata Hnamte Asst. Settlement Officer Champhai charge la mekte chu a nghet in ASO ah hian dah a ni bawk.

PRINCIPAL THLAHNA :
     Vawiin tlai hian Govt. Champhai College Principal Lalnunmawia chu a pension tawh dawn avangin GCC Staff te leh zirlai ten an thlah (www.champhai.net) dawn a, tlaiah thlahna ruai an kilho nghal dawn a ni. Principal charge hi Lalchhanhimi Khiangte in a la ang.

CM HNENAH NGEN :
     Nimin khan MZP Hqrs Champhai chuan Chief Minister Pu Lalthanhawla hnenah Champhai tana building an sak 3, Polytechnic Tlangsam a awm, (www.champhai.net) ITI building Zote Road a awm leh Nursing School Building Hospital chhaka sak te chu sakchhan anih anga function tir thuai Turin Secretary Lalthanfela kaltlangin an ngen a, Heng building tha tak tak te hi a nihdan tur anga rei tak hman anih tawhloh vangin tunah hian a building te hi a chhe nasa hle ani. He lehkha copy hi Champhai N bialtu MLA Pu TT Zothansanga hnenah pek ani bawk.
     Heng building chungchangah hian RTI hmangin Zawhna an zawt mek bawk a, chumi a Zir chuan theihtawpa hmalak chhunzawm zel an tum ani. 

CM IN COLLEGE HAWNG :
     Nimin chawhnu khan Chief Minister Pu Lal Thanhawla chuan Ministry of DoNER leh Mizoram Sawrkar sum  90:10 inthawhtawm dan phung a Rs 951.29 Lakh senga sak Government Champhai College Building 7 chu a hawng.
     Champhai Government College Building thar te hawngtu Chief Minister Pu Lal Thanhawla chuan college building thar Mizoram hmun hrang hrangah sak chhoh mek a ni chu a lawmawm a tih thu a sawi a. College hmunhma tha tak tak nei mekte intlansiakna tur erawh hmunhma tha neih inhman tangkaisiak, ram leh hnam tana mi pawimawh leh mihlawhtling incherchhuah tam siak te a ni ang a ti.
     State thang mekin hmasawnna kawnga ke a pennaah tan la tur leh thahnem ngai ber tura beisei deuh bik te chu nakin lawk a ram leh hnam hmabak ni tur, Higher School chin chunglama zirlaite an ni a ti a. Sawrkarin Quality Education buatsaih tura tan a lak mek laia a tum ber chu export quality thalai mithiam tam thei ang ber a ni a ti. "(www.champhai.net)  Infiamna khawvelah kan thangduanga a lawmawm hle a; Health leh Education lamah nasa zawkin tan kan la leh mek a. Heng kan hmalaknaah te hian mipui thlawpna leh sawrkar hnathawkte inpekna avangin hma kan sawn hle a. Khawvelin hmasawnna tehna a hmanlar ber, State Gross Domestic Production ( GSDP) atanga NITI Aayog in a tehnaah Mizoram chu India ram a state thangthaber 4 zingah kan tel a. NITI Aayog chhutlawk dan chuan kan GSDP punna hidouble digit a ni chho dawn a ni.  A chhuanawmin a lawmawm hle a mipui leh sawrkar hnathawkte inpeknaah te lawmthu kan sawi a ni", a ti.
     Chief Minister Pu Lal Thanhawna chuan zirlaite chher hriamna leh an hmalam hun buatsaihna a nih angin zirna leh thiamna kawngah bak college campus chu hman a remlo a ti a. Mizoram chhunga Zirtirtute, college zirtirtute tiamin politics ruihchilh leh college-a politics hnuklutte chu Mizoram Sawrkarin a thunun hreh dawnlo a ni a ti a. Zirlaite tan kawng engkimah - incheina, nungchang, khawsak phung, hriselna, ei leh in bakah chhunglam nun ulukna chen in zirtirtute chu entawntur atana beisei an ni a ti.
     Zirlaiten hnapetu sawrkar leh kohhran ten hnaruak a nei tam lo tih leh mahni kutkea din tum a pawimawh tih an hriat a tul thu Chief Minister Pu Lal Thanhawla chuan a sawi a. Sawrkar Flagship programme NEDP hnuaia Entrepreneur Development(www.champhai.net)  Scheme (EDS) hmanga thalai mahni kutkea dintum - entrepreneur-te tanpuina a kalpui mekte chu zirlaiten an ngaihtuah tan a ngai a ni a ti a. MYC kaltlangin thlaite Civil Services, Military leh a dangah te tamzawk an luh nan hmalak mek a nih chungchangte bakah services sector a thlalai tamtak an luhtheihna tura hmalakna te thalai ten an ngaihven a pawimawh hle ang a ti a. Ram hmasawn chho mekte innghahna chu entrepreneur-te an ni tih hi sawrkar bakah ram tana mithahnem ngai chinte ngaihdan a ni a ti.
     Chief Minister chuan,   "Mizoramin Relkawng a neih dawn bakah ramri insumdawntawnna te a puitling chho zel dawn a. Chunga remchanna leh vanneihnate lo dawng thei turin Mizoram thalaite hi thiamna bakah   rilruputhmangahte in lo inherrem leh in lo inpuahchah lawk a ngai takzet a ni", a ti a. Mizoram leh a chhunga chengte tana tanlakna leh tumna tihhlawhtlin kawnga pawimawh ber chu  tumna nei thalaite an ni a ti a. Tumna neilo tan hlawhtlinna tak tak a awm lo a ti. Chief Minister Pu Lal Thanhawla chuan  thalaite tan hlawhtlinna kawngka chu nu leh pa chawimawi, a bikin Mizote tan chuan aia upa zahthiam te a ni a. Nu leh pa chawimawi nan tlailua a awm lo tiin zirlaite chu an zirna bakah Zonunmawi vawngnung turin a chah a ni.
     Khualzahawm Pu TT Zothansanga, Champhai North bialtu MLA pawhin he hunah hian thu sawiin Champhaia College tha tak din anih theihna tura hmalaknate  tarlangin College changtlung tak a awm theihna tura Chief Minister hmalakna chu fakawm a tih thu a sawi a. Govt. Champhai College hmasawnna ruhrel tha tak nei awm theihna tura rilru leh ngaihtuahna sengtute hre rengin, College tana tha thawhtute a vang chauha College tha tak din anih theih tak thu a sawi a. College chu mipuitling chherchhuahna hmun a nih thu leh a that leh that loh tehfung ber chu mihlawhtling leh chhawrtlak  chherchhuah tam lamah a ni, a ti a. Zirna kawngah(www.champhai.net)  Champhai District chu tan lak thar angaih thu leh sawrkar fawng chelhtu tam zawk hrual chhuak thei tura tan lak angaih thu a sawi a. College zirlaite chu an phaktawkah taima leh rinawm taka zir turin a fuih a, zirlai mai bakah nundan leh khawsak dan thlenga mite entawntlak nih tum thin turin a chah bawk a ni. Sawrkarin zirna In leh zirna tha tak a siam sakte chhawr tangkaia, hmasawn zel tura theihtawp chhuah turin College zirlai kalkhawmte chu a chah nghal bawk a ni.
     Nimina Chief Minister Pu Lal Thanhawla'n a hawn tak buiding 7 te hi - sq.m 1229.60 a lian Multipurpose Hall, sq.m 831.67 a lian Arts & Commerce(www.champhai.net)  Building, sq.m 831.67 a lian Science & BCA Building, sq.m 800.05 a lian Administrative & Library Building, sq.m 674.86 a lian Boys Hostel, sqm 100.30 a lian Guest House leh sqm 61 a lian Staff Quarters te niin college building pumpui len zawng hi sqm 4529.15 a ni.
     Champhai College building thar hawnna inkhawm hi College Multipurpose Hall-ah neih a ni a. Principal Pu Lalnunmawia'n programme a kaihruai a. Technical Report PWD Project Circle  SE Pu Lalruatkima’n a pe a; Principal thar tur, Assoc Prof. Lalchhanhimi Khiangte in hun a khar thung a ni.Champhai College Building thar hawnnaah hian he college a lo thawk tawhte, zirtirtu lo ni tawhte, District Official te, Alumni hruaitute, zirlai kalchhuak ta te leh sawmbik te an kal tha hle a ni.

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…