Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 12.2.2018 (thawhtanni)

GAS PHURTUTE BAN TURIN THLEN :
Tun hnaia Champhai leh Serchhop khawpuia Gas a harsat chhan chu a phurtu carrying Contractor in a phurh that loh vang nia hriain ban (terminate) turin FCS&CA Department chuan IOC hnenah a thlan. heng khaw pahniha fas te hi Mualkhang Gas Bottling Plant atanga lakte an ni a, Carrying COntractor hian a chhanna anga a phurh leh theihloh avangin mipuiten harsatna an tawk ta a. Food, Civil Supply & Consumer Affairs Department chuan Contractor hi ban a, mi dang la leh mai tur leh tender pawh chhuah tha leh turin IOC lam hi anngen niin an sawi.

Thudawn danin Borkhola atanga Gas phurte chuan harsatna an tawh ve loh avang leh a rate pawh a ziaawm deuh avangin he plant atanga tam zawk phurh a nih theih nan FCS&CA lam chuan hma an la mek a. Department motor  neih mek pathum pawh gas harsat zuallai chuan insuarance tel lova phurh phalsak turin IOC ah ngenna an thlen a. Hei mai bakah Finance Department ah gas phurhman a tlawm avangin supprot price pe turin an dil mek bawk.
Mizofed Chairman K. Laldawngliana chuanan hnuaia mi truck 2 te chu Gas phur hian an tlan reng tih a sawi a. Tuna tlan tha duh lote chu IOC hnuaia mi an nih avangin an tan hmalak a harsa niin a sawi bawk.

TLAWVA PROJECT FUR HMAA INHMAKHUA TURIN NAWR :
Rs. Vbc 56, nuai 70 senga siam tur Tlawva Small  Hydel Project hnathawktute chu fur ruahtui tlak hmaa hna  inhmakhua chak turin Khuangthing-Zawlsei-Khawbung VC, NGO leh Party hrang hrang hruaituten an nawr.
Khuangthing-Zawlsei-Khawbung VC, NGO leh Party hrang hrang hruaitute chuan nimin khan Megawatt 5 pe chhuak tur Tlawva Small Hydel Project hnathawktute hnathawh a hmunah kalin an enfiah a. Tlawva Small Hydel Project hi kum 2015 March thlaa zo hman tura a thawktuten an sawi laiin an intiamna angin  hna hi anthawk zo hman lova, kumin Hune thlaa zo tura an intiamna pawh an hmanraw chhawp sa leh hnathawktute hnathawh dan enin Joint Committee chuan rin harsa an tih thu an sawi a, Department hotute chu he Project thawktu, NORTECH Pvt. Limited hnenah  fund pe chhuak lo tur leh Mizoram sawrkar lam hotute pawhin NORTECH Pvt. Limited hotute chu hna thawk chak turin nawr se an duh tih an sawi a. Rs. Vbc 56 nuai 70 hmanga Contractor ten hna an thawh hi, an inthlahdah avanga a hlawhtling lo a nih chuan Bial mipuite an ngawi mai mai dawn lo tih an sawi.

DYNAMO A SANGHA MANTU :
Bungzung Branch YMA chuan an khaw tlawhchhan lui pakhat Thlikva luia Dynamo hmanga sangha man lai an man.
An mi mante hi Khuangleng khaw mi 8 an ni a, Khuangleng khuaa kawhmawh bawl chingten Thlikva luia Dynamo an hmang lai hi Bungzung Branch YMA te hian vawi thum an man tawh a. Heng hmanraw hman phal loh Dynamo leh hmanraw dang hmanga luia ramvak tawh lo tur leh len, lenkhang leh nghakuai hmang chauha sangha man turin ungzung Branch YMA te chuan an khaw ram luia ramvak thinte an ngen a ni. Bungzung Branch YMA te hian Pathianni hmasa khan an khaw rama ui nena sazuk um ramvak mite chu an umzui a. An kah hmain an hnawt hawng a, an zilh nghal bawk a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…