Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

ni 13.2.2018 (thawhlehni)


ROAD SAFETY WEEK HAWNG :
Road Safety Week-2018 chu nimin chawhnu dar 2 khan I&PR Auditorium, CHANEM Building, Champhaiah hawn a ni a. Road Safety Week vawi 29-na hi Pi Lalsangpuii Hmar, Addl DC, Champhai District chuan  khuallian niiin a hmanpui a ni.
Khuallian Pi Lalsangpuii Hmar chuan sawrkarin mipuite himna a ngaihpawhmawh em avangin Road Safety Week chu kum tin State leh National level thlenga a hman thin thu a sawi a. Lirthei chunga chetsualna avanga  senso chu a tam thin hle a ni, a ti a. Chetsualna laka him tur chuan Driver mai nilovin passenger leh
kawng kal mipuite pawh fimkhur a ngai vek a ni, a ti a. Lirthei khalh thiam chauh hi duh tawk mai tur a ni lova, dan leh dunte hriat tel angai a, fimkhur leh hawihhawmna nena lirthei khalh kan inzir thar leh hi a pawimawh hle a ni, a ti a. Traffice rules ngaihpawimawh chu tihmakmawh a nih thu a sawi a. Road Safety chungchanga zirtirnate chu ngaithla liam mai lova midangte zirtir chhhawngtu ni theuh turin a chah a. Road Safety  chu hapta khat chauh  hmang lova kumtluana hmang turin vawiina  he ni puala kalkhawmte chu a sawm nghal bawk a ni.
He hunah hian Pu Lalbiakkila, Addl SP, Champhai pawhin thu sawina hun an nei a. Lirtheih khalhtute tana hriattur pawimawh hrang hrang leh dan leh dun awm angte hrilhhriatna hun a nei a. Lirthei chunga thihna hi a pung chak em em a, hemi kawngah hian mitinte abikin Lirthei khalhtute tan fimkhur thar leh a tul tak zet thu a sawi a ni.
Kum 2017 bika Champhai district chhunga Lirthei chunga chetsualna  tum 6 a thlenga. Mi 7 thiin midang 6-in hliam an tuar a ni. Traffic dan zawm lo leh Lirthei pawisa chawi avanga sum tlingkhawm chu a vaiin Rs 48,05,98/- a ni. Kumin bikah chuan Road accident report a la awm lova, Traffic dan zawm lo leh Lirthei pawisa chawi avanga sum tlingkhawm Rs 22,600 hmuh a ni tawh bawk a ni.
Week hawnna inkhawm hi District Road Safety Committee Member Secretary, Pu Pachhunga, Champhai DTO ni bawk chuan kaihruaiin Week chhunga hmalak dan tur District Committee in a ruahman hrang hrangte a tarlang a.
Road Safety Week hawnna ah hian Champhaia  Zoram Drivers Union hotute, Rickshaw, Taxi, Maxicab leh Truck Owners/Drivers Associations hruaitute, District Officers hote, chanchinbumite leh tlawmngai pawl aiawhte an tel a ni. Week pual hian Banner, Flag-te siam niin tarchhuah a ni.

KHAWZAWL AH GAS PHURH NGAM A NI TAWH LO :
Khawzawl khawpui chhunga Gas Agency awmchhun, MS Mamawia Indane Agency in mipuiten hnianghnar zawka Gas an lak theihnana Gas man pangngai bakah a phurh man Rs. 30 lak belh an rawtna chu Khawzawl mipuitenan remti.
Nimin khan Zuchhip YMA Hall ah Khawzawl Group YMA bultumin Mamawia Indane Agency in an chawm khaw hrang hranga Village Council, Consumers Union leh tlawmngai pawl hrang hrang aiawhte hemi chungchang hi an sawiho hnuah lungrual takin Gas phurh man Rs. 30 chawi an remti a ni. MS Mamawia Indane Agency thuneituten kan palai an hrilh danin, tuna Rate an hmanlai mek ah chuan Mualkhang Gas Bottling Plant atanga Gas bur khat, Kilometre 1 phurh man chu pawisa 1283 chauh a nih avangin nikum chhung khan chawi belhin Gas an phur thin tih an sawi a, hei vang hian Gas phurh man lak a nih loh chuan tun dinhmunah an tan Gas phurh ngam a ni tawh lo tih an sawi a ni.

HMEITHAI IN SAK SAK :
Khawbung Branch YMA chuan nimin khan hnatlangin hmeithai chenna In an sak that sak. Khawbung Saron Veng a hmeithai mahnia khawsa chenna in hi tlu mai thei dinhmuna a din avangin Khawbung Branch YMA chuan hantlanginan sak that sak a. In hi a dung 18ft leh avang 12ft a zau, a chung leh a bang rangva, a chhuat cement leh commode hmanga inthiarna, tuidehna leh tapchhak siam sak nghal tura ruahman a ni a, naktuka sak zawh hman tum a ni. Bialtu MLA Pu T. Sangkunga`n In chung rangva tur rangva bundle 4 a tumsak a, BDO Pu Lalbiakfela, MNF Gen. Hqrs.  General Secretary, Pu Ramthanmawia leh mimal thahnemngaiten sumfai, chhun ei in, in chak an thawh bawk a ni.

CHAMPHAI AIAWH :
February ni 14 atanga Mamit a khelh tan tur MFA Cup khel tur Champhai District aiawh turte chuan nimin khan Champhai an chhuahsan. MFA Cup 2018  Champhai Team hi Pu Lalbulliana, CDFA Hony.Secretary chuan a ho a ni.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…