Skip to main content

Champhai - Tualchhung Chanchinthar ni 26.5.2018 (inrinni)

TRACTOR THAR LAWM :
Agriculture Mnister KS Thanga`n Vaphai Community Hall ah WRC Farming Society te Tracktor thar lawmna leh Buhthar lawmna hun a hmanpui.
Vaphai khuaa leilet neitute “WRC Farming Society” te chuan an tractor thar leh buh thar lawmna hun nimin khan Vaphai Community Hall ah an buatsaih. Lawmna inkhawm hi an Vice President Rothangpuia`n  (www.champhai.net) kaihruaiin khuallian KS Thanga chuan Vaphai khuain zau hrang hrang 5 awmna Saikhumphai zawl zau tak an nei chu Vaphai khawtlang tan thlamuanpui tham a nih thu sawiin, Ruahmanna fel tak nen Vaphai lo neitute chu hna thawk uar tur leh thalaite pawh leilung hausakna hai chhuak kawnga tan la turin a fuih a. Naupangte pawh nu leh paten an thawh awm tawk chhungkaw hna thawh tur ruahman sak a, an thawhawm tawk hna an thawh hian taimakna an than lenpui thin niin a sawi. Secretary Ngursawithangan report pe in, leileta siam theih 190 hectares awmin, siam tawh 94.80 hectares a awm bawk a ni. Kum kalta khan buh 1870  qntls. an thar …

ni 14.2.2018 (nilaini) 


ZOKHAWTHAR ATANGIN FOREIGN BUNGRUA A CHHUAK TUR A NI LO :
Nimin chawhnu khan Champhai DC Charge lal mek tu Lalsangpuii Hmar chuan Zokhawthar Border Trade kaltlanga sumdawnna khawihtute chumeeting a neihpui.
He hunahhian Sumdawng pawl hrang hrang SITU, EXIM, ZTU leh CTU bakah YMA, Champhai Jt. VC leh MJA aiawhte an tel a. Lalsangpuii Hmar chuan Zokhawthar kaltlanga sumdawnnaah harsatna leh buaina awm thin chupawi a tih thu sawiin, hei hian nasa takin khawtlang a nghawng a. Chuvang chuan harsatna
sutkiang tura inremna zawn tul a tih thu a sawi a. Sumdawng pawlhrng hrangte hian harsatna an tawh leh an inrem lohna hrang hrangte, inrem tura thil tul nia an hriatte he meeting ahhian an sawi chhuak a. Pawlhrang hrang te chu he sumdawnna, mitinin a zar an zo theihna tur a an duh thu te tlawmngai pawl leh VC aiawhte chuan an sawilang tel bawk. Nimin tlai khan inremna tur ruahmanna hetiang hian siamin an tin.
1) Zokhawthar atanga bungrua Champhai lam pan tur reng reng chu pawl pali aiawh kaihhruaina hnuaiah kalpui tur a ni.
2) Seniority hi pawl palite member list atanga hmun khata chhunkhawm a nih hnuah Seniority/Senior indawt dan tur pawtin felfai taka detail tur a ni.
3) Pawl pali te hian Joint Action Committee siam/din nise.
4) Senioarity koh dan tur ah pawh pawl pali aiawhte hriatpuina a ruahman nise.
5) Joint Action Committee ruhrel din turin Convener leh Secretary ruat tha an tia. Convener atan Pu David Thangluaia, Secretary atan Tv. R. Lalchhuanliana ruat an ni.
Tuna bungraw tang zawng zawng pawh Convener ruahmanna angin kalpui nise. Kal zel dan tur leh Joint Action Body siam dan tur chu February 2018 chhung neia siamfel nise.
Committee hi ni 14.2.2018 (Nilaini) Chhun dar 12 ah Pu Zonunsanga In, Ruantlang ah neih nise. Tin, Seniority a bungraw phur tur koh theih a nih hma chu Foreign bungrua reng reng Zokhawthar atangin a chhuak tur a ni lo.

HOSPITAL FELFAI LAWMNA HUN HMANG :
Nimin khan CHamphai District Hospital in Mizoram DIstrict Hospital zinga felfai ber thlanna Kayakalp 2017 Achievement Award pathuman an lak lawmna leh Mizoram Hospital fai lehthianghlimna kawnga hma la tha leh hnungtawlh lo,HOspital felfai ber Kayakalp 2017 Sustenance Award an dawn lawmna hun chu District Hospital Eye Building ah neih a ni.
He hunahhian Dr Lalnuntluangi Khiangte, District Medical Superintendent chuan inlawmna thu a sawi hnuah Dr J. Lalramchhuanga, Medicine Specialist hnen atangin Report ngaihthlak a ni a. Kum 2016 atangin Ministry of Health hmalakna in Kayakalp, Hospital fai inelna hikapui tan ani tiha tarlang a. Hospital fai ringawt chu a tum a nih loh thu leh enkawl a nihna kawnga hmalak danhrang hrangte chu a pawimawh zual a nih tih a tarlang bawk. Champhai District Hospital in damdawiin faitehnaa lawmman a dawn theih chhan chu DC leh PHED leh P&E Dept. ten an mamawh apiang an pek thin vang niin a sawi a. NGO hrang hrang, zirna in hrnag hrangte leh MJA te tanpuina avangin he dinhmun hi kanthlen gthei a ni, a ti a. Heng bakah hian Doctor leh Staff te buai chung chunga thawh hona tha takan neih thin avangte a he dinhmun hithleng thei an nih thu sawiin, damdawi in faimai piahlamah damlo te enkawl an nih dan te endiknaa a tel vek laiin Pathumna la thei khawpa Doctor leh Nurse te thawhrimna chu lawmawm a tih thu a sawi a ni.
District Hospital fai ber inelna a lawmman la tura hmalaknaah District Hospital chhunga thawk tha zual Staff mi panga thlanchhuah niin Er. Lalrammawia, SE PHED chuan lawmman a hlan a ni. Kayakalp intihsiaknaa lawmman pathumna hian Rs. nuai 4, Citation leh Memento a ken telbakah intihsiak hunlai chauh ni lova thawk chhunzawm zel te hnena pek thin Sustenance Award chu Champhai District Hospital hian an dawng bawk a. Kum 2015 ah lawmman pakhatna lo la tawhin 2016 khan lawmman pathuman an lo la tawh bawk a, kum 2017 ah pathumna an lak leh avangin Sustenance Award hi hlan a ni a. He Award hian Rs. nuai 1 a kengtel bawk a ni. Champhai District Hospital hi April 4, 1977 khan hawn a ni a, tunah hian Specialist 8, Dental Surgeon 1 a awm a, Doctor 12 an awm mek a ni.
Hospital felfai lawm rualhian Dr Lalnuntluangi Khiangte, District Medical Superintendent thlahna hun hman chhunzawm a ni a. Dr Thangsailova Colney , Vice President, Welfare leh Dr Zatluanga, District Medical SUperintendent chuan thlahna thu an sawi a, Staff te  atangin ngaihhruiana thilpek hlan a ni bawk. Dr Lalnuntluangi Khiangte hi APril 29, 2014 khan Champhaiah a rawn awm tan a ni.

BANK LAM HOTUTEN HMALAKNA THLIRHO :
Nimin chawhma khan DCs Conference Hall Keifangtlang ah CHamphai District Consultative Committee (DCC) & District Level Committee (DLRC) chu Chairman Champhai DC Charge la mek tu Lalsangpuii Hmar, Addl. DC  kaihhruaina hnuaiah neih a ni.
He hunahhian ANkit Aggarwal, Manager & LBO, RBI Sub-Office, Aizawl chuan thu sawiin Champhai District chu Banking lamah District ti tha ber pawl an nih thu a sawi a. Bank te chu cheng sawm thir pawma thleng sak thin turin a chah a. Thingtlang mite Bankhman dan leh hamthatna te nasa zawka zirtir turin Bank hnathawktute chu a chah a ni.
Meeting chuan December ni 31,2017 thlenga Champhai District a Bank hrang hrangte Credit Deposit (CD) ratio  khaikhawm chu za zela 56.63 a nih thu tarlangin hei hian CD Ratio bituk za zela 60 chu a phak lo a. Priority Sector tana loan pekchhuah chu za zela 68,32 niin hei hian bituk za zela 40 chu a khum a. Agricultural Segment hnuaia loan pekchhuah zat chu za zela 19.88 a ni a, heihian botuk zat za zela 18 chu a khum a ni. Pradhan Mantri Mudra Yojana (PMMY) hnuaiah loan mi 533 hnenah Rs. nuai 707.61 hu pekchhuah a ni. Tun dinhmunah Champhai District ah Bank hrang hrang Branch 22 a awm mek a, hei hi mi 5715 in Branch 1 intawm ang vel a ni. Hemi bakah hian ATM 10 a awm bawk. Axis Bank, Champhai Branch chu tun atanga reilotea hawn tum  ani.
Meeting chuan Banking outlet 5 - Melbuk, Ngur leh Vapraah te hian kar khata vawi 2/3 vel hawn thin a nih theih dan tur te, Teikhang leh Farkawn khua ten Bank Branch hawnthar an dilna pawh MRB hotute hnena a tul ang bawhzui tura ngen ni se, a ti. Adhaar Enrolment Centre, Champhai a neih dan tur pawh ngaihtuah a ni.

GAS TRIP KHAT :
Champhai DC, YMA Sub-Hqrs.  leh VC te hmalakna in Champhaia eirawngbawlna Gas Truck trip khat chuChamphai pana rawn phurh choh mek a ni a. Truck dang pawh Gas phur thei tura zawn kawngah hmalak zui zel ani. Gas phur tur Truck hi IOC in phurh phalna a pek theih turin Rs.nuai khat chuang senga chei a ngaih avangin Gas phur tur Truck hi  hmuh mai a awlsam lo hle niin thudawnna chuan a sawi.

GANJA MAN :
Nimin chawhnudar 2:30 velkhan Champhai Excise & Narcotics Dept. chuan Vaihmun, Electric Vengah Ganja Kg 14 an man a, a neitu a puh Vungngaihniangi  kum 30 d/o Laltinthanga, Selam chu mannghal a ni.  Excise & Narcotics Dept. ten Ganja an man hi fun 14 niin fun 1 hi kg 1 zel ani a. Myanmar atang alakluh niin Selam atanga Aizawl a phurhu tur niin thu dawn a ni. Ganja man te hi tualchhung rate a chhutin Rs. 28,000 man hu vel a ni. Vungngaihniangi hi NDPS Act. 1985 hmanga thubuai siam sak a ni.

Comments

Lungendidi said…
Gas trip khat thleng tur poh news pui tak a ni ta mai sia��
Sangtea Fanai said…
hahahaha khawvel hi zawng...

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…