Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…
ni 9.2.2018 (zirtawpni)

DC HOVIN AIDS CHUNGCHANG NGAIHTUAH :
Nimin chawhnu khan DC Conference Hall, Keifangtlangah District AIDS Precention and Control Comt. (DAPCC) chu an Chairman Champhai DC Pu Vanlalngaihsaka, IAS hovin an thukhaw. a, Champhai Bawrhsap chuan Champhai a Medical Staff te leh abik takin District AIDS Prevention and Control Unit (DAPCU) ten HIV dona leh tihrem kawnga District tana an hnathawh chu fakawm a tih thu a sawi.
THukhawm chuan OCtober ni 25, 2017 a Meeting thurel bawhzui a nih dante thlirletna neiin Pi C. Lalruatfeli, District Prog.
Manager, DAPCU hnen atangin hmalak tawhna leh hmalak zelna turte ngaihthlak a ni a. Champhai District chhunga HIV/AIDS dinhmun thlangpui thlirhona leh hmalak zel dan tur sawihona neih a ni.
District Aids Prevention and COntrol Unot (DAPCU) ten Drop in Centre a inziaklut Syringe hmanga inchiu thinte zirchianna an neih atanga Presentation an buatsaih “Epidemiology of HIV/AIDS among IDUs registered at Dropping Centre’ tih chu Pi C. Lalruatfeli, District Programme Manager, District AIDS Prevention and Control Unit (DAPCU) in a pe a. Zirchianna in a tarlan dan chuan an inchiuna vanga HIV kal hi lehkhazir sanglo, a tamber chu mipa niin kawppui neilo an ni deuh ber a. Drugs Addict te hi a talngpuiin School Dropout a tam zawk nitina inhlawhfate an ni hlawm a ni. Han tihchhin ve hrim hrim chakna vanga damdawi addict ta an tam ber a. Heng damdawi addict te zinga a zahve dawn hi chhungte ngaihsakna dawng lemlote an ni bawk a ni. Syringe thinghlimlo hman pawlh avanga HIV kai an tam berin inkaichhawn theih a ni tih erawh chu a tam zawkin an hre thung a ni. Zirchiante zinga za zela 86 te chuan ART ah an in refister a ni. A tlangpuiiin ni khatah vawi 1 atanga vawi 3 inchiu an tam ber a, an zinga za zela 55 te chu vawi khat thisen test a HIV positive an ni tih hmuhchhuah a ni bawk.
ART Centre atanga ART Data tlangpui Dr Samuel Laldinthara, MO ART Centre Champhai hnen atanga ngaihthlak a ni a. ART Centre Champhai hi December 2010 a bul tan kha niin CD 4 Machine hi January 2015 ah khan bunfel a lo ni tawh bawk a ni. Tun thlengin mi 1475 in register tawhin heng zinga mi 1080 ten ART an la tawh a ni. Tun January thla thleng khan mi 814 ten ART hi an la mek a ni. April 2017 a dan thar siam tak Test and Treat hmangin HIV vei reng rengte chu an CD4 Count behchhan tawh lovin Direct a ART pek thin an ni tawh zawk a ni.
HIV hluar lam tehna HIV Sentinel Surveillance (HSS) December 2017 a neihin a tarlan dan chuan Nu naupai za zela 1.19 in HIV an vei a, hei hi India ram pum average za zela 0.28 ai pawhin a sang zawk a ni. ANC hi rampuma HIV san leh san loh tehdung bera hman a ni. Heng bakah hian  Damdawi ruih nana inchiu thin Injection Drug Users (IDU) zinga za zela 19.8 leh Hmeichhhe inzuar thin Female Sex Worker te zinga za zela 24.7 te chuan HIV natna hi an vei mek a chhut a ni bawk.
Meeting chuan a tam thei ang ber HIV/AIDS chungchangah inhrilhhriatna neih nise a ti a. Hemi tur hian Line Department hrang hrang Media, NGO leh khawtlang hruaitute thawkho zel tura hmalak nise a ti a.
DPCC Meeting ah hian Champhai khawpui chhunga line Department hrang hrang aiawh Dropping Centre a thawktute, NGOleh kahwtlang hruaitute an tel a ni.

RSBY LEH MSHC SCHEME KALPHUNG THAR ZIRTIR :
Nimin khan Venglai Community Hall-ah RSBY leh MSHC Scheme kal danphung thar in zirtirna neih a ni. Nitin khawsak phung a sum lalut tlem deuh chhungkuaten an damloh ni khua a sawrkarin an senso a tumsakna Rashtriya Seasthya Birna Yojana (RSBY) leh Mizoram State Health Care Scheme (MSHCS) kalpui mek chu kumin Sawrkar kum tharah (APril ni 1 atanga March ni 31, 2019 thleng) tih danphung thlak danglam a nih dawn avangin, Champhai District chhunga he Scheme khawihtute tan he kalphung thar hi inhrilh hriatna leh zirtirna neih mek a niin, nimin khan Champhai Venglai Community Hall ah Champhai leh a chheh vela Health Worker te leh Hospital a thawkte tan zirtirna pek ani.
Resource Person Zirsangliana, Billing Manager, MSHCS, Aizawl chuan thusawiin kum 2010 atanga kalpui tan tawh RSBY leh Health Care Scheme te hi vawiin thlengin a kalphung leh a nih dan thlak danglam a la ni miah lo chungin mipuite-ah hriat pawlh kan la tam em em a, kan hriat pawlh lohna turin kan inhrilhhre tur a ni a ti a. RSBY chu Plastic Card/ Smart Card hmanga kan inenkawlna  ani a. Health Care lehkha hmanga kan inenkawlna hi a ni a ti a.
Mizoram State Health Care Scheme a Billing Manager Pu Zirsangliana chuan RSBY leh MSHC Scheme a Sawrkar n kal dan phung thar a suante chu zirtirna pe in  Sawrkar kumthar April ni  2018 atang chuan Economic & Statistic Department in BPL chhungkuaa ziakluh, September 2017 thleng a Health Worker ten BPL chhungkua a an thunluhte tan chauh RSBY hi tih theih a nih dawn thu te, Smart Card a Senior Citizen (kum 60 tling chin) tan Rs. 60000 thleng an hman theih tawh turte, APL chhungkua in RSBY Scheme dawng thei tur a in ziahluh dan thar te, MSHC Scheme hnuaia damlo phai lam panpui tura Doctor refer leh Medical Board phalna lak dan phungte a tarlan bakah Hepatitis C veite tan Sawrkar in a thlawn a enkawlna a pek theih dan turte chipchiar takin zirtirna  a pe a.
Mizoram Health Care Scheme hnuaiah BPL leh APL te in ziahluh theih dan tur a tarlanah Chhungkaw member 5 chinah Rs. 100000 thleng bill duh tan Rs. 500 pek tur a niin, member 5 aia tam chhungkua in member pakhat zelah Rs. 100 pek belh tur a nih thu te, Rs. 200000 thleng bill duh tan Rs. 750 pek a tul thu leh member 5 aia tam chhungkaw tan member pakhat zelah Rs. 200 pek belh a tul thu te, Rs. 300000 thleng bill duh tan Rs. 1000 pek a tul thu leh member 5 aia tam chhungkaw tan member pakhat zelah Rs. 300 pek belh a ngaih thu Pu Zirsangliana chuan sawi langin, he kal dan phung thar hrechiang duhte tan mahni bialtu Health Worker emaw Hospital a thawkte hnenah zawh chian theih a nih thu a tarlang tel bawk.

MIHRING RUK CHING MAN :
Mihring ruk bo hmang nia sawi Police ten man tuma an veh mek Johny chu nimin khan Vaphai daiah man a ni. 
Thudawnnain a sawi danin Johny hi Vaphaiah a awm a ni tih report an dawn bawhzuiin Police te chuan an um zui a, Vaphai YMA te nen  tangkawpa zawn niin Vaphai khawchhung thingpui dawrah hmuh a nih hnuin a relh bo zui leh nghal a, Saikhumphai lam a pan nia thu dawn niin nimin khan Sumo Driver Lalramsiama s/o PC Rikhuma, Vaphai chuan Vaphai leh Saikhumphai inkar Vaphai atanga KM 6  vel a hlaah Johny hi hmuin a motor ah chuang tura sawmin a man zui nghal a, Saikhumphai pan puiin hetah hian Saikhumphai pa ho nen vengin Dungthlang Police ten an la ta a ni.

SPRINGDAL SCHOOL TI THA :
SCERT Mizoram in nikum November 2017 a Class X zirlaite tana ‘State Level National Talent Search Examination’ a buatsaiha zirlai tlingte hming a tarlan a ni a, heng zirlai hlawhtlingte hian National Talent Search Examination (NTSE) May ni 13,2018 hian Kendriya Vidyalaya School. Zemabawk, Aizawl ah an nei ang. He Talent Search ah hian a pumpuiah zirlai 25 tlingin Springdal Academy atangin zirlai 6 an tling a, School malkhaia tling hnem ber an ni. Hei bakah hian Bethel Mission School atangin zirlai 3 an tling bawk.

THUBUAI ZIAKLUT :
January thla chhung khan Champhai Excise & Narcotics Dept. ah thubuai 20 ziah luh niin mi 11 an man. Rakzu Litre 155, Zu bel 3 leh Dagon Beer cane 24 te an man a. NDPS Act hnuaiah Case 4 ziak lutin mi 3 an man. Heroin Gram 81 leh Ganja gram 216 an man bawk.

THLASIK THLAI CHING :
Champhai zawla loneitu te chuan tunlai hianthlasik thlai ANtam leh Chana bakah thlai dang an ching tan mek a, Loneitute chuan Buh chinna bial chhungte chu thlai chin theiha suasamin buh kungte thlo tlu vekin khawl hmangin lei an let tha leh vek a, thlai chin theih turin an buatsaih leh vek hnuah thlai an ching ta thin a ni.
Champhai zawl Tuipui tui in thlai mamawh tui a pek theih loh avangin loneituten an thlai an thar tam tur angin anthar tam thei lo thin a, nikum lamah pawh Tuipui tui hi khawl hmanga pump kang thak ni mahse thlai mamawh ang tawk tui a awm thei chuang lo va, kumina pawh hian tui an mamawh ang an hmu lo a nih chuan thlai te hi an thar tur angin an thar tam a rinawm loh a, hetih rualhian an thlai tharte hi Champhai mai bakah Mizoram hmun hrang hrangah thawn chhuah tam erawh kum tih an la thar chhuak ziah tho a ni.

ROAD SAFETY WEEK CHUNGCHANG :
Nimin chawhnu dar 2 khan Champhai District Road Safety Committee (DRSC) chu DC Conference Hall, Keifangtlangah an Chairman Champhai District Bawrhsap ni bawk Pu Vanlalngaihsaka hovin an thu khawm a. He hunah hian kumin February ni 12-18 chhunga Road Safety Week Vawi 29-na hman dan tur an sawi ho.
Kum hmasa lama Week hman dan report ngaihthlak niin, kumina Road Safety Week hawnna chu February ni 12, chawhnu dar 2-ah I&PR Auditorium, CHANEM Building-ah neih ni se, tih a ni a. A hawnnaah hian Pi Lalsangpuii Hmar, Champhai Addl.DC chu Khuallian tur niin, prograamme neih dan turte duan a ni a.  He hunah hian Sawrkar Office head-te, Sub-Hqtr YMA, MUP, MHIP hruaitute, khawtlang hruaitute, Champhai khawpui chhunga lirthei khalhtu leh neitute zau taka sawm khawma, lirthei khalh chungchanga hriat tur pawimawhte inzirtirna hun hman tum a ni.
Road Safety Week hman chhung hian Motor-a tar chi flag leh banner-te pawh siam leh tura ruahman a ni a. Meeting chuan kumin Road Safety Week chu uar leh zual zawk a hman nise, lirthei khalhtute pawhin khalh thiam chauh duhtawk lova, fimkhur leh hawihhawm zawk, dan leh dun ngai pawimawh chung zela lirthei khalh an zir thar a pawimawh thu a tarlang bawk a ni.

Comments

Popular posts from this blog

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…