Skip to main content

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…

Champhai - Tualchhung Chanchinthar ni 14.3.2018 (nilaini)

ni 14.3.2018 (nilaini) 

MJA TEN LUNGAWI LOHNA LANTIR:
         Bairabi dai Zophai-a Assam Police ten Journalist mi 8 te kut an tawrh avanga lungawi lohna lantirin nimin khan Mizoram hmun hrang hranga MJA member-te chuan sit-in demonstration an huaihawt.
           Mizoram hmundang rualin Champhaiah pawh Champhai District MJA te chuan Vengthlanga MJA Siktuithiang hmunah sit-in demonstration hi an nei a.Pu R. Lalfakawma, Vice President chuan kaihruaiin Pu C. Lalrinsanga hnen aṭangin report ngaihthlak a ni bawk.  Pu C.Lalhnunpuia, President MJA chuan thu sawiin Assam Police ten Journalist mi 8 te kut an thlak chu a demawm hle, tiin, kut tuar zinga mi 7 chu MJA member an nih thu a sawi a. Journalist te chu mipui tana rawngbawltu an nih eng sorkar leh thuneituten an humhim tur a nih laiin Assam thuneitute hnena an inhriattir chung pawhin police te kut an tuar chu press mite pawisaklohna lian tak a nih thu a sawi a, he thil thlengah hian MJA chuan a tawp thlengin a tul anga hma a lak zel dawn thu leh, India rama press mite dikna leh chanvo humhim a nih theihna turin sorkar an phut thu tarlangin, hliam tuarte zangna-dawmna hi Assam sorkarin a pek ngei an phut thu a sawi.
            Pu Hnunpuia chuan Assam atanga indang kan ni a, a hunlaia ramri kham chin pawh duhtawk lova hetia Assam-in min nek zel hi kuangkuaha thlir chi a ni a ni lova, tuna harsatna thleng mekah hian Mizo mipuite chu kan inpumkhat a ngai a ni, tiin a sawi tel bawk.
            Zophai-a Assam Police leh Mizo Zirlai Pawl inep chanchin ngaihvena kal, Mizo chanchinbumi zinga 7 te chuan Assam Police kut an tuar a. He thil thleng avang hian Mizoram Journalists’ Association (MJA) chuan March 12, 2018 khan tul tawpkhawkah chauh an tih thin, General Body Meeting a koh phah hial a. Aizawl Press Club-a MJA member kalkhawmte chuan hetiang resolution an siam a, resolution-a an tarlan dan chuan:
          “March 8, 2018 ah Zophai, Assam ramri bula Mizo Zirlai Pawl leh Assam Police te inep chanchin ngaihvena kal, Mizoram chanchinbumi 2 ten Assam Police kut an tuar a. Journalist te chunga tharum thawhna thleng hi an duh loh thu tarlangin Mizo Journalists’ Association (MJA) chuan thuchhuah a siam nghal a. Hetianga thuchhuah siam a nih tuk lawkah March ni 10, 2018 (Inrinni) khan Zophai ah bawk hian hmeichhe journalist pahnih tiamin, Mizo journalist 5 te chu Assam Police hian kut an thlak leh a. Assam Police te hian vawi 8 lai silai an kap puak nghe nghe a. Mizo journalist te hian an nihna tichiang thei turin Assam Police hnenah hian Identity Card te an entir bakah tawngka pawhin an sawi lawm lawm a. Assam Police te chuan journalist te thusawi hi engah mah ngai duh lovin kut an thlak tho va, hei mai hi duhtawk loin, Assam Police pakhat phei chuan chanchinbumite silai nen a vau hial a ni. Assam Police te hian Mizo journalist pakhat bike chu, Press sticker inbel hmu reng chungin an vuak chhiatsak bawk a. Journalist te chunga rawng taka chetna thleng hi Mizoram Journalists’ Association chuan kan dem tak zet a ni" an ti a.
      MJA General Headquarters chu Assam Police te chet danah hian kan rilru a na em em a. Journalist te chu news zawngin khawi kipah pawh kan kal ang, police te chu min venghimtu tur nia kan ngaih laia an kut kan tuar ta hrep mai hi pawi kan tiin na kan ti tak zet a. Hmeichhia leh zel pawh kut an thlak duh hi a rapthlak pawh kan ti a, an chet dan hian Assam Police te nunrawnzia a lantir chiang hlein kan hria, an ti a. Assam sorkar hian Mizoram chanchinbumi kutthlaktute hi zawng chhuakin man ngei se, an phu tawkin na takin hrem ngei se an tih thu sawiin. Chu mai bakah, an bungrua an tihchhiatsak man hu hi rul leh se, an inenkawlna senso pawh rawn tumsak se an ti bawk.
           Assam Police kut tuar Mizo journalist te hian FIR an thehlut vek tawh tih tarlangin, damdawi thiamte pawhin a tul angin an enfiah tawh a. A thente hi damdawi hmanga enkawl an la ni mek bawk a. MJA General Headquarters chuan a theihna apiangah a tawp thlengin hemi chungchang hi a bawhzui zel dawn a. Dikna hlen chhuah a nih theih nan hian thil thlen dan hriat theihna thlalak leh video te pawh Prime Minister of India, The Press Council of India, MoS of Home Ministry, DoNER Minister, Chief Minister of Assam, Women’s Commission, Chief Minister of Mizoram leh mipawimawh dangte hnena thawn vek a ni dawn a. MJA chuan chanchinbumite dikna hai lan a nih hma chu a tawp thlengin hma a la dawn a ni.
              Mizoram Journalists’ Association (MJA) chuan nakin zelah hetiang rikrum thila chanchinbumite himna ngaihtuah a ni lo lutuk hi pawi a tih bakah him lo a ti tak zet a. India ram pumpuia thuneituten chanchinbumite sahimna hi tun aia tha zawka ngaihtuahsak turin a duh tak zet a ni' an ti a.
             Mizoram Journalist ten March ni 8 a Assam Police te kut tuar daih tawh si, Mizoram Sorkar atanga Journalist te thlavang hauhna leh thlamuanna thu hriat tur awm mai lo chu MJA Gen. Hqrs chuan khawharthlak a tih thu an tarlang bawk.

DISTRICT HUAP SEMINAR MAHFED IN BUATSAIH :
             Nimin khan Mizoram State Agriculture Horitculture Forestry and Marketing Cooperation Federation Ltd (MAHED) buatsaihin District Level Seminar hman a ni.
               He seminar-ah hian Innovative Ideas and Best Practices of Rural Working Classes tih chu thupui atana hman a ni a. Pu Vanlalruata, Vice Chairman, MAHFED Ltd. chuan a kaihhruai a. He hun hmanpuitu khuallian Pu Pachhunga, SDO (Sadar) chuan thu sawiin, loneitute hmasawnna tura Champhaia he seminar buatsaih a ni chu lawm-awm a tih thu a tarlang a. Champhai chu hmanlai atanga tun thlengin kut hnathawh uarna hmun a la ni a, loneih kawngah kan chindan aia tha zawk tih dan thar a chhuak zel a. Chuvangin hlawk zawka loneih kan kalpui theihna tur chuan kan hriatna leh kan thiamna te kan tihhma-sawnna, chindan tha zawk kan dap ve zel a tul a ni, tiin kalkhawmte chu duhsakna a hlan a ni.
Pu Zaliankhuma, ARCS, Champhai pawhin thu sawiin society hlawhtlinna chu rinawmna a ni, a ti a, mahni ta anga society chu en turin kalkhawmte a chah a ni. Society chakna chu thawhhona a ni a, mitin hian thatna lai leh that lohna lai kan nei a, kan that lohna lai chauh inen hi thawhhona tichhetu a ni, tiin, managining committee neih tam chu society chakna hnar pakhat a nih thu te, account vawn ngaih pawimawh a tul thu te a tarlang tel bawk. Society tha chu ram hmasawnna pawimawh tak a nih thu sawiin, ram intodelhna tur chuan society-in kan hmaa tihtur awm thahnemngai taka kan tih a tul, a ti a, harsatna kan tawhte chu kan suttlang a tul a ni, tiin society mi leh sa kalkhawmte chu a fuih a ni.
         Seminar-ah hian Pu K.Zonunsanga, HEO Champhai chuan thingtlang lama hnathawktute tana ngaihtuahna thar hamnga tihdan tha ber tih thupui hmangin zirtirna a pe a, zawhna leh chhanna hun bakah sawihona hunte hman a ni.
MAHFED hi kum 1989 ah Champhai atanga din tan niin Cooperative Society hnuaiah a inziaklut a, kum 1994 khan pisa neiin hnathawh tan a ni a. Thei leh thlai chingtute huikhawm a, an thlai thar hralhna ngaihtuah leh hemi kawnga a tul danga hmalakte chu an hnathawh lian ber a ni a. Thlai that duhna tur hmun survey neih pawh hmun hrang hrangah an lo nei tawh bawk. MAHFED hian lakhuihthei, alu, Sapthei leh a dang chu loneitute hnen atanga leiin a chin kawngah pawh hma an la thin bawk. Training an neih ang hian loneitute hmasawnna turin hmun hrang hrangah training an lo nei tawh thin bawk a ni.

ZENGHRI DANNA PEK RUNPUI :
          Nimin khan Zenhri danna Vaccine pek runpui a thawhhnihna chu Mizoram pum ah neih a ni.
          Mizoram District dang rualin vawiin khan Zenghri danna Vaccine pek runpui a thawh hnihna chu Champhaiah pawh neih niin Champhai Main Centre, Sub Centre leh Anganwadi ah te pek a ni a, tun tum hi kumin atan a tawp berna tur niin nakum february thlaah lak that leh a ni dawn a ni. Kum 2003 khan Zenghri natna hi Mizoramah a awm tawh lo nia hriat a ni a, chutihrual chuan kan ram ri a awm ram thenkhatah Zenhri hi a la len thin avangin Zenghri natna venna Vaccine hi vawiin thlengin pek a la ni.
          Champhai khawchhung bikah Boot 23 awmin Champhai District ah Boot 158 a awm a, heng Boot hrang hrang leh Veng hrang hrang Sub-Centre leh Anganwadi ah te zenhri danna Vaccine hi pek a ni a, Naupang kum 5 hnuailam chin, Nausen pianghlim thlengin Zenghri danna hi pek niin Main Centre hnuaiah naupang 5769 te hnen ah pe tura ruahman niin Champhai District chhungah Naupang 14000 vel hnenah pek a nih beisei a ni bawk. Vawiin hian nimina vaccine la ve hman lo te chu an inah kal kualin vaccine hi an laksak dawn a ni.
           Zenghri danna Vaccine hi kum 1995 atang khan kalpui tan a ni a, kum tin neih chhunzawm zel niin kumin hi a kum 23 na a ni a, a thawh khatna hi February thla khan neih a lo ni tawh a ni.

A THLAWNIN HRISELNA ENDIK SAK :
           Nimin khan MHIP Sub Hqrs Champhai, SAINAWT Charity Society Champhai leh 74 RCC (813 AMIR) huaihawtin Genesaret Gospel Home, Champhaiah Free Medical Camp neih a ni.
             He hunah hian Sub Hqrs MHIP Champhai hnenah 74, RCC (813 AMIR) te chuan Computer set an hlan bawk a ni. Function hmang zawh hian Genesaret Gospel Home-a awmte hriselna endik niin a mamawhte hnenah damdawi a thlawna sem a ni bawk. He programme hi Brig. Birender Singh, Chief Engineer PUSHPAK Sponsore a ni.

CHHURA MEIPUI TI ENG :
           Nizan dar 7 khan Pu J. Kapkima EE, PHED chuan Bethel Middle School compound, Chhura Hmun-a Mini High Mast, Chhura Meipui chu hmet engin hawn a ni. Khuallian chuan veng mipui tangrualin hetiang thil tihnachang an hria chu fakin he thil puitlinna tura thawktute thawhrimna a fak Thusawitu dang  khual-zahawm Pu C.Lalhnunpuia, Pre., MJA Champhai Dist. chuan Chhura Hmun veng mipuiten midangte entawn tlak, veng bil mai ni lo, Champhai khawpui tana thil tangkai high mast bun a lo ni chu lawmawm a tih thu a sawi. He high mast hi kumin January 6 khan siam tanin March 5 ah zawh a ni a.Feet 70 a sang, LED light 12 vuah a niin power watt 960 a hmang a, hemi atan hian sum cheng nuai khat leh singnga bakah hnatlang tha 60 sengin a chhit man LAD in an tum sak dawn a. Tower atan hi GI Pipe size chi hrang hrang hman a ni a, hmun zau tak a en a ni.

TLANGSAM KṬP TEN TIFAI :
           Nimin zing khan Champhai Tlangsam Branch KTP te chuan an Branch din champha pualin an veng chhung an thianfai.
          Champhai Tlangsam Branch hi kum 1953 march ni 1 khan din niin kumin an din champha vawi 65-na hi KTP General Conference-ah Branch pum huapa kal an rel avangin a hun takah an hmang thei lova, nimin khan an veng chhung tifai hian hnatlang an nei ta a ni. Hnatlanga thawk chhuakte hian khawlaia bawlhhlawh tlate chhar faiin an halral nghal vek a, kumin chhungin veng chhung tihfai hna hi tum hnih an lo thawk tawk bawk a ni. Tunah hian Tlangsam Branch KTP ah hian member 240 vel an awm mek a ni.

AMFU HRUAITU INTHLANG :
          Nimin khan AMFU Champhai Hqrs chuan kum 2018-2020 chhunga hruaitu thar an thlang. MJA kaihhruainain AMFU hruaitu atan heng mite hi thlan an ni-
President : H.Taithuama, Venglai
Sr. Vice Pre. : HKL Thanga, Vengsang
Vice Pre : Lalhlawhliana, Vengthlang
Secretary : F.Lalbiakmawia, Electric Veng
Treasurer : J.Dengruma, Vengthlang North
Fin. Secy. : C.Lalnunzira, Vengthlang North
Secy. (Inf) : Lalremruata, Vengthlang
OB thlan tharte hian an thawhpui tur dangte an la ruat leh dawn a ni.

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…