Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 15.3.2018 (ningani)

DCPO IN MJA MEMBER TE KAWM :
Nimin khan Champhai District Child Protection Officer R. Lalrinchhani chuan a pisaah MJA te kawmin thawhhona tur kawng hrang hrang an sawi.
He hunah hian CDPO chuan District Child Protection Unit chu Social Welfare Department hnuaia Integrated Child Protection Scheme kaltlanga din a nih thu sawiin,a tum ber chu naupangte dikna chanvo humhalh leh an laka pawikhawihna thleng ngaihtuah te, kumtlinglo pawikhawihtute chungchang ngaihtuah te a nih thu a sawi a. Naupangte dikna (www.champhai.net) chavo humhalh tur hian inzirtirna chu thil pawimawh tak a nih thu leh chumi atan chuan media te thawhpuina an mamawh thu a sawi tel bawk. CDPO chuan Juvenile Justice Care and Protection of CHildren Act, 2015 in Media te ramri a kham chunchang pawh sawilangin, Section 74 na chuan media ten naupang nihna tarlan a khap a, thubuai kalpui dan emaw a puanzarnaah a inhnamhnawihte reng reng chu an nihna tilang thei tura puanzar leh an thlalak pholan khap a ni a, thubuai chhuitu te chuan naupang tana thatna zawk tur a nih dawn chuan naupang nihna kimchang tarlan chu ziakin a phalsak thei tih sawiin, he dan bawhchhiate hremna hrang hrangte, POCSO Act hnuaia mipat hmeichhiatna kawnga naupangte humhalhna leh media a tihchhuah loh tur hrang hrangte leh a bawhchhiate hram theihna dante a sawi a. Social Media ah kumtling lo pawikhawihtu nihna leh an thlalak te pholang an awm thin a. Hei hi intihmualpho tumna ni lovin fimkhur tura inchahna ni thin mahse danin a phal loh avangin hemi kawngah hian dimkhur a tul hle tih te a sawi tel bawk a ni.
He hunah hian Lalnunmawia, JJB Member(www.champhai.net)  chuan Champhai District a sualna pung nasa chu a ngaimawh thu sawiin, kumtlinglo pawikhawihna hrang hrang hluar mek te, naupang chunga hleilenna thleng thinte chu a ziaawm theihna turin tanlak a tul hle a ni, a ti a. Inzirtirna lam uar a, nu leh paten fatea kan mawhphurhna pawh zau zawka sawifarh a tul tiin, media te chu a theih ang anga tlangau hnathawk turin a sawm a ni.
He inkhawmah hian MJA te chuan hmalak dan tur tul nia an hriatte an sawi ve bawk. DIstrict CHild Protection Unit hian Champhai District(www.champhai.net)  chhunga naupang kaihhnawih thubuai hrang hrang an bawhzui bakah hmun hrang hrangah awareness campaign an nei thin a. Zirna in tinah naupangte dikna chanvo humhim turin Nodal Teacher an din tawh bawk.

TASK FORCE TE THUKHAWM :
Nimin khan Champhai District Immunization Task Force Committee chu an Chairman Pi Lalsangpuii Hmar, District Bawrhsap ni bawk hovin DC Conference Hall, Keifangtlangah an thukhawm.
District Immunization Task Force(www.champhai.net)  Chairman Pi Lalsangpuii Hmar chuan hun tam a awm tawh loh avangin thahnemngai taka Line Department hrang hrangte chu an hmabak a an mawhphurhna awmte hlenchhuak turin leh tumah hmaih loa chak taka ruahmanna kalpui anih theih nana thawkho zel turin a chah a ni.
He hunah hian April ni 16 atanga neih tan tur Measles-Rubella (MR) Vaccination kalpuina tura hmalakna hrang hrangte thlirho a ni a. MR Vaccination hi District chhunga naupang thla 9 atanga kum 15 inkar mi 40,461 hnena pek tum a ni a. Vaccine-te a chhiat mai lohna tura vawn that dan tur leh mamawh angte hmuh anih theih dan turte(www.champhai.net)  bakah harsatna thleng theite sawiho a ni bawk.
Heng bakah hian Intensified Pulse Polio Immunisation (IPPI) hnuaia kum 5 hnuai lam naupangte hnena Zeng hri danna Vaccine pek thawhkhatna February thlaa neih zawh tak ennawn  niin naupang 13,723 hnenah Zeng hri danna pek a ni a. A thawhhnihna tun March thla chhunga neih meka hnathawhte zirchianna neih a ni bawk.
Meales Rubella (MR) Vaccine hi April ni 16, 2018 atanga pek tana ni 30 chhunga District chhunga naupang thla 9 atanga kum 15 inkar(www.champhai.net)  zawng zawngte pek vek tur a ni a. A tir hapta hnih chhung chu zirna in zawng zawngah pek tur niin, a dawt hapta hnih chhung chu vantlang/khawtlangah kalpui a ni ang a. A tawp hapta khatah chuan a pek hmaih palh awmthei venthawn nan thual nawnna Sweeping phase neih tur a ni ang.
Vaccine pekna tur atana thawktute inbuatsaihna pawh kalpui nitawhin District chhunga RD Block hrang hrangah Damdawi lama thawktute tan Training  leh  School Principal/Headmaster-te tan Sensitization Workshop-te pawh  buatsaih a lo ni tawh bawk a ni. MR Vaccination hlawhtlin theihna tur hian hian State Level, District level leh Block Level Committee-te a awm leh a ni.
India ram hi khawvela Sentut (Measles)(www.champhai.net)  za zela 36 awmna ram a ni a. Nuaibo anih theih nan hmalakna chak taka kalpui niin phase hnihnaah India rama naupang  za zela 29 tuam tawh niin Mizoram chu Phase thumna hnuaia tuam tuma hmalakna kalpui mek a ni. Kum 2020 ah chuan India ram chu he natna awm tawh lohna a siam tum a ni. He natna vang hian kum tin naupang 50,000 vel thi ziah anga chhut a ni. He Measles and Rubella Vaccination hmalakna hi khawvela Public Health Programme lian ber tur a ni.
Nimina Meeting-ah hian Dr R. Lianmawia, District Immunization Officer (DIO) in hmalakna hrang hrang leh hnathawh zel dan turte (www.champhai.net)  sawifiahna a nei a. He hunah hian District chhunga Health Deparment Office hrang hranga Officer-te, line department hrang hranga hotute an tel a ni.

LONEITUTE PUALA OFFICE HAWNG :
Nimin chawhnu khan Birds Eye Chili - I leh Ginger –I, Farmers Producers Organization (FPO)-te puala sak  Office hawnna hun District Agriculture Office Conference Hall, Champhaiah neih a ni a. Office thar hi Pu James Vanlalluaia, Project (www.champhai.net) Director, Agriculture Technology Management Agency (ATMA), Champhai District  chuan a hawng a ni.
Pu James Vanlalluaia chuan FPO chu Mission Organic Mizoram, Aizawl rem tih puina a din anih thu sawiin FPO kalphung leh din a nih dante a  sawi a. Champhai District chhungah Birds Eye Chilli chingtute tan FPO pahnih a awm  thu leh (www.champhai.net)  Sawhthing chingtuah pawh FPO pahnih a awm mek a ni, a ti a. Champhai District chhung khaw 40 a loneitu 2,138 enkawlna hnuaiah ram Hectares 1145.2 a zauah Sawhthing leh Mizo Hmarcha te chin mek a ni, a ti a. Hengte hi MOVCD-NER Scheme hmanga kalpui vek niin  Organic vek a chin niin NPOP kaihhruaina zulzuia hmalak vek a ni, a ti bawk. 
Agriculture Technology Management Agency (ATMA), Champhai District chu heng hmalakna puibawmtu leh zirtirna petu ber niin (www.champhai.net) an hmalakna hi Champhai District RD Block paliah kalpui mek zel anih  thu a tarlang a. FPO zawng zawngte chu Firm and Society Act hnuaia Register vek an nih bakah Company Act hnuaia hlan chhoh thuai tum a ni, a ti a. FPO te chu loneitute tana hlawk tak a hna thawk tur leh chhenfakawm an nih theihna atan duhsakna a hlan a ni.
Pu H. Lalhmangaiha, Chairman, Birds Eye Chilli-I, Farmer Producers Organization (FPO)  chuan Office thar hawnna hi a kaihruai a. Programme zawh hnu hian General Body Meeting neih chhunzawm a ni a. Pu C.Lalhriatpuia, Chief Executive (www.champhai.net) Officer (CEO), FPO-in thu chah tawi a sawi a. He hunah hian Champhai District FPO hnuaia FIG zawng zawngte an tel a, tlaiah chaw hlui an kilho nghal a ni.

FMGE&W HRUAITU :
Federation of Mizoram Govt. Employees & Workers (FMGE&W) Sub-Hqrs. Champhai chuan 2018-2020 chhung atana an hruaitu atan heng mite hi an thlang :
President : P. Lalhmingliana, Asso. Prof. GCC
Vice President : Dr Zatluanga, DMS Champhai
Gen. Secy : C. Ralkapzauva, BRC Coordicator
Org. Secy : V. Laldanmawia, SDO, PHED
Fin. Secy : R. Saptawna, DEO (Employment)

Comments

Popular posts from this blog

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…