Skip to main content

MIZORAM KAILAWN CHAMPHAI AH

MIZORAM KAILAWN CHAMPHAI AH : Nimin khan Government Champhai College Multipurpose Hall-ah Mizoram Kailawn-2019: Business Plan Contest hmanga Entrepreneurship chawikanna leh inelna buatsaih tur chungchanga  inhrilhhriatna leh zirtirna hun hman a ni a. He hunah hian Entrepreneurship lama tui mi te, Self Help Group, Sumdawnna lama tuimite, NGO aiawh, College Zirlai leh mahni kutkawih thiamna hmanga eizawnna ngelnghet din tumte an tel tha hle a ni.
He hun Planning and Programme Implementation Department, IIM Calcutta leh Mizoram Consultancy Group-te tangkawp buatsaih hi Pu Zoremthara Ralte, SDO Sadar chuan a kaihruai a.  Mizoram sawrkar leh IIM Calcutta-te hmalakna hmanga Entrepreneurship inzirtirna hun leh infuihtharna hun neih a ni chu lawmawm a tih thu a sawi a. Entrepreneurship chu sumdawnna bultanna thar, chona thar hmachhawna  kalphung bik neia awmze nei taka eizawnna siam tuma bultanna a ni, a ti a. Sawrkar hnain mi a daih vek tawh loh avangin mahni thiamna leh theihna hmanga intodel…

Champhai - Tualchhung Chanchinthar ni 17.3.2018 (inrinni)

ZOKHAWPUIAH ZOLENTU LENG :
Champhai Academy of Letters (CAL) te buatsaih magazine thla thum dana chhuak tur 'Zolentu' tih chu nimin chawhnu khan Er. Lalrammawia, SE, PHED Champhai chuan I&PR Auditorium, CHANEM Building, Champhai ah a tlangzarh.
Er. Lalrammawia chuan Zolentu Magazine Editorial Board te thil tha ti tura huaisen taka an rawn penchhuak ngam chu lawmawm(www.champhai.net)  a tih thu a sawi a. An kalzelna turah harsatna awm chang a awm dawn thu leh chungte chu zam hauh lova paltlang thei tura inpuahchhah thin turin a chah a. Awmze neia ziak leh chhiar uar thar leh angaih thu sawiin, kan thil chhiar te chu ngaihtuah zuia vawng tlat angai a ni, a ti a. Mahni duh dan ang anga zel din mai loin a ziaktu rilru leh tum tak zawk hriat tum thin turin a chah a. Mi ropui leh hlawhtling ten an irawm chhuak ngei hmanga dinna leh thiamna thil ziaka an dahte chu chhiar tam thin a tul thu leh dinna leh inrintawkna min petu a nih thu a sawi a. Ziaka thil tha dah chu(www.champhai.net)  thil tangkai tak nakin zel pawha min kaihruai theitu a ni, a ti a. SOcial Media kan hman nasat tak lutuk avanga lehkhabu chhiar kan thlauhthla ta chu pawi a tih thu a sawi a. Zirna le hthiamna kawnga Champhai thalaite an thanharh a hun tak zet thu a sawi a. Nakin lawka ram inrelbawlna fawng vuantu ni thei turin tum bulbal tak neia rilru siam angaih thu a sawi a. RUihhlo leh mipat hmeichhiatna hman sual laka fihlim thei tura zirtirna uar leh zuala kalpui chu thil pawimawh tak a nih thu a sawi a. Champhai Academy of Letters chu an thil tih chawinung zel a, tan la sauh sauh turin a fuih a. Zolentu magazine chu zirlaite kawng kawhhmuhtu leh Champhai tana tangkai tak ni ngei thei tura duhsakna hlanin a duh apiangte tana lei theih turin a tlangzarh a ni.
Magazine tlangzarhna (www.champhai.net) programme hi C. Lalmuansanga, President CAL chuan a kaihruai a.Rev. Lalnunmawia Pachuau in hunserh a hmang a. CAL chungchang report Lalsiammawia Sailo, Asst. Secy in a pe a. B. Vanlalchenpuia, Editor, Zolentu Magazine hnen atangin Magazine chungchang report ngaihthlak a ni bawk. RL Chhuanawma, Associate Professor, GCC in magazine thlirlawkna nei a. C. Ramengmawia, Vice President, CAL in lawmthu sawina neiin hun a khar a ni.
Champhai Academy of(www.champhai.net)  Letters hi APril ni 11 2017 khan din thar leh a ni a. Thu leh hlaa Champhaiin hma a sawn theihna atan theihtawpin hma an la a ni.

HMUNHNIHAH PIPU SULHNU CHHUI :
Dept. of Archaeology, Univesity of Calcutta te chuan pi pute thlangtlak dan zirchiangin Mizoram khawchhak tlangdung hmun hrang hrang an dang.University of Calcutta atanga Archaeologist lo kalte hi Department Head - (www.champhai.net) Assistant Professor Bishnupriya Basak in a kaihruai a. He project atan hian pi pute sulhnu chi hrang hrang atanga an thlang tlak dan leh an hnam ziarang inkungkaih dante, tuna mihring la dam lai hnam leh chi peng hrang hrang thisen (DNA) atanga chhui te, hmun hluia hnim hnah leh thlai, chaw a an lo rin thin chambang hmang tein he zirbingna hi kalpui mek  ani. He zirbingna hi thuanghnihna kalpui niin thuangkhat chuan Dungtlang leh Lianpui khuaahte hnam chipeng hrang hrang thisen (blood sample)(www.champhai.net)  lak a ni bawk. He zirbingnna atana hmanraw mamawh lak khawmna atan hian kum 2 chhung ruahman a nih thu an hotunu Bishnupriya Basak chuan a sawi.

GUTKHA PRODUCT DAP :
Nimin tlai khan Kahrawt MHIP leh Anti Tobacco Squad tangkawp chuan Champhai khaw chhunga dawr hrang hrangah Gutkha Product an dap. MHIP leh ATS hi hun engemawchen atang khan  tangkawpin dawr hrang hrang endikin(www.champhai.net)  Gutkha Product hi an lo dap tawh thin a, dawr neitute hnenah zuar tawh lo tura ngenna lo siam tawh mahse nimin akhawpui an fankualnaah hian Gutkha Product engemaw zat an man leh a, dawr neitu, Gutkha(www.champhai.net)  product zuartute chu zuar tawh lo turin an ngen nawn leh a, thalai Gutkha ei thinte pawh sim turin an ngen a ni.

LUNGREM HLUI HMU :
Hmanlai lungrem tute sulhnu nge tih hriat loh Khawbung Mubu ram Lungdawhkan (Dolmen) tlangah hmuh chhuah a ni. Khawbung(www.champhai.net)  khuaa pipu sulhnu humhalhtu pawlte chuan upa titi atangin Khawbung Mubu ram Hmar hnam chipeng Serzawlho lo awm tawhna hmuna lungrem leh lungrem awm nia sawi chu a hmunah kalin an hai chhuak a. Heng sulhnu hlui lungrem leh lungtian pawnte hi ram bawh a zauh em avangin In 300 zet awmna hnu hma niin an sawi a. Serzawl hnam hi kum Ad 1700 tawp lam leh kum AD 1800 tur lamah heilai hmunah hian lo khawsa tawh nia hriat an ni a, chenna in 100 ding tling lova hriat a ni bawk. Hetiang a nih avang hian(www.champhai.net)  Khawbunga hmun hlui humhalhtute chuan Serzawl ho sulhnu ngei a ni em tih chu zirchian ngai niin an sawi a ni.

MIZO PA NGEI SP NEI :
Nimin khan Champhai (www.champhai.net) SP thar Lalthiamsanga Sailo (MPS) chuan a hna a rawn zawm thar ta.

OIL ENDIK :
Nimin khan District Legal Metrology Dept. chuan Champhai AOC a Diesel (12kl) leh Petrol (12kl) lo thlengte chu Tank(www.champhai.net)  Lorry ah an endik a. AN Oil phurhte hi dan phal chin chhungah awmin dahluh tir nghal a ni a, mipui tan sem chhuah nghal a ni.

THUBUAI 5 ZIAHLUT :
February thla chhung khan Champhai Excise & Narcotics Dept chuan ND&PS Act hnuaia thubuai 5 an ziaklut. (www.champhai.net) February thla chhung khan rakzu lire 280.500 leh BEDC 213 lts an man a, Heroin gram 1.900 leh Ganja gram 14 an man bawk. ND&PS Act hnuaia thubuai 5 an ziahluh zingah hian mipa 4 awmin hmeichhia 1 a awm bawk.

Comments