Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

Champhai - Tualchhung Chanchinthar ni 20.3.2018 (thawhlehni)

INSASENGNA HUN PEK A NI :
Nimin khan Champhai DC COnference Hall ah Champhai SDO (Sadar) Pachhunga kaihhruaiin, Leilet zawl leh kawngpui kam humhalhtu Task Force(www.champhai.net) Committee thutkhawm ani a, dan kalha in sak leh leivung chhekte tan insaseng hun atan April ni 15 thleng hun an pe.
Nimin thukhawmah hian February ni 19 a District Magistrate khapna thupek zawm lova, Champhai Leilet zawl buhbal chinna hmun leh kawngpui kama mimal Kudam leh chenna insaluitute bakah leilet zawla leivung chhek hnenah APril ni 15 ralhma(www.champhai.net) ngeia Kudam leh In sakte thiat tur leh Leilet a leivung chhek pawh thiarchhuak leh turin he thukhawm hian thuchhuah a siam a. Task Force Committee thuchhuak zawmlote chungah dan anga hmalak zui a nih tur thu tarlan a ni bawk.
Mizoram Revenue Dan, The Mizoram (www.champhai.net)Revenue Laws 10(6) leh 11(1) na in a sawi leh tarlan, Agriculture LSC, Periodic Patta leh Gaden Pass te chu pass pek a nihna ang taka Agriculture kaihhnawih atan ni lova, thil dang atan hman khapna a nihna hmangin Champhai District Magistrate chuan Chenna in sa mektute leh kawngpui kama leivung chhung pawngtute chu an thiltih mek tawpsan turin khapna thupek a tichhuak a ni.
He khapna thupek ah hian Champhai leilet zawl, Agriculture kaihhnawih atana ram neiten pek an nih chhan ang taka hmang tur leh Kudam sak leh chenna atana In sak te a khap tlat a. Kudam sak mek leh sak tawhte endikin, ram pek an nih(www.champhai.net) chhan ang a hmang lo chu Mizoram Revenue Dan tlawhchhanin thiat tura hriattir vek an ni a. Sa mekte pawh an hnathawh chawlhsan tura hriattir nghal an nih bakah he khapna thupek zawm lova, tiluite chu chawitir emaw an pass cancel sak thlenga hrem theih tur a nih thu tarlan tel a ni.
Indo Myanmar Border Trade kal tlanga bungraw lut leh chhuak chhek khawlna tur hian Champhai leilet zawlah Kudam leh Chenna In sak mek a(www.champhai.net) nih bakah kawngpui kam leilet zawlah leivung chhunpawn tir mek a ni a. Kum 100 chuang zet Champhai leilet zawl buhbal chinna atana sawrkar dan dinglai zah taka loneituten an enkawlna hmunah tunlai hian dan dinglai bawhchhia a, leilet hmelhmang nasa taka tih danglam mek a ni.

MJA MEETING :
Nimin khan MJA Champhai District te chuan Press Club-ah General Body Meeting an nei.
He hun hi R. Lalfakawma, Vice President chuan a kaihruai a, an thurel zingah chanchinbu semtute hlawh tur zat an bithliah a, chanchinbu man pawh tunlaia thil manto zel leh District dangte kaldan ang deuhin sawrkar kumtharah tihsan nise an ti bawk. hei bakah hian thla thar ni 4 a MJA Annual COnference Aizawl a neih tur chungchang(www.champhai.net) an rel a, Conference avang hian thla thar ni 3 atanga ni 6 chhung chanchinbu chawlh nise tiin an rel bawk. Nimin meeting ah an pawl hmalakna tur leh inrelbawlna hrang hrangte ngaihtuah ho a ni bawk.

CHAMPHAI COLLEGE TEAM CHAK :
Mizoram University Sports Meet 2018 (www.champhai.net)Aizawla neih mekah Govt. Champhai College Football Team te chuan hnehna an chang nghal.
Mizoram University Sports Meet 2018 Aizawla neih mekah nimin khan Govt. Champhai College Football Team te chuan an Match hmasa berah Aizawl West Colllege nen inkhelin hnehna an chang nghal a. Govt. Champhai College tan K. Lallawmtluanga'n Goal hnih khungin, hun pangngaiah goal 2 ve ve khungin an inhneh tawk a. Tie Break ah 5-3 a(www.champhai.net) vanneihna changin hnehna an chang a, Pachhunga University College an khel leh ang. Basketball ah pawh hnehna chang nghalin Govt. Johnson College 48-29 in an hneh bawk. Hetih lai hian Badminton Team te erawh Aizawl North College an hneh zo ta lo a ni.

KHAWZAWL AH PURUNSEN CHIN ZIRTIR :
KVK Khawzawl in NEDP hnuaia PC Lalhmangaiha, Khawzawl Vengthar huana Purunsen an chinna hmunah nimin khan Khawzawl khawpui chhunga loneitu thlan chhuah bikte tan Purunsen chin leh enkawl dan zirna an buatsaih a. KVK Khawzawl hian(www.champhai.net) hlawhtling taka Trial an lo neih tawh, Purunsen Variety Agri Found Light Red chu NEDP Beneficiary te hnenah an chintir a ni.
Nimin training ah hian Khawzawl khawpui chhunga loneitu mi 21 te hnenah KVK Scientist Malsawmkimi chuan zirtirna pe in loneitute hian hriat duh leh zawhna an neihte chu a hrilhfiah nghal zel a. Malsawmkimi chuan (www.champhai.net)NEDP hnuaia KVK Khawzawl in Purunsen an chintir hi National Horti Research & Development Foundation, Hubli atanga an lak a nih thu leh hei hi kum hmasa lamah te hlawhtling takin Trial an lo neihpui tawh tih a sawi a. Champhai District a loneitute tana hlawhtlinpui theih turah an ngai tih a sawi.

Comments