Skip to main content

MIZORAM KAILAWN CHAMPHAI AH

MIZORAM KAILAWN CHAMPHAI AH : Nimin khan Government Champhai College Multipurpose Hall-ah Mizoram Kailawn-2019: Business Plan Contest hmanga Entrepreneurship chawikanna leh inelna buatsaih tur chungchanga  inhrilhhriatna leh zirtirna hun hman a ni a. He hunah hian Entrepreneurship lama tui mi te, Self Help Group, Sumdawnna lama tuimite, NGO aiawh, College Zirlai leh mahni kutkawih thiamna hmanga eizawnna ngelnghet din tumte an tel tha hle a ni.
He hun Planning and Programme Implementation Department, IIM Calcutta leh Mizoram Consultancy Group-te tangkawp buatsaih hi Pu Zoremthara Ralte, SDO Sadar chuan a kaihruai a.  Mizoram sawrkar leh IIM Calcutta-te hmalakna hmanga Entrepreneurship inzirtirna hun leh infuihtharna hun neih a ni chu lawmawm a tih thu a sawi a. Entrepreneurship chu sumdawnna bultanna thar, chona thar hmachhawna  kalphung bik neia awmze nei taka eizawnna siam tuma bultanna a ni, a ti a. Sawrkar hnain mi a daih vek tawh loh avangin mahni thiamna leh theihna hmanga intodel…

Champhai - Tualchhung Chanchinthar ni 21.3.2018 (nilaini)

SYMA CHAMPHAI CONFERENCE TAN :
Nizan atang khan Ralkapa Run , Mimbung ah SYMA Champhai COnferencve vawi 6-na chu neih tan ani ta.
Nizan khan palai lawm inkhawm neih a ni a. R. Lalchhuanawma, Treasurer, SYMA chuan inkhawm kaihruaiin PC Lalrawnliana Secy leh V. Lalduhawma, Fin, Secy te hnen atangin Report ngaihthlak a nia. H. Darhmingliana, Asst. Secy SYMA (www.champhai.net)hnen atangin thusawi ngaihthlak a ni bawk. Mimbung Branch leh Kahrawt Branch YMA Zaipawl bakah Malzai mi 6 hnen atangin ngaihthlak a ni bawk.
Vawiin chawhma dar 10 atangin rorel inkhawm neih a ni ang a, he hunah hian member boralte sunna hun hman a ni bawk ang; Rorel inkhawmah Agenda 13 chhawpchhuah a ni a.
1) Champhai District chhunga kawngpuite a tlo zawk theih nan Sub-Hqrs. YMA in hmala rawh se.
2) Luidung nungchate tun aia nasa zawk inuhmhalh ni rawh se
3) Champhai -Tahan (Myanmar) inkarah Bus Service turin Sawrkarin hma la rawh se
4)Sub-Hqrs. YMA Champhai huamchhunga khua leh tui diktak ni lo, sumdawngte dinhmun hi zirchiana a tul anga hmalak ni rawh se.
5) Mizo tawng humhalh a nih theihna turin sawrkar leh kha kal velah atam thei ang bera Mizo tawng hman a nih theihnan YMA in hma la rawh se
6) PWD Easter Circle Office hi Champhai ah dah a nih theih nan Sub-Hqrs YMA in hmala rawh se.
7) Sub-Hqr. YMA Office, Champhaia thawk turin Rider cum IV Grade pakhat Central YMA in dah belh rawh se.
8) Sub-Hqrs. YMA hian inang tlang leh rualkhai zawka thuthmun Branch leh Group inkarah hma la rawh se.
9) Ruihhlo dona kawngah tun aia chak zawk in SYMA in hmala rawh se.
10) Birth Certificate la kan senso sang lutuk hi tihhniama nih theih nan SYMA in hmala rawh se
11) Miharsa leh chhum chhiate tanpui(www.champhai.net) nana mi inphalte an luanchhuah theihnan CYMA in ruahmanna siam rawh se.
12) National Highway No 6 Double  lane a laih tura ruahman mek hi Grade tha zawk leh tawi zawka laih a nih theih nan SYMA inhma la rawh se.
13) Mizoram chhungah Hnam bil welfare din tawh loh ni rawh se.
  Rorel inkhawm lai hian(www.champhai.net) Mimbung Community Hall ah Variety Prog hman ani bawk ang.

KHAWZAWL - KAWLKULH APRIL AH ZAWH HMAN BEISEI :
PWD Highway in Khawzawl leh Kawlkulh inkar kawng km 30 a thui Rs. vbc 13.5 senga Black Topping hna an thawh mek chu thla(www.champhai.net) thar April thla laihawl velah siam zawh hman an inbeisei.
PWD Highway hotute chuan Kawlkulh atanga hna tanin First Phase Kawlkulh atanga km 13 a thui chu an siam zo tawh a, tunah hian Second Phase Km 5 a thui chu thawk chhunzawm lehin hemi an zawh veleh hian THird Phase km 12 a thui chu an thawk zui nghal dawn a. Third Phase hi APril ni 15 chho velah chuan thawh zawh hman an inbeisei tih an sawi a. Hetihlai hian kawngchhe zual lai, Khawzawl khawchhung luh dawn Metre 500 vel a thui chu Cement hmanga siam tum a ni a, hemi erawh hi chu APril thla chhung hian an thawk zo hman lo mai thei tih an sawi a. Furpui thlen hma ngeiin hnapumpui hi thawh zawh hman an tum tih an sawi(www.champhai.net) a ni. Khawzawl Group YMA hruaitute hian PWD Highway in Khawzawl leh Kawlkulh inkar kawng an siam chu tha tawkah an ngaih thu sawiin tha taka hna bul an lo tan tawh chu a tawp thleng a tha tak a chhunzawm zel turin PWD Highway hotute chu an ngen a ni.

NORTH CONSTITUENCY FOOTBALL INELNA :
Nimin khan Champhai Nirth Constituency for MLA Cup Football TOurnament chu B. Lalramngheta, CDFA VIce President chuan a hawng.
He tournament Champhai North Constituency huam chhunga Veng leh club te tana buatsaih hi Hnahlanah neih niin nimin khan a(www.champhai.net) hawnna hun Hnahlan Playground ah neih a ni a. He hun hi TBC Ramfangzauva, President Hnahlan Zone FA chuan kaihruaiin khuallian B. Lalramngheta, Vice President CDFA chuan thusawiin thalai infiammite tana TOurnament buatsaih saktu TT Zothansanga, Champhai North Bialtu MLA chu fakawm a tih thu sawiin TOurnament petu rilru ang ngeia inkhel thiamte chu theihtawp chhuah turin a fuih a. Football hi eizawnna tham mai ni loin Mizo tlangval tam tak ten an lo hausakpui tawh a ni a ti a, a thiam leh a ti tak tak peihte tan chuan hun al in hawn dawn chauh avangin kan thiamna leh kan theihna (www.champhai.net)te pho chhuak thei tur leh hlawhtlin tur chuan thawhrim leh taimak a ngai a ni a ti bawk. Mizo inkhel thiam tam tak hmakhaw eng tak tak in an lo zuih ral tawh a, infiammiten kan hmelma lian ber chu ruihhlo a ni tih hria kan do ngam a ngai a ni a ti a. Hlawhtling tak tak tur chuan kan taksa tana thalo lakah kan insum theih a ngai a ni a ti bawk.
Tournament hawnna hi CDFA hruaitu Lalbulliana, Hon. Secy; Jonathan Lalngaihsawma, Asst. Secy leh K. Laltanpui, Executive Member (www.champhai.net)ten an telpui bawk a ni.
He tournament ah hian Team 8 inlan theiin Pool 2 ah then a ni a, Group 2 a point hmusang pahnih ten semifinal an lut ang a,(www.champhai.net) Inrinniah Final khelh a ni ang.

THAL THAI SENG :
Champhai zawl a thal thai chingtute chuan an thawh rah an seng mek a, Champhai zawla thllai ching tam berte chuan ANtam chingin tunlai (www.champhai.net)hian a sengrunpui an nei mek a. Champhai mai bakah Mizoram hmun hrang hrangah an thlai thar te hi an thawn chhuak nasa hle a ni.

A THAWNIN TRAINING THEIH :
Mizoram Skill Development Society bul tumin a thawn vekin Aviation leh International Beauty chains ah Class 12 passed kum(www.champhai.net) 18-26 inkar tan Govt of India Sponsored in (ministry of Labour Employment, Skill Development and Enterpreneurship, Govt. of India) hnuaiah Kolkata ah  training a buatsaih dawn a, heta training duh turte (www.champhai.net)chu MZP Hqrs. Champhai Office ah ni 19-23 March 2018 Zing dar 10 atanga tlai dar 2 chhungin  in report tur a ni ang.

MANGKHAWH BEIHPUI THLAK MEK :
Tuipuiral tlangdunga lo neitute chuan kumin an thlawh lai tur lo hal zo tawhin tunkar atangin mangkhawh beihpui an thlak chho mek a, tunkar tawp lam atangin thlai chi an thlak tan dawn tih kut hnathawktute chuan an sawi. Kumin hian ruahtui a tlak mumal loh avangin Tuipuiral tlangdunga loneitute chuanan lo an hal kang tha tlangpui a. Tlangram lo neitute chuan tunkar hian mangkhawh zo tur leh kar leh lam atanga (www.champhai.net) thlai chi thlak hman turin beihpui an thlak mek a. Tun hma hun atanga thu an inrochhiah angin Good Friday bawr vela thla chi(www.champhai.net) thlak a to duh bik nia ngaiin thlangram lo neitu tam tak chuan Good Friday bawr vela thlai chi thlak tumin hma an la mek a ni.

Comments