Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 22.3.2018 (ningani)

THUR TAM AVANGIN GRAPE THA THEI LO :
Grape chinna leiah Thur tam luat avangin Grape a tha theilo tih hmuhchhuah a ni. Maharastra State, Pune a hmunpui nei, National Research Centre for Grapes a mithiamten Mizoram khawchhak tlangdung (Champhai District) a Grape tharchhuah tlakhniamna chhan ber an chhuina atangin Grape chinna hmun leiah Thur (Soil pH) a tam luat avang a ni tih hmuhchhuah a ni.
Champhai leh a chheh vel a Grape (www.champhai.net)chinna hmun hrang hranga lei enfiah tura lakte chu Pune-ah mithiamten an enfiah a, Thur (Soil pH) tam zawng 7 vel tur a nih laiin, Grape huan a lei tam ber chu 3-4 a nih hlawm  avangin hei hian Grape rah tharchhuah ati tlem tih Pune a mithiamte hian Mizoram HOrticulture Dept hotute a rawn hriattir.
Champhai leh a chheh vel a Grape chingtute hian thangkhat lian zet Grape chingin ei an zawng hlawm a. Horticulture Dept. leh anmahni(www.champhai.net) kaltlanga mithiamten Grape rah thar hlawk dan leh enkawl dan tur zirtirna an pek thin bakah leitha pek dan thlengin uluk takin an kawhhmuh thin a. Mumal taka Grape chinna hmun lei dinhmun erawh hmanraw thabik hmanga enfiah ngai a nih avangin tun hi mumal taka lei dinhmun an enfiahna a ni thung.
Champhai District a Grape tharchhuak tam zual chhungkua ten Grape Quintal 100 chuang an thar thinna ah kumtin Grape an chinbelh zel(www.champhai.net) chung pawhin Grape thar chhuah a pung chak lo hle thung a. Kum kalta (2017) ah khan a thar tah ber chhungkua pawhin QUintal 80  vel chauh an thar thei a. Grape tharchhuah tlak hniam zelna chhan ngun taka zir a nih hnuin, Grape chinna a lei dinhmun chu enfiah a nih tak hnuah Lei a Thur (Soil pH) a tam luat (www.champhai.net)avang a ni tih hmuh chhuah a ni ta a ni.
CHamphai a Horticulture Dept. hotute chuan Lei a Thur (Soil pH) tam luat avangin thlai in a mamawh chi hrang hrang (EC, CI, OrgC, Pzos.N, CaCOS, KZo, Na, Ca, Mg, Cu, Fe, Mn, Zn, Boron leh AvS) 16 te chu Lei a thur in a hmeh hlawm tlat thin avangin thlaikung ten an hiplut thei thin lo tih an tarlan bakah hemi chungchanga harsatna(www.champhai.net) sukiang tur hian Pune a National Research Centre for Grapes chuan tunkar tawp hian Champhaiah Grape chingtu chhungkuate tan zirtirna an rawn neih dawn thu an hnen atangin dawn tel a ni bawk.

SYMA CONFERENCE ROREL INKHAWM NEI :
SYMA Champhai COnference Mimbung a neih mek chu nimin khan rorel inkhawm neih a ni. Rorel Inkhawm hi Mimbung Community(www.champhai.net) Hall ah neih niin C. Lalbiakzauva, President SYMA Champhai kaihhruaiah hian palai 262 ten Rorelin chanchin kan hriat theih chinah 
"Luidung Nungchate tun aia nasa zawk in humhalh ni rawh se"
"Sub-Hqrs. YMA Champhai(www.champhai.net) huamchhunga khua leh tui dik tak ni lo, sumdawngte dinhmun hi zirchiana a tul anga hmalak ni rawh se"
" Sub-Hqrs. YMA Office, Champhai a thawk turin Riders cum IV Grade pakhat Central YMA  in dah belh rawh se"
"Ruihhlo dona kawngah tun aia chak zawk in SYMA in hmala rawh se" tih te an pass tawh a ni.
SYMA Conference ah hian nimin thleng khan Palai riak lut 874 an awm tawh a, la thlen belh tur engemaw zat an la awm bawk a (www.champhai.net)ni. Nimin Rorel Inkhawm chhungin Ralkapa Runa Variety Programme hman bawk a nia, nizan dar 7:30 atangin Vantlang inkhawm Ralkapa Runah neih chhunzawm leh a ni a, Inkhawm hi F. Lalrinmuana, Vice President, SYMA Champhai in kaihruaiin C. Lalbiakzauva, President, SYMA hnen atangin thupui ngaihthlak a ni a, SYMA CHamphai huamchhunga mi hmingthate leh Fa 7 nei chinte chawimawina thil pekhlan an ni a. NE Khawdungsei , Zotlang leh Vaikhawtlang Br. YMA Zaipawl an zai bakah mimal zaithiam (www.champhai.net)7 an zai bawk.
Vawiin hian Ralkapa Runah hruaitu thlanna neih a ni dawn a. Nominee atan
F. Lalrinmuana, Vengthlang
PC Lalrawnliana, Vengthlang North
V. Lalduhawma, Kanan
R. Lallawmzuala, Vengsang
H. Laltuliana, Zotlang
Lalsanglura Zote, Bethel
RC Rodawla, Zote
Lalrochharliana Varte, Zotlang
Lalchhanhima Zofa, Dinthar
Lalzahawma Varte, Zotlang
VL Chama Hnamte, Kahrawt te chhawp chhuah an ni.

KAWNG SIAM CHHUNZAWM :
Zophai buaina avanga ni hnih an chawlh hnuah Tarmat Company te chuan kawng siam hna an chhunzawm leh a ni ta. Asst. Supervisor Depen-a chuan Champhai Leilet zawl mai bakahhian Zokhawthar kawng nen hna hi an thawh kawp avangin (www.champhai.net)Champhai Leilet zawl a kawng siam hna hi chawlh lailawk rih a niin a sawi a. Zophai buaina avanga ni hnih an chawlh hnuah kawng siam hna hi an chhunzawm lehnghal thu a sawi a. Chatlak awm lova hna hi thawh reng a nih thu sawiin Leilet zawl kawngah hna thawh a nih loh chuan Zokhawthar kawngah (www.champhai.net)siam a ni thin tih a sawi. Tunah hian Zotlang khaw tawntirhah kawng hi lei leh lung hmanga hnawh mek niin tun lo hi vawi hnih vel hnawh a nih chuan Metal theih a nih tawh beisei a ni a,kawng siam hna zawh theih hun hi hriat mai theih a la ni lo a ni.

ZOKHAWTHAR ZONE :
Zokhawthar Zone FA Tournament chu niminpiah atang khan Dilkawn Playground ah tan a ni. Zokhawthar Zone FA Tournament Dilkawna neih ah hian ZOkhawthar Zone huamchhunga Club 16 in lan theiin Pool 4 ah then (www.champhai.net)an ni a, Pool tina Point hmu sang pahnih ten Quarterfinal an lut ang a, Quarterfinal a intum tur te hi draw neih that leh tur a ni ang. March ni 28 ah Final hi khelh tum a ni.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai

MZP TEN CHAWIMAWI : Nimin khan MZP Champhai Hqrs te chuan MZU-in Under Graduate result a tih chhuah taka Govt Champhai College atanga Top ten-a langte chawimawina hun an hmang. He hun Govt Champhai College Seminar Hall-a neih hi Lalthanfela MZP Hqrs Champhai Secretary chuan kaihhruaiin Asscociate Prof. Lalchhanhimi Khiangte, Principal Govt. Champhai College chuan khuallian niin a hmanpui a. Khuallian chuan thusawiin zirlai titha chawimawi nachang kan hre chho zel hi hmasawnna nasa tak a ni a, hetiang zirlai chawimawi tlak Govt. Champhai College-in kan nei pawh hi thil ropui tak a ni tiin an kal zelna turah duhsakna a hlan a. College zawhah hian zirna tak tak a intan chauh thu sawiin zirlai ngawr ngawr piah lamah hriatna tizau thei zawnga tan la turin fuihin zirna kawngah hian a tawp kan khar that hi a pawimawh hle a ni a ti. Govt. Champhai College chu nasa taka hma sawnin a zahpui awm tawh lo hle a ni a ti a, zirna lama hming lang thei zirlai nei turin tan a la chho mek a ni a ti ba…

Champhai - Tualchhung Chanchinthar ni 7.5.2018 (thawhtanni)

KHAWTLANG ENSAN LEH MOTOR TIHCHHIAT SAKAH VAU - CHAIRMAN CZMCW :
Champhai to Zokhawthar Maxi Cab Welfare te chu Zirtawpni atang khan Zonunsanga Huan hnai zawk bulah an duty tan.
Kum khat chhung vel chu Champhai to Zokhawthar hi Rs. 150 in an tlan hnuah Zokhawthar khuaa Consumer, YMA leh VC te chuan an Rate san hi an duh lova, rate hlui  Rs. 100 a tlan leh turin Sumo neitute chu an ti a. Mahse Sumo neitute chuan Rs. 100 chuan an tan awmzia a awm loh avangin an tlan thei lova. Zokhawthar Sonsumer, VC leh YMA te chuan Zokhawthar khua luh phal lovin RIhdil kal tura Sumo Hire pawh kal tlang an phal lo va, an motor halsak leh vuakchhiat sakah hial vau in, Mualrawt ah Thawhtanni atang khan an Duty niin R. Kapthanga, Chairman Champhai to Zokhawthar Maxi Cab Welfare chuan a sawi.
Hetih lai hian khualzinte erawh chuan Sumo rate Rs. 150 chu awm an ti niin an sawi a. Zokhawthar Sumo Counter atanga km chanve pawh tlinglo Tiau Lei thlengin Taxi leh Bike hmangin Rs. 100 leh Rs. 50 a hran a Passenger te…