Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 23.3.2018 (zirtawpni)

SUB-HQRS. YMA CONFERENCE TIAK TA :
YMA Sub-Hqrs. Champhai Cnference Vawi 6-na , Ralkapa Run, Mimbung a hman mek chu nizan khan a tiak ta.
Nimin khan Ralkapa RUnah kum 2018-2020 chhunga YMA Sub-Hqrs. Champhai hruaitu thlan a ni a, anni hian an thawhpui tur SEC Member an rut dawn ani.
Hemi hma lama rorelah Sawrkar khawih thil Agenda Birth Certificate lakna senso sang lutuk hi tihhniam a nih theih nan SYMA in hma la rawh se tih te; National Highway No. 6 (Seling - Champhai) Double lane a laih tura ruahman mek hi Grade tha zawk leh tawi zawka laih a nih theih nan SYMA in hma la rawh se; PWD Eastern Circle Office hi CHamphai ah dah a nih theih nan SYMA in hma la rawh se  tih leh Champhai -Tahan (Myanmar) inkarah Bus Service turin Sawrkarin hma la rawh se tih te chu pass vek a ni a. Kum 2020 SYMA Conference thlen diltu zingah Palaite chuan lungrual takin Khuangthing an thlang bawk.
Nizan Palai thlahna chu H. Darhmingliana, Asst. Secy SYMA in kaihruaiin C. Lalbiakzauva, RO in hruaitu thar hlanna hun a hmang a. Champhai DC Vanlalngaihsaka, IAS chuan khuallian niin a hmanpui a, khuallian leh CYMA aiawh bakah President thlan thar VL Chama Hnamte leh Kamchinpauva, Siakal Group YMA  hnen atangin thusawi ngaihthlak a ni a. Zaipawl 4 - Lamzawl, Vengthlang North, ZOtlang leh Kahrawt Branch YMA te an zai bakahmimal zaithiam 4 hnen atangin zai ngaihthlak ani bawk. Kum 2018-2020 chhunga hruaitu thlan tharte chu
President : VL Chama Hnamte, Kahrawt 
Vice President : F. Lalrinmuana, Vengthlang
Secretary : PC Lalrawnliana, Vengthlang North 
Asst. Secretary : R. Lallawmzuala, Vengsang 
Treasurer : RC Rodawla, Zote 
Fin. Secy : V. Lalduhawma, Kanan

APPLE CHIN KUMINA RAH SENG THEIH ANG :
Kum 2016 a COuncil of Scientific and Industrial Research hnuaia Institute of Himalayan Bioresource Technology, Palampur Himachal Pradesh a mithiamten CHamphai District chhung, Champhai leh Hnahlan a Apple an chin chhin chu hlawhtling ngei tura beiseina a sang hle.
MGNREGS Convergence hmanga Mizoram State Rural Department leh Horticulture Dept. tangkawpten loneitu thlanchhuah bikte hnena Apple an chintir, kumina a rahte hi seng tan ani tawh dawn a. Apple rah tuidan hi eichhin a nih dawn bakah khawl hmanga enfiah a ni dawn a. Apple chin tirtu CSIR hnuaia IHBT a mithiamten a rah tui dan leh hrisel dan an enfiah hnua heng APple te chin chhunzawm thlak a  an ngai a nih chuan CHamphai District pumpuiah chinzui theih a ni dawn a. Kuthnathawktute mit kukna ber leh ngaihchan ber a ni mek. heng APple chi te hi TLangram feet 4000 chung lam a sang, khaw vawhna hmun a tha thei tura ngaih niin Apple kung chi 4, thingkung dang nena sawhzawm -Ana, Dorset, Fuji leh Gala te hi awmze nei a phuntlar a ni a. Feet 3 a thuk laih khuara leitha chi hrang hrang chawhpawlh hmanga hnawh khah a nih hnuah meter 4 zet a inhlatin phuntir an ni a. Apple chi 4 zinga Dorset leh Gala te hi Apple rahchhuahna pe tura chi chhuahtu niin, a kar thelh a phun vek a ni a, kum 3 chhung uluk taka sawngbawl a nih hnu chuan hahdam deuh zawka enkawl zui theih tur a ni thung.
IHBT a mithiamten ngun takin an rawn vil zui reng a. Heng Apple te hi 1300 metre a sanga chin tur chi niin, hei hi Champhai leh Hnahlan san zawng nen pawh a inmil chiah a. Khaw vawt a duh zawng pawh hi darkar 300 atanga 500 inkar a nih thu leh kum khat chhungin khawvawh zawng Celcius Degree 7 aia vawt chu darkar 300 atanga 500 a hmuh/dawn aa ngai thung a. Nikum hmasa lama phun tawh APple te hi feet 10 chuanga sang ni tawhin, a than that danah henglai hmun hi a ngeih ngei tura ngaih a nih bakah kumina a rah chu a seng theih tawh tur thu mithiamte hian an sawi.
Mizoram chhung hmun sang leh vawt zawk a chin theih tura beisei Apple kung chi 4 te chu nikum hmasa khan Champhai leh Hnahlan a Loneitu chhungkaw 8 hnenahbultan nan kung 25 theuh phun tir an ni a. Kumin hian kung 800 phung belh tir an ni bawk. Heng Apple chi hi Israel leh Britain siam chhuah CSIR-IHBT a mithiam ten an thuam that a ni.

PACS ZAWNG ZAWNG COMPUTERIZE VEK TUM :
Nimin khan Champhai Vengsang YMA Hall-ah Champhai District Co-operative Society Ltd. Joint Action Committee (CDCSJAC) bultumin Champhai District Co-operative Society meet neih a ni a. He hun hmanpui tur hian  Mizoram Co-operative Apex Bank (MCAB)  Chairman Pi T. Lalmuanpuii , MIZOFED  Vice Chairman Pu Thangrenga, Pu F. Zosanga Chairman (PIGFED) leh State Level Federation hrang hranga Board of Director-te an lo kal  a ni.
He hun rawn hmanpuitu Pi T. Lalmuanpuii, Apex Bank Chairman chuan Champhai District chu Co-operative movement innghahna district pawimawh tak anih thu leh Co-operative movement chu Zoram khaichhuahna tura tangkai tak anih thu a sawi a. Co-operator leh thawktute inkar chu tih zim a tul thu leh shareholder-te chu Apex Banka-a lal ber an nih avangin an tana hnathawh uar leh zual angaih thu a sawi a. Apex Bank danah loan za zela 95 chu shareholder-te tana pek chhuah tura tih a ni, a ti a. Hengte bakah hian Apex Bank chuan a hnuaia thawktu officer leh staff-te tan Pension scheme  pawh a duan chhuah thu a sawi a. Primary Agriculture Credit Co-operative Society (PACS) kaltlangin thingtlang kilkhawr zawk leh Bank branch awmlohna hmunahte bank service chawpchhuah sak an nih thu sawiin  hemi kaltlang hian chhungkaw 1,571 chuangin eizawnna an neih theih phah thu a sawi a. Mizoram sawrkar hmalaknain New Economic Development Policy (NEDP) hnuaiah PACS zawng zawng computerize vek tum anih avangin lawmthu a sawi bawk a ni.
Tunhnai kum 5 chhunga Apex Bank   hmasawnna kawng hrang hrang a tarlang a. Bank Branch thar 4 (Women Branch pakhat telin) leh Extension Counter pahnih hawn a ni a. Bank dang rualin Apex Bank pawh CBS platform-ah a lut a, Bank dangin an neih loh Data Centre Aizawla bun thei awm chhun an nih thu a sawi a. Computer mini lab hawn niin Safe Deposit locker Main Branch, Aizawlah hawn a ni bawk a. New Secretariat bulah sorkarin ram a pekah Branch Building thar sak zawh tawh niin  luah nghal a ni, a ti  a. RBI atangin Branch neihlohna hmunah pawh ATM dag (offside ATM) phalna hmuh a nih thu a sawi a. Apex Bank-in loneitute thlai thar leisak leh hralhna (marketing) lama hmalatu tur ‘Mizoram Agriculture Marketing Solution (MAMSol)’ a din a, Bairabi-a Cold Storage ( cheng nuai 150  man) a bun mek thu a sawi  a. Sorkarin Zirlaite Scholarship lakna atan Apex Bank a hman tak avanga sorkar chunga a lawmthu a sawi bawk a ni. 
Tin, Loan rulh loh avanga  In leh Lo, ram dahkham Sorkar leh Court inrawlh ngai lova laksak theihna SARFAESI Act hman ve remtih a ni, a ti bawk a. Kum 5 chhungin Bank Staff 28 lai lak thar a ni a, NPA tih hniam tuma nasa taka hmalak niin  Kum 5 lo awm leh tur chhunga Apex Bank hi Schedule Bank-a hlan kai hman ngei  tum anih  thu a sawi a. Cooperative Society te hmakhua ngaiin Shareholder Society 61 hnenah loan cheng vaibelchhe 4 pek chhuah a ni a, kumin 2017-18 chhung hian shareholder society te hnenah loan cheng vaibelchhe 5.24  pek chhuah leh mek a nih thu a sawi a. Hei bakah hian  deposit-a punna chu cheng nuai  29,195  a ni a, profit-ah cheng nuai 326  anih bakah loan punna hi cheng nuai 13,299 niin Bank thanna Growth rate chu za zela 96 a nih thu a sawi lang bawk a ni. Co-operator kalkhawmte chu tang sauh sauh tur leh Co-operative Society movement hnuaiah mi tam zawk hruai lut thei tura hnathawk zel turin a sawm nghal bawk a ni.
MIZOFED Vice Chairman Pu Thangrenga pawhin MIZOFED in mipui rawng an bawlna kawng hrang hrang a sawi a. Gas leh POL hnianghnar zawka sem tura ruahmanna an neih leh MIZOFED in nasa taka hma a sawn chhoh mek thu a sawi bawk a ni. Thusawitu dang Pu F. Zosanga, PIGFED Chairman pawhin Vawk chaw hnianghnar zawk leh man tlawm zawka mipuite leitir an nih thin dan te, Vawk In sakna hmanraw changkang readymade an sem dante leh an hmachhawp mek kawng hrang hrangte a sawi bawk. Thusawi tha tak tak ngaihthlak a nih bakah hian zawhna leh chhanna hun hlimawm tak hman a ni bawk a.
Meet hi Pu Rolura Sailo, Chairman, Champhai District Co-operative Society Joint Action Committee (CDCSJAC) in a kaihruai a. Pu K.Lalsanga, Khawzawl-in kalkhawmte lawmna thu a sawi a. Pu Zaihmingthanga, Secretary, CDCSJAC-in Meet neih anih chhan leh Champhai District chhunga hruaitute inhmelhriattirna hun a hmang a. Pu R.Lalngaihawma, Secretary, Serchhip Consumers Co-operative Society Ltd-in mikhual inhmelhriattirna hun a nei a ni.
District report Pu Rodingliana, LIMCOS Ltd, Lunglei; Pu B.Dophaw, Siaha; Pu Lalhmingliana Saitual; Pu R. Lalngaihawma, Serchhip leh Pu K.Sanghluna, BOD, MCAB, Aizawl-ten an pe a. Zawhna leh chhanna hun a duh apiangte tana neih a ni bawk a. Pu T.Vanlalhruaia, Fin. Secretary, CDCSJAC-in lawmthu sawina neiin hun hi a khar a ni.
Co-operative Society-te sum tlingkhawm enkawl hna  hi Mizoram Co-operative Apex Bank (MCAB) kutah a awm a. A enkawl hna pawh sawrkar leh Co-operative Society tangkawpin a thawk a ni. Kum 1992 atang khan chak zawka kalpui anih theihna turin a enkawlna hna hi Co-operative Society kuath dah  niin Board of Directors thlangin an ni bakah hian Mizoram sawrkar ruat Director (Registrar, Co-operative Societies) leh Chief Executive Officer (CEO) ten an  enkawl a  ni. Mizoram Co-operative Apex Bank Ltd hi Mizoram sawrkarin mipuite hmasawnna tura July ni 31, 1982 a din, RBI Licence nei thlap a ni.
Nimin Meet-ah hian Co-operative Society hnuaia Federation hrang hrang shareholder District chhung leh pawn atangin an tel a ni.

TRAINING NEI ANG :
Research Extension Centre, Central Silk Board, Aizawl leh District Sericulture Office, Champhai chuan Champhai District chhunga Sericulture Beneficiary thlan bik mi 17 te tan vawiin atanga April ni 4 thleng khian Govt. Mulberry Seed Farm, Kanan vengah riahchilhin 'Chawki Rearing Technology Training' neih a ni ang.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …