Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 24.3.2018 (inrinni)

SYMA HRUAITU HLUI BORAL :
Nizan dar 9:30 vel kan Vapar khaw daia motor chesualah Pu Lalrochharliana Varte (48) s/o Lalhneha, Driver, SYMA OB hlui leh Zotlang Br hruaitu hlun chu a hmunah a boral. Motor ah hian Lalrochharliana Varte bakah hian PC Muankima YMA President Farkawn Branch leh Lalrinngheta, Mangheta (Zaithiam) Vaikhawtlang te chuangin hliam natak an tuar nia thudawn a ni.
Motor hi Hrangthansiama Mizo Champhai(www.champhai.net) Kahrawt Veng Car niin Sub-Hqrs. YMA General Conference, Mimbunga hmang haw lam niin kan thudawnna chuan a sawi. Conference hawng te hi an motor a chian loh hlawm avangin Lalrochharliana te hian rawn nghak zel in motor 10 dawn lai a hnufual pui a. Vaikhawtlang khawtlang hruaituten tlawmngaiin tukțhuan anlo siam sak a, Hnahlan YMA in Zanriah anlo buatsaih sak bawk a.
Hnahlan ațang hian an in kalsan hlawm a, zan dar 9:30 vel khan Vapar khaw dai Ngur lam 3km vel an thlen chuan a khalhtu Pu Lalrochharliana hi muthlu in kawngthlangah thingkung an su a, thingkung chuan dang zo loin kawngthlangah(www.champhai.net) motor chu a let thla ta a. A hmunah hian Lalrochharliana hi boral nghalin mi tlawmngai ten a ruang hi la chhuakin tukin zing dar 3 vel khan an chenna In Zotlang thlenpui niin vawiin chhun dar 12 ah Zotlang thlanmualah vuiliam a ni ang.
Pu Lalrochharliana Varte thlahna hunah hian SYMA President in thusawina hun a hmang ang a, Zotlang Branch YMA leh SYMA hruaitu lo ni(www.champhai.net) tawh ten pawndum sinin an thlah liam dawn a ni.
Pu Lalrochharliana Varte hi Champhai Sub. Hqrs YMA Asst. Secy. hlui niin Sub-Comtt Member leh SEC ah te lo tang tawh niin, tun tum conference ah pawh hian kum 2018 - 2020 chhung atana hruaitu thlannaah pawh Nominate zingah a tel ve a ni.

INTHLAN DAWNAH MIPUITE LEI THEIHIN KAN AWM TUR A NILO - REV. CHUAUTHUAMA :
Vawiin chawhma dar 11:00 khan Mizoram Synod Social Front huai hawtin Champhai District huap Political Education Seminar Champhai Vengthlang Kohhran Centenary Hall ah neih a ni a, Chawhma hun hi Rev R Vanlalnghaka Synod Secretary (Jr) chuan kaihruaiin Revd. Chuauthuama hnen atangin "Ram rorelna thaa Mipui leh Kohhran mawhphruhna"(www.champhai.net) tih thupui ngaihtlak a ni a, Revd Chuauthuama chuan Inthlang ram kan nih avangin ram rorel tur thlan kawngah hian kan fimkhur hle a ngai a, Party hrang hrangte kal hmang leh an manisfesto te ngun tak zir thin tur a ni a ti a, ram rorelnaa tel tur kan thlan dawnin mi rinawm, mi taima, mi remhria leh hmathlir nei tha kan thlang chhuak tur a ni a ti bawk.
Inthlan hunah mipuite pawh lei theihin kan awm tur a ni lo a ti a, Mimal leh chhungkaw hamthatna aiin ram hmasawnna kan dah pawimawh hmasa zawk ila chhungkua pawhin hma kan sawn zel ang a ti bawk.  Kohhranin inthlan dawnah thuchhuah (www.champhai.net)siamin mi tha thlang chhuak turin mipui a ngen thin a, mi tha thlang chhuak  turin Kohhran  aw kan ngaihchan thiam a, a duh dan kan zawm a ngai ni a ti bawk.
Revd Chuauthuama chuan Mizoram hian ram hruaitu tha kan mamawh hle a, tawng ka chauha dika inchhal ni lo, a taka mi dik, mihuaisen ram hamngaihtu dik tak, hma thlir nei thui tak leh tihlawhtling tura thawk thiam, Samuel ang a(www.champhai.net) chhuahchhalh fo ngam, Nehemia anga mi hlemhle lo tluan parh kan mamawh a ni a ti a, Chutiang mi thlang chhuak tur chuan mi mal mal kan dik a ngai a, Kanram hi chhan tlak a la awm a, mi dik leh hna thawk thiam kan thlan chuan harsa lo takin kan ding chhuak thei a ni a ti bawk. 
Chawhnu hun hi Rev R Vanlalruata Champhai Vengthlang Bialtu Pastor in kaihhruaiin Pu Lalthlamuana Ralte hnen atangin "Ram Rorelna thaa Sawrkar mawhphurhna" tih thupui ngaihthlak a ni a.  Pu Lalthlamuana Ralte chuan Sawrkar hi ram inrelbawlna leh ram hmasawnna a mawhphurtu ber an nih rualin mipuite te pawh democracy ram cheng kan nih avangin sawrkar khalh ngil turin mawh kan phur sang hle a ni a ti a. Sawrkar tha tak nei tur chuan  inthlannah mipuiin mi tha kan thlan chhuah a ngai a, ram hruaituten dik lo taka thil an(www.champhai.net) ti a nih chuan kan sawisel ngamin thutlukna dil lo an siam anih chuan sut turin kan nawr tur a ni a ti bawk. Ram rorelna ral thlir mai lova mipui kan inrawlh phawt chuan sawrkar pawh a fimkhur ang a, ram rorelna tha a thlen tir ang a ti bawk. 
He Politcal Education Seminar ah hian Champhai District chhunga MPF hruaitute kohkhawm niin kal an thahnem hle a ni.

HIV/AIDS IN KAICHHAWN TIH REM DAN TUR ZIR :
Nimin khan I&PR Auditorium, CHANEM Building, Champhaiah District AIDS Prevention and Control Unit (DAPCU) buatsaihin Champhai District(www.champhai.net) chhunga Health Worker-te tan Nuin nau chunga HIV/AIDS a kai chhawn thin tih rem dan tur chungchangah training  neih a ni.
He hunah hian Champhai District chhunga Health Worker-te koh khawm niin training pek an ni a. Nu naupai ten HIV hrik an naupai chunga an kai chhawn lohna turin a hma thei ang bera naupai zawng zawngte endikna hmasa, HIV Screening (www.champhai.net)neihpui tum a ni a. Hmalakna thar hnuaiah hian PHC leh CHC thleng phalote tan pawh an awmna khuaah Health Worker-ten screening an tih sak thei tawh dawn a ni. Mizoram hmun kilkhawr ber thlenga HIV Screening hi kalpui anih theihna atan District hrang hrangah Health Worker-te chu screening kalhmang hrilhhriatna training hi pek mek a ni.
Nimin training programme hi Dr R.Lianmawia, District AIDS Control Officer-in kaihruaiin kalkhawmte lawmna thu a sawi a. Training hun chhung hian Resource Person: Pi TC Lalbiaksangi, Mobile ICTC Councelor hnen atangin ‘Basics on HIV/AIDS’; Pi C.Lalruatfeli, District Project Manager (DPM), DAPCU hnen atangin ‘Prevention of Parents(www.champhai.net) to Child Transmission’; Pi Betsy Lalmalsawmi, Mobile ICTC Lab. Technician hnen atangin ‘HIV Testing’, ‘Reporting System’ tih thupui leh Pu Lalthlamuana Ralte, DIS hnen atangin ‘Importance of Practicing Safe sex and Usage of Condom for HIV’ tih thupui hmangtein zirtirna benglut tak tak ngaihthlak a ni.

SILK PANGANG KHAWI DAN THA ZIRTIR :
Sawrkar laipuia Ministry of Textiles hnuaia Research Extension Centre, Central Silk Board (CSB) leh District Sericulture Office, Champhai tangkawp buatsaih Pangang khawitute tana training ‘Chawki Rearing Training’ chu nimin khan(www.champhai.net) Govt. Mulberry Seed Farm, Champhai Kanan Vengah neih tan a ni. Training thupui thlan ‘Good Handling gives best Harvest’ (Uluk leh tha taka sawngbawl chuan rah tha tak a chhuah thin a ni) tih hian March ni 23 atanga April ni 7 thleng a awh dawn a ni. Chawki awmzia tak chu Maimaw pangang a tuikeu atanga vawihnih / vawithum an inlip thleng hi niin Chawki uluk bika enkawl hi Cocoon quality tha leh tam zawk thar chhuah   kawngah a innghat thui hle a ni.
Pu B.Lalchhuana District Sericulture Officer (DSO) chuan kum kalta chhunga Champhai District-a Cocoon thar chhuah zat chu Metrict ton 12 a nih thu leh kum tharah chuan a let a tam thar chhuak thei tura hmalak a nih thu a sawi a. India ram chu China dawta khawvela silk thar chhuak hnem ber  anih rualin a chawlut hnem ber ram a ni leh lawi si a; hei hian kan la intodelh loh zia a tilang a ni, a ti a. Ministry of Textiles hnuaia Central Silk Board (CSB) hmalakna hmanga Pangang khawitute tana Training buatsaih ani chu lawmawm a tih thu sawiin, training chu India sawrkar in tum nei rana  Silk thar chhuah kawnga China hmakhalh a tumna programme chikhat anih avangin ngaipawimawh leh zual turin kalkhawmte chu a sawm a.(www.champhai.net) North East Region Textile Promotion Scheme hnuaiah hmeichhiate tan pangang khawia eizawnna  siam niin an mawmawh hmanraw hrang hrangte pawh pek mek zel a ni, a ti a. Kum 2013 atanga kalpui kum thum awh tur scheme hnuaiah hian Silk dehchhuah kawngah nasa taka hmalak anih thu a sawi a. Cocoon quality tha zawk tharchhuah kawnga tan lak angaih thu leh a hralh chhuahna market lama harsatna awm lo anih avangin a kawng a eng hle thu a sawi a. Training chhim tura lokalte chu rilru leh tiktak zeta training nei a, thiamthil an zir chuahte midang tana tangkai zawka hmang thei turin a chah bawk a ni.
He hunah hian CSB lam atanga lokal Resource Person Pu Vanlaldinga chuan training neih dan turte sawifiahna a nei a. Mizoram hmun hrang hrangah hlawhtling taka training an lo buatsaih thin tawh thu a sawi a. Cocoon quality tha leh tam zawk thar chhuah a pawimawh thu sawiin pangang khawia eizawnna chu tihlar leh zual an tum thu a sawi a.(www.champhai.net) Circle Incharge-ten an bial chhunga pangang khawitute uluk taka an vil angaih thu a sawi bawk a ni.
Training hawnna programme hi Pi K.Lallawmzuali, Sericulture Extension Officer (SEO) in kaihruaiiin kalkhawmte lawmna thu a sawi a. Dr Lallawmkima DIPRO, Champhai pawhin training chhimtute fuihna thu a sawi bawk a ni.
Central Silk Board (CSB) hnuaia Intensive Bivoltine Sericulture Development Project (IBSDP) kaltlangin Champhai District-ah chhungkaw 600 thlan niin chhungtin ten Thingtheihmu huan Tin chanve theuh an enkawl a. Chawki rearing (Chawki khawi) in a tum ber chu Pangang khawi tura thlan chhuahte khawi tur mawimaw chu  a Chawki hun chhung (www.champhai.net) training chhuak, a thiam bik ten an vulh sak anga, chu chu pangang vulhtu ten leisakin chawlhkar hnih chhungin Cocoon quality tha tak thar chhuak thei turin an khawi tawh dawn a ni.
Training tur hian Champhai District chhunga khaw hrang hrang Vaphai, Lianpui, Pawlrang, Hliappui, Khawhai, Sialhawk , Khawzawl leh(www.champhai.net) Champhai khawchhung atangin mi 14 an tel a. Zirtirna hi Central Silk Board (CSB) lam atanga mithiam lokal Pu Vanlaldinga (MTS) leh Pu Utpal Bora (Field Assistant)  ten an nei thin dawn a ni.

RAICHEHA THI 5 AWM :
Nimin khan CMO Office ah District Level Review Meeting on TCH neih a ni.
Dr Vanlalnghaki, CMO kaihhruai Review Meeting ah hian Lalramengi MSW, DPM chuan naupiang, an rih zawng dik tawk lo thin awm fo chu Inron tlakchham vang niin a sawi a, nu in Iron a ei loh vang leh ei dan tur anga a ei loh thin avangin naupaing rihzawng dik lo hi a awm fo niin a sawi. Nausen hi Diarrhoea leh khawsik te, Bronchitis, Respiratory(www.champhai.net) Infection, Pneumonia with Meningitis, Septicemia, kawthalo, luak leh kahwsik kaihhnawih avangin an thi deuh ber niin a sawi. Nu in nau a pai laiin damdawi ei tur a ei loh thin avangin nausen piang hlim te chuan heng natna hrang hrangte hi an kai hma bik hle tih a sawi a. Mo neite chuan an mo nau pai mekte chu an mamawh damdawi ngaihsakpui a tul tih a tarlang a. Mo chuan a mo na chhungkua ah a mamawh a sawi ngam lo fo thin a, mo neitute hian kan ngaihsak a (www.champhai.net) ngai a, check up pawh kan kalpui thlap thin a pawimawh ani, a ti.
Nikum April atanga December thla chhung khan nausen kum khat hnuailam thi 40 an awm a, naupaing 1336 an awm a, za zela chhutin 29.94 IMR a awm a ni. Hetihlai hian Nu raicheh a boral AProl atanga December 2017 chhung khan 5 an awm a, MMR hi 374.25 a ni.

HMANG DAWN :
Vawiin World TB Day denchhenin Champhai District TB Control Society chuan tukin zing dar 7:30 hian Champhai Bethel Branch YMA in ah he ni pual hian hun an hmang dawn.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…