Skip to main content

MIZORAM KAILAWN CHAMPHAI AH

MIZORAM KAILAWN CHAMPHAI AH : Nimin khan Government Champhai College Multipurpose Hall-ah Mizoram Kailawn-2019: Business Plan Contest hmanga Entrepreneurship chawikanna leh inelna buatsaih tur chungchanga  inhrilhhriatna leh zirtirna hun hman a ni a. He hunah hian Entrepreneurship lama tui mi te, Self Help Group, Sumdawnna lama tuimite, NGO aiawh, College Zirlai leh mahni kutkawih thiamna hmanga eizawnna ngelnghet din tumte an tel tha hle a ni.
He hun Planning and Programme Implementation Department, IIM Calcutta leh Mizoram Consultancy Group-te tangkawp buatsaih hi Pu Zoremthara Ralte, SDO Sadar chuan a kaihruai a.  Mizoram sawrkar leh IIM Calcutta-te hmalakna hmanga Entrepreneurship inzirtirna hun leh infuihtharna hun neih a ni chu lawmawm a tih thu a sawi a. Entrepreneurship chu sumdawnna bultanna thar, chona thar hmachhawna  kalphung bik neia awmze nei taka eizawnna siam tuma bultanna a ni, a ti a. Sawrkar hnain mi a daih vek tawh loh avangin mahni thiamna leh theihna hmanga intodel…

Champhai - Tualchhung Chanchinthar ni 27.3.2018 (thawhlehni)

CHARGE INHLANNA HUN HMANG :
Nimin khan Sub-Hqrs. YMA Champhai hruaitu hlui leh tharte chuan Charge an inhlan. Charge inhlanna hi Sub-Hqrs. YMA Office Tlangrawtah neih niin C. Lalbiakzauva, President kalchhuak chuan a kaihruai a, kum 2016 atanga Pathian kaihhruaina a dawn zawng zawng chu ropui a tih thu a sawi a, President hna a chelh chhunga a thawhpuite thlawpna tha tak a hmuh vangin lawmthu a sawi a, hruaitu tharte chu an kal zelna turah duhsakna a hlan a, YMA Member te tana innghahna ni tur leh a thianghlimna leh (www.champhai.net) zahawmna vawngnung tlattu ni turin duhsakna a hlan bawk. Hmalakna tur hmachhawp la awm pawimawhte tarlangin a theih ang anga lo bawhzui turin a chah a ni. He hunah hian Sub-Hqrs. YMA hruaitu lo ni tawh thin, tunhnai lawka chetsualna avanga boral ta Lalrochharliana Varte sunna hun an hmang a, YMA tana inpe tak a nihna chu ropui an tih thu an tarlang a ni. He hunah hian hruaitu kalchhuak leh hruaitu tharte hnen atanga thusawi ngaihthlak a nih hnuah Charge inhlanna neih a ni a, VL Chama Hnamte, President; F. Lalrinmuana, Vice President; PC Lalrawnliana, Secretary; Lallawmzuala, Asst. Secretary; RC ROdawla, Treasurer leh V. Lalduhawma, (www.champhai.net) Fin. Secretary ten kum 2018 - 2020 chhungin Sub-Hqrs. YMA hi an hruai dawn a, an thawhpui tur Executive Committee an ruat leh dawn a ni.

ENGLISH SERVICE :
Pathianni kal ta ni 25.3.2018 khan Baptist Church of Mizoram, Bethani Kohhran Biak In TUipui Bazar ah English (Gospel) Service(www.champhai.net)  chu Rev. B. Rothangpuia, BCM Pastor in a hawng. He English Service hi Kohhran bik awm lo, a duh apiang tana tel theih a ni a, Kristian leh sakhaw dang betute tan pawh tel theih vek a ni. Mizo tawng thiam lo, English leh HIndi thiam, Mizo tawng thiam loh avanga Kohhrana tel (www.champhai.net) nuam ti lo tana tih a ni a, Mizo tute tan pawh ENglish thiam duh emaw intuaihriam duh hrim hrim tan pawh tel theih vek a ni. He ENglish Service hi Pathianni vawi 3-na zelah tlai dar 3 apiangin neih thin tura ruahman a ni.

PRRS LAKAH INVEN NGAI :
Tunhnaiah Porcine Reproductove & Respiratory Syndrome (PRRS) a leng leh mek nia hriat a nih avangin Champhai District (www.champhai.net) AH&Vety Dept. chuan mipute hnenah ngenna leh hriattirna hetiang hian a siam :
1) Vawk damlo reng reng AH & Vety Department, Champhai ah report zel tur.
2) Vawk thi a awmin enfiah a nih theih nan AH&Vety Dept. ah report tur  ani.
3) Sa talh tute leh ranvulhtu ten ran damlo talh/hralh loh tur a ni.

AIR GUN NEI TE REPORT TURIN HRIATTIR :
Sawrkar laipuia Home Department-in July Ni 15, 2016-a Arms Rules thuchhuah a lo siam tawh in a phut angin Air-gun neite chuan thuneitu hnen atangin phalna/license a lak angai tawh a. Air-gun nei zawng zawngte chu DC Office emaw, mahni bialtu BDO Office emaw atangin Air-gun license dilna form la chhuakin kumin June (www.champhai.net) thla ral hma ngeia form fill up sa leh an Air-gun kawllaite kengin DC Office, Keifangtlangah in report vek tur a ni.  Air-gun leina Cash memo ken tel tur a ni a, neilo  chuan Arms dealer hnen atangin lei ngei a ni tih tichiang turin Affidavit ken tur a ni ang.
Mizoram Rifle Association leh a hnuaia inziaklut Rifle Club/ Association member-te chuan an air-gun leh member ID, an President Counter sign kengin in report tur a ni.
Thupek zawmlo a hun tiam chhunga in (www.champhai.net) report lo te chu Arms Act, 1959 leh Arms Rules 2016 behchhanin an chungah hremna lekkawh theih a ni.

EVM ENDIKNA NEI :
Election Commission of India (ECI) thuchhuah bawhzuiin nimin chawhma dar 11 khan Champhai DC Office Strong Room-a Electronic Voting Machine (EVM) kawllaite endikna Physical Verification chu neih a ni. Strong Room(www.champhai.net)  hawnna, EVM lakchhuahna, hawnna leh endikna hi Pu Lalremruata Kullai, Election Officer, Champhai District hova neih a ni a. He hunah hian DC Election Branch-in list a kawllai leh EVM strong room-a dah that hi a inmil ngeiem tih endikna neih a ni.
Pu Lalremruata Kullai chuan EVM endikna neih anih chhan tlangpui a sawifiah a. Inthlan kum anih angin ECI-in dik tak leh langtlang taka inthlanna kalpui anih theihna turin hma a lak mek zel thu leh EVM endikna pawh hi hemi atana inpuahchahna pakhat anih thu a sawi a. Strong Room hawna EVM endikna neih (www.champhai.net) anih reng rengin langtlang taka tih a ni thin a; Party tin aiawhte pawh sawm thin an ni, a ti a. Sawmna ngaipawimawha he hun  rawn telpuitu political party aiawh lokalte hnenah lawmthu a sawi bawk a ni.
Nimin EVM endikna hunah hian DC Office Election Branch Staff leh Political party aiawh theuhte an tel a ni.

Comments