Skip to main content

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …

Champhai - Tualchhung Chanchinthar ni 29.3.2018 (ningani)

KANGMEI VENGTU PAWL :
Niminpiah khan Khawbung Zawlbuk ah Kangmei Vengtu Pawl "Fire Prevention Squad" hmalak dan tur inzirtir niin, an duty post chhinchhiahna an siam nghal bawk.
Kangmei ven chungchanga Kangmei Vengtu Pawl din anih dan Khawbung Range Forest hmuitu Farkawn RO Rochhuma chuan a sawifiah a. Kangmei ven kawngah chak zawk leh rang zawka hma lak a nih theih nan duty a hmun bik siam pawimawh dante a sawifiah bawk. Forest Dept te chuan Forest(www.champhai.net) Range thuthmun Farkawn leh Khawbungah Kangmei Vengtu Pawl"Fire Prevention Squad" an din a. Kumin lo kal vuakvet ah Khawbung leh Farkawn Forest Range huamchhungah kangmei chhuak tih tham a awm lova.
Hetih lai hian Khuangleng lo hal kang tha lo, a mual muala vahchap kang lo chu Inrinni khan hal tha lehin(www.champhai.net) mei tichhuak palhin an lo lu a ram tau chhengchhia tin 10 hmun vel a kang a. Farkawn lo halin mei tichhuakin tin 10 hmun vel an tikang bawk niin thu dawn a ni.

VANZAU LAL THLANRO :
Vanzau Lal Thlanro chu YMA General Secretary Lalhmachhuana`n hawngin thlangruai buatsaih a ni.
Zahau Lal - Thatkhuma hian kum 40 chhung Vanzauah rorelin Leng Lal Saihnuna fanu Lalsupuii Fanai nupuiah a nei a. Tuna Govt. Vanzau MS tuala Lal Thlanro chu lal in hmun hlui a ni a. Vanzau Lal Thatkhuma (www.champhai.net)hian zirna a ngaisan avangin kum 1950 khan ME School dinna atan a inhmun hi a pe a. hetianga zirna in awmna hmasa a nih avangin Tuipuiral Bial chhung chu Education Dept. lamah Block Headquarters - Vauzau Block tiin tun thlenga koh a ni. Lal Thatkhuma te hi khuangchawi, thangchhuah nu leh pa an ni.
Thlanro hawn hnuah hian Vanzau Community Hall-ah vantlang inkahwm neih zui a ni a. Vantlang inkhawm hi Thlanro Committee Chairman JH Vanlalhuma'n a kaihruai a. Thlanro hawngtu Lalhmachhuana chuan Thatkhuma tu leh faten an pi leh pu thlanro chei tha a, hlut tak chunga vantlang ruai an buatsaih chu entawntlak a tih thu sawiin pi leh pute ngaihhlutna leh zahna hi malsawmna a nih thu a sawi bawk. Khawchhak tlangdung chu pi pu sulhnu hlui tamna a nih avangin (www.champhai.net)humhalh tha turin mipui kal khawmte a chah a. Central YMA pawhin YMA Branch tina Thuchhuah siamin nasa zawka pi pu sulhnu hlui humhalh kawnga Zoram mipui kan thanharh deuh deuh theihna turin hma a la mek niin a sawi bawk.

NAUPANGTE TAN :
School chawlh lai naupangte kaihhruaina atan Kohhran leh YMA te chuan hma an la.
Promotion Ecam an neih hnuah tunlai hian zirlai naupangte chuan Session tawp chawlh hmangin thla thar(www.champhai.net) hian School Session thar an tan leh dawn a, an chawlh laia naupangte nun kaihhruaina atan veng hrang hrang Kohhran leh YMA te chuan naupang pual hian programme an siam a. Nimin khan Vengthlang Presbyterian Kohhran Sunday School Naupangte chuan Sports an neihpui a. Chhangphut Field ah item hrang hrang hmangin intihsiakna leh intihhlimna hun an hmanpui a ni. Naupang chawhnu inkhawmah hian Beginner Dept atanga Junior(www.champhai.net) Dept thleng an awm a. Hei bakah hian YMA pawhin YMA Chhangte chu khawtlang tana an tangkai theihna tur kawng hrang hrangah tunlai hian tangkai takin an hmang a, Mizo nun zemawi leh lam chi hrang hrang inzirtirna hun atan an hmang ve bawk a ni.

RUALBANLO TEN VOTE AN THLAK THEIH DAN TUR SAWIHO :
Nimin chawhnu dar 1 khan District Level Consultation on Inclusion of PWDs in Electoral Process Meeting chu Pu Vanlalngaihsaka IAS, District Election Officer (DEO)hovin Champhai DC Conference Hall Keifangtlangah neih a ni.
He meeting kaihhruaitu Champhai Bawrhsap Pu Vanlalngaihsaka IAS, chuan Election Commission Of India hian India khua leh tui dik tak kum 18 chin chunglam E-Roll a an chuan vek hi a duh a, E-Roll felfai leh thianghlim tak kan neih theihna turin a chuang turate chauh an chuan a, a (www.champhai.net)chuanglo tur te an chuan loh theihna turin hma a la mek zel a ni, a ti a. India ram hi inthlang ram kan nih avangin Vote thlak thei te chuan vote an thlak ngei hi ECI duh dan a ni, a ti a. Vote nei zawng zawngte'n vote kan thlak vek leh Rualban lo te pawhin Vote an thlak ve theihna turin ECI chuan hma a la mek zel a, E-Roll a kan hming a chuan hi kan chanvo a ni a, kan ram hruaitu tur thlan hi kan mawhphurhna a ni a ti bawk.
Pu Lalremruata Kullai, Election Officer pawhin thusawiin Rualbanlo te thleng phak inthlanna neih hi(www.champhai.net) ECI duh dan a ni a, Rualban lo Poling station thleng phak lo te'n Poling station an thlen theihna turin Poling station tina hmalak mek k zel a ni, a ti a. Rualbanlo ten an chanvo an hriat theihna turin mipui vantlang nunah pawh chhaihnawmnah leh inthliar hranna a awm lohna tura inzirtir a ngai hle a ni a ti bawk.
He meetingah hian Person With Disabilities/Pianphunga Rualbanlo ten inthlannaa vote an thlak ngei theihna(www.champhai.net) tura ruahmanna hrang hrang Election Commission Of India in a lo siam zulzuia District chhunga hmalak dan turte sawiho a ni.
Champhai District chhunga PWDs te Social Welfare Dept leh BLO te tangkawpina PWD-te Indentify dan tur te,(www.champhai.net) Vote an thlak ve theihna tura inzirtirna kalpui dan tur te sawi ho niin Rualbanlote tana mipui nawlpuiin an tih ve theihte leh tanrual dan tur inzirtir dan turte sawi ho a ni bawk.
Champhai District leh Mizoram hmun danga MPF hmalaknaa inthlan felfai taka kal pui a lo nih tawh angin inthlan lo awm leh turah inthlanna felfai leh thianghlim tak neih a nih theih (www.champhai.net) nan leh Rualbanlo ten vote an thlak ngei theihna turin MPF bakah Kohhhran leh YMA te tanrualpuia sawm dan tur te an sawiho bakah Rualban lo ten vote thlak tura harsatna an tawh theihte sawihoin a sutkian dan turte sawiho a ni bawk.

Comments