Skip to main content

Champhai Tualchhung Chanchinthar

ADDL. CEO HOVIN VOTE CHHIAR TURA INBUATSAIHNA ENFIAH :Nimin khan  Additional Chief Electoral Officer Pu Krishna Mohan Uppu IAS   chuan  Champhai a rawn tlawh a, May Ni 23, 2019 a Lok Sabha inthlanpui vote tla  chhiarna tura inpuahchahna kalpui mek a rawn enfiah a ni.
Champhai District Election Officer Dr Naveen Aggarwal, IAS chuan inpuahchahna hrang hrangte NICConference Hall-ah powerpoint presentation hmangin   a sawi fiah a. Counting Center puahchah leh peihfel dante, Vote chhiar tur ruatna leh training pek tawh dante leh inbiakpawhna tur atana ruahmanna siamte a hrilhfiah a. CEO team ten Vote chhiar huna round tin report pekna tura duan Suvidha Counting Application hrilhfiahna an nei bawk a ni. Chawhnu lamah CEO Team-te hian EVM Strong Room leh  Vote chhiarna tura ruat Counting Hall pangate  an tlawh kuala, heng  an tlawh kualna hmunahte hian District Election Officer Dr Naveen Aggarwal, Champhai SP Pu Lalthiamsanga Sailo leh  District Election Official-ten an tawiawm a, ruahmanna …

Champhai - Tualchhung Chanchinthar ni 31.3.2018 (inrinni)

HRIATTIRNA HNUHNUNG BER PETA :
Ningani khan Champhai leilet zawla Dan kalha Kudam leh In sakte chu CHamphai District Task Force ten tlawhin, chhunzawm tawh lo tur leh thiat turin hriattirna hnuhnung ber an pe.
A thawhkhatna atan Ningani khan Champhai District Task Force te hian Champhai District magistrate in Champhai leilet zawla Dan phal loha leivung paih leh kudam satute chhunzawm tawh lo tur leh thiat tura thupek a lo chhuah tawh, la sa chhunzawm leh la thiat lote a hmunah kala enfiahin Aprilthla chhung ngeia tawpsa leh thiat turin hriattirna an pe a. Champhai zawl.(www.champhai.net) New Champhai leh Zotlang inkar bika Kudam leh In sak mekte tlawhin hnathawk laite chu tawpsan tura tih an nih bakah chhunzawm tawh lo tur leh thiat turin a neitute hi hriattirna lehkha pek nghal an ni a. Heng bakah hian leielt kama leivung paihtute pawh hriattirna lehkha hi pek vek an ni bawk.
Champhai District Magistrate chuan February ni 19, 2018 khan Champhai zawl leilet kama Kudam sa leh leivung chhek chu tawpsa vek tur leh thiat vek turin hriattirna a lo chhuah tawh a. Ningani thleng khan tawpsan lova an la chhunzawm zel avang leh an la thiah loh avangin ningani(www.champhai.net) khan hriattirna hnuhnung ber turin, Inleh Kudam satute hi tawpsa vek tura lehkha pek nawn leh an ni a. April thla chhunga hmalakna a awm lo a nih chuan dan angin Action lak a ni tawh dawn a ni. Ninganni khan hnathawk mek chhunzawm tawh lo tura hrilh an nih hnuah hna an thawh chhunzawm luih leh avangin Police in an lak nghal pawh an awm niin thu dawn a ni.
Hetihlai hian Laldinmawii, PIU Representative chuan Champhai leh Zotlang inkar kawng siam mek hi la zawh fel loh niin lung la phah leh vek tur a nih avangin kawng kama leivungpaihte hian kawng siam mekah haratna a siam bakah kawng sirah tuiluankawr siamna tur a dal a. Khawpui chhung(www.champhai.net) lam atanga tui luang tlang tur te chu a dal vek dawn avangin kawng siam mekah hian harsatna lian tak a siam mek thu a sawi bawk.
Champhai District Task Force hian CHamphai zawl hmun hrang hrang Khankawn to Zotlang, New Champhai to Tlangsam leh New Chmaphai to Zote inkarte pawh an la enfiah leh dawn a ni.

A VAWIKHATNA ATAN THUKHAWM :
Ningani khan YMA Sub-Headquarters Hall, Tlangrawtah kum 2018-2020 chhunga YMA Sub-Headquarters, Champhai Executive Committee hmasa ber an thukhawm.
He COmmittee hi VL Chama Hnamte, President chuan kaihruaiin, YMA Sub-Headquarters, Champhai hruaitu lo ni tawh thin ni 23.3.2018 a Accident avanga boral ta Lalrochharliana Varte sunna hun an hmang a. he Committee ah hian YMA Sub-Hqrs. Champhai COnference Vawi 6-na Mimbung a neih zawh tak chu thlirlet a ni a. COnference hlawhtling taka hman zawh a ni chu lawmawm an (www.champhai.net)tih thu tarlan a ni a. A thlengtu khua Mimbung leh Sialkal Group YMA te inpekna a ropui tiin chanvo hrang hrang neitute chungah leh Department hrang hrang DIET, Environment & Forest, PHE Dept. Legal Services Authority, SSA ten Awareness an neih theih avangin lawmthu a sawi. Mimbung a Tui harsatna avanga Conference palaite hrehawm tih hlau a Er Lalrammawia, SE PHED in hma a laksak avangin lawmthu an sawi bakah he COnference ah hian Mizo ze mawi tak tak leh YMA zia lantir a ni chu Committee chuan lawmthu a sawi a ni.
Committee ah hian YMA Sub-Hqrs. Champhai tha tichaktu ni turin Sub-Committee pen 11 siam a ni a. Committee hian(www.champhai.net) heng Sub-Comt. peng 11 a hruaitu tur SYMA Office Bearer ten proposal an siam chu siamrem ngai leh siamrem tul ang te siamremin an pawm bawk.
SUb-Committee an siam te chu : (www.champhai.net)Land & Building and Property, Kumpuan, Cultural, Sports, Science & Environment, Education & Human Resources, Health & Sanitation, Disaster, IT & Documentation, Legal leh Recreation te a ni.

KAWNG SIAM THA :
Tunlai hian PWD chuan Champhai leh Khawzawl inkar kawng siam hna an thawk mek.
Champhai leh Khawzawl inkar kawng hi a chhe nasa tawh hle a, lirthei, a hnuai hniam chi phei chu thlan ngam lohna a awm nual tawh a, lirthei chhiat phah te pawh an lo awm tawh thin a. PWD chuan helai kawng siam hna hi a thawk mek a, kawng chhe zual lai leh kawng khuar nasa lai te chu lung a hnawhin hna hi an kalpui mek a. Kawng siam hna hi hmun hnihah kalpui niin, Khankawn (www.champhai.net)Check Gate atanga Khawzawl lam pan a kawng hi siam an awm a; Khawzawl atanga Champhai lam pana kawng siam hna hi thawk an awm bawk.

MEIZU VAI :
Ningani khan Champhai District Anti-Tobacco Squad chuan Section 4, COTPA 2003 hnuaiah puipuina hmuna meizu an awm leh awm loh enfiahna an nei. 
District Anti-Tobacco Squad chuan Sawrkar Pisa hrang hrangte tlawh kualin endikna an nei a. Transport Department, Fisheries Department , DEO Office , Irrigation & Water Resources Development Office, District Agriculture Office, Treasury Office, DCSO Office, LAD, UD & PA Office, (www.champhai.net)I&PR Office, Taxation Office leh Apex Bank-te chu kalchilhin an enfiah a ni. 
Champhai District Anti-Tobacco Squad chuan heng puipunna hmun hrang hrang, Bazaar, motor chuan lai leh dawr lunlaiahte meizu lo turin mitinte chu a chah nawn leh bawk a ni

Comments