Skip to main content

Champhai Tualchhung Chanchinthar

TLEIRAWL 8 DUNGTLANG POLICE IN CHHANCHHUAK :  Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu niminpiah khan Police te'n Champhai district-a Dungtlang khuaah an chhanchhuak. DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a,-Saikhumphai kaltlanga Myanmar rama luhpui tum an ni a, anmahni hruaitu tur hi Saikhumphai-ah a awm nia hriat a ni. Mizorama luh phalna nei lo he'ng hmeichhe 8-te hi nimin khan Champhai district Chief Judicial Magistrate hmaah hruai an ni a. Hmeichhe enkawlna Home lama dah rih an nih rin a ni.  Rohingya Muslim te hi Myanmar ram Rakhine State a cheng, tihduhdahna an tawrh avang leh helna avanga Bangladesh-a raltlan an ni hlawm a. India rama an luh hian thawnkir nghal zel turin Ministry of Home Affairs chuan s…

Champhai - Tualchhung Chanchinthar ni 5.3.2018 (thawhtanni)

PWD HNENAH PUINA DIL :
Inrinni khan Champhai to Aizawl Maxi Cab Service Welfare COmmittee chuan Sumo stand siamthat hna an thawk. An pawlin an lo rel tawh angin January thla laihawl vel atang khan Stand chei that hna hi an thawk tan a, an hnate awlsam zawka thawh a nih theih nan PWD hnenah puihna an dil a. PWD lam an hman remchan apiangin  (www.champhai.net) Stand siamthat hna hi an thawk thin a ni. Stand siamthatna atana mamawh hrang hrang - Balu, rawra leh alkatra te chu welfare hian an lei vek a, kawnga a phah hna pawh hi hnatlangin an lo thawk tawh thin a. Inrinni khan Alkatra luan hna hi thawh a ni ta ani. Kawnga rawra phahte  (www.champhai.net) hi PWD chuan an chil mam sak bakah hnathawh pui tur a pe bawk. Welfare hian stand siamthatna atan hian Rs. sing 3 vel bawr an seng tawh a ni.

LIRTHEI DAN BAWHCHHIA :
February thla chhung khan Champhai Traffic Police te chuan lirthei dan bawhchhia 96 an man. Heng lirthei dan bawhchhia an man zingah hian ke pali nei chi tam berin 60 an man a, an pawisa chawi tlingkhawm hi Rs. 17100 a ni a.  (www.champhai.net) Ke pathum nei chi 13 manin an pawisa chawi tlingkhawm hi Rs. 2900 a ni a, ke pahnih nei chi dan bawhchhia 13 bawk manin an pawisa chawi tlingkhawm hi Rs. 5500 a ni.  (www.champhai.net) Champhai Traffic Police te lirthei dan bawhchhia an man zawng zawng 96 te pawisa chawi tlingkhawm hi a vaiin Rs. 25550 a ni.

BENGDAR VUAH HI THIL ZAHTHLAK A NI LO :
Inrinni khan Champhai a a vawikhatna atan Programme for Prevention & Control of Deafness Mission buatsaihin Champhai District Hospital ah World Hearing Day hman a ni.
Kum 2018 World Hearing Day thupui atan hian 'Hear the Future' hman a ni. He hun hi Mimi R. Laltlanhlui, Audiologist NPPCD chuan kaihhruaiin  (www.champhai.net) Dr Lalramengi, ENT Surgeon DIstrict Nodal Officer, NPPCD hnen atangin thusawi ngaihthlak a nia. Deafness Control Programme hi kum 2014 atangin Mizoram ah kalpui tan niin Champhai ah chuan kum 2015 atang khan kalpui tan an i a ti a. Champhai District  (www.champhai.net) Hospital ah puitling leh nausen, ri hriatna that leh that loh test na a awm thusawiin Nilaini tih lohah chuan benga harsatna nei tan inentir theuh reng a nih thu a sawi bawk. Dr Lalramengi chuan khawvel pumah ri hriatna tha lo mi maktaduai 446 an awm mek a. Kum 2030 ah chuan mi maktaduai 630 vel an awm dawn a, mi 1/10 zelin beng lamah harsatna kan nei zel dawn niin mithiamte chuan an sawi a, chutiang a nih avang chuan theihtawp chhuaha inven hi kan tih tur a ni a ti.  (www.champhai.net) Nuin a naupai laia a inenkawl that loh te, thla kim lova naupangte, naupang hlim boruak tlachham lutuka an awm te, natna dang an neihte kan enkawl that loh avangtein an beng a ngawng phah theih a ni a ti a. BP sanng leh zunthlum avangte, accident tawh avanga beng sawh palhnaah te, ri ring lutuk hriat fo te, earphone hmanga beng mamawh tawk aia ringa music ngaihthlak thinte hian beng natna thlenin beng a ngawng phah theih a ni a ti bawk.
Nausen leh naupang thawm bengchheng tak karah tui taka an muthlih theih emaw, tawng har lutuk leh tawng fiah lo rei lutuk emaw leh zawhna ngai an zawh nawn tluk tlukte hian ri hriatna lama harsatna an neih vang a nih theih avangin mithiamte (www.champhai.net)  rawn thin vat tur a ni a ti a, puitlingah hi chuan beng na leh beng kiu vawng vawng te hi ri hriatna tlakchham vang anih theih avangin mahnia damdawi inchawh mai lova mithiam rawn vat thin tur a ni a ti bawk. Mit tha lo pawhin tarmit an vuah a, beng tha lovin bengdar vuah hi thil zahtlak ni lovin beng tana hmasawnna a ni tih kan hriat a, miin bengdar an lo vuah a nih pawhin nuihzattu ni lova chhawmdawltu nih kan tum theuh tur a ni a ti bawk.
He hunah hian Dr Zatluanga, Medical Supt pawhin thu sawiin dam loten kan inenkawlna senso min chhawktu atan Smart Card/RSBY (www.champhai.net)  kan neih a ngai a, chumi atan chuan Health Care ah kan inziahluh a ngai ani a ti a. Smart Card kan neih chuan kan inenkawlna senso te hmunpui zawka sum tam tak senga  inzai ngaia kan awm a nih pawhin mahni sum seng loin a thlawn vekin enkawlna kan dawng dawn a ni a ti bawk. Champhai DIstrict Hospital pawhin hma kan sawm zel a, kan khawl neih thatte kan hman tangkai thiam zel hi a pawimawh hle a, a thatna hmang chhuak thiam turin natna kan neih  (www.champhai.net) chuan damdawi in pan vat nachang kan hre tur  ani a ti bawk. He hun hi Malsawmdawngliani, Hearing Instructor, NPPCD chuan lawmthu sawiin a khar a, hun hman zawh hian beng ri hriatna that leh that loh, a thlawna endikna buatsaih nghal niin mi 21 ri hriatte an endiksak nghal a ni.

Comments