Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

Champhai - Tualchhung Chanchinthar ni 6.3.2018 (thawhlehni)

SYMA CONFERENCE THLENNA TUR PEIHFEL THAWKHAT :
SYMA Champhai Conference Vawi 6-na thlengtu tur Mimbung Branch YMA te chuan Pandal sak hna an zo thawkhat tawh. SYMA Champhai COnference Vawi 6-na hi Mimbung ah neih tur niin COnference neihna tur Pandal Ralkapa (www.champhai.net) Run chu sak zawh thawkhat tawh a ni a, Ralkapa run hi a dung feet 125 leh avang feet 64 a zauva sak niin mipui a tlem berah 1500-2000 inkar vel leng zo tura ruahman ani. Ralkapa Run hi Mimbung Vengpui Field ah sak a ni. Nimin khan SYMA Champhai President C. Lalbiakzauva`n Conference thleng tur Mimbung inbuatsaihna te a hmunah kalin a tlawh a ni.
SYMA Champhai Conference thlengtu tur Mimbung chuan COnference palai a tam thei ang ber kal turin an sawm a, mikhual thleng turin chhungtin  (www.champhai.net) te pawhin in buatsaihna an nei nasa hle a, an inbuatsaihna a hlawhtlin theihna turin SYMA CHamphai huamchhunga YMA Member zawng zawngte COnference kal vek turin an sawm a ni.

SULHNU HLUI HMUH BELH :
Archaeological Excavation Team ten Kawtchhuah Ropui chheh velah Lungrem leh ker 40 chuang an hmuh belh.
Archaelogical Survey of India, AIzawl Circle Superintending Archaeologist Dr Sujeet Nayan chuan kumina Vangchhe khaw bula hmunhma hlui haichhuah hna an thawh kal mekah lunga ker tam tak an hmuh belh thu leh lungrem leh dangdai taka lung  (www.champhai.net) intiangkhawm hmun 40 chuanga anhmuh chhuah thar thu a sawi a. Vangchhe khaw bula hmun hlui laih chhuah kal mekah hlum bel siam dan phung chi hrang hrang keh them thahnem tak (www.champhai.net)  laih chhuah tawh a ni a, lei inthiahthip dan zirin Geologist ten he hmun hlui laih chhuah thar hi an zirchian hnuah he laia mihringte lo khawsak tawh dan hi chiang leh zual tura ngaih a ni.

TANPUINA HLAN :
Tedim XI leh Champhai XI ten Football  (www.champhai.net) Friendly Match an neih atanga sum hmuh chu niminpiah khan J. Thanglianmawia, Champhai Venglai hnenah hlan a ni.
February ni 27 a Zohnahthlak ten inunauna tha zawk kan neih theihna tura Tedim XI leh CHamphai XI ten Chhangphut Field a Football Friendly Match an khelha tanpui ngaite puala bawm dawh atanga tlingkhawm pawisa te chu nimin khan J. Thanglianmanga, (www.champhai.net)  Champhai Venglai hnenah hlan a ni. J. Thanglianmanga hi Spinal Cord tha lo avangin Grace Hospital ah enkawl mek niin an chhungkua hi Venglai NGO ten an enkawl lai a ni a, an in luah mek pawh hi a thlawna an luah tir a ni bawk.

RUIHHLO THAHNEM TAK MAN :
Nizan zanlai dar 12:40 bawr vel khan Champhai Police te chuan Champhai Vengthlang Presbyterian Biak In kawmchhaka Scooty atangin Heroin No. 4  (www.champhai.net) hawng 10 an man.

Comments