Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…

Champhai - Tualchhung Chanchinthar ni 7.3.2018 (nilaini)

POLICE TEN HEROIN HAWNG 10 MAN :
Nizan hmasa zanlai pelh (12:40) khan Champhai Police Duty te chuan Champhai Vengthlang (Awmpui Veng) ah hmeichhe (www.champhai.net)  pakhat Scooty khalhlai atangin Heroin hawng 10 an man a. Heroin neitu a puh hi an man bakah Scooty pawh an hreng zui nghal bawk.
Champhai Police hotute sawi danin Champhai Kanan Veng a cheng Biakmuani (32) d/o Kaphnuna in Champhai Vengthlang (Awmpui Veng) a Scooty a khalh lai chu ringhlelin an dap a. Scooty thutna (Seat) hnuaia Heroin Hawng 3 a dah chu  (www.champhai.net) an man bakah hmawmsawm (laphetauh) fun 2 chhunga thuhruk, Heroin hawng 7 chu Biakmuani hian a rawn phawrh chhuak a, Heroin man tak hawng 10 hi Gram 131 niin, Tualchhung hralhna a chhutin Rs. 5,00,000 man ani.
Police hotute sawi danin nizan hmasa zantir lam khan ruihhlo neitu a puh Biakmuani Zokhawthar kal hawlam hi Police (www.champhai.net)  ten Champhai dai a an enfiahnaah Scooty thutna hnuaia hmawmsawm a dah chu an hmu tho na in, ruihhlo thuhruk nan a hmang ang tih an ring bik lova. Nizan hmasa zanlai pelh hnu thleng pawha khawlaia an hmuh zui avanga an enfiah hnuah Heroin hi an man ta a. Hmawmsawm fun khat hi (www.champhai.net)  kheh alo ni tawh nghe nghe a ni. Biakmuani hi nizan hmasa khan Champhai Police Station a hren a niin, vawiin khan District COurt a hruai a nih hnuah Champhai District Jail ah dahluh a ni.

WELFARE ENTAWN TLAK :
Bethel Veng Chhura Hmun Welfare chuan an vengchhung ti eng turin High Mast an siam chu nizan khan ti en a ni ta.
Chhura Hmun Welfare hian he High Mast siam nan hian Sawrkar atangin tanpuina beisei loin an welfare member ten an sum (www.champhai.net)  thawhkhawm Rs. 1,50,000 chuang hmanga siam a ni. High Mast sanzawng hi 70 feets niin Blub LED 80w sawm pahnih an dah bawk a ni. 
Chhura Hmun Welfare  (www.champhai.net) te hi Mizoram a High Mast Welfare hminga nei hmasa ber leh siam hmasa ber a niin kan thudawnna chuan a sawi.

VC MEMBER TE TAN TRAINING BUATSAIH :
Niminpiah atang khan Champhaia Village COuncil Member te tan Training I&PR Auditorium Hall ah neih a ni. Training ah hian Village COuncil Dan hrang hran ginzirtirna neih a ni a. Lalthanmawia Ralte, Principal  ETC, Thingsulthliah R. Vanlalmuanpuia, Faculty ETC, K. Lalrammawii, Faculty DPRC Champhai te chu REsource Person (www.champhai.net)  niin an hnen atang hian thusawi ngaihthlak thin a ni a, Rorel Dan kalphung chi hrang hrang meeting neih dan leh meetingin thuthlukna a siam dan tur te zirho a ni a. Village Council Court kalphung te zirho niin The Lushai Hills Autonomous District Council Rulre, 1953 a lo din dan leh hman tan a ni dan te, thuneihna an neih dan kawng hrang hrangte ngaihthlak a ni a, an huamchhunga (www.champhai.net)  rorel an rel theih dan te zirtir an ni. Sawhthing hi a rate a chhe em em a, chutih rual chuan sawhthing rate hi rawn tha ta sela, kum 10 chhungin ram ngaw hmuh tur kan nei angem tih hi zawhna  zawhna lian tak a ni a, kan tu leh fate lo la awm zel tur te tana chenna nuam zawk din hi kan tumtlat tur a nih thu tarlan a ni.
Tlangram lo neih hi kan bansan a (www.champhai.net)  hun tawh a, Terrace siam hi kan intihhmuh a hun thu tarlan a ni a, Terrace siama hma kan lak chuan kan leilung leh tui luangral tur hi nasa takin kan humhalh thei dawn a, tun atanga kum rei lo te a kan ram boruak chhe lutuk tur hi nasa takin kan veng thei dawn a ni tih thu te tarlan a ni bawk. Terrace siam dan kawng hrang hrang awlsam leh remchang zawkte inhrilhhriat nghal a ni.
Village COuncil te an huam chhunga thlai ching tuten hlawk zawk a thlai an chin theihna turin thlai chi hrang hrang chin dan tur (www.champhai.net)  ngaihthlak a ni a, ram dang a mi hlawhtling te tih dan ang a tih ngawt hi kan ram thlai ching tu za a 99 vel chuan an tlin lo niin tarlan a ni a, kan ram mil leh thlai chingtute zawh tawk a kan inkaihhruai a pawimawh a, kan neih tlin tawk leh kan phak tawk a thlaite hi enkawl a pawimawh thu tarlan a ni bawk. Training ah hian Village Council te an kal tha hle a, nimin khan training hi an zo fel a ni.

CONGRESS SAWRKAR IN HMALA VAT TURIN TI :
Nimin khan Champhai Dist. BJP te chuan tun kum election a thenawm state 3 a an party chakna lawm pahin District Executive Committee an nei.
He District Committee ah hian  (www.champhai.net) Agenda pawimawh tak tak pali chhawpchhuahte tluang takin an rel fel nghal a ni. He hunah hian an party zawm tur leh party mithar lo lut turte lawmluh hun turte rel nghal bawk a ni.
He hunah hian District President  leh Party mi pawimawh thenkhat ten thu tawi sawina an nei a. BJP Champhai District President K. Lalhriatpuia`n party member te hnenah thuchah sawiin "Tunkum Election a BJP Party ina Mizorama sawrkarna a taka chan dan turte sawiin,hengte nemnghettu chu kan NE State pathum inthlang tawhte result (www.champhai.net)  hian a ti chiang a ni" a ti.
He hunah hian Resolution pawimawh tak tak pali Keiungliah khuah, Polytechnic Building sak tawh, Nursing School Building sak tawh, ITI Building sak tawh chungchangte an pass bakah heng a hmalakna hrang hrang tur awm te leh heng a (www.champhai.net)  kan building sak tawh luah luh a nih leh a hmanna tur diktak a Champhai mipuiten kan hman theih nan hian COngress Sawrkar hian hma rawn la vat rawh se an ti a ni.

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…