Skip to main content

Champhai Tualchhung Chanchinthar

TLEIRAWL 8 DUNGTLANG POLICE IN CHHANCHHUAK :  Bangladesh-a Rohingya raltlan hmunpui atanga ruk chhuaha Myanmar lama hruai chhoh tur ni a rin Rohingya Muslim, kum 15 leh 16 bawr vela upa, hmeichhe 8 chu niminpiah khan Police te'n Champhai district-a Dungtlang khuaah an chhanchhuak. DIG (Northern Range) Lalbiakthanga Khiangte sawi danin he'ng an tleirawl chhanchhuahte hian Hindi leh tawng dang pawh an thiam lo va. Bangladesh atanga rawn ruk chhuah ngei an nih rin a ni a,-Saikhumphai kaltlanga Myanmar rama luhpui tum an ni a, anmahni hruaitu tur hi Saikhumphai-ah a awm nia hriat a ni. Mizorama luh phalna nei lo he'ng hmeichhe 8-te hi nimin khan Champhai district Chief Judicial Magistrate hmaah hruai an ni a. Hmeichhe enkawlna Home lama dah rih an nih rin a ni.  Rohingya Muslim te hi Myanmar ram Rakhine State a cheng, tihduhdahna an tawrh avang leh helna avanga Bangladesh-a raltlan an ni hlawm a. India rama an luh hian thawnkir nghal zel turin Ministry of Home Affairs chuan s…

Champhai - Tualchhung Chanchinthar ni 9.3.2018 (zirtawpni)

RS.VAIBELCHHE 5 CHUAN MAN RANGKACHAK MAN :
Champhai a Custom Preventive FOrce chuan nizan hmasa thimhlim khan Mualkawi khuaah Rangkachak Kg 16.6 an man a, rinhleh thilah hmeichhe pakhat chu man tel niin, nimin khan Champhai District COurt ah hruai a ni.
Customs Preventive Force Superintendent LN Khama sawi danin Rangkachak Kg 16.6 hi Zokhawthar kal tlanga Myanmar atanga dan lova lakluh,(www.champhai.net) Champhai panpui a nih laiin Mualkawi khuaah lirthei pakhatin a phurh chu Section 110 of Customs Act 1962 tlawhchhan a man a ni a. Rangkachak man tak hi Chhanglep (Biscuit shape) ang a siam, tlang/phek 100 a niin, Rangkachak hlut zawng tehna/chhutna thar ber angin Rs. 5,20,41,000 man a ni a, rinhleh (www.champhai.net)thilah hmeichhe pakhat chu man tel a ni a. Rangkachak hi a tam tham vangin he thubuai hi Shillong a Customs Commissioner chauhin a chinfel theih tur a nih thu CHamphai CPF Superintendent LN Khama hnen atang hian dawn tel a ni bawk.
Champhai a Customs Preventive Force Superintendent Office chuan 11/CL/IMP/CUS/CPF tlawhchhan/hmangin thubuai a ziaklut a. Nimin khan Rangkachak man tak leh inhnamhnawih a rinhlelh hmeichhe pakhat (Lalrintluangi kum(www.champhai.net) 32 s/o Vanlalsawii Residence of Haiheng Chin State Myanmar, tuna Champhai Bethel Venga C. Zaithanga in luah mek ni a insawi) chu Champhai District COurt ah hruai a ni.

MISS MIZORAM HMUAK DAWN :
Miss Mizoram thlanna neih zawh takah North Khawbung nula T. Ramthanmawii chu thlan a ni.
Mizorama nula hmeitha thlanna Miss Mizoram 2018 Grand Finale chu nizan hmasa khan neih niin Champhai District North Khawbung nula T. Ramthanmawii chu Miss Mizoram atan thlan niin Miss Mizoram 2017 ROdy Vanlalhriatpuii`n Crown a khum (www.champhai.net)tir a ni. T. Ramthanmawii hian BestGown leh Beauty with a Purpose lawmman ala bawk a ni. Miss Mizoram 2018 ah hian pahnihna atan C. Lallawmzuali thlan a ni a, CT Malsawmsangi chu pathumna atan thlan a ni bawk.
Miss Mizoram lo hmuah dan tur hi nimin khan Joint NGO Committee (S-YMA, S-MHIP, S-MUP leh MZP) te chuan Sub-Hqrs. YMA Office (www.champhai.net)Tlangrawt ah an rel a. Miss Mizoram hi Champhai a rawn haw hunah Darthangvunga Traffic Point ah mipui a tam thei ang berin ropui takin lo hmuah nise an ti. A hun leh ni tur chu T. Ramthanmawii te nen inbiak(www.champhai.net) leh phawt nise an ti.

WOMENS DAY :
International Womens Day pualin Govt. Champhai College ah hun hman a ni.
Nimin International Womens Day pualin Govt. Champhai COllege te chuan hun an hmang a, Govt. Champhai College a zirlai hmeichhia zawng zawng,(www.champhai.net) teaching leh Non Teaching Faculty hmeichhia zawng zawngte hnenah pangpar bakilh sem a ni a, Class tinah International Womens Day pawimawhna leh hmeichhiate dinhmun hlut ziate bakah(www.champhai.net) mipate pawh hmeichhe mawhphurhna te hre thara duat lehzual turtein zirtir an ni bawk.

TARGET KHUM NASA :
Mizoram Taxation Dept. chuan kum 2017-2018 chhunga Sawrkarin Target a bituk sak an khum nasa tawh hle a. Tun Financial Year chhung hian(www.champhai.net) Rs. vbc 300 hmu tura beisei an nih laiin February 2018 thlenga an hmuh tawh chu Rs. vbc 378 a ni tawh a, an target atanga 126% an hmu tawh a ni. AN beisei anga thil a kal chuan Rs. vbc 400(www.champhai.net) hmuh ngei an inring.

ND&PS ACT THUBUAI 5 :
February thla chhung(www.champhai.net) khan Champhai Excise & Narcotics Dept. te chuan NDPS Act. hnuaiah thubuai 5 an ziak lut.
February thla chhung khan Champhai Excise & Narcotics Dept te chuan Rakzu litre 280.500 leh BEDC litre 213 an man a,(www.champhai.net) Heroin Gram 1.900 leh Ganja Gram  14 an man bawk. ND&PS Act hnauia thubuai 5 an ziah luh zingah hian mipa 4 awmin hmeichhia 1 an awm bawk.

DUNGTLANG AH BADMINTON TOURNAMENT :
Dungtlang Badminton Club Tournament vawi hnihna chu nimin atang khan Dungtlang Badminton Hall ah khelh tan a ni. (www.champhai.net)He tournament hi Lalbiakfela, BDO Khawbung RD Block chuan hawngin thianghlim taka he tournament hi khel turin player kalkhawmte chu a chah a, infiamna hian zuk leh hmuam a haw hle a, infiammite ti thin an awm pawhin ti (www.champhai.net)tawh lo turin a chah a, he tournament ah hian theihtawp chhuaha Champion ngei thei tura khel theuh turin duhsakna a hlan a ni. He Tournament  a telte hi Grade A leh B ah then niin  Zawlsei, Khuangthing leh Vangchhiate pawh an tel a, Grade A ah hian Player 17 awmin Grade B ah hian player 7 an awm a, heng players te hi an intum kual dawn a ni.

Comments