Skip to main content

Champhai - Tualchhung Chanchinthar ni 26.5.2018 (inrinni)

TRACTOR THAR LAWM :
Agriculture Mnister KS Thanga`n Vaphai Community Hall ah WRC Farming Society te Tracktor thar lawmna leh Buhthar lawmna hun a hmanpui.
Vaphai khuaa leilet neitute “WRC Farming Society” te chuan an tractor thar leh buh thar lawmna hun nimin khan Vaphai Community Hall ah an buatsaih. Lawmna inkhawm hi an Vice President Rothangpuia`n  (www.champhai.net) kaihruaiin khuallian KS Thanga chuan Vaphai khuain zau hrang hrang 5 awmna Saikhumphai zawl zau tak an nei chu Vaphai khawtlang tan thlamuanpui tham a nih thu sawiin, Ruahmanna fel tak nen Vaphai lo neitute chu hna thawk uar tur leh thalaite pawh leilung hausakna hai chhuak kawnga tan la turin a fuih a. Naupangte pawh nu leh paten an thawh awm tawk chhungkaw hna thawh tur ruahman sak a, an thawhawm tawk hna an thawh hian taimakna an than lenpui thin niin a sawi. Secretary Ngursawithangan report pe in, leileta siam theih 190 hectares awmin, siam tawh 94.80 hectares a awm bawk a ni. Kum kalta khan buh 1870  qntls. an thar …

Champhai - Tualchhung Chanchinthar ni 8.3.2018 (ningani)

CHAPCHAR KUT LAWMNAAH RAWNG INHNAWIH LEH INTHEH HNAMDANG LOKAL CHUNGAH LAWMLO :
        Nimin khan  YMA Sub-Headquarters CHamphai  Hall, TLangrawt ah Sub-Hqrs. YMA Champhai Executive Comt thutkhawm neih a ni.
He COmmittee hi C. Lalbiakzauva, President SYMA chuan kaihruaiin K. Lalramhluna, SEC chuan Pathian hnenah Committee a hlan a. PC Lalrawnliana, Secy in COmmittee Agenda sawifiahin Chapchar Kut 2018, CHamphai Kahrawt Field a hman zawh tak chungchang report a pe a. Branch YMA hrang hrang, mimal leh pawl hrang hrangten theihtawp an chhuahnaah YMA Sub-Hqrs. Champhai chuan lawmthu a sawi a. Chapchar Kut lawmna a KV Sikul CHamphai zirtirtuten rawng inhnawih leh intheha an rawn kal ve chu  (www.champhai.net) YMA Sub Hqrs. Champhai chuan Hnam inhmusitnaah ngaiin tun hnuah thleng tawh lose, hemi chungchanga KV Sikul zirtirtu hnam dangten ngaihdam an rawn dilna chu sawiho in an ngaihdam dilna hi pawmsak niin, tunhnuah ti tawh lo tura ziaka lehkha pek leh nise, an ti a.
Nimin SEC Meeting ah hian YMA Sub-Hqrs. Champhai COnference Vawi 6 na atan Champhai District chhunga kawngpui te a tlo zawk theih nan YMA SUb-Hqrs. in hma la rawh se, tih te; Luidung nungchate tun aia nasa zawkin humhalh ni rawh se tih te; Champhai -Tahan (Myanmar) inkarah Bus Service turin Sawrkarin hma la rawh se tih te; YMA Sub-Hqrs. Champhai huam chhunga khua leh tui dik tak ni lo, sumdawngte dinhmun hi zirchian a, a tul ang a hmalak ni rawh se tih te; Mizo tawng humhalh a nih (www.champhai.net)  theihna turin Sawrkar lehkha kal velah a tam thei ang bera Mizo tawng hman a nih theih nan YMA In hma la rawh se tih te; PWD Eastern Circle Office hi Champhai ah dah a nih theih nan YMA Sub-Hqrs. Champhai in hma la rawh se tih te; YMA Sub-Hqrs. Office, Champhai a thawk turin Riders cum IV Grade pakhat Central YMA in dah belh rawh se tih te a ni a.
YMA Sub-Headquarters hian in ang tlang leh rualkhai zawkin Thuthmun Branch leh Group inkarah hma la rawh se tih te; RUihhlo dona kawngah tun aia chak zawkin SYMA in hma la rawh se tih te; Birth Certificate lakna senso sang lutuk hi tih hniam a nih theihnan SYMA in hma la rawh se tih te; Mi harsa leh chhumchhiate tanpui nana mi inphalte an luanchhuah theih nan CYMA in ruahmanna siam  (www.champhai.net) rawh se tih te; National Highway No 6 Seling to Champhai Double Lane a laih turah ruahman mek hi Grade tha zawk leh tawo zawka laih a nih theih nan SYMA inhma la rawh se tih te; Mizoram chhungah Hnam bil Welfare din tawh lo ni rawh se tih te chu an pawm a ni.
Kum 2018-2020 chhunga SYMA hruaitu tur atan F. Lalrinmuana, Vengthlang; PC Lalrawnliana, Vengthlang North; V. Lalduhawma, Kanan; R. Lallawmzuala, Vengsang; H. Laltuliana, Zotlang; Lalsanglura Zote, Bethel; RC Rodawla, Zote; Lalrochharliana Varte, ZOtlang; Lalchhanhima Zofa, Dinthar; Lalzahawma Varte, ZOtlang; VL Chama Hnamte, Kahrawt te chhawpchhuah a ni.
Heng bakah hian YMA Sub-Headquarters rorelin a lo pawm tawh angin Fa nei tam inzirtir uar nan SYMA Champhai huam chhunga Fa pasarih chin nei, fa hring kal (www.champhai.net)  lai mek mi 72 te hnenah chawimawina hlan nise, mimal hming tha mi paruk hnenah chawimawina hlan nise, an ti a. YMA SUb-Headquarters sum dinhmun leh kum 2018 Budget tur ruahman lawkte an thlir ho bawk.

PASTOR BORAL :
Champhai Christ Redemption Church (CRC) Pastor C. Lalchhuanawma chu nizan hmasa dar 10:45 khan lungphuchawlin a boral. A ruang hi an chenna in (www.champhai.net)  Aizawl Salem Vengah vui turin phurh thlak a ni.

RII & HAWLA
         Champhai District chhunga Football TOurnament lawmman tam berna Rii & Hawla Inter Village Football TOurnament chu APril ni 3 atangin tan a ni dawn.
Champhai District chhunga Football TOurnament ngaihhlut hlawh ber leh lawmman tamna ber veng leh veng inelna Rii & Hawla Inter Village Football Tournament (www.champhai.net)  a team tel turte chuan March ni 24 ral hmain Entry Fee Rs. 1000 Nancy Fashion Store Champhai Vengthlangah pek tur a ni.

RABUNG ZONE FOOTBALL :
Thawhtanni khan Rabung Zone Football Final, Rabunga khelh chu zawhfel a nia, he TOurnament a senso zawng zawng hi Bialtu MLA TT Zothansanga`na  pe a ni. Ni 27.2.2018 atanga kehlh tan he TOurnament ah hian khaw hrang hrang atangin Team 9 an tel thei a, Closing Function  (www.champhai.net) hi CDFA President C. Hualrikhuma chuan a hmanpui a. Final ah hian Aiduzawl Football Club chuan Rabung Football CLub chu 1-0 a hnehin an Champion.


NEDP STUDY TOUR NEIIN LOKAL :
Nimin khan New Economic Development Policy (NEDP) bultuma I&PR Dept. buatsaih Study TOur nei tura lokal Mizoram Civil Pensioners' Association (MCPA) member te chuan Champhai District chhunga sawrkar hmalakna hrang hrangte leh pipute sulhnu pawimawhte tlawh kualin Study TOur an nei.
MCPA Member te hian Zotlang SPorts Stadium, World Bank sum hmanga Indo Myanmar Road siam mekte, Composite Land Custom Station, Department of Trade (www.champhai.net) and Commerce, Zokhawthara mite pawh an tlawh a. Hemi bakah hian pipute sulhnu pawimawh tak Rih Dil an tlawh bawk. MCPA Member te hi an vaiin mi 13 an ni a, B. Liankaia, Consultant, MCPA in a rawn ho va, I&PR Dept. lam atangin Lalbiakkaia Sailo,  (www.champhai.net) AVPA in Tour Team hi a rawn hruai a ni. Champhai leh a chhehvel an dan kualhnaah hian DIPRO Champhai Dr Lallawmkima`n a tawiawm bawk.

Comments

Popular posts from this blog

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Champhai - Tualchhung Chanchinthar ni 25.5.2018 (zirtawpni)

CHAMPHAI THALAI PAWLTE THUKHAWM :
Nimin chawhnu dar 3 khan Champhai Thalai Pawl ten Kahrawt YMA Hall-ah an thukhawm.
He thukhawmah hian Champhai Thalai Pawl hmalak dan turte ngaihtuahin hun remchang hmasa berah Champhai khawchhung Office hrang hrangte tlawh kuala an harsatna te zawh pahin thawhpuiah sawm nise, hemi pah hian mipuite tana Office hunchhung vawng dik hram hram tura ngen nghal nise an ti a. Champhai-a Political Party hrang hrangte hnenah thuneih sang (Hqrs.) nei tura ngen nise an ti bawk. 
Tin, Champhai Nature Conservancy te hmalakna Project Tlaizawng leh Champhai Zawl humhalh kawngah Champhai Thalai Pawl chuan a thlawpin hlawhtling ngei turin duhsakna a hlan a ni.

MAXI CAB NEITUTE LEH ZOKHAWTHAR INREM :
Champhai leh Zokhawthar Sumo chuan man chungchanga hun rei tak chhung Zokhawthar khawtlang leh Champhai to Zokhawthar Maxi Cab Service pawl pahnihte an inrem theih loh hnuah nimin zing khan inremna an siam fel ta.
Nimin zing khan Zokhawthar YMA Hall-ah Zokhawthar NGO hruaitute l…