Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 13.3.2018 (thawhlehni)

ni 13.3.2018 (thawhlehni) 

IN DEM HMAN AWMLO :
         Mizoram hmun dang rualin nimin khan MZP Hqrs Champhai huaihawtin ‘Ram Humhalh Kawngzawh’ neih a ni.
He ram humhalh kawng zawh hi Lalthanfela MZP Hqrs Champhai General Secretary chuan kaihruaiin Ram chhan kawng zawh MZP in a huaihawt chua Politcal Party ten remchanna lei nan lo hmang lo tura nengin, Pathianin min pek ram hi Pathian tan kan ram kan humhim tlat tur a ti a. Kan ram ri ngei kan venghim zo lo a nih chuan kan tu leh fate lo awm zel tur ten chenna tur tam an nei lovang an ti. Kan ram chhung chhiah kan chawina ngeiah Zofate chawlhbuk sak tur Assam sipai ten dimna nei lova zirlaite an khawih leh silai hial an hmang hi an demawm tak zet a ni a ti bawk.
Pu F Lalrinmuana Sub-Hqrs YMA Champhai Vice President chuan Mizoram hi hmun hrang hrangah min nek chep tu leh kan ram min chuhpuitu kan nei reng a, Assam sarkarin kan ram ngeiah Zofate chawlhbuk sak rem ti lo va, kan zirlai te kut an thlak mai bakah chanchinbumite leh zel pawisa lova kut an thlak hi an demawm tak zet a ni a ti a, Thalai rualten ram humhalh leh ram veina chang kan hria hi a thlamuanthlak a, kan boruak tawn mekah hian in dem hman kan ni lo va, kan hma zawnah theuh kan ram humhim tur hian theihtawp kan chhuah a ngai a, tanrual hi chakna a ni tih a taka kan hman chhuah hun tak a ni a ti bawk. Kan pi leh pu ten lu chhum ban chhum huama an sah zau sa kan ram Pathian min pek hum him hi kan mawhphurhna leh kan ko va tla a nih avangin Assam lakah hian chhete pawhin kan tawlh tur a ni lo a ti a. Zirlaite kan ram min run mektu ruihhlo do hi kan ram leh kan hnam damna tur a ni tih hria a nasa taka do turin a fuih bawk.
         MHIP Sub-Hqrs Champhai President Pi Laldingngheti pawhin thusawiin Mizoram hi Mizote ta a ni a, hei lo ram dang kan nei lo va, Mizoram hian humhum a mamawh a, a tana ding turin min au mek a ni a ti a. Mizo hmeichhia te pawh hian a tul a nih chuan ram leh hnam tan ke pen chhuah kan in huam reng a ni a ti bawk.
          Pu Ramchullova MZP Hqrs Adviser pawhin thusawiin Assam sawrkar hi Mizo te hian kawng engkimah kan ngam vek a, a ngam lo tu mi tlemte avangin kan hnungtawlh a, ram hmangaihtu kan zirlaiten hliam nasa tak an tuar laia tanpuitu tura kan ngaih kan Sipaite hnungkhirh tlat an ni hi hriatthiam a har tak zet a, heti ang thil hi Khawvel hmun danga thil tleng ngai lo a ni a, hotu dawihzep kan neih vang a ni a ti a. Dawhkana chinfel mai a tawk lo va, ram ri-ah kalin kan ching fel tur a ni, Assam ram hi kan nek lova, kan ram chhungah ngei chawlhbuk kan sa a, Kan ram min rawn chuh zawktute hi kan nek ngam ve tur a ni a ti a, Kan thisen chhuak hian kan ram hruaitute hi au eih ngei se ka duh hle a ni a ti bawk.
           Ram humhalh kawng zawh Champhaia neih hi Champhai Vengsang atanga zawh tanin Bethel kawn thleng zawh a ni. MZP Hqrs Champhai chuan Resolution pass-in "Assam Police-te'n zirlaite leh Mizo kut an thlak zawng zawngte zangnadawmna an dawn theih nan Mizoram sawrkarin hma la ngei rawh se" tih te, Mzioram Police-te ramri venghim thei lova an kut phuar hi Mizoram sawrkar hian phelh nghal rawh se" tih te, " MZP Hqrs Champhaite hi a tul anih phawt chuan Bairabi Zophai pan turin kan inpeih reng a ni" tih te "Pi leh pute atanga kan ram neih sa hi ramdangte kutah kan hlan ngai lo vang" tih te leh "Kan ram leh hnam chhan tur chuan kan thih thlengin kan bei ang" tih te lungrual takin an pass a ni.

CANDIDATE THLA THARAH PUANG DAWN :
        Nimin khan PRISM Hqrs chuan Champhai MJA Press Club-ah Press Conference neiin, kumin Mizoram Assembly inthlan an chuh tur chungchang an tarlang.
         He hunah hian PRISM President Pu Vanlalruata chuan Mizoram inthlan lo awm turah political party anga chuh an tum thu leh, seat 40-ah candidate neih an tum tih a sawi a. Candidate hi thla thar ni 10 hian puang chhuakin, August ni 10-ah an dinna bial tur leh Chief Ministerial candidate te puankim tura ruahman a nih thu a sawi.
        Inthlana sorkarna an chang a nih chuan hmasawnna tur kawng hrang hrang an duante a sawilang a. Megawatt 210 pe chhuak thei Tuivai Hydel Project chu hna hmasaa neih an tum a. Insumdawn tawnna kawngah Zokhawthar Border Trade tichangtlungin tuna India leh Myanmar te insumdawntawnna bakah Bangladesh nen, ram pathumte insumdawntawnna Mizoramin a zar a zo theihna turin Tlabung Border trade pawh tihpuitlin an tum thu a sawi a.
        Zokhawthar, Bairabi leh Tlabung khuate chu plan mumal zawkin khawpui duan that vek a ni ang a, hemi tur hian Central sorkarah sum dil chhuah mai tur a awm niin PRISM president chuan a sawi.
Hei bakah Champhai chu Myanmar atang bungraw rawn lut hmang tangkaiin Food processing industry leh tlereuh chherna lamah theihna lian tak neia a hriat thu sawiin, he a theihna tipuitling tur hian tlereuha insumdawntawnna zau zawka hawn an tum a, hei hian hna thar sang chuan a siam beisei a ni, tiin, Champhai chu education leh health lama hmunpui ni tura buatsaih an tum thu a sawi.
Sorkar inrelbawlnaah Champhai leh Khawzawl chu municipal-a inenkawl tura ruahmanin Khawbung chu Civil SDO thuthmun atan an ruahman a. Hnahlan leh Khawhai RD Block hran siam te an tum bawk a ni.
           Pu Vanlalruata chuan buha intodelh turin buh tin 1 thar hnenah lawmman cheng 100 zel pek an tum thu te, sum chang thlai thlan bikah pawh lawmman siam te, ram leh hnam humhalhna atan candidate-ah Zohnahthlak bak neih an tum loh thu te sawiin, Assam enkawl lai- inner line forest laklet bakah Mizoram hrula kawngpui sial kualte chu an hmachhawp zinga dah a nih thute a tarlang bawk a ni.
          He hunah hian PRISM Champhai District Hqrs hruaitute chuan Press mite zawhna chhangin Kanan veng leimin khuhna hnathawh chungchanga eirukna awm ngei nia an hriat, Anti Corruption Bureau ten an chhui mek pawh an sawilang a. ACB te hian a chhui hna hi an zofel thawkhat tawh a, criminal charge sheet pawh peihfel thuai tum a nih thu an sawi tel bawk a ni.

NUAI 10 IN RAL :
          Nimin chawhnu khan DC Conference Hall, Keifangtlang, Champhaiah Election Duty laia vanduaina tawka boralte hnenah Election Commission of India (ECI) in ralna sum, ex-gratia compensation a pek thin chu District Election Officer (DEO) leh DC charge la mektu ni bawk Pi Lalsangpuii Hmar chuan vanduaina tawk IR Police pahnih chhungte hnenah cheng nuai sawm ve ve a hlan a ni.
           Pi Lalsangpuii Hmar, District Election Officer (DEO) chuan vanduaina tawk chhungte chu thinlung leh tik tak zeta a tuarpui thu a sawi a. Ram leh hnam tana mawhphurhna hlenna tura an inpekna chu fakawm a tih thu a sawi a. Sawrkar pawhin ram tana an inpekna hlu tak a hriatpuia , an mahni ralna sum pawh a hlan a ni, a ti a. Vanduaina tawka boral police chhungte chu an kalzelna turah duhsakna a hlan a ni.
            Duty laia boralte hi 2nd IR Battalion, Khawzawla mi Constable C. Lalnghakliana S/o Pi Lalthangbiki, Champhai Bethel Veng leh Hav. Bikram Chorai H/o Pi Neitianli, Khawzawlte an ni a. Constable C.Lalnghakliana hi Punjab leh Uttar Pradesh inthlanpuia a duty haw lam chu February ni 21, 2017 khan Basti Railway Station, Uttar Pradesh atanga chinchang chhui zui tur awmloin a bo a. Hav. Bikram Chorai pawh Manipur inthlanpuia a duty chu damlohna avangin February ni 25, 2017 khan a inenkawlna hmun Guwahati-ah a boral a ni.
He hunah hian Pi PC Liansiampuii, MPS, Assistant Commandant, 2nd IR Battalion Khawzawl hnen atangin vanduaina thlen dan kimchang report ngaihthlak a ni. Ralna programme-ah hian Champhai District chhunga ERO leh AERO, chanchinbumite leh vanduaina tawka boral chhungte an tel a ni.

GROUP B & C TAN :
           Group B leh C-te tan training buatsaih Sawrkar laipui Department of Personnel & Training leh Administrative Training Institute (ATI) Mizoram tang kawpin Champhai District chhunga sawrkar hnathawk Group B leh C te tana “Induction Training Programme” an buatsaih chu nimin khan I&PR Conference Hall, CHANEM Building-ah Champhai Bawrhsap charge la mektu Pi Lalsangpuii Hmar, Addl. DC chuan a hawng. Pi Lalsangpuii Hmar chuan sawrkar hnathawh chu thiam tawh intih theih a ni lova, nitinin thil zirtur kan neih belh zel avangin intuaithar reng a ngaih thu a sawi a, Training chhimtute chu training ngaipawimawha an tih turte bahlah lova hlenchhuak turin a chah a Training chhung hian ATI Aizawl lam atanga mithiamte leh District chhunga sawrkar department hrang hrang atangte in topic thlan bikah mithiamte hnen atangin zirtirna ngaihthlak a ni dawn bawk a ni.

LUNGAWI LOHNA LANTIR DAWN :
            Nizana MJA Champhai District Office Bearers meeting chuan, Zophai-a Assam Police leh Mizo Zirlai Pawl inep chanchin ngaihvena kal, Mizo chanchinbumi zinga 8 te’n Assam Police kut an tawrh chungchangah leh Mizoram Journalists’ Association (MJA)  General Body Meeting thuchhuak angin, Mizoram Journalist te chunga Assam Police te chet dan duh lohna lantir nan MJA Champhai District  chuan vawiin chhun dar 12:00 atanga dar 1:00 thleng Upa Darthangvunga Point-ah Sitting Demonstration neih tur a ni a, hetah hian MJA Champhai member zawng zawng kim taka tel vek tura beisei leh hriattir kan ni a,  damlohna leh thihna chhuanlam tling ngei ngei harsatna kan nei kan nih loh chuan, he huna kal lote chu an chungchang ngaihtuahin a tul anga action lak tur a ni ang.

MISS MIZORAM LO THLENG :
             Nimin khan Miss Mizoram 2018 T.Ramthanmawii hmuahna Champhaiah neih a ni.
              Miss Mizoram 2018 T Ramthanmawii hmuahna hi NGO Coordination Committee Champhai huaihawta neih a ni a, he hun hi Pu F Lalrinmuana, SYMA Champhai Vice President chuan kaihhruaiin Pu PC Lalrawnliana hnen atangin report ngaihthlak a ni bawk. He hunah hian Champhaia NGO hrang hrangten T Ramthanmawii hi lawmpuina a thilpek an pe a, Thanthani hi Miss Mizoram 2017 Rody Vanlalhriatpuii'n a rawn tawiawm bawk a ni.
            T Ramthanmawii hi nizan khan Champhaiah riakin vawiin hian North Khawbung khawtlang chuan ruai nen Ropui takin an lo hmuak dawn bawk a ni.

CHHURA MEIPUI :
            Zanin dar 7:00 hian Chhura Hmun Welfare Committee-in an huam chhung tihenna atana an siam Chhura Meipui (Mini High Mast) an siam chu an hawng dawn a, he hunah hian Pu J.Kapkima, EE, PHED chu khuallian niin Pu C.Lalhnunpuia, President, MJA, Champhai District chu khual zahawm a ni ang a, Rev. Father Clement Amo-a’n High Mast hlanna a nei ang.

Comments

Popular posts from this blog

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…