Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Champhai - Tualchhung Chanchinthar ni 10.4.2018 (thawhlehni)

DISTRICT THAR SIAM TURIN NGEN :
Khawzawl mipuite chuan kum 2008 a Mizoram Sawrkarin Khawzawl District thar, Notification siama a lo puan tawh chu Election Code of Conduct puan hma ngeia hmalakna kalpui turin Mizoram Sawrkar an ngen nawn leh.
Khawzawl District Implementation Demand Comt. leh Khawzawl Joint Village COuncil bultumin nimin zing khan Khawzawl Dinthar Bazarah  chhungkaw tin aiawh mi 3000 chuang kalkhawm te chuan District a function thuai theih nan hmalak dan tur an rel.
Khawzawl mipui pungkhawmte hian Resolution pali an pass :
1. Kum 2018 Mizoram Legislative Assembly General Election Conduct Rule hman a nih hma ngeiin Mizoram sorkarin Khawzawl District hi function rawh se.
2. Mizoram sawrkarin Khawzawl District hi a function a nih chuan, Congress party chauhin Tuichang Constituency-ah candidate siam se, party dang chuan siam lo rawh se.
3. Mizoram hmun danga District thar function a nih a, Khawzawl a telloh chuan Tuichang Constituency-ah Congress party candidate siam suh se.
4. Khawzawl hlamchhiaha District thar siam a nih chuan Volunteer ten a tul angin hma an la ang.

KHAWBUNGAH SENTUT CHI 2 :
Nimin khan Khawbungah Sentut chi hnih te laka invenna MR Vaccine naupang zawng zawngin a hun dik taka an dawn theihna turin Khawbung School Zirtirtu zawng zawngte hnenah MR Vaccine chungchang zirtirna pek an ni. Lalzova Chhangte Khawbung PHC chuan MR Vaccine pek dan te sawiin, a hun bi diktaka pek an nih chuan sentut natna hi a umbo theih thu a sawi a. TB leh natna benvawn veite erawh pek loh tur an nih thusawiin, zirtirtute chu nasa zawka thawhpui atan a sawm bawk.
Zirtirtu kal khawmte hian Zirlai naupang bakah nu leh pate hnena MR Vaccine chungchang hrilhfiah turin ruahmanna an siam nghal a. Govt. Khawbung High School te chuan vawiinah zirtirna hun hi hman turin an rel a. Elementary School te chuan tunkar nilaini (april 11) ah zirlai nu leh pa te an ko khawm thung ang.

TUI REN TUR :
PHED chuan karleh (16-21.4.2018) chhung hian TUipuia tuikhuah leh khawchhunga Tanky zawng zawngte an tihfai dawn avangin tui an sem thei dawn lo a, mipuiten lo hrethiam turin an ngen a, tunkara tui dawn ang angte renchem tak hmang turin min ngen a  ni.

RUAHTUI TLAK DAN :
March thla chhung khan Champhai in ruahtui 78.2mm a dawng a, kumin chhunga ruahtui a dawn hnem ber thla  ani. Kum 9 kalta chhungin March thla chhung bikah 2010 kha Champhaia ruahtui tlak tam ber tum niin 148.2mm a tla a, kum 2013 khan 2.45mm tlain ruahtui tlak tlem ber tum a ni. Kuminah hian Champhai inruahtui 88.1 mm a dawng tawh a ni.

LUIDUNG HUMHALH :
Nimin khan Sub-Hqrs. YMA Champhai Science & Environment Committee chu an Chairman Lalzahawma Varte kaihhruaina in neih a ni a, meeting ah hian TUipui leh TUichang luia sangha humhalh mek chu Science & Environment Comt chuan theihtawp chhuaha humhalh zuia sangha note chhuah bakah department lamah a theih ang anga hmalakpui nise an ti a, hei bakah humhalh a ni tih lantir nan banner leh signboard tar nise an ti bawk.

RII & HAWLA :
Champhai Football Tournament lian ber Rii & Hawla Inter Village Football TOurnament chu Chhangphut Field ah khel chhunzawm niin nimin inkhel result :
Ruantlang United 3-3 Bulfekzawl (Tie Break ah 4-2 in Ruantlang an chak)
Tlangsam 2-1 Vengsang
Kanan I 3-2 New Champhai
Vawiin chawhma dar 10 ah hian inkhel tan leh tur a ni a, inkhel turte chu :
Zotlang I (10:00) Vengthar
Vengthlang North (12:00) Dilkawn
Hnahlan (2:00) Ruantlang
Quarterfinal atangin League a khelh tur a ni a, Group A leh B a a sang pahnih ve ve ten Semifinal an khel ang. Quarterfinal a Group then dan chu 
Group A : Zotlang I, Vengthar, Vengthlang North, Dilkawn
Group B : Hnahlan, Ruantlang, Tlangsam, Kanan I

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…