Skip to main content

RUIHHLO NGAITE ENKAWL CHUNGCHANG NGAIHTUAH

RUIHHLO NGAITE ENKAWL CHUNGCHANG NGAIHTUAH : Nimin khan Champhai DC Conference Hall-ah ruihhlo ngaiten a bik taka enkawltu tha an neih theihna tura Doctor neih a tul thu leh De-Addiction Centre hmunhmate tihchangtlun dan tur thlirin thutkhawm a ni a. He inrawnkhawmna hun hi District Bawrhsap Dr. Naveen Aggarwal chuan kaihruaiin, Champhai District-a Tlawmngai pawl hruaitute leh MJA Member-te an tel a ni. Bawrhsap chuanChamphai chu ruihhlo  kawngkapui a awm a nih avangin thalai zingah ruihhlo ngai tam tak an awm tih sawiin, heng miten nunphung pangngai an zawh theihna tura enkawlna leh chhawmdawlna tha an dawn theih nan, hetiang lama enkawltu thiam bik Doctor neih a pawimawh thu a sawi a. Ruihhlo ngaite enkawlna hmunhma tihchangtlun a tul thu a sawi bawk a. Hetiang nei thei tur hian District thuneitute leh khawtlang mipui te inlungrual taka tanrual a ngai tih a sawi a. Ruihhlo leh akaihhnawih ngawl veina chuan mi pakhat chauh nilo vin, chhungkua, khawtlang leh ram kawngah thawhho a ngai…

Champhai - Tualchhung Chanchinthar ni 11.4.2018 (nilaini)

CHAMPHAI THALAI PAWL TE THUKHAWM :
Ni 10.4.2018 (Thawhlehni) tlai dar 3:30 khan Champhai Ṭhalai Pawl te chu thukhawmin a hmalak zel dan tur an ngaihtuah a.(www.champhai.net) Kumin hi CTP inthlan kum a nih avangin hmalakna hranpa neih hrih loh a inthlanna neih phawt nise an ti a. Vice President leh Treasurer an boral avanga OB post pahnih ruak pawh a hranpa a midang ruat loin inthlan hun hi sawn hma mai nise. Inthlan hun (www.champhai.net)atan hian ni 30.4.2018 (Thawhtanni) Chawhnu dar 1:30 ah Vengthlang YMA Runah neih nise an ti a.
Tin, ni 19.4.2018 (Zirtawpni) zan dar 7:00 hian Vice President boral C. Vanlalnghaka ral nise an ti bawk. 
Inthlan hunah hian Champhai Ṭhalai Champhai hmangaih tawh phawt chu kal vek tura sawm kan ni e. 

PS LEH MS HDM LEH SMC CHAIRMAN TAN TRAINING :
Champhai Block huam chhunga Primary (www.champhai.net)School leh Middle School Headmmaster leh SMC Chairman te tan nimin atang khan ni hnih awh tur training neih a ni.
Training hi Kahrawt VC Hal ah neih a ni a, K. Lalsiamliani, DPC SSA chuan a kaihhruai a, training hi Block danga neih tawhah ngaih (www.champhai.net)pawimawh a hlawhin CHamphai Block ah pawh kohte tha taka an tel thei chu lawmawm a tih thu a sawi a. Hlawkthlak taka hmang turin kalkhawmte chu a chah a ni. He hunah hian resource Person C. Lalbiakzauva SDEO Champhai chuan Headmaster te mawhphurhna chungchangah zirtirna  pe a, School kalphung leh inrelbawlna tam zawk chu Headmaster kutah a innghat a. headmaster te chu an mawhphurhna hrechiang tura chahin zirtirtu leh zirlaite kaihhruai kawngah theihtawp chhuah turin a fuih a. Headmaster an nih anga an tih tur leh tih lo tur hrang hrangte a sawi a. hei bakah hian zirtirtute awmdan leh tih tur hrang hrangte a tarlang tel bawk. Chawhnu lamah Service book, ARC, Property Return, Leave leh a dang buaipui danah zirtirna ape a. C. Lalthanzira, SDEO, Khawzawl chuan English Medium leh Mizo Medium inthlauhna : Sawrkar School ten Private School elpha tura an tih tur hrang hrangte tih thupui hmangin zirtirna a pe a. Sawihona hun hman a ni. Training hi vawiin hian chhunzawm leh a ni dawn a, resource person C. Lalthanzira, Vanlalthafamkima, Vanlalthlana leh Vanrokima ten thupui hrang hrang hmangin zirtirna an pe leh dawn a ni.

RII & HAWLA :
Champhai District chhunga Football TOurnament ngaihhlut ber leh lawmman tam berna Rii & Hawla Inter Village Football (www.champhai.net)TOurnamnet chu vawiin atang hian Quarterfinal khelh tan ani dawn a. Tarlan tawh angin Quarterfinal lut Team 8 te hi Group 2 ah then niin Group khata mite hi an inkhelh kual vek hnuah point hmusang pahnih ten Semifinal an lut dawn a ni. Vawiin hian Match 3 khelh a ni ang a, inkhel hmasa ber dar 10 ah Zotlang I leh Vengthar an inkhel ang a, Dar 12 ah Vengthlang North leh Dilkawn inkhel in a hnuhnung ber Dar 2 ah Hnahlan leh Ruantlang an inkhel bawk dawn a ni.

NUTLING SUMO DRIVER IN SAWISA :
Ni 10.4.2018 (Thawhlehni) thim hlim vel khan Zokhawthar - Aizawl Sumo Service Caroline Driver Lalthianghlima s/o Lalpekthanga,(www.champhai.net) Buang khua chuan thu inbahsual avangin nu fa pahnih nei tawh Lalduhawmi w/o Vanlalruata (fam), Zokhawthar kut thlakin nikhaw hrelo in a awm.
Lalthianghlima hian Caroline motor pakhat zawk khalhin Caroline hian Sumo pahnih neiin Zokhawthar - Aizawl an Service tir mek a ni.
Lalduhawmi hian a pasal Ni hawnna turin Caroline Sumo pakhat zawka seat no 3 ticket an la a. Tichuan Zokhawthar Counter a lo ding Caroline Sumo Lalthianghlima khalh zawk chu a chuanna tur emaw tiin a bungrua te chu alo load a. Lalthianghlima chuan Caroline Sumo hei chiah hi a awm loh thu lo sawiin, thu an in bat sual ta a. Lalthianghlima chuan a bekah leh a hmuiah hnekin a hnek tlu a.(www.champhai.net) A hnek tluk hnu hian a chhir zui nghak a. Lalduhawmi hi lungphuthalo nei anih avangin nikhaw hre loin a awmzui ta a ni. Engemaw chen nikhaw hrelo a a awm hnuin nizan dar 10 bawr vel khan a rawn harchhuak hram a ni.
A bul hnaia mite chuan lo chhanin Lalthianghlima chu man betin kut an thak a, hetihlai hian Police te lo thlengin Lalthianghlima hi Thana ah an la ta a ni.
Mipui pungkhawm lungawi theilo(www.champhai.net) chuan Lalthianghlima hmuh tumin Thana ah an pungkhawm a. Khawtlang hruaitute remruatnain mi panga te te in entir niin zanin dar 10 khan mipuite hi an tin tir thei hram a ni.
Lalthianghlima hi vawiinah Zokhawthar atangin Champhai ah rawn phurh phei niin District Jail ah dah luh nghal a ni.

Comments