Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Champhai - Tualchhung Chanchinthar ni 12.4.2018 (ningani)

PAWNGSUAL A AWMIN NGAIHDAM THEIH A NI LO :
Nihnih awh tur Champhai Sub-Hqrs. MHIP Conference vawi 15-na chu nimin atang khan Parish Hall, Chhura Hmun, Bethel vengah hman tan a nia, T. Lalthangpuii, Secretary MHIP General Hqrs. chuan khuallian niin a hmanpui.
Champhai Sub-Hqrs. MHIP Conference Vawi 15-na hi Bethel Branch MHIP chuan thlengin Parish Hall ah neih a ni a, he hun hi Laldinngheti, President SMHIP Champhai in kaihruaiin khuallian T. Lalthangpuii, General Secretary MHIP Hqrs. chuan thusawiin Mizoram chhung leh pawnah MHIP Branch 746 awm mekin Sub-Hqrs. 7, Block 23 leh Joint 21 an awm mek thu sawiin Mizoram pawnah Shillong leh Silchar ah Branch neiin Churachanpur ah Branch nei turin ruahmanna kalpui mek a nih thu a sawi a ni. An memberpui pawngsual an awmin ngaihdam theih(www.champhai.net) a ni loh thusawiin Lal Isua pawh khan sual a ngaidam lova sual simte chauh a ngaidam thin a ni a ti a, inngaidam an lo awm a nih pawhin MHIP te hian thilsual titute leh a tuartute an inremnaah kut kan thlak ve tur a ni lo a ti bawk.
Thawhhona tha nei tur chuan inlungrualna neih a ngai a, mi ngiau ngerte hi thawhpui an hahthlakin pawl thawhhona an tih chhiat theih avangin pawl tan hnawksak an ni thin a. MHIP te hi inlungrual taka kan awm theihna turin hruaitute thuawih taka kan awm a, midang thawhpui theih tura kan awm a ngai a ni a ti a. Chhungkua a nu ber leh hmeichhiate hian inchei kan uar lutuk chuan mahni lehmahni mite nuihzat turin kan insiam tihna a ni a, kan thawhchhuah phu lova kan inchei chuan chhunkuain a tuar thin avangin chhungkaw enkawltu(www.champhai.net) ber leh a tla bal vengtute hian a awm tawk kan hriat a ngai hle a ni a ti bawk. Khuallian chuan kan fate suala tluin kawng dik atangin peng bo foin siam that theih loh hialin kan chungkua tla bal mahse, kan chhungkua a dam theihna tur leh kan ram a dam theina turin engkim tih thei Pathian tih takzet a kan auh a ngai a ni a ti bawk.
MHIP hi NGO dangte nen inpawh takin ram rawngbawlna kan thawk ho thin a ni a ti a, MHIP te hi ram leh hnam(www.champhai.net) tan theihtawp chhuahin kan che chhuak ve thin a. Hmeichhiate hian ram leh hnam tan tih theih kan nei ve a ni tih kan hriat a, kan tih theih ve chinah chuan kan tlan chhe thiang lo a ni ti bawk.
He hunah hian Lalhlimpuii Khiangte, Fin.Secy SMHIP Champhai hnen atangin thupui 'Kan ram leh hnam damna leh hmasawnna tura Hmeichhiate mawhphurhna' tih ngaihthlak a ni bawk. Mizoram chhunga MHIP Branch (www.champhai.net)anga thisen pe thei awmchhun New CHamphai Branch hnenah leh nupui/pasal ramtuileilo kum 10 enkawltute hnenah chawimawina hlan a ni. Lengkhawm zai intihsiakna neih a ni bawk. Champhai Sub-Hqrs. MHIP Conference hian ningani zan thleng a awm ang.
Chawhnu lamah rorel (www.champhai.net)inkhawm President Laldinngheti kaihhruainain neih niin Agenda 28 a lut a. Champhai SMHIP Conference Vawi 15 na hi General Hqrs. atangin khuallian bakah K. Lalchhuanmawii, Executive Member in a telpui bawk a ni.

SAZEP YMA IN PLATINUM JUBILEE LAWM :
Sazep Branch YMA te chuan an kum 75na Platinum Jubilee lawmna leh Sazep khaw haw runpui chu nizan hmasa atang (www.champhai.net)khan an hmang tan.
Sazep Branch YMA hi kum 1935 khan din a ni a, kumin hi a kum 75na niin ropui taka lawm mek a ni. Nizan hmasa khan khaw hrang hrang atanga Sazep pana haw te lawmna leh Jubilee intihsiakna Vantlang(www.champhai.net) inkhawm chu C. Laltlanthanga, Vice President, Branch YMA kaihhruainain Sazep Community Hall ah neih a ni a, he hunah hian James Lallawmzuala, Adviser chuan thusawiin hun rei tak chhung Sazep lo chhuahsan tawh ten an khaw Platinum Jubilee leh haw runpui hmang tura sum leh tha senga Sazep an pan khawm chu lawmawm a tih thu a sawi a. Jubilee lawmna neih a nih chhung a hlim taka hun hmang turin duhsakna a hlan a ni.
He hunah hian Jubilee Band te hnen atangin Live Band  ngaihthlak a ni a, YMA Section inthen angin Vanapa (www.champhai.net)leh Taitesena Section te chuan mal zai leh chheihlam te hmangin intihsiakna an nei a, hun hlimawm tak an hmang a ni.
Nimin khan pawnlam infiamna C. Kawlherliana kaihhruainain neih chhunzawm a ni a, Sazep Playground ah hun hman niin, hnamlam chi hrang hrang, Primary leh Middle School te chuan an entir bakah Section pahnih te chuan Football leh Volleyball hmangin intihsiakna an neih bakah Mizopa infiamna chi hrang hrang hmangin intihsiakna an nei a, he pawnlam infiamna hun na hman hi khaw mipui te chuan an hlut hle a ni. Nizan khan Sazep Community Hall ah C. Lalpekthanga, Asst. Secy kaihhruainain Zozan Vantlang Inkhawm hunhman chhunzawm a ni a, (www.champhai.net)Sazep Welfare, AIzawl leh B. Sawinghinglova, Ex-OB te hnen atangin thusawi ngaihthlak a ni a, Vanapa  leh Taitesena Section te chuan Costume Parade an entir a, Lalkrosmawia leh Jubilee Choir te hnen atangin zai ngaihthlak a ni bawk.
Vawiin hian Sazep Platinum Jubilee ni tak niin T. Sangkunga, Bialtu MLA chuan Jubilee lungphun a hawng dawn a ni.

CHHANCHHUAHNA CENTRE :
Vawiin chawhma dar 11 hian Bulfekzawl rama Krista Thuhriltu Team in ruihhlo ngaite enkawlna hmun atana an (www.champhai.net)buatsaih Chhanchhuahna Centre chu hawn a ni dawn. He hunah hian Centre sakna atana tanpuina petute leh rawngbawlna hlutpuitute zawng zawng tel tura sawm an ni e.

RII & HAWLA : 
Champhai District chhunga Football TOurnament ngaihhlut ber leh lawmman tam beran Rii & hawla Inter Village Football Tournament 2018 Quarterfianl chu nimin atang khan Chhangphut Field ah khelh tan a ni a, (www.champhai.net)match hmasa berah Champion lai Zotlang I leh Vengthar inkhelin Zotlang I hian 3-1 in hnehna an chang a, Inkhel vawi 2 naah Vengthlang North leh Dilkawn inkhelin Goal 2 ve ve inpein an inhneh tawk a.Inkhel hnuhnung berah Hnahlan leh Ruantlang inkhelin Hnahlan in si 5 faiin hnehna an chang ve bawk.
Tarlan tawh angin Quarterfianl hi League System a khelh tur ani avangin a chak lo zawk hi an tla nghal dawn lova, Group (www.champhai.net) pahnih a mi te inkhel kual vekin point hmu sang pahnihten Semi Final an lut dawn ani.
Vawiin hian inkhel chhunzawm leh a ni ang a. Inkhel hma ber ah Tlangsam (10:00) Kanan; Dilkawn (12:00) Vengthar; Zotlang I (2:00) Vengthlang North te an inkhel bawk ang.

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…